طلب من سكان منطقه الهرم

[eng/muhamad]

السلام عليكم
1- عاوز اعرف مستشفى الهرم فين بالظبط
2- عاوز اعرف اروحهما مواصلات ازاى يفضل بالمترو
3- عاوز اعرف اقرب سينما لمستشفى الهرم هل هى سينما الهرم ام كايرو مول
4- عاوز اعرف ازاى اروح من المستشفى للسينما
5- ياريت لو فى اى معلومات عن السينما ( مواعيد الحفلات - اللافلام - نظافه السينما )

[نور القمر]

بتنزل من المترو في محطة الجيزة وبتركب اي ميكروباص من تحت اللمحطة لحد المستشفى او سينما الهرم او كايرو كول
للعلم الفرف بين السينماتين بسيط وسواء روحت السينما دي او دي خد ميكروباص للمستشفى المسافة قريبة جدا

اما معلومات عن السينمات نفسها معنديش فكر

[mahmoud_magdy]

حضرتك من الزقازيق
ادامك كذا طريق
1- المترو : هتنزل موقف العاشر ( موقف النزهه ايا كان مسماه بس الشائع موقف العاشر) وتروح المرج وتركب المترو وتغير من محطة مبارك وتنزل الجيزه وتركب ميكروباص ( الطريق هيكون طويل في المترو طول بالك ( خد بالك من طويل دي ))
2-هتركب من موقف العاشر ميكروباص رمسيس
وهنا في حلين
1- تركب المترو وتنزل الجيزه وبعد كدا ميكروباص ( ودا اكتر في الوقت )
2- تركب من رمسيس ميكروباص جيزه- هرم من عند نفق شبرا ودا بينزلك عند مستشفى الهرم ( اخر الخط )
(((( متركبش هرم دائري ))))
بلاش تركب هرم من موقف العاشر لانو بينزلك عند الرمايه (اخر شارع الهرم من ناحية الاهرامات ) ودا بعيد عن طريقك
مستشفى الهرم موقعها عند ترعة المريوطيه (دلوقتي بقى فوق الترعه كوبري )
من المستشفى للسينما سواء في كايرو مول او سينما الهرم هتركب من الرصيف المقابل للمستشفى وترجع وهما عموما جمب بعض المسافه مش بعيده اوي يعني
انا بفضل انك تروح كايرو مول ( مول متكامل )
افضل من سينما الهرم سينما ومسرح فقط
( اذا كان في خطأ ياريت تصلحوه يا جماعه )
الحفلات مش عارف بصراحه بس اظن انها العادي بتاع اي سينما
معلش طولت عليك

[medo55]

معلش مداخله بسيطه ,,

افضل حل بما انك زقازيقي زي حالاتي علشان توصل للهرم ,, تركب عبود وتنزل مؤسسه او زراعه وتاخد المترو وتنزل محطة جيزه بدون ماتغير هو في المحطات الاخيره

وبعدين هتنزل من مخرج شارع الاهرامات ( شارع الهرم ) هتلاقي اول ما تنزل من السلم ميكروباص فلوكس دي لشارع الهرم قوله ينزلك عند المستشفى او عند السينما الي انت عايزها كلهم في شارع الهرم الرئيسي يعني مش هتحتاج تدخل شوارع جانبيه

بالنسبه للحفلات انا ماعرفش صراحه

[Nile_Storm]

الحفلات في كايرو مول الي اعرفه حفلات بالليل 7 10 1
الافلام علي حسب ماشفت امبارح طير انت الفرح العالمي احكي ياشهرزاد
سواء الهرم او كايرو مول الاتنين نضاف و كويسسن و نفس السعؤ 15 جنيه بس فيه بلكون في سينما كايرو مول ب 20 لو حبيت
بالنسبه لمكان كل واحده فالاخوه تفضلو بشرح كافي في المشاركات السابقه مقدرش ازود فيه عن كده

[eng/muhamad]

شكرا لكل الاعضاء اللى ساعدونى و اعتقد كده الطريق بقى واضح جدا

[eng/muhamad]

فى سؤال بس احب اضيفه
لما اركب العربيات دى من عند محطه الجيزه
العربيه هتعدى على سينما الهرم الاول و لا على كايرو مول و لا على المستشفى يعنى الترتيب اللى هعدى عليه ايه
عشان انا هروح المستشفى الاول و بعدين هخرج على السينما او كايرو مول
و هل السينما و كايرو مول فى نفس صف المستشفى و لا فى الجهه المقابله

[نور القمر]

سينما الهرم يمينك وبعدين كايرو مول شمالك وبعدين مستشفى الهرم يمينك كله وانت رايح

[Nile_Storm]

صباح الخير يا استاذده نووور :)
كايرو مول الاول علي شمالك ثم سينما الهرم ثم المستشفي و دول علي يمينك

[نور القمر]

هم بدلوهم امته هههههههههههههههههههههه
معلش انا صحيح عايشة طول عمري في الهرم لكن بتلخبط في ترتيب المحطات

[eng/muhamad]

مش عارف اقول ايه شكرا جدااااااااااااااااااا
بس طلب اخييييييير ياريت لو حد يعرف اى معلومات عن السينما
سواء كايرو او الهرم
مواعيد الحفلات و خاصه الحفلات الصباحبه
الافلام الموجوده
السينما الاكثر نظافه فيهم ايه؟

[A.Saad]

هم بدلوهم امته هههههههههههههههههههههه

معلش انا صحيح عايشة طول عمري في الهرم لكن بتلخبط في ترتيب المحطات

احنا بدلناهم اول ما كتبتى المشاركة بتاعتك

من الاهرام اليوم
كايرو مول تليفونها 35849720 وفيها
طير انت
العالمى
احكى يا شهر زاد
الفرح
دكان شحاتة

الهرم
35840457 - 35838857
1000 مبروك
عمرو وسلمى
بدل فاقد
بوبوس
السفاح