المدن الجديدة

[mramzy]

الامان اهم
لما اولادك تكبر شويه ويرجعوا لوحدهم هيعرفوا وتبقى امن عليهم
هتعرف تتشرى حاجتك بسهوله
لو انت بره او بعيد المدام والاولاد هيعرفوا ؟
لو عربيت المدام عطلت وانت بره هيتصرفوا ازاى - الدورس والمدرسين
تكاليف التشغيل
لما تلاقى نفسك بتدفع اغلى من اى مكان تانى ؟

كل ده خلانى اغير راى من زايد الى الهرم

[aymnato]

أنا ساكن في أبو تلات باخد وقت من بيتي لغاية وسط البلد في 25 دقيقة علي الطريق الدولي وماشي علي مهلي خليك في الهدوء تكسب

[superzok]

شوف أنا جربت هذه التجربة أنا كنت ساكن في رابعة العدوية مدينة نصر و زهقت من الزحمة الشديدة وكنت بعض الأحيان أقف عند ميان رابعة ولف أرجع البيت من الزحمة و كل يوم (لو عرفت أركن عند البيت ؟؟؟؟ ) الاقي العربية مخبوطة و هي وقفة و لذلك أستخرت ربنا و أخذت شقة في مدينة الشروق 30 كيلو تقريبا و أنا ساكن هناك منذ عام 2004 و لم أندم لحظة و احدة بل كان قرار صائب 100% جو نقي _درجة حرارة أقل من القاهرة _ ركنة للعربية في أي وقت _ الطريق مريح للسواقة _ و التوتر العصبي قل كثيرا . فالقرار صائب و ربنا يوفقك

معاك تماما فر رايك

انت بتشتري راحتك واعضابك

[tutankhamoun]

طبعا المدن الجديدة أفضل مليون مرة
شوف دلوقتي أسعار مدينة زي السادس من أكتوبر و الشيخ زايد في الجيزة أصبحوا بكام و كانوا بكام
الناس برضه كانت بتقول ... دي بعيدة و مش أمان و مش عارف أيه .......
تعالى دلوقتي شوف .................... الأسعار أصبحت ولعة و أغلى من مناطق قديمة زي الهرم و فيصل الأقرب إليها .
و طبعا النظافة متوفرة ........ الأمان إلى حدا ما معقول جدا في أغلب الأحياء ..... و خصوصا الأماكن المغلقة أو التجمعات السكنية اللي بيسموها كومبوند .

أنت عارف أنا أحيانا ممكن و أنا رايح مشوار بعيد أعمل 100 كم زيادة علشان العربية متقفش في وسط الزحمة و أتخنق من البشر لأن الناس هنا في مصر مش بتعرف تنظم نفسها خالص و مش عايزين ينظموا نفسهم .

المهم المدن الجديدة خطوة رائعة ........... أتكل على الله ...... و هاتعرف معنى الكلام ده بعد 5 سنين أو 10 سنين لما المدينة اللي حضرتك بتتكلم عليها تتغير ملامحها و أسعارها تغلى و ساعتها هاتتمنى أنك كنت تشتري بدل الرجوع في كلامك دلوقتي .

و يا سلام لو تعرف تلاقي شغل قريب من سكنك .......هاتلاقي نفسك بقيت مرتاح آخر راحة ....

ربنا يوفقك يا أستاذ مينا و تلاقي سكن مناسب و أمان و بسعر معقول .

[Nile Heart]

تعالى الشروق ولن تندم مطلقا

متر الشقه هنا ممكن تلاقى ب 950 جنيه (على المحاره) يعنى نص سعر اى مكان تانى

وهدوء رائع ونظافه.. وكفايه ان اولادك يشموا هوا نضيف ومايسمعوش بذاءات الشباب فى الشارع

كل الخدمات متوفره (سوبر ماركت بدليفرى, الخ) .. ده حتى ماكدونالدز فتح

العيب الوخيد, والوحيد فقط, هو المواصلات زى مالشباب قالوا.. لازم يبقى معاك عربيتين كويسين.. والمدام تكون بتسوق وقلبها جامد

[ابوهاشم]

توكل على الله
المسافه دى مش كتير ولا حاجه
والطريق السريع افضل الف مره من الزنقه اللى احنا فيها