مأساة الثانوية العامة

[Ahmed Samy]

مفيش كلمة في الانجليزي اسمها

deutch

قصدك

dutch

و دي يعني اللغة الهولندية مش الألمانية

ألماني بالانجليزي يعني german

و بالألماني يعني deutsch

بشويش علينا يا ابو حميد

الراجل لسه هاياخد الماني

بس حلوه حدايق القبة دي ههههههههههه

[ahmed_gamal]

المدرسة دي الاورمان ؟؟؟؟؟؟؟؟؟؟؟

[cheetos_892005]

ايه يا عم متقلقش نفسك كده
هما سنتين حقنه مش هتحس بيهم
نصيحه من الاول متخدش مع ناس من المشهوريين دول فكسانين اخر حاجه
فلوس كتير وعدد طلبه مهول غير الامتحانات الفكسانه اللي بيعملوها عشان بيكسلوا يشرحوا ده غير مشوار السنتر و ازازه البيبسي فبل و بعد الدرس او السج....لو انت منهم قدام السنتر و تصوير الورق وغيره
و التسجيل و دخول السنتر و القرف ده
اتوكل علي الله واختار مدرسين ناس مجرباهم قبل كده و يكونوا بيراجعوا اهم حاجه و ليهم شخصيه قويه
انا الحمد لله كنت باخد كل الدروس مع مدرسين بتوع اخويا زمان
كلهم ما شاء الله كويسين
مبيقبلوش اعداد كبيره اكبر عدد كان 7 و عندي في البيت
اسعار اقل من المشهورين بكتير
اللي بيلاقوه بيهزر او جاي الدرس يعاكس او مستواه تحت و مبيطورش بيطرد علي طول
امتحانات ربع ساعه في اول الحصه عشان يشوف اخبارك ايه فاهم و لا في التراوه و يقيمك
الدروس معظمها في بيتي او بيوت اصحابي يعني الموضوع محكوم
اهم حاجه تصدر الطرشه لاصحابك المتخلفين في منهم بيحب يحقد و في منهم بيبقي المدرس بيفتي عليهم بمعلومات و يجي يستعرض بيها عن تجربه
طبعا تصدر الطرشه للمدرسه و تعد تزاكر ف البيت الصبح و تاخد الدرس بليل
متخليش ماده تسرح منك اوي تابع علي طول
في مواد كده هتحس انها بتفكس منك العربي و الانجليزي بذات بس بيتظبطوا في الاخر
ريح اعصابك ولا تسمع كلام الناس مش عارف سنه الموت و سنه الحسم و الهبل ده
كل واحد ربنا محددلوا مستقبلوا فين

وكده او كده هتخش الكليه و تندم انك سبت ثانويه خصوصا لو كليه بنت تيييييييييييت زي كليتي
((هندسه عين شمس))
الكلام ده عن تجربه والله و من ناس كتير اصحابي
انا مخلص ثانويه من 4 سنين اهو بس لسه فاكرها يوم يوم
الحمد لله كنت جايب 97.6 % وكنت بخرج كل خميس بس عمري مزوغت من درس
كنت بعمل اللي انا عايزه و عمري معملت معسكر و الكلام الفاضي ده اهم حاجه لو هتذاكر ساعتين في اليوم تذاكرهم يتركيز و مرجله
و ربنا معاك يا رب

[cheetos_892005]

صحيح انت من انهي منطقه ي القاهره يمكن اساعدك في كام مدرس
الحمد لله اسه علاقتي معاهم طيبه و بنلم بعض لو عايز
و مش هيقولوي حاجه لو رحت متاخر

[كابوس الليل]

انا من "مش" حدايق القبة
والله انت كلامك ريحنى جدا جدا جدا جدا جدا وانا الحمد لله مش واخد لا فى مركز حتى وانا فى اولة ثانوى رحت بس المراجعة فى المراكز ومعجبتنيش
كمان انا بعد اتريق على العيل السيس الى بيشربوا سجاير فكرهم كدة انهم بقوا رجالة وكبروا خلاص
كمان انا الحمد الله حجزت كله يعنى ممتعبش نفسك وكتر الف خيرك والله
كمان انا برضوا معظم دروسى يا عندى فى البيت يا اما فى بيوت صحابى والحمد لله كل صحابى اهلى عرفنهم ومطمنلهم وان شاء الله ربنا معانا
الاخ الى كان بيسئل على المدرسة ديه مدرسة النقراشى

[zAzU]

يا باشا مش لوحدك كلنا في الهم سواء


وبمناسبة هذا الكلام يحضرني ما قاله احد الزملاء الطلبة في احدي الكليات -- لا داعي لذكر اسم الجامعة ليفتكروا انه حسد:10d5c8~1107:-:ob_mak1[1]:-

""كفاية حرام ثلاث سنوات و تقديري ثابت علي 86% انا لازم اشد حيلي و اذاكر بقي احسن كده هاضيع ""

سلملى عليه و قله طب المنصوره بتسلم عليك و بتقولك تعالى نعلم عليك

[M.almaghraby]

الثانوية العامة دي ماساة

جبت 99.9 % اونطة تخيل

[أحمد كمال]

لا تنسى أنه ذكر أنه تم حجز دروس اللغة الألمانية من أول شهر 9

جامد جداااااااااااااً يا معلم :10d5c8~1107:

انا من "مش" حدايق القبة
والله انت كلامك ريحنى جدا جدا جدا جدا جدا وانا الحمد لله مش واخد لا فى مركز حتى وانا فى اولة ثانوى رحت بس المراجعة فى المراكز ومعجبتنيش
كمان انا بعد اتريق على العيل السيس الى بيشربوا سجاير فكرهم كدة انهم بقوا رجالة وكبروا خلاص
كمان انا الحمد الله حجزت كله يعنى ممتعبش نفسك وكتر الف خيرك والله
كمان انا برضوا معظم دروسى يا عندى فى البيت يا اما فى بيوت صحابى والحمد لله كل صحابى اهلى عرفنهم ومطمنلهم وان شاء الله ربنا معانا
الاخ الى كان بيسئل على المدرسة ديه مدرسة النقراشى

اهم حاجة تمشي جنب الحيط

انا في ثانوي كان زمايلي يتتريقوا عليا و يقولوا لي انت عامل زي البنات .... لا بتزوغ و لا بتعاكس و لا بتقعد على قهوة

من يضحك أخيرا يضحك كثيرا

دلوقتي باخش ساعات محل - اللهم لا شماتة - الاقي البياع واحد منهم .... و للاسف مرة دخلت محطة بنزين لقيت عامل المحطة منهم ..... اللهم لا شماتة مرة تانية ده رزق ..... بس انا اخترت سكة التعليم ...... هما اختاروا سكة الصياعة ...... ما انكرش هما كانوا منبسطين جدا ايام ثانوي و انا كنت مضغوط شويتين ..... بس لازم تتعب عشان ترتاح اما تكبر .......


لا كان ليا في البنات و لا السجاير و لا النط من عالسور و لا الكلام الفاضي ده

من المدرسة للبيت و من البيت للمدرسة


و على فكرة الموضوع إيزي جدا ....... لو انت كبرت الموضوع هيكبر

يعني ايه؟ يعني الموضوع سهل

كل الناس كانت عاملة لنفسها ذعر

و للأسف بعض أولياء الأمور كمان

انا عن نفسي في البيت كنت "سيريلاكس" خالص و كذلك أهلي

و ما ذاكرتش غير اخر شهر و نص

و في الامتحانات كنت باخد معايا سندوتشات و قزازة بيبسي

و اقعد مريح عالآخر احل شوية و اكل و اشرب شوية

و مرة نمت نص ساعة هههههههههههه

كنت هانقط العيال في اللجنة ...... و الله العظيم

و اخرج في نص الوقت و اراجع مرة واحدة بس

يعني العملية في النملية خالص ............ خد الموضوع بسهولة

و جبت 98.25%

بس طبعا ده ايام المادتين مستوى رفيع و تاخد الدرجة كاملة مش ما يزيد عن الخمس درجات بس


ربنا يوفقك يا معلم

[أحمد كمال]

الثانوية العامة دي ماساة

جبت 99.9 % اونطة تخيل

أنا ذاكرت من أول أبريل لنص مايو بس و جبت 98.25% صباح الكنافة

[evoo90]

ايه ده ده انتوا عندكم ديسكات اهه وفى ورق غياب وبتاع والله فكرتنى بأيام اعدادى بقالى 5 سنين ماشفتش الكلام ده !!!!!

[shery103]

بجد فكرتنى بالذى مضى
انا مخلصة ثانوية عامة من 3 سنين ، و داخلة السنة الجاية رابعة حاسبات عين شمس ان شاء الله
تانية و تالتة ثانوى دول كانو احلى سنتين فى حياتى
كنت مبعتبش المدرسة دى اساسا ، يوم ما كنت اروح مرة كل 3 شهور مثلا كانو المدرسين يقولولى خير ، جاية تزورينا ليه ؟
و كنت باردة على الاخر و مبفتحش كتاب اساسا
و طول السنة من البيت للدروس و من الدروس للبيت
بس كنت باخد كل دروسى فى سناتر لان انا اصلا بكره انى اروح بيوت اى حد
كنت بروح الدروس اشوف صحابى و نرخم على المدرسين و نشرب البيبسى و ناكل فى الدرس و خلاص على كده

انا شايفة فعلا ان الموضوع كان سهل جدا ، كل ما فيها انها لعبة اعصاب ، لو انت داخل على الموضوع و حاسس انه كبير اوى هتحس ان الدنيا صعبة ، انا معملتش كده خالص و خدت الدنيا ايزى
ابتديت مذاكرة بدون مبالغة بجد اول يونيو ، قبل امتحان العربى باسبوع و جبت 96 % و كنت جايبة مجموع هندسة عين شمس بس انا كنت عايزة حاسبات
و فى تالتة ثانوى كنت اعدة ليلة امتحان الميكانيكا بتفرج على ماتش فى كاس العالم ( يعنى الماتش يفوتنى مثلا ؟؟ )
كل صحابى كانو مسميننى التلاجة من كتر ما كنت باردة ، الناس كانت تبقى متوترة قبل الامتحانات و انا واقفة بضحك ، فى اللجنة الناس تعيط و انا بقول مالهم دول ، و لازلت عاملة كده برضو ، بشوف ان الواحد يحرق دمه على حاجات زى دى ، دى حاجة ملهاش اى لازمة و مبالغ فيها اوى ، نصيحة منى بجد خليك بارد ، هتنفعك جدا ، خصوصا فى امتحان الفيزيا مثلا و ماث 2 ، مش هينفعك غير هدوء اعصابك ، و متقلقش الموضوع فعلا سهل جدا .

[أحمد كمال]

بجد فكرتنى بالذى مضى
انا مخلصة ثانوية عامة من 3 سنين ، و داخلة السنة الجاية رابعة حاسبات عين شمس ان شاء الله
تانية و تالتة ثانوى دول كانو احلى سنتين فى حياتى
كنت مبعتبش المدرسة دى اساسا ، يوم ما كنت اروح مرة كل 3 شهور مثلا كانو المدرسين يقولولى خير ، جاية تزورينا ليه ؟
و كنت باردة على الاخر و مبفتحش كتاب اساسا
و طول السنة من البيت للدروس و من الدروس للبيت
بس كنت باخد كل دروسى فى سناتر لان انا اصلا بكره انى اروح بيوت اى حد
كنت بروح الدروس اشوف صحابى و نرخم على المدرسين و نشرب البيبسى و ناكل فى الدرس و خلاص على كده

انا شايفة فعلا ان الموضوع كان سهل جدا ، كل ما فيها انها لعبة اعصاب ، لو انت داخل على الموضوع و حاسس انه كبير اوى هتحس ان الدنيا صعبة ، انا معملتش كده خالص و خدت الدنيا ايزى
ابتديت مذاكرة بدون مبالغة بجد اول يونيو ، قبل امتحان العربى باسبوع و جبت 96 % و كنت جايبة مجموع هندسة عين شمس بس انا كنت عايزة حاسبات
و فى تالتة ثانوى كنت اعدة ليلة امتحان الميكانيكا بتفرج على ماتش فى كاس العالم ( يعنى الماتش يفوتنى مثلا ؟؟ )
كل صحابى كانو مسميننى التلاجة من كتر ما كنت باردة ، الناس كانت تبقى متوترة قبل الامتحانات و انا واقفة بضحك ، فى اللجنة الناس تعيط و انا بقول مالهم دول ، و لازلت عاملة كده برضو ، بشوف ان الواحد يحرق دمه على حاجات زى دى ، دى حاجة ملهاش اى لازمة و مبالغ فيها اوى ، نصيحة منى بجد خليك بارد ، هتنفعك جدا ، خصوصا فى امتحان الفيزيا مثلا و ماث 2 ، مش هينفعك غير هدوء اعصابك ، و متقلقش الموضوع فعلا سهل جدا .

حاسبات؟ ده احنا زمل ! جامعة ايه؟

[كابوس الليل]

حاسبات؟ ده احنا زمل ! جامعة ايه؟

مكتوب فوق عين شمس
انا اختى الكبيرة متخرجة منها دفعة 2008

[أحمد كمال]

مكتوب فوق عين شمس
انا اختى الكبيرة متخرجة منها دفعة 2008

و واحد صاحبي 2007

و بنت خالي 2007

و العبد لله 2002 بس اتخرجت 2003 (دبلرت سنة تانية)

دخلت الكلية اما ماكانش لسه فيه ناس في رابعة لسه !!!!! كنا تالت دفعة