تتجــوز صيـنـيـة؟!

[dreslam]

معلش مع احترامي لجميع الآراء
عن تجربه شخصيه
اللي بيحصل في مصر بيحصل في الصين..والبنات هناك احلى بصراحه شكلا وكل حاجه بس برضه هناك المقتدر يشيل وش القفص
اللي تتجوز اجنبي لازم مايكونش ليها سوق هناك خالص او متخلفه عقليا
لان هناك العريس اللي بياخد عروسه كويسه بيدفع اكتر من هنا ميت مره
اضف الى ذلك.طباعهم مختلفه جدا عننا وفرصه الطلاق اكتر من 90%
اللي يفكر يتجوز من شرق اسيا لازم يبص على واحده من الارياف اللي هناك "من قاعه" او من الدول التعبانه نسبيا زي الفيلبين واندونيسيا "كده ماشي قوي" لكن اليابان والصين وكوريا انسى يا عمرو
(ما فيش حاجه كامله- البنات هنا اللي عايزه تتعدل بقه.مش تبقى متدينه مظهرا وبتصلي كمان وعامله فيها شيخه لكن برضه بتبص على ده وده وعايزه شبكه قد كده وشقه مش عارف فين لا وايه فاكره ان دي حاجات الانسان بيتولد بيها.صحيح ناس مش عايشه الواقع)

[eng.octooo]

بس الاهل لما تكون بنتهم كده اكيد الاهل برده نفس الموضوع
وموضوع المكانه الاجتماعيه دى خلاص قدم انا اعرف ناس كتير متجوزين فى شقه 2 حجره وصاله ومن عائلات وكل حاجه بس هما عاوزين يكونو نفسهم بنفسهم بعيد عن الاهل

ومحدش يزعل لو قلت ان الجوازات الى بتعتمد على الاب والام فى الاخر بتنتهى بالفشل على شان الى متجوز ده اصلا مش عارف يعنى ايه مسئوليه لازم احنا نعتمد على نفسنا هنكون احسن وعلى الاقل الى تبداء معانا من الصفر هتشيل معانا فى الايام الصعبه انما التانيه دى من اول مره فيها حاجه صعبه هتلاقيها بتفضح على طول ومش مع جوزها ودى حصلت مع ناس كتير

انا عن نفسى افضل كده عن انى اتجوز بفلوس والدى على شان اعرف يعنى ايه مسئوليه والى ترضى اهلا بيها والى مش عاجبها البنات فى كل مكان فى مصر اشوف غيرها على طول على شان ده جواز

بس برده عندك حق على شان الاكثر كده

الاكتر كدة وبيضيعوا فى الاخر ودة الى انا اقصدة

والله ياجماعه انا اعرف بنتين اخوات
واحده فى نهاية الثلاثينات وواحده فى نهاية العشرينات
المهم هما ظروفهم مرتاحه
لما سئلتهم انتو ليه مااتجوزتوش لغاية دلوقتى
قالولى احنا لازم نتجوز من عائلات لان الاسرة عندنا مش هتوافق اللى لما تشوف مستوى الشخص الاجتماعى اللى هيتقدم لنا
زى مايكون احنا لسه عايشين فى سنة 1930 مثلا
انا قلتلهم طيب خليكو بقى كده لغاية ماتعنسو
واعرف بنت كمان عمرها نص الثلاثينات برده معاها شوية فلوس كل همها شراء محلات وشقق جديده وخلاص
وبرده مستنيه ابن الحلال اللى هيسكنها فى المريخ
مع العلم ان الواحد لو فكر يتجوز بنت من دوله اخرى مش هيكون ليها اى طلابات
وممكن تتأكدو بنفسكم لو دخلتو شفتو مثلا بنات المغرب اللى موجودين على الانترنت من اجل الزواج
وبنات اسيا والاوربيات اللى عايزين يدخلو الاسلام
او الاوربيات المسلمات اللى نفسهم يعيشو فى دوله اسلاميه
انا قابلنى اكثر من تجربه بالطريقه دى

وبالنسبه للاخ اللى قال احسن حاجه المصريه او السوريه
اقوله انا ماشفتش اجمل من بنات روسيا ورومانيا بالاخص المسلمات اللى بيزداد جمالهم بالحجاب

اةةةةةةةة من بنات رومانيا بجد شكلهم عسول اوى تحس انهم لسة اطفال

[alisleman]

انا موافق اخدها زوجة تانية

[M.Mekawy]

فعلا ...... خليها تعنس و ابوها يفلس





انا مرة اترفضت ...... عشان لوني قمحي نياااااااهاهاهاهاهاهاهاهاها و الله ما باهزر

البنت قالت لامها طيب يا ماما السمار حلو في الولاد

قالت لها ماهو كله بيطلع في العيال

حسستني اني رايح اتجوز بنت هتلر

و ان السلالة لازم تفضل بيضاء نقية بلا سوء

يا عم بلا نيلة .....





و ربنا يقدرني اما بنتي تكبر اني احسن الاختيار ليها و اقدر على مراتي اللي اكيد هتلعب لها في دماغها هي كمان !!!!!!

و الله ضحكتنى و انا مش عايز اضحك ,هو واحد صاحبى قالها كلمة حكمة , بسأله مبتتجوزش ليه , قاللى مفيش , قلتله مفيش ايه بظبط , قاللى معدش فيه بنات تنفع

ملحوظة جانبية : خللى بالك للمدام تكون متابعة نايل موتورز

[Lord_Fouad]

انتو نسيتو كمان الجانب الأقتصادى لأن الصينيين معروفين انهم بياكلو أى حاجة بتمشى

يعنى هيا لو قامت من النوم جعانة مش هتروح على التلاجة .. لا .. هتروح على الحمام تصطاد شوية صراصير وعلى المطبخ تعملهم طاجن أو شيش صراصير .. مع شوية ملوخية بالدبان ملهاش حل

ماهي هتجيبلك الفطار دة لحد السرير
و هتقوللك " كل يا موهيي "

[speed demon666]

أنا من ناحيتي كان نفسي اني أتجوز واحده من شرق أسيا .... بحس انهم مريحين أكتر من البنت العربيه سواء أي جنسيه من العرب

[araberphilosoph]

يا جماعه الفلسفه نفسها غلط
انت عايز واحده حلوه واموره ومتدينه ومتعلمه وبكر ويا ريت مطالبها قليله ومن اسره جتماعيا كويسه
طب وانت انت هتقدم ايه لده كله
يعني ايه المقابل اللي يخلي واحده فيها كل الصفات دي ترتبط بيك؟ الموضوع مش بضاعه الموضوع اسره هتتكون وابناء وخب
اما زواج الاجانب فانا من مؤيديه بعنف ( انا نفسي متجوز اجنبيه ومخلف) بس في رايي الشرط الاساسي انها تكون مسلمه
وبجد شوفوا بنات البلقان البوسنه والهرسك وكوسوفو
جمال ودين ويتمنوا يعسشوا في بلد اسلامي
كتير جدا من الاجانب عايزين يعيشوا في مصر او مسلمات نفسهم يرتبطوا بمسلم
مش مهم هي منين من الصين او اليابان او اوروبا او افريقيا مش مهم
المهم تحبها وتحبك

........................................*
تحذير للعضو من استخدام عبارات تخدش الحياء
الاشراف

[أحمد كمال]

البنات العرب محتاجين فرمته دماغهم

ده طبعا للي عندها منهن دماغ ...... و هن قلة !

[maka]

من 3 شهور كانت حفلة توزيع شهادات التكريم بتاعتنا و كانوا جايبين السفير الصينى عشان يسلمنا الشهدات بنفسو
المهم كان فى كمية صينيات بشعة و مقلكوش فى منهم مزز فظييييييييعة ولله ف الحفلة دى الصينيات ضربوا المصريات ب القديمة لا و اية كمان فى منهم كمية كبيرة جايين مصر عشان يتعلموا اللغة العربية
و ولله فعلا من معاملتى معاهم هم فعلا فعلا روعة روعة روعة و العيشة معاهم هتكون مريحة جدا بس فيهم عيب واحد بس مظنش ان المصرى ممكن يتحملة تحس كدة ان دمهم واقف او مفيهمش روح حاجة غريبة فيهم مش مفهومة و انا مش عارف هى اية (الله اعلم ) ...

قشطة

مش عايزين مدرس عربى .........اما مسالة الروح والدم فانا هربيها على ايدى من اول وجديد

اغرب موقف شفته ان واحد كان متجوز امريكيه وملبسها جلابيه بلدى وموديها تولد فى مستشفى ام المصريين
والله انا ماشفت طاعه قد كده من مصريه تخيلو امريكيه لابسه لبس مصرى بلدى وشايه وليدها وطالعه من المستشفى والله لو كانت واحده مصريه لكانت اشترطت مستشفى خاص و و و و و ألخ

ده كفاية انها ولدت فى ام المصريين . انا ليه واحد صاحبى دكتور حكالى حاجات بشعة جوة المستشفى وقالى باللفظ

ده الداخل فيها مفقود والخارج مولود

[M.Osman]

اما زواج الاجانب فانا من مؤيديه بعنف بس في رايي الشرط الاساسي انها تكون مسلمه

+1
.
.

[نور القمر]

مش عارفه بتتكلموا على الاجنبيات كدة كأنهم ملايكة نازلة من السماء وان المصريات شياطين في صورة ستات
مش فاهمة ايه المميز في الاجنبية عن المصرية
كفاية المشاكل اللي غالبا ما بتحصل وهروب الزوجة بالابناء خارج مصر وحرمان الاب من ابناءه
مش عايزة اتكلم في باق الجوانب