احترس من المنتدى ..!!!

[kh_talaat]

حضرتك زي ما تكون بتتكلم عني !!!!!

فعلا المنتدى بقى ادمان

[maka]

هو المنتدى حلو جدا وكل حاجة ولو قعدت عليه مش هشبع منه. بس انا الحمد الله مرتب اولوياتى اليومية :

1- البيت

2- الشغل ( وقت ما يكون فيه )

3-الاصدقاء لو حد واقع فى مشكلة او عاوز منى خدمة

4- وقت فارغ وده بيكون للمنتدى والاصدقاء

وانا عارف ان المنتدى بيبهر وبيشد ( وخصوصا فى الاول ) بس مينفعش اخد من حق بيتى وشغلى على حساب الاصدقاء او المنتدى

لانهم ليك عليك حقوق

ومحدش يزعل من كلامى وتقبلوا تحياتى

[Ashraf_Ashraf]

اكيد رغبه الانسان فى التعرف على معلومات اكتر وكيفيه التعرف على المشاكل وطرق حلها بتزيد كل ماتعمقنا اكتر فى المنتدى
ودا اكيد بينطبق على كل انواع المعرفه اللى احنا بندور عليها لكن برضوا كلامك فى منتهى الصدق والحقيقه اللى لازم نتبه للوقت وتقسيمه واستثماره فى كل اوجه الحياه
اشكرك على كلامك بشده

[Sameh]

مش عايز أقولك مراتى بتكره نايل موتورز قد إيه !!!!! :) بس أنا بقولها مش أحسن من السجاير ولا أروح أعرف بنات !!

[n_light]

نفس الكلام بالظبط

[Eng. Rafy Samy]

شكراُ لكل الردود والمشاركات

في انتظار الباقي..

[ahmedhilmy]

كانك بتتكلم عني بس دهخ يصنف نوع من انواع الادمان اللي مش بياثر عليك صحيا بس ياثر اجتماعيا بس برده باكد علي كلام الخوة و الشباب ان الاتزان مطلوب

[Hosam_Optrawy]

أغلبنا بقينا كدا

وفعلا الواحد لازم يعمل كنترول على نفسه

يعنى ميهملش حياته وواجباته

الاعتدال فى كل شئ كويس

[نور القمر]

انا لما بدأت ادخل نايل كان عشان اعلن عن عربيتي للبيع
وبعدها حبيت اخد فكرة عن الماركات الكويسة في كام يوم وخلاص
بالصدفة وبعد حوالي 6 شهور اخدت بالي من الاجتماعي
وعملت موضوعي حوار من القلب للقلب على اساس انه موضوع عادي مكنتش متوقعه نجاحه الكبير واقبال الاعضاء عليه بالشكل ده
استهواني الموضوع اوي وخصوصا لما كنت بستضيف فيه شخصيات ليها ثقلها في المنتدى كانت بتجذب الاعضاء اكثر واكثر للموضوع
لدرجة ان الادارة كانت متضايقه من الموضوع لانه بيسبب ترافيك عالي
بعد الموضوع بحوالي اسبوعين توفى والدي الله يرحمه وكنت في حالة اكتئاب صعبة ووحدة لاني رجعت لوحدي من البلد وماما واخواتي فضلوا هناك
ملقتش ونيس ليا غير اصدقائي في المنتدى وزاد تعلقي بيه

سلبيات تعلقي بالمنتدى ده كتير بس اهمها اني اهملت شغلي جدا لحد ما وصلت لدرجة ان مفيش شغل خالص لاني مش عايزة افتح اميلات الشغل ولا ارد على عملاء الشغل ولا اشوف ايه مشاكلهم
انا بقه مش عارفه اقاوم نفسي لدرجة اني بدور على شغل ميكونش له علاقة بالانترنت خالص علشان اقدر اقاوم نفسي

[ahmedhilmy]

كانك بتتكلم عني بس دهخ يصنف نوع من انواع الادمان اللي مش بياثر عليك صحيا بس ياثر اجتماعيا بس برده باكد علي كلام الخوة و الشباب ان الاتزان مطلوب

[Ahmed Samy]

انا كنت وصلت لنفس الحالة دي

بس قدرت احول تواجدي على المنتدى انه شئ طبيعي

زي النفس كده

يعني في لابتوب بتاعا البيت ده في الكهربا و مفتوح طول الوقت و محطوط على كونصول صغير

و طبعا مفتوح فيه المنتدى

وانا رايح وانا جاي

ابص بصة

اكتب مشاركة

ولو لاقيت حاجة جامدة نديها قعدة

و اشوف الحياة عادي

بس مراتي برضه ناوية تكسر اللاب توب ده قريب وهي بتنظف الكونصول

[Terrible_DaRsH]

المنتدى و الفيس بوك اكتر المواقع تصفحا عندى

يعنى مفتوحين طول اليوم حتى لو انا بره البيت

بس ده مبياثرش بشكل نهائي ابدا فى حياتى

و لما ان شاء الله اتجوز يا الفيس بوك يا المدام :)

[M.Osman]

بصراحة المنتدى مغري جدااااااااااااااااا

انا ايام الإمتحانات شيلت الكمبيوتر من غرقتي عشانه ... و برضه كنت باخد لفه بالموبيل !!
تخيل!!

[M.Mekawy]

أنا فعلا زيك عايز اتعالج و مش عارف
فعلا المنتدى ده هو و الفيس بوك ادمان أكتر من الترامادول , لدرجة انى بفكر اضرب ترامادول يمكن أخف من الادمان ده
مع كامل احترامى للمنتدى , لكن لما الواحد بيسافر مع اصحابه يومين بعيد عن النت ( وبتعمد مخدش اللابتوب ) بيحس براحة نفسية فوق الوصف بس لما ارجع بقعد يومين مش بقوم من على الكومبيوتر عشان اعوض

[ابو حسين]

فعلا المنتدى يشد الواحد جامد