الى لى واسطة فى البلد

[Eslam.Elrefaey]

بجد حاجة تنرفز كنت واقف إمبارح أنا وواحد صحبى فى الشارع عندنا فى المنصورة أمام البارون المهم كان فى 2 ضباط واقفين جنبنا فجأه واحد مركب زينون على مرسيدس نبيتى جمرك وقفة وخد منه الرخصه المهم كنا واقفين فجآه عربية لانسر بومة أولا :زينون عالى جدا-مش مركب نمر ولا قدام ولا ورا (تخيلو مفيش نمر)- مركب كساحات والعربية معدلها تعديل كامل كله مخالف- ساوند سيستم بأعلى صوت عنده - المهم عدت من قدام واحد منهم معملش حاجةأستغربت جداااا قولت واحد مركب زينون واطى وقله أنوار مبهرة وده سابه كده بعد كده جه تانى وكان المرور واقف لمده 5 ثوانى إدياقت جدا أم صاحبى مزعق دى عربية من غير نمر الضابط بصلنا وأقعد يتفرج أنفجرت وزعقت إيه ده كمان ده مركب كساحات الحمد لله الضابط طلع يجرى علشان يمسكه فجأه الضابط الثانى بيقوله: يابنى ده إبن عميد شرطه هو قال كده وده لف وسابه ومشى يبقى فين العداله واحد نور مش زينون أساسا ووقفه وده بكل الحاجات دى ومكلموش حسبى الله ونعم الوكيل

[JAM]

نيلك يا مصر لو كان صلصة
....
مكنش كفى الكوسة اللى فيكى

[A.Saad]

حسبى الله ونعم الوكيل

[memoo_1st]

دا حال البلد في حاجات كتييييييييييييييييييييييييييييييييييير .
حسبي الله ونعم الوكيل .

[Imhotep]

نيلك يا مصر لو كان صلصة
....
مكنش كفى الكوسة اللى فيكى

ههههههههههههههه حلوة

[eng.octooo]

ولا يهمك خيرها فى غيرها ممكن تقدم طلب هجرة للسودان اريح

[ahmedfawzy14]

احنا عندنا بقى فى اسكندرية

لو انتا جار العميد وملكش كلام معاه اصلا

ممكن تمشى برده من غير نمر


يا راجل ده العادى

[elassar2010]

يبقى انت اكيد اكيد فى مصر
ادينى الحقنة بسرعة ها ارجوك محتاجة الجرعة