دلوني بس عايز ققاطع المنتجات الصينية وعمال افكر ...

[hamdy]

للي مش عارف احداث الصين وانا اخواتنا المسلمين هناك بيدبحوا علي مرءا و مسمع من العالم كله فققل رسالة تبعتها ليهم اننا نقاطع المنتجات الصينية ...
بس عمال افكر ايه البدائل كل حاجة بقت صيني مش لاقي بدائل تناسبنا حد يدلني يا جماعة اعمل ايه
الاجهزة الكهربائية المناسبة لي كلها بقت صيني

[eng.octooo]

طبعا انا معاك ان كل الى بيحصل هناك حرام بس الصين بالذات مش هاينفع تقدر تقولى اية البدايل الى هاتكون
طيب انا هاقولك على حاجة واحدة بس انت لو قاطعتها تبقى 100%
تعرف الشرحة بتاعة تليفونك دى مصنوعة فى الصين وشركات الاتصالات هنا بتستوردها وتشفرها وتحط عليها ارقام (يعنى انت كدة هاتقاطع موبينيل اتصالات فودافون)
اسلاك الكهرباء فى بيتك وسلوك النت دى صينى تقدر تعيش بدون كهربا
90% من المكن الى بيصنع البلاط والسيراميك فى مصر صينى (لان نظيرة الالمانى بالضرائب بيكون سعرة خرافى حتى كليوباتر المكن صينى ومممكن تتاكد منهم)
يعنى هاتقاطع البلاط والسيراميك وش هاتدخل اى حمام ولا اى مؤسسة او مبنى
لازم نفكر ونعرف ان كل حاجة صينى
الكمبيوتر الى بتكتبلنا من علية دة صينى تقدر تقاطعة
(الا لو كان اوريجيبنا واتصنع 100% فى بلد اجنبى تانية ) ودة هايكون سعرة معدى ال20 الف ولا حاجة
شنط السفر والمصايف دى صينى ولو هاتقاطع هات شنط ماركات فرنسية او اسبانية
مستحيل نقاطع الصين ممكن الدنمارك مثلا بس الصين مستحييييل

[hamdy]

طب بس علي الاقل احس اني علمت اللي ققدر عليه بس فعلا كلامك صح ميه في الميه

[نور القمر]

صعب تقاطع بضائع الصين لانها باختصار بقت في كل حاجة حوالينا
سجادة الصلاة صيني السبحة صيني لو بصيت على الترننيج اللي حضرتك لابسه ممكن تلاقيه صيني فانوس رمضان صيني الموبايل صيني حتى شبشب الحمام صيني

[elassar2010]

مستحيل انك تقاطع المنتجات الصينية جميع المنتجات الى فى مصر صينى من ملابس حتى الشوز انا اسمع ان فى صينى وبيبقى على فكرة ارخص من المصرى كالعادة
انا قريت فى جريدة انا ياميش رمضان هنستوردة من الصين؟؟؟
احتمال نستوردوا الهوا من عندهم
دة حتى العرايس هيصدرولنا عرايس

[eng.octooo]

طب بس علي الاقل احس اني علمت اللي ققدر عليه بس فعلا كلامك صح ميه في الميه

حضرتك ممكن تعمل حاجات كتيير حلوة بدل المقاطعة واسهلها
الدعاء للمسلمين فى الصلاة اصل حتى لو مصر كلها قاطعت الصين مش هاعمل حاجة لاننا بنستورد حاجات الفرز الثالث والرابع ودى عندهم بتترمى فى الزبالة فيصدروها تهريب لدول العالم التالت على انها فرز اول وتانى

[Ahmed Samy]

للأسف يا حمدي

انا عارف نيتك

بس الواقع ان العالم كله بيصنع منتجاته في الصين

مقاطعة الصين = مقاطعة العالم

طول عمري اسمع ان اقتصاد الصين قوي
بس اول مرة احس قد ايه البلد دي بقت قوية ....

[أحمد سالم]

طيب احنا بنفكر نقاطع المنتاجات الصينى
اما بقى لو الصين قررت تقاطع الشرق الاوسط ومنعت عنه منتاجاتها ساعتها هنعمل ايه
بعد مااعتمدنا عليها فى كل شيء
حد فكر فى الحكاية دى
لازم دولنا العربيه تصحى بقى وتحاول تساعد نفسها بنفسها وتعتمد على انفسها
لحسن كده وصلنا لمراحل الخطر

[كابوس الليل]

انا خايف ابص على رجلى الاقى متكوب made in china
كمان لو اتعورت ونزل منك دم حتلاقى مكتوب عليه made in china
انا متاكد لو نزلت تحت العمارة اكيد حلاقى مكتوب made in china

[medo55]

احتلونا اقتصادينا !!! في بلادنا

محتاجين نفكر ازاي نحارب الاحتلال دا

[فادى]

مش عارف ليه المبالغة دى,
انا راجعت المنتجات التى استخدمها كلها, و المفاجأة ليس فيها شيئا مصنعا فى الصين!!
السيارة مصرية - تركية - ايطالية.
اللاب توب امريكى الجنسية و مصنع فى ايرلندا( و بالمناسبة مش غالى).
الطابعة مصنوعة فى اليابان و الحبر بييجى مكتوب عليه مصنوع فى اليابان.
الغسالة مصرى - ايطالى.
التليفزيون مصرى - كورى.
التلاجة اوروبى.
الموبايل مش مكتوب عليه, لكنه امريكى الجنسية.
الماوس هى الوحيدة اللى طلعت صينى.
ملابسى كلها صناعة مصرية.
قطع الغيار لسيارتى أحرص على تجنب القطع الصينية المضروبة, و أشترى المصرية لو لقيتها, و لو ملقتش مصرى بشترى الايطالى أو التركى, و على فكرة القطع المصرية لها كفاءة عالية.
و كل هذه المنتجات اسعارها معقولة و بنفس سعر الصينى منها و لكنها اكثر جودة.

[كابوس الليل]

مش عارف ليه المبالغة دى,
انا راجعت المنتجات التى استخدمها كلها, و المفاجأة ليس فيها شيئا مصنعا فى الصين!!
السيارة مصرية - تركية - ايطالية.
اللاب توب امريكى الجنسية و مصنع فى ايرلندا( و بالمناسبة مش غالى).
الطابعة مصنوعة فى اليابان و الحبر بييجى مكتوب عليه مصنوع فى اليابان.
الغسالة مصرى - ايطالى.
التليفزيون مصرى - كورى.
التلاجة اوروبى.
الموبايل مش مكتوب عليه, لكنه امريكى الجنسية.
الماوس هى الوحيدة اللى طلعت صينى.
ملابسى كلها صناعة مصرية.
قطع الغيار لسيارتى أحرص على تجنب القطع الصينية المضروبة, و أشترى المصرية لو لقيتها, و لو ملقتش مصرى بشترى الايطالى أو التركى, و على فكرة القطع المصرية لها كفاءة عالية.
و كل هذه المنتجات اسعارها معقولة و بنفس سعر الصينى منها و لكنها اكثر جودة.

انت لو بصيت على بطارية الموبيل حتلاقيها صينى على فكرة وشاحن الموبيل صينى برضوا
وبطارية اللاب توب صينى على فكرة برضوا وشاحن الابتوب صينى برضوا
دور كويس بس

[فادى]

انت لو بصيت على بطارية الموبيل حتلاقيها صينى على فكرة وشاحن الموبيل صينى برضوا
وبطارية اللاب توب صينى على فكرة برضوا وشاحن الابتوب صينى برضوا
دور كويس بس

شاحن اللاب توب و بطارية اللاب توب كلها مصنوعة فى ايرلندا و مكتوب عليهم.
اللاب توب بالكامل مصنوع فى ايرلندا.
شاحن الموبايل معرفش, لكن عموما فيه انواع مش صينى,
مش كل حاجة صينى فى البلد على فكرة, دى نظرية خاطئة تماما, و احنا للأسف اللى عملنا كده و بقينا بنسيب المنتجات المصرية و نشترى الصينى, رغم أن المصرى أكثر جودة و كفاءة و موازى للصينى فى السعر أو يزيد قليلا.

[eng.octooo]

شاحن اللاب توب و بطارية اللاب توب كلها مصنوعة فى ايرلندا و مكتوب عليهم.
اللاب توب بالكامل مصنوع فى ايرلندا.
شاحن الموبايل معرفش, لكن عموما فيه انواع مش صينى,
مش كل حاجة صينى فى البلد على فكرة, دى نظرية خاطئة تماما, و احنا للأسف اللى عملنا كده و بقينا بنسيب المنتجات المصرية و نشترى الصينى, رغم أن المصرى أكثر جودة و كفاءة و موازى للصينى فى السعر أو يزيد قليلا.

طيب ممكن كدة تقوم تبص على اللمبات النيون فى البيت عندك والمحولات بتاعتهم وممكن تشوف جرس الباب ممكن تشوف منظم الانبوبة بتاع البوتاجاز وممكن تشوفالفلاشة او الميمورى او مقلمة مكتب او التلفزيون او الدباسة بتاعة الورق او الالة الحاسبة او المنبة او شنطة السفر او شنطة المدارس او ................................................ حاجات كتتتتتتتير

[فادى]

طيب ممكن كدة تقوم تبص على اللمبات النيون فى البيت عندك والمحولات بتاعتهم وممكن تشوف جرس الباب ممكن تشوف منظم الانبوبة بتاع البوتاجاز وممكن تشوفالفلاشة او الميمورى او مقلمة مكتب او التلفزيون او الدباسة بتاعة الورق او الالة الحاسبة او المنبة او شنطة السفر او شنطة المدارس او ................................................ حاجات كتتتتتتتير

التليفزيون كورى,
اللمبات كلها بنجيبها مصرى.
البوتاجاز عندنا كله ايطالى و من غير انابيب.
الدباسة المانى!
معنديش منبه.
فيه حاجة تانى؟