حد جرب نظام ماكنتوش؟

[tabeb]

اغلبنا بنستخدم نظام الويندوز علي اجهزتنا
في لفترة الاخيرة سمعت من كذا واحد عن نظام ماكنتوش من شركة apple
الشركة دي اللي صنعت جهاز ال iphone الشهير
يا تري حد من اعضاء نايل موتورز جرب ال mac علي جهازه؟
بصراحة دخلت علي موقع apple وشفت شوية فيديوهات للmac وابهرني بصراحة خصوصا في الجرافيكس بتاعته
وده موقعهم
Apple - Mac
يا ريت لو حد جرب النظام ده يقولنا ايه انطباعاته

[Terrible_DaRsH]

لا يوجد منافس للويندوز مهما حصل ..

[matta]

أسمح لي أقولك أنه الماكنتوش هو من أوائل الأنظمة وليس الويندوز

[mcomics]

[SIZE="5"][SIZE="7"][SIZE="5"]الذي لا يعرفه معظم مستخدمي الوييندوز ان شركة آبل هي المبتكر الحقيقي لنظام الويندوز ، فقد أخذوا تصميم اول ماوس من شركة زيروكس وقاموا بتطويره ، مع بداية عام ١٩٨٤ قدموا للعالم اعظم نظام تشغيل كمبيوتر علي الإطلاق ،الي ان سعي بيل جيتس بكل خبث للإستيلاء علي نظام آبل بحجه انه يريد ان يساعد الشركة في تطوير بعض برامج مايكروسوفت لكي تعمل علي هذا النظام الفريد، الا انه بمجرد حصوله علي اول جهاز Prototype قام بسرقة تصميم الماوس والواجهة ليلحقهم بنظام الويندوز وقد سماه حين ذاك بالويندوز ١.١ ....ولكن بالطبع، ورغم مرور سنيين على تلك الاحداث الى ان نظام ماك مازال هو الأفضل..بشهادة بيل جيتس ذاته!
انا عن نفسي استخدم آبل منذ عام ١٩٩٩ ...نظام اقل ما يقال عنه انه اسطورة في عالم الحاسب الآلي.. ويمكن تشغيل الويندوز علي اى جهاز ابل الان بمعالج انتل الي جانب نظام ماك المثبت بالجهاز ..يعيبه في مصر ثمنه، ولن كما يقال الغلي تمنه فيه!!
يمكن لكل الاعضاء مشاهدة فيلم لطيف يحكي قصة كل من شركة مايكروسوفت و ابل اسمه Pirates Of Silicon Valley

[mcomics]

[SIZE="5"][SIZE="7"][SIZE="5"]الذي لا يعرفه معظم مستخدمي الوييندوز ان شركة آبل هي المبتكر الحقيقي لنظام الويندوز ، فقد أخذوا تصميم اول ماوس من شركة زيروكس وقاموا بتطويره ، مع بداية عام ١٩٨٤ قدموا للعالم اعظم نظام تشغيل كمبيوتر علي الإطلاق ،الي ان سعي بيل جيتس بكل خبث للإستيلاء علي نظام آبل بحجه انه يريد ان يساعد الشركة في تطوير بعض برامج مايكروسوفت لكي تعمل علي هذا النظام الفريد، الا انه بمجرد حصوله علي اول جهاز Prototype قام بسرقة تصميم الماوس والواجهة ليلحقهم بنظام الويندوز وقد سماه حين ذاك بالويندوز ١.١ ....ولكن بالطبع، ورغم مرور سنيين على تلك الاحداث الى ان نظام ماك مازال هو الأفضل..بشهادة بيل جيتس ذاته!
انا عن نفسي استخدم آبل منذ عام ١٩٩٩ ...نظام اقل ما يقال عنه انه اسطورة في عالم الحاسب الآلي.. ويمكن تشغيل الويندوز علي اى جهاز ابل الان بمعالج انتل الي جانب نظام ماك المثبت بالجهاز ..يعيبه في مصر ثمنه، ولن كما يقال الغلي تمنه فيه!!
يمكن لكل الاعضاء مشاهدة فيلم لطيف يحكي قصة كل من شركة مايكروسوفت و ابل اسمه Pirates Of Silicon Valley

[mramzy]

انا جربته
ولكن لم ارتاح معه
لانه بيغير فكرك تماما بعد ما تعودنا على ويندوز هو مش صعب لكن برضه محتاج فتره انتقال
فى نفس الوقت البرامج بتاعته قليله جدا
مش زى الويندوز يعنى مثلا الوينرار
تلاقى مليون برنامج بيفك الضغط ويعمل الضغط هناك تلاقى مثلا برنامجين او 3 على الاكثر
بس اهم ميزه فيه انه امان لافيروسات وتروجنات
الخ الخ

[medo55]

لا يوجد منافس للويندوز مهما حصل ..

الويندوز افشل اظمة التشغيل في وجهة نظري

أسمح لي أقولك أنه الماكنتوش هو من أوائل الأنظمة وليس الويندوز

للاسف المعلومه خاطئه الويندوز بدأ من 1975 الماك بدأ بعده ب 4 سنين ول unix بدأو فيه 1960 ولكن اول اصدار released منه كان 1970 , وبدأ المطورين في تطويره سنة 1991 ليصبح linux ليصبح مجاني لكل الناس



الماك لازم يركب على اجهزة ماكنتوش من ابل ,, في ناس عملو هاك عليه علشان يشتعل على ال pc العادي ولكن علشان تشغله موال كبييير , شوفت الموقع الي بيشرحه وبرضو محتاجه تجارب ويا تنجح يا .....

واجهزة ابل زي ما حضرتك عارف غاليه جدا ,, لكنه نظام قوي جدا جدا وكمان بيدعم الجرافيكس ( اقصد برامج المونتاج والجرافيكس وما الى ذلك من برامج من نفس الفئه )


linux برضو نظام قوي جدا وبيركب على اي جهاز pc او لينكس وفيه الجرافيكس بتاع الواجهه الرسوميه عالي جدا زي مثلا اخر اصدار من ubuntu وfedora و توزيعات تانيه كتير

[matta]

أنا كنت بستخدم الويندوز لكن أول ما أستخدمت الماك بعدها ما استحملتش أستخدم الويندوز تاني وكمان أنا عندي في البيت جهاز ماك

[Terrible_DaRsH]

الويندوز افشل اظمة التشغيل في وجهة نظري

هو حضرتك اول ما استخدمت الكمبيوتر فى حياتك اتعلمت اى نظام ??

[PRO-DRIVE]

هو حضرتك اول ما استخدمت الكمبيوتر فى حياتك اتعلمت اى نظام ??

للسبب دا انت شايف ان ويندوز هو احسن او اسهل نظام :) عشان انت متعود عليه :)
لكن التعود مش معناه الافضل او الاوحش :)

[Terrible_DaRsH]

للسبب دا انت شايف ان ويندوز هو احسن او اسهل نظام :) عشان انت متعود عليه :)
لكن التعود مش معناه الافضل او الاوحش :)

اهلا بانصار اللينوكس .

لولا ان انا بكتب عربي بالعافية كنت اتناقشت فى موضوع الويندوز ده للصبح .

بس متنساش ان برامج زى الفوتوشوب فاتحة بيوت كتيرة وميكروسوفت اوفيس الذى لا غنى عنه فى اى شركة ..

[NaderNabil]

رغم اني ماتعملتش مع أي نظام غير الويندوز بجميع إصداراته بدايةً من ال 3.1 حتي الفيستا

لكن أقدر أقول و بكل ثقة....الويندوز فاشل فاشل فاشل فاشل...

و مش عايز أحول لنظام تاني علشان خلاص مبقاش في وقت أعمل حاجة زي دي...و معنديش خلق أبتدي فيها من أول و جديد

[PRO-DRIVE]

اهلا بانصار اللينوكس .

لولا ان انا بكتب عربي بالعافية كنت اتناقشت فى موضوع الويندوز ده للصبح .

بس متنساش ان برامج زى الفوتوشوب فاتحة بيوت كتيرة وميكروسوفت اوفيس الذى لا غنى عنه فى اى شركة ..

اهلا بيك يا باشا :) انا مش ضد مايكروسوفت :) بس هي مبتعملش حاجه هي الافضل يعني كل برامجهم موجود ليها بديل
علي فكره فوتوشوب اساسا اصله ماكنتوش مش ويندوز

[Terrible_DaRsH]

رغم اني ماتعملتش مع أي نظام غير الويندوز بجميع إصداراته بدايةً من ال 3.1 حتي الفيستا

لكن أقدر أقول و بكل ثقة....الويندوز فاشل فاشل فاشل فاشل...

طب ازاى بتقول فاشل و انت مجربتشش غيره .!

[Terrible_DaRsH]

اهلا بيك يا باشا :) انا مش ضد مايكروسوفت :) بس هي مبتعملش حاجه هي الافضل يعني كل برامجهم موجود ليها بديل
علي فكره فوتوشوب اساسا اصله ماكنتوش مش ويندوز

مش بتكلم عن برنامج بعينه و لكن ليه الواحد يتعب نفسه و يتعلم نظام من اول و جديد و يدوخعلى برامجه و يحسس نفسه بانه من كوكب اخر

مادام الويندوز شغال و بيوفى الغرض يبقي الباقى بصراحة ميستحقش تضييع الوقت فى عملية التغيير