إختفاء كنز فرعوني إكتشف مؤخرا في ظروف غامضة

[nabaster]

ظهر الحق
بس برضه لازم نجرب الكمبروسور طالما جيبناه
معلش يا نابستر مضطر تستحمل
ومش حنخلع ضوافرك كلها
وبطل تروج اشاعات بقي دي مش اول مره تعملها

يا شونري انتا ليه مطهدني بس؟؟

انا قلت حاجه؟؟؟ محمد الشامي صاحب الموضوع انا مالي :)

وايه بقي موضوع ترويج الاشاعات ده؟؟ هوا انا سوابق ومسجل خطر عندكم؟؟؟ :) :)

شكلكم عاملين ليا ملف يا شونري عندكم وانا معرفش

عموما طيب فكرني ايه هيا السابقه يا صاحب النفوذ :)

A.Yakout

[mostafabakry]

ايه دا كله
كل دا حصل في اليومين اللي فاتوا
بصوا يا جماعة انا بحكم اني شغال مع شركة بتتعامل مع شركة مصر للألمنيوم بنجع حمادي و تقريبا يوميا بعدي عالطريق اللي بيرطب قنا - نجع حمادي الغربي و اللي بيدخلك علي طريق القاهرة - اسوان الصحراوي الغربي
انا بعدي كل يوم عالطريق دا و فعلا فيه خط مواسير بيتعمل و كنت فاكر انه خط مياه و لا حاجة للأراضي المستصلحة في المنطقة الصحراوية دي
و كان بيبقي فيه معدات حفر و اوناش لوادر و روافه و كلام من دا كتير و بالعبيط انا استغربت ايه الشركة العملاقة او المقاول اللي بيمتلك كل المعدات دي
بس انا من يومين كدا كنت معدي و لقيت لودر عمال يحفر و جنبه عربية 2 كابينة مكتوب عليها بتروجيت و استغربت ايه اللي يجيب بتروجت هنا
المهمفي الآخر فهمت ان دا خط غاز مش ميه و بتروجت هي اللي بتمده

يعني اذن فعلا في شغل في نجع حمادي و بتروجيت هي اللي بتنفذه

اما موضوع الآثار دا فدا شئ متوقع مليون في المية
ليه بقا

المنطقة دي اصلا محاورة للنيل و فيها بيقع معبد دندرة الشهير و فيه منطقة جنب نجع حمادي اسمها "هو" "hiw" دي مليانة آثار و لدرجة ان الناس ممكن تلاقي كنوز اثرية و هي بتحفر في بيوتها لو بتبني و لا بتعمل اي حاجة ييعني 3-4 متر حفر تحت الأرض و كل المستخب يبان

انا سمعت ان فيه ناس هناك لقيت سراديب و مقابر كبيرة مليانة دهب و كنوز لا تقدر ثمن

اما موضوع القتل دا بصراحة ما سمعتش عنه حاجة بس انا هسأل عنه الناس هناك بمكن يبقي فيه حاجة و تكتم عليها

طبعا انا مش هقول انا مصدق القصة دي بس انا مش مستبعدة و عادي انها تحصل بالذات في المواضيع اللي فيها آثار و سلاح و الكلام التقيل دا
و القتل هل الحل الوحيد في الحاجات الحساسة دي عشان ما يبقاش في فرصة لتسريبا لخبر

اما موضوع النيابة و الكلام دا فما الموضع بيبقي معمول بدقة و ما بيبقاش فيه ادلة و بينتهي بالتكتيم عشان الراي العام

عموما ربنا موجود و مطلع و ياما حاجات كتير بتحصل و ما بسمعش بيها و بتعدي بهدوء

[nabaster]

شكرا يا mostafabakry

ولو في اخبار جديده مستنينها

شونري بالنسبه لموضوع مضطهدمي ده فكرتني بأفيه مش عارف سمعته فين

كان صبي والمعلم بتاعه

المعلم : انتا منضهدني ياض؟؟؟؟

الصبي : لا انا من طنطا يا معلم

A.Yakout

[the-hero]

لا لنشر الشائعات
حرام بقى احنا فينا اللى مكفينا

[the-hero]

كتب الموضوع واختفى
وكان زعلان انى اول واحد رديت وشككت فى كلامه
مش بس كدا كان رده مش كويس

[zakiali]

يسلام لو الواحد لقي كنز جامد كده ... ياااااه

[mada121977]

كتب الموضوع واختفى
وكان زعلان انى اول واحد رديت وشككت فى كلامه
مش بس كدا كان رده مش كويس

التمس لاخيك سبعين عذر مش عذر واحد يا عم هيرو
مش معنى انه كتب موضوع واختفى ان كلامه غلط او مش عاوز يرد ممكن تكون عنده ظروف خاصه ومش بيدخل على المنتدى .. ثم حتى لو كان كلامه فيه نسبه خطأ فده لا يعيب الاستاذ محمد فى حاجه هوا جاله معلومه وفيديو متعلق بالمعلومه دى فحب انه يشاركنا بيها اما التفاصيل فممكن اللى نقله المعلومه يكون زود حاجات من عنده

[the-hero]

التمس لاخيك سبعين عذر مش عذر واحد يا عم هيرو
مش معنى انه كتب موضوع واختفى ان كلامه غلط او مش عاوز يرد ممكن تكون عنده ظروف خاصه ومش بيدخل على المنتدى .. ثم حتى لو كان كلامه فيه نسبه خطأ فده لا يعيب الاستاذ محمد فى حاجه هوا جاله معلومه وفيديو متعلق بالمعلومه دى فحب انه يشاركنا بيها اما التفاصيل فممكن اللى نقله المعلومه يكون زود حاجات من عنده

ياعم مقلناش حاجه بس المفروض مبقاش رد فعلى متعصب ضد اى حد يشككف فى موضوع فيه كذا شبها
وكمان كان رد به استهتار وأستهزاء
يعنى بقول ياريت تتأكد لنا من الحكايه ديه
رد
حاضر حاخطف رجلي لحد نجع حمادي امسك الحرامي و اصوره وهو متلبس وارفعلك الصورة
المهندس اللي اتقتل كان صديق الراجل اللي جابلنا الفيديو و ده لاموخذاة مش عيل صغير
بالذمة ديه طريقة نقاش

[pro_samir]

حصل خير يا هيرو يمكن الراجل كان منفعل بسبب الخبر نفسة (مهندس مقتول واثار منهوبة)

وبعدين اكيد فعلا مدخلش نت بقالة فترة ومشغول

[the-hero]

حصل خير يا هيرو يمكن الراجل كان منفعل بسبب الخبر نفسة (مهندس مقتول واثار منهوبة)

وبعدين اكيد فعلا مدخلش نت بقالة فترة ومشغول

لا انا شفته فاتح وداخل ع المنتدى الاجتماعى كذا مرة بعد تطور الموضوع وظهور ردود
بس برضة ارجع وقلك جايز مخدش باله
وبالنسبة ليه انا اديقت سعتها بس دلوقتى مفيش من نحيتى اى حاجه

والف شكر ليك ياباشا على مدخلتك اللطيفة واكثر الله من امثالك

[mostafabakry]

انا يا جماعة النهاردة عديت عالطريق بتاع قنا - نجع حمادي الغربي و اللي بتروجيت بتمد خط الغاز فيه و بالصدفة ركب معايا واحد كان واقف عالطريق في عز الشمس و اكتشفت انه تبع الناس بتوع بتروجيت اللي شغالين في القصة دي
المهم دردشت معاه لغاية ما الكلام جاب بعضة سألته علي موضوع الكنز الفرعوني و اكدلي المعلومة و قاللي علي الفيديو و اكدلي انه فعلا حقيقي
بس مكنش في الوصلة ما بين نجع حمادي - قنا زي ما سمعنا
الكنز لقيوه في الطريق ما بين بلد اسمها ارمنت - و الأقصر و كانت اقرب من الأقصر و الكلام دا انا سمعته من ناس تاني في نجع حمادي قبل ما اقابل الراجل دا
يعني كدا الحكاية دي مش في نجع حمادي
نيجي بقا لموضوع القتل فدا الراجل قاللي ما سمعناش حاجة زي كدا و الموضوع تم تحت مراقبة الجهات المسؤولة من الآثار و الشرطة و الحكومة
لو كان فيه فساد ولا سرق في الموضوع هتبقي دكاكيني من غير ما حد يحس

وبكدا نقفل الموضوع و نشكر صاحب الموضوع الأساسي اللس نقل الخبر و عرفنا بيه