صور البنات على الانترنت

[نور القمر]

عايزة اتناقش معاكم في موضوع اصبح موجود بكثرة اليومين دول صحيح بنسبة بسيطة لكن موجود
دلوقت مع انتشار الانترنت ومع كثرة المواقع زي فيس بوك او المنتديات او حتى المسنجر
بلاقي بنات منزلين صورهم الشخصية في المواقع وخاصة الفيس بوك والماسنجر

السؤال دلوقت ليه البنت بتنزل صورتها ؟؟!!
على فكرة انا اعرف بنات منزلين صورهم ومحترمين جدا بوجه عام سواء على الانترنت او في الحياة عموما بس ايه لازمة الصورة برضو

وفي نوعية تانية بتتعمد تحط صور فيها ميوعة وملابس غير محتشمة
اعتقد النوعية دي عندها نوع من النقص ومنتظرة تشوف كومينتات غزل واعجاب

طيب ازاي البنت تخاطر بصورتها وتخليها متاحة للجميع بالشكل ده واحنا دلوقت في عصر التقدم والفوتوشوب وممكن اي صورة يتلعب فيها بسهولة وتتركب على اي جسم اخر بمنتهى الاتقان

انا بشوف رجال وشباب حريصين جدا ان صورهم متكونش على صفحات الانترنت وفي منهم بالكتير يعرضها على الماسنجر وهو اقل المواقع خطر لان غالبا بيكون بيعرف المضافين عنده ومحل ثقه
فما بالك بالبنات !!!!
انا بصراحة مستغربة من البنات اللي بتحط صورها على العام كدة ونفسي افهم ايه الفايدة اللي هتعود عليها !!!!
لو عايزة يتقال عليكي انك امورة ودلوعة وشيك وروشة صدقيني هيتقال عليكي كلام تاني من وراكي
ولو كان السبب في الصورة انك عندك اصدقاء على الانترنت وفي فضول لمعرفة الشكل وكلنا عندا الفضول ده انا من رأيي خلي صورتك على الماسنجر بس أأمن ليكي وبلاش تكون صورتك متاحة للجميع للكويس والوحش

[eng.octooo]

علشان تبان انها بنت متفتحة وجريئة ومحدش يهمها وانا صورتى اهى وانا حلوة وجميلة
بس دول زى ما انتى قلتى عندهم عقدة النقص طيب تخيلى انتى انى رايح اتقدم لواحدة وعرفت انها على الفيس بوك منزلة صور زى دى هاتتخيلى انى هارضى بعد ماتجوزها واولادها يكبروا اشوف صور متركبة ليها على النت ...... اكيد لا
بس المشكلة هنا هيا ان الاهل موفرين كل حاجة للابناء ومفيش توعية يعنى لو قالت عاوزة نت هايجيبولها بس لازم لما يجيبولها يكون فية متابعة على الاقل من الام تقولها ورينى كدة على الفيس بوك مين صحابك وتنصحها لا بلاش دى وخليكى هنا وشوفى الموقع دة حلو بيهتم بجمال المرأة ودة للصحة ودة للتوعية ودة موقع ترفيهىى

اما للاسف الامهات بتقول انا اسيبهم براحتها على النت بدل ماتنزل الشارع واقللق عليها اهى فى اوضتها يعنى هايجرالها اية ودة الى بيحصل
وهيا طبعا تقولها يا ماما انا فى الاوضة جنبك يعنى اسهر براحتى لحد الصبح انتى قلقانة لية طيب ماتشوفى بنت خالتى فلانة سهرانة فى الشارع 24 ساعة ومحدش بيقولها حاجة
طبعا الام علشا ماتكبتش البنت بتسيبها فى البيت براحتها وبيحصل من ورا الموضوع دة مشاكل كتيير اووووىىى
وشكرا لانك فتحتى موضوع كبيييييييييير جدا وصعب ولازم يتناقش واى حد يدخل هنا الموضوع وعنة اختة او بنتة او حتى قريبتة
يعملها لستة بمواقع للانترنت المهة ويديهالها يقولها خدى بصى عليهم وكدة بيكون ادها معلومات علشان مستقبلها وحافظ عليها
ولو حد عاوزنى اجهزلة اللستة دى انا ممكن اعملها

واسف لانى طولت فى ردى

[icehearted girl]

طيب ثانية واحدة

سؤال خاص ليك انتم الاتنين

ياتري انتم الاتنين بنات وانتم الاتنين حطين صوركم علي النت؟

اصلي مستغربة يعني دلوقتي نور القمر بتسأل سؤال المفروض اللي يجاوب عليه حد فلوضع دا


قانم تكرم العضو الجليل باقتباس دور واحدة بتحط صورها علي النت وقامن بالرد باسلوب السخرية دا والتهكم

اصلا معترضه علي طريقة طرح النقاش داخل الموضوع

ببتكلموا وكأنها فتاة لا سمح الله بتعمل شئ مخالف للشرع والاداب العامة

دا غير ان كلامكم متاخد بيه العاطل عالباطل

وبتساووا بين البنات


انا بنت

وبحط صوري عالفيس بوك

ايوة


بس في كام حاجة كدا تاخدوا بالكم منهم

اولا

مبضفش حد غير اصحابي المقربين فقط وقرايبي واخواتي


وعندي فلبيت عارفين كويس جدا


ودا لاانا بنتبادل انا وصحابي الصور دي وقرايبي كمان بيننا وبين بعض


ثانيا

الصور دي صور عادية جدا بحجابي زي مهو

واصحابي منتقبات كمان وبيحطوا صورهم ودي خاصة بيهم ومحدش بيقدر يطلع عليها

لاننا مأمنننين البروفايلز كويس جدا

وموضوع تركيب الصور دا انا مش مقتنعة بيه اصلا

يعني خلاص مش هيسيب الصور المايعة والعراة وهييجي علي صورة واحدة محجبة ملتزمة بالزي الشرعي عشان


يقصها ويركبها علي صور تانية

وحتي لو دا حصل

مش سببه صور علي النت

الموضوع دا ممكن يحصل لو محفظتي وقعت مني فلشارع وفيها صورتي وحد لقاها

او حتي ونا ماشية فلشارع حد ممكن يصورني بالموبايل بدون علمي


يبقي اللي بيحصلها كدا بنت مش محترمة وخرجت عن حدود الاداب العامة؟


بالله عليكم اتقوا الله في كلامكم قبل مترموا الناس بالتهم كدا جزافا


وياريت في طرح اي موضوع نتكلم باسلوب حيادي ونترك الاسلوب التهكمي دا


يعني ماشاء الله هنا معظم الاعضاء احسبهم علي خير


.................................................. ..............*
لقد خالفتم قاعده رقم 13 من قواعد وقوانين المنتدي
واللتي تنص علي
13- ممنوع تماما التهجم أو التهكم أو شخصنة الحوار بين الأعضاء فى المنتدى سواء بالإهانة او السخرية او ايه اساليب مشابهة.
ستعامــل هــذه المشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذار ثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه.
إن تدخل المشرف في هذا الحوار نهائي لا يصح بعده استكمال الفعل المستوجب للعقوبة مرة أخرى ، وأن إعادة تبادل الاتهامات في الموضوع ذاته يستوجب العقوبة الأشد فوراً .


وبناء عليه تم حصولك علي (تنبيه) كعقوبه مخففه
برجاء مراجعه قواعد وقوانين المنتدي
مشرف عام 1

[icehearted girl]

لا اله الا الله استغفرك واتوب اليك

[نور القمر]

شكرا يا اكتو على مداخلتك القيمة
تصدق وانا بكتب الموضوع ده مجاش في بالي البنات الصغيرة ولكن اللي كانوا في بالي الكبار العاقلين الناضجين اللي في منهم لسه في الجامعة وفي منهم اللي اتخرجت وبتشتغل
يعني بتكلم عن الفئة المسئولة عن تصرفاتها ومش محتاجة ان الام او ولي الامر يرشدها لانها بقت كبيرة بما فيه الكفاية لتمييز الصح من الغلط

انا مش من محبي الفيس البوك ومش متبعاه بس كنت عليه بالليل ولاحظت ان معظم اللي منزلين صور صورهم اشبه بصور اغلفة المجلات ملابس مكشوفة وكلها ميوعة وفي منهم وحشين كمان
بصراحة شكلهم يقرف بجد

اما بقة البنات الصغيرة فدول ذنبهم في رقبة اولياء امورهم لان بجد دي اكبر فئة من البنات معرضة لمخاطر الانترنت لان سهل جدا اللعب بمشاعرهم واصطيادهم

يعني انا مرة جالي رساله على موقع من واحد بيقولي انتي اجمل واحدة في الموقع
وده لايعرفني ولاشاف صورتي ولا يعرف سني وبيقولي كدة على امل ان يبقه فيه جر كلام
ساعتها تخيلت لو الرسالة دي اتبعتت لبنت صغيرة في سن المراهقة وكانت منزلة صورتها اكيد هايعجبها الكلام والكلام هايجر كلام وهاتصدق نفسها وتعيش في الوهم وربنا وحده عالم باخرتها ايه
ربنا يحفظنا ويحفظ جميع بنات المسلمين

[Imhotep]

المفروض ان حياة الانسان الشخصية تكون محاطة بسياج من الخصوصية و لا يتم مشاركتها الا مع الموثوق بهم من الاقارب و المعارف، لكن ان تكون مشاع هكذا على الملأ فهذا ما لن اهضمه ابدا.....

اللى يقرأ بريد الاهرام الاسبوع قبل الماضى هيلاقى قصة كارثة عملتها بنت من اسرة طيبة و محافظة لكن و بسبب الفراغ و ان النت اصبحت ملاذا لشغل هذا الفراغ، حصل تسلسل الاحداث المعروف من انها اتعرفت على واحد و توثقت معرفتها بيه واحدة واحدة لغاية ما تمكن من انه يصورها صور مخلة عن طريق الماسنجر و الويب كام و ابتدا يبتزها لممارسة الرذيلة معه والا سيفضحها على النت بالسيديهات اللى مسجلها لها...... وهى درس و عبرة لمن يعتبر

[mramzy]

مبضفش حد غير اصحابي المقربين فقط وقرايبي واخواتي

ودا لاانا بنتبادل انا وصحابي الصور دي وقرايبي كمان بيننا وبين بعض

تضمنى منين الهكر انه ميخشش حسابك حتى لو عامله ايه
الخزائن اللى مقفوله بكل الامان بتفتح فمبالك بالنت وانتى اصلا سمجله كل حاجه عنك فى السيرفر بتاعهم
انا اعرف ناس اتعمل عليهم هكر فى موقع واتاخد صور من عليه
وبعدين بالنسبه الى هايخد صورة واحده محجبه يعمل بيها ايها
حليت فعنيه
اتاغظ من انها سليمه وزى الفل وهو لا
و( زى المخدرات مش معنى انا مدمن وصحبى والا وصحبتى لا لازم اخليها تدمن )
نفوس بشريه وحقد
وفيه ناس كتير متعرفش العيب وممكن يستغلوا حاجات كتير
زمان قالوا ان السر لو عدا اللسان مبقاش سر
ولاحد يامن حاجه
ربنا يسترها على بناتنا واخوتنا

[bee]

طيب ثانية واحدة

سؤال خاص ليك انتم الاتنين

ياتري انتم الاتنين بنات وانتم الاتنين حطين صوركم علي النت؟

اصلي مستغربة يعني دلوقتي نور القمر بتسأل سؤال المفروض اللي يجاوب عليه حد فلوضع دا


قانم تكرم العضو الجليل باقتباس دور واحدة بتحط صورها علي النت وقامن بالرد باسلوب السخرية دا والتهكم

اصلا معترضه علي طريقة طرح النقاش داخل الموضوع

ببتكلموا وكأنها فتاة لا سمح الله بتعمل شئ مخالف للشرع والاداب العامة

دا غير ان كلامكم متاخد بيه العاطل عالباطل

وبتساووا بين البنات


انا بنت

وبحط صوري عالفيس بوك

ايوة


بس في كام حاجة كدا تاخدوا بالكم منهم

اولا

مبضفش حد غير اصحابي المقربين فقط وقرايبي واخواتي


وعندي فلبيت عارفين كويس جدا


ودا لاانا بنتبادل انا وصحابي الصور دي وقرايبي كمان بيننا وبين بعض


ثانيا

الصور دي صور عادية جدا بحجابي زي مهو

واصحابي منتقبات كمان وبيحطوا صورهم ودي خاصة بيهم ومحدش بيقدر يطلع عليها

لاننا مأمنننين البروفايلز كويس جدا

وموضوع تركيب الصور دا انا مش مقتنعة بيه اصلا

يعني خلاص مش هيسيب الصور المايعة والعراة وهييجي علي صورة واحدة محجبة ملتزمة بالزي الشرعي عشان


يقصها ويركبها علي صور تانية

وحتي لو دا حصل

مش سببه صور علي النت

الموضوع دا ممكن يحصل لو محفظتي وقعت مني فلشارع وفيها صورتي وحد لقاها

او حتي ونا ماشية فلشارع حد ممكن يصورني بالموبايل بدون علمي


يبقي اللي بيحصلها كدا بنت مش محترمة وخرجت عن حدود الاداب العامة؟


بالله عليكم اتقوا الله في كلامكم قبل مترموا الناس بالتهم كدا جزافا


وياريت في طرح اي موضوع نتكلم باسلوب حيادي ونترك الاسلوب التهكمي دا


يعني ماشاء الله هنا معظم الاعضاء احسبهم علي خير


بلاش اسلوب الحوار يتدني بالشكل دا

لو انا فاهم صح يا آيس .. نور القمر تقصد إن البنت تحط صورها ع الفيس بوك واي حد يقدر يشوفها ..
او بشكل عام ان البنت تسيب صورتها من غير الحرص الي انتي بتعمليه وغيرك كتير بيعمله ..
وهي مش بتقول انها بنت مش محترمة لو عملت كده بالعكس لو تعمقتي في كلامها هتلاقي قصدها انها مضايقه ان فيه بنات كتير هي تعرفهم سواء ع النت او ع المستوى الشخصي وحاطين صورهم ع الفيس بوك ومش في نيتهم حاجه ..

لكن إجمالا يا آيس .. البنت المحترمة محترمة والي غير كده غير كده ..
ومش الصورة هي الي هتحدد ده .. فيه حاجات كتير غير كده فيه بنات كتير بيحطوا صور مش بتاعتهم اصلا ..
ودي احد الاسباب الي انا شخصياً شايف انها ممكن تعمل مشكلة يعني لو بنت محترمة وحاطها صورتها ع الفيس بوك وبنت زيها اخدتها وحطتها على انها صورتها فساعتها ايه الي يثبت ان ده حصل او محصلش ؟؟

بس انا بقه عايز اسألك سؤال ..
هل إنتي مع إن البنت تحط صورتها ع الفيس بوك واي حد يقدر يشوفها ؟؟

تحياتي

[wesam_salom]

اللى يقرأ بريد الاهرام الاسبوع قبل الماضى هيلاقى قصة كارثة عملتها بنت من اسرة طيبة و محافظة لكن و بسبب الفراغ و ان النت اصبحت ملاذا لشغل هذا الفراغ، حصل تسلسل الاحداث المعروف من انها اتعرفت على واحد و توثقت معرفتها بيه واحدة واحدة لغاية ما تمكن من انه يصورها صور مخلة عن طريق الماسنجر و الويب كام و ابتدا يبنزها لممارسة الرذيلة معه والا سيفضحها على النت بالسيديهات اللى مسجلها لها...... وهى درس و عبرة لمن يعتبر

ده التسلسل الطبيعى للانحراف

سواء على الانترنت او خارجه

دى بنت كان عندها رغبه فى الانحراف وخافت منه فى الواقع

هربت منه للعالم الالكترونى

وطلعت النهايه واحده

ما تمكن من انه يصورها صور مخلة عن طريق الماسنجر و الويب كام

يعنى كان بموافقتها ورضاها

تبقى تستاهل

[elassar2010]

تضمنى منين الهكر انه ميخشش حسابك حتى لو عامله ايه
الخزائن اللى مقفوله بكل الامان بتفتح فمبالك بالنت وانتى اصلا سمجله كل حاجه عنك فى السيرفر بتاعهم
انا اعرف ناس اتعمل عليهم هكر فى موقع واتاخد صور من عليه
وبعدين بالنسبه الى هايخد صورة واحده محجبه يعمل بيها ايها
حليت فعنيه
اتاغظ من انها سليمه وزى الفل وهو لا
و( زى المخدرات مش معنى انا مدمن وصحبى والا وصحبتى لا لازم اخليها تدمن )
نفوس بشريه وحقد
وفيه ناس كتير متعرفش العيب وممكن يستغلوا حاجات كتير
زمان قالوا ان السر لو عدا اللسان مبقاش سر
ولاحد يامن حاجه
ربنا يسترها على بناتنا واخوتنا

تضمنى منين الهكر انه ميخشش حسابك حتى لو عامله ايه

سوال فى محلة فعلا وكنت داخل اعلق واسال نفس السوال
ومهما كانت خبرتك فى الكمبيوتر فى الى اقوى منك
وبعدين واحد هياخد صورة واحدة محجبة لية؟؟
هرد عليكى علشان يركبها على جسم واحد ويقول ادى المحجبات وفضايح المحجبات ودى منتشرة على النت فضائح الحجاب والمحجبات

[نور القمر]

لو قريتي مشاركي الاولى كويس يا ايس هاتلاقيني قلت

على فكرة انا اعرف بنات منزلين صورهم ومحترمين جدا بوجه عام سواء على الانترنت او في الحياة عموما بس ايه لازمة الصورة برضو

وفي نوعية تانية بتتعمد تحط صور فيها ميوعة وملابس غير محتشمة
اعتقد النوعية دي عندها نوع من النقص ومنتظرة تشوف كومينتات غزل واعجاب

يعني انا معممتش كلامي على الكل واسثثنيت المحترمين من كلامي ومأخدتش العاطل في الباطل في الكلام زي م بتقولي

وبتكلم على اللي بيحطوا صورهم بملابس غير محتشمة وفيها ميوعة

وبعدين اكتو لما رد هو بيتكلم من وجهة نظر الرجال اللي هم شركائنا في نصف المجتمع واتكلم وقال انه ميحبش زوجة المستقبل تكون ليها صورة على فيس بوك مثلا

ده غير اني متكلمتش على الناس بتضيف مين ومش بتضيف مين
اصل سواء حد اعرفه او معرفوش مضاف عندي على الفيس بوك مش هتفرق
لانه في الاخر مجرد اسم على صفحة نت كل اللي يهمني الشخص ده تكون صفحة بروفايله محترمة



وبعدين مفيش وجه مقارنة بين واحدة صورتها وقعت منها في الشارع وواحدة منزلة صورة على النت بمايوه او بملابس بحملات ولابس ميني جيب


اعتقد انك اخدتي الموضوع بعصبية بدون داعي وقريتي كلام وسيبتي كلام تاني وافترضتي حاجات انا متعرضتش ليها في موضوعي اساسا واتهمتينا اننا بنرمي الناس بتهم جزافا مع انك انتي مستثناه من الموضوع اساسا لانك ماشاء الله محجبة ربنا يثبتك على الايمان وانا بتكلم على اللي غير كدة

وانا يا ايس مش شايفه ان اسلوبي في الحوار فيه تدني لاني متعرضتش لشخص معين بكلامي بالعكس انتي اللي وجهتي لي اساءة بدون داعي وكان ممكن تتناقشي في الموضوع بهدوء بدون شخصنة

[eng.octooo]

قانم تكرم العضو الجليل باقتباس دور واحدة بتحط صورها علي النت وقامن بالرد باسلوب السخرية دا والتهكم

معلش حضرتك فهمتى كلامى غلط تقريبا
انا الكلام الى قلتة دة عن البنات الى نور القمر فتحت الموضع عليهم وهيا قالت

انا بصراحة مستغربة من البنات اللي بتحط صورها على العام

النوعية دى هيا الى صورة منشورة بشكل عام ولاى حد
طيب السؤال الى نور سالتة هما لية عملوا كدة ؟
انا جاوبت انهم عملوا كدة لان الاهل ابتعدوا عنهم
وذكرت نموذج بيحصل لمعظمهم

وحضرتك قلتى

الموضوع دا ممكن يحصل لو محفظتي وقعت مني فلشارع وفيها صورتي وحد لقاها

او حتي ونا ماشية فلشارع حد ممكن يصورني بالموبايل بدون علمي


يبقي اللي بيحصلها كدا بنت مش محترمة وخرجت عن حدود الاداب العامة؟

دا غير ان كلامكم متاخد بيه العاطل عالباطل

وبتساووا بين البنات

طبعا دة موضوع تانى خالص احنا اتكلمنا عن البنات الى بتسيب صورهم مخصوص علشان تسمع
كومينتات غزل
مش البنات الى بتتشارك صورهم مع بعض بسرية

وانا اسف لو كنت اتكلمت باسلوب تهكمى
بس انا مااتكلمتش على حد معين ولا كن اسلوبى متدنى لا التربية الغلط من اولها وعدم متابعة الاهل للبنات هوة دة التدنى

ببتكلموا وكأنها فتاة لا سمح الله بتعمل شئ مخالف للشرع والاداب العامة

طبعا البنت الى تسيب صور مكشوفة ليها وصور شبة عريانة فدى بتعمل حاجة مخالفة للشرع

وحضرتك بتقولى

وموضوع تركيب الصور دا انا مش مقتنعة بيه اصلا

لا دة موضوع موجود وحضرتك شوفى الى حصل مع نور هنا لو صحيح كانت واحدة غيرها صغيرة ومن ضعيفة النفوس كان الكلام جر بعضة واتعرفوا وبعتتلوا صورها ومحدش عارف اية الى ممكن يحصل بعد كدة

يعني انا مرة جالي رساله على موقع من واحد بيقولي انتي اجمل واحدة في الموقع
وده لايعرفني ولاشاف صورتي ولا يعرف سني وبيقولي كدة على امل ان يبقه فيه جر كلام
ساعتها تخيلت لو الرسالة دي اتبعتت لبنت صغيرة في سن المراهقة وكانت منزلة صورتها اكيد هايعجبها الكلام والكلام هايجر كلام وهاتصدق نفسها وتعيش في الوهم وربنا وحده عالم باخرتها ايه
ربنا يحفظنا ويحفظ جميع بنات المسلمين

؟؟؟؟؟؟؟

مش سببه صور علي النت

اسبابة كتيير ممكن يكون الانتقام من واحدة
ممكن يكون الهزار بين الشباب ويبهدلوا سمعة واحدة
والاسباب كتييير
وانا اية الى يخلينى احط صورة ليا للناس وبعدين ارجع اتندم ما انا السبب لانى حطيتها للناس

وحضرتك بتقولى

بالله عليكم اتقوا الله في كلامكم قبل مترموا الناس بالتهم كدا جزافا

وحضرتك بتتكلمى على اساس اننا اتكلمنا على حد معين بالسؤ لا احنا اتلكما على الى بيعملوا السؤ فى نفسهم ومحدنناش حد خالص


وانا اسف لو كلامى ماكانش مفهوم لحضرتك

[eng.octooo]

الحمد لله انى انا ونور ماغلطناش فى حد او قصدنا حد بعينة والدليل ان باقى الاعضاء فهمونا صح
انتى بس تلاقى حضرتك لموضوع اتلخبط عليكى ولا حاجة
وفى الاخر كلنا اخوات وحدش بيزعل من اخوة
والخطاء وارد

[pro_samir]

ومواقع الجواز ما شاء الله .. موسووعة صور

والغريب ان فى بنات تدخل تنقى أى صورة من المواقع دى وتحطها فى الماسنجر كأنها صورتها ، ودة حصل مع كذا حد اعرفهم !!!

[أبو إياد]

ربنا يهدى

وانا احيى نور واكتو على سعه صدرهم وحسن الرد واكيد فى ناس ممكن تفهم الموضوع باكتر من اتجاه والصح صح والغلط غلط من غير مجادلات