هو ينفع ارفع قضيه ضد شركة مياه القاهره

[أحمد سالم]

السلام عليكم
عندنا مشكله طول الصيف مع المياه لازم تقطع يوميا
المهم بعت شكوى لرئاسة مجلس الوزراء
بعد لما اتصلت مرات كثيره جدا برقم 125 دون جدوى طبعا بعمل كل مره شكوى وباخد رقمها
بعدين كلمت غرفة عمليات محافظة القاهره جبت رقمهم من السايت بتاعهم الصراحه اهتمو والميه جت ساعتها
بعدين انقطعت مرات كثير ثانى وانا كل مره احاول
اتصلت بجريدة المصرى اليوم و اليوم السابع
اليوم السابع اهتمو ووجهو نداء لمحافظ القاههرة
الميه اتظبطط يومين وبعدها رجعت تقطع تانى
كلمت رقم 139 بتاع شكاوى جريدة الجمهوريه
وبرده المشكله موجوده مع العلم انى ساكن فى الدور الثالث وعندى موتور 1 حصان
وكل مره يقولو لنا قال الخزانات بتتملى وقال مش عارف ايه ونص ساعه يابيه والميه هترجع ولاكن كله كذب
هل ممكن الواحد يروح القسم ويعمل محضر بأن المياه على طول بتقطع
علشان ماندفعش فواتير المياه بدون الحصول على الخدمه
هل ده ممكن وهل القسم هيرضى يعمل محضر بكده ويبعت حد يعاين
ارجو من اخوننا المحاميين المساعده فى هذا الامر

[Rembrandt]

بلنسبة للتقاضى هو حق دستورى يكفلة الدستور لجميع الجهات,والتقاضى حق مصون ومكفول للناس كافة ولكل مواطن حق الالتجاء الى القضاء ورفع دعوى قضائية حتى ضد رئيس الجمهورية مش شركة مياة القاهرة,,,لكن أبقى قابلنى لو حد عبرك ومش بعيد كمان يطلعوك أرهابى وأنت اللى مبوظ شبكة الصرف فى ساحل العاج

[husseinodeba]

بلنسبة للتقاضى هو حق دستورى يكفلة الدستور لجميع الجهات,والتقاضى حق مصون ومكفول للناس كافة ولكل مواطن حق الالتجاء الى القضاء ورفع دعوى قضائية حتى ضد رئيس الجمهورية مش شركة مياة القاهرة,,,لكن أبقى قابلنى لو حد عبرك ومش بعيد كمان يطلعوك أرهابى وأنت اللى مبوظ شبكة الصرف فى ساحل العاج

شفت الرد اللى يحبط
اسمع بقى منى
انا القريه اللى اهلى عايشين فيها بتقطع فيها الميه مرتين فيها مرتين فى اليوم ده غير ان الميه غير صالحه للشرب
تخيل انك تجى تعمل كبايه شاى تطلع كاكاو يعنى لاتعرف تشرب ميه ولا شاى
بس بصراحه احيانا الميه ينفع تعمل منها شاى بس مش عارف لو شربتها من غير ماتغليها ممكن يحصلك ايه

اما بقه المدينه اللى انا عايش فيها ودى مدينه سياحيه الميه مش بتقطع فيها مرتين فى اليوم لا لا لا
الميه بتيجى فى بعض الاماكن مرتين فى اليوم وفى باقى الاماكن مرتين فى ..فى الاسبوع

ايه رأيك بقه
على العموم الحل موجود بس احنا مش شايفينوه
مع كل احترامى وتقديرى

[Ahmed Samy]

ترفع قضيه على شركة الميه ؟؟؟

وفر فلوسك يا صاحبي

لو مفيش حل ...

هاجر

[SeiffoZ]

إرفع قضية و إنشر فى الجرائد و على صوتك و إتكلم ...

ماتبقاش سلبى و ضعيف و خواف ....

ليك حق دافع عنه ولو برقبتك ...

لو خايف بقى خلاص خلى الميه تتقطع عنك و إفضل كده ...

طريق الألف ميل بيبدأ بخطوة ...

إرفع قضية عند محامى كويس و يفضل إنك تعرفه شخصيا ... عشان يساعدك بضمير ...

حقك خده ....

و خلينى أفكرك .. العيار إللى مايصبش ... يدوش ....

[medo55]

إرفع قضية و إنشر فى الجرائد و على صوتك و إتكلم ...

ماتبقاش سلبى و ضعيف و خواف ....

ليك حق دافع عنه ولو برقبتك ...

لو خايف بقى خلاص خلى الميه تتقطع عنك و إفضل كده ...

طريق الألف ميل بيبدأ بخطوة ...

إرفع قضية عند محامى كويس و يفضل إنك تعرفه شخصيا ... عشان يساعدك بضمير ...

حقك خده ....

و خلينى أفكرك .. العيار إللى مايصبش ... يدوش ....

دا نفس رايي برضو

واتمنى الكل يتخذ نفس الاجراء دا والشعب كله يرفع قواضي على الجهات الحكوميه خلينا نخلص من الفساد الي حوالينا دا

[نور القمر]

شوف جيرانك واتفقوا وارفعوا قضية سوا
صحيح الامل ضعف بس على الاقل تبقه عملت كل اللي تقدر عليه
وممكن تلاقي من جيرانك المتضررين محامين

[pro_samir]

احنا كنا رافعين قضية على جهة حكومية وكسبناها الحمد لله

أينعم جدى اللى كان رافعها من 25 سنة والورثة اللى كسبو بس عادى بقى

[tabeb]

وسيلة اسرع جرب تكلم برامج التوك شو_ابعت للعاشرة مساء و90 دقيقة ولمحمود سعد_وياريت تبقي الشكاوي كتير يعني كل واحد من الجيران يبعت واديها شكاوي وحسبي الله ونعم الوكيل في اي مسئول لا يراعي الله في عمله

[maka]

هو حضرتك معاك عقد يلزم الشركة بتوصيل المياه بشكل طبيعى فى ال 24 ساعة الا فى حالات الصيانة ؟؟؟؟

طبعا لا ...........فاشترى دماغك ووفر فلوسك هات بيها موتور وتنك استنلس

وربنا يكون فى عونك

[nasr-eldeen]

هو ممكن ترفع الدعوى بالفعل بس
لازم تثبت كثرة إنقطاع المياه وده ممكن بعمل محاضر إثبات حالة عن طريق قسم الشرطة التابع ليه ( وإن كنت أشك أن ممكن يتعملك أكثر من محضر في مثل هذه الحالة ).
ولازم تثبت إن إنقطاع المياه ليس بسبب الضرورة أو الإصلاحات سواء في الشبكات أو في صيانة الخزانات ( دي بصراحة مش عارف هتثبتها إزاي )
بس الدعاوى دي بطول جداً ويبقى سنتنا بيضاء لو دخلت القضية مكتب الخبراء علشان يتأكدوا من عدم وجود صيانات أو ما شابه في منطقتك ومعاك ومعنا ربنا .

هو حضرتك معاك عقد يلزم الشركة بتوصيل المياه بشكل طبيعى فى ال 24 ساعة الا فى حالات الصيانة
؟؟؟؟

طبعا لا ...........فاشترى دماغك ووفر فلوسك هات بيها موتور وتنك استنلس

وربنا يكون فى عونك

*111111111111111111111

وجود مقايسة التركيب ووجود العداد والإلتزام بدفع فواتير المياه يعتبر إتفاق بدفع مبالغ معينة ومحددة عن طريق العداد ( الإستهلاك ) في مقابل توصيل المرفق للعقار .

سؤال لمعاليك هو التانك الإستنلس ده ليه ؟؟

ممكن أجاوب

علشان تخزين الماء بدون أن يصدأ الخزان ، لإن الإستنلس معدن غير قابل للصدأ .

طب إذا كانت الحكومة بتوفر علينا الموضوع ده كله والمياه بتجلنا محملة بالصدأ والطحالب والمعادن وأحياناً بالأكياس البلاستيك .
أنا بغير الفلتر وفي خلال إسبوع الشمعة الأولى اللي بتكون ناصعة البياض بيتحول لونها إلى اللون البني المائل للسواد .
وربنا يعافينا جميعاً مما ابتولينا به .

[maka]

[SIZE=4]ه
أنا بغير الفلتر وفي خلال إسبوع الشمعة الأولى اللي بتكون ناصعة البياض بيتحول لونها إلى اللون البني المائل للسواد .
وربنا يعافينا جميعاً مما ابتولينا به .

+11111111111111

انا عندى كتالوج الفلتر بيقول الخرطوشة تتغير كل 6 اشهر ( عمر افتراضى ) لكن بتكمل شهرين بالعافية و بالسلامة


ومرحبا بك فى مصر ونيل مصر

[الطنطاوي]

للأسف العقد اللي بينك وبينهم عقد إزعان ومش هاتعرف تأخد حاجة لو رفعت قضية

يا أخي لو حصل في أي دولة من دول العالم الغبي مش المتحضر تسمم لقرية كاملة زي اللي حصل في قرية البرادعة كان بيروح فيها الحكومة والناس بتأخد تعويضات

لكن في بلدنا الشكلة دائمًا وأبدًا في المواطن

[أحمد سالم]

[quote] relentless_mayhem
عضو برونزي


إرفع قضية و إنشر فى الجرائد و على صوتك و إتكلم ...

ماتبقاش سلبى و ضعيف و خواف ....

ليك حق دافع عنه ولو برقبتك ...

لو خايف بقى خلاص خلى الميه تتقطع عنك و إفضل كده ...

طريق الألف ميل بيبدأ بخطوة ...

إرفع قضية عند محامى كويس و يفضل إنك تعرفه شخصيا ... عشان يساعدك بضمير ...

حقك خده ....

و خلينى أفكرك .. العيار إللى مايصبش ... يدوش ....


[/quote]هو ده الكلام الصح اللى لازم كلنا نعمله لمواجهة مشاكلنا
انا اولا كلمت رئاسة مجلس الوزراء قالولى ابعت لنا فاكس بالموضوع
انا هبعت الفاكس دلوقتى واشوف ايه اللى هيحصل
ثانيا كل يوم لما الميه بتقطع بكلم جريدة الجمهوريه على رقم 139 وببلغهم
اما بقى موضوع برامج التوك شو فدول محدش بيرد على الشكاوى نهائى الا لما بيلاقو مواضيع هتحقق لهم هم مصالح وتجيب لهم مشاهدين واعلانات
اما المشاكل الحقيقيه فمحدش بيهتم بيها