يا خسارة التعب اللى بنتعبه فى البلد دى

[zAzU]

العنوان غريب شويه انا مش لاقى عنوان اكتبه انا بجد مضايق اوى و قلت اطلع اللى جوايا هنا اولا انا طالب فى كلية طب سنه خامسه انهارده واحد صحبى زميلى فى الكليه كان فى مشكله خناقه كدا مع واحد والواحد ده خبطه و بتاع والواحد ده مقدم فى الجيش وراحوا القسم مش مهم التفاصيل المهم الظابط ده اتخدم جدا و الكوسه اشتغلت وكانوا هيتعرضوا على النيابه زميلى يروح فى البوكس والباشا يروح فى عربيته كل ده عادى متعبنيش اوى
احنا بقى واقفين تحت عايزين ندخل القسم بس مش عارفين!!! نقول يا جماعه احنا دكاتره يعنى هندخل نشوف زميلنا و بتاع ,لأ معلش مينفعش ممنوع وبكل تناحه وقلة ذوق كلمنا واحد بقى قدنا دفعتنا لسه متخرج من حقوق من شهرين ولا حاجه واتعين وكيل نيابه وانا لسالى 3 سنين كمان يكون هو بقى وزير العدل هههههه, جه اتفضل يا باشا انما احنا لأ قالهم لأ انا هاخد ده معايا خلاص ماشى يا باشا بس كفايا واحد
اكيد كل اللى هيقرا الموضوع هيقول عادى بس والله الموضوع ده ضايقنى اوى بحس انى فعلا غلطان انى تعبت طول عمرى ولسه بتعب ولسه هيطلع عين اهلى و ايه المقابل حتى الاحترام مفيش !!! انا لسه مخلص امتحانات من يومين ههههههههه والله يا خسارة التعب فى البلد دى ربنا اللى يعلم المعاناه اللى بنعانيها فى الكليه الهم دى و فى البلد الهم دى امتى نخلص منهم اسف لو كنت طولت بس انا كده استريحت شويه


تم حذف جزء من العنوان
مشرف عام 1

[M.almaghraby]

انا فتانية طب عين شمس برده يا باشا

بص انا مش حقولك غير حاجة واحدة لاني برده قرفان من نفس الحوار الي انتا بتقوله

لو عايز عيشه محترمة اخلع من البلد المقرفة دي عشان تاخد حقك صح

لكن بص... البلد دي خلاص .... بقت مزبلة ....

مش حقولك متحبش مصر لاء .... بس انا عمري ماحب بلدي وهيا كدا

انتا بس رينا يكرمك ,, لان طب المنصورة صعب و هانت كلها سنة واحدة و ان شاء الله تبقي متميز و تحاول تمشي برا مصر

[M.almaghraby]

وعلي فكرة ............* اي حد يحاول ياخد منك حقك..... ظباط الجيش والشرطة دول 90% منهم شوية ناس تعبانة .. فا صدقني مش دول الي يزعزعوك اصلا ......

ومش العيب منك انتا العيب صدقني فينا كلنا ... فالبلد

[zAzU]

مش سنه اوى يعنى هههههه لسه 5 و 6 انا مخلص 4 من يومين مش بقولك احنا بنظلم نفسنا والله وياريت حتى لينا احترام فى الكليه مش هقولك بره اقولك على حاجه انا ف سنه 1 كنت جايب 3 امتيازات و فى الاناتومى كان جايلنا رئيس قسم جديد ربنا ينتقم منه هههه
جبلنا امتحان صح الصح كل اللى ملغى بقى والحركات دى وسؤالfacial nerveدوس بقى حاجات حلوه يعنى جبت فيها مقبول تخيل هههه يعنى فى 3 مواد جايب 88 بالرابعه جبت 81 من ساعتها وانا عرفت اللى فيها هههههههههههههههه

[M.almaghraby]

يا لهوي فكرتني ليه بس

ال facial nerve دا سؤال غبي جدا لان في منه مليون برانش ولازم تتكلم عنهم كلهم..........

يالا ربنا معاك و متضايقش نفسك يا عم كلنا لها والله

[asbeats]

نصيحة لوجه الله
طالما رجلك جت في الخية ووقعت في حفرة الطب...يبقى لازم
تخرج بأقل الخساير...

حاول تحدد من بدري التخصص اللي هترتاح له عشان تركز فيه ...وحاول وانت في الكلية تبدأ تذاكر معادلة امريكية او كندية او استرالية او حتى عفريتية...بس بالله عليكوا تستفيدوا من الوقت اللي انتوا فعلا بتذاكروا فيه...
وكمان حاولوا تاخدوا كورسات في حاجات جنب الطب زي الجودة والإدارة واي مجال تلاقوه قدامكوا

حاولوا تستفيدوا من وقت الكلية اكبر استفادة وتتحددوا انتوا عايزين ايه...عشان دي كانت غلطتنا

احنا اتخرجنا ووالله العظيم لسه تايهين ولا عارفين راسنا من رجلينا والناس حوالينا عمالة تعلا وتتحرك واحنا محلك سر لا منصب ولا سلطة ولا فلوس

[M.almaghraby]

ما تدينا شوية تفاصيل طيب يا دكتور

[Ahmed Samy]

[أحمد كمال]

لأ كده أسهل و أسرع و أحسن :

[elassar2010]

انت مزعل نفسك كدة لية
دة العادى بتاع البلد مادام انت مش عارف تخرج منها تاقلم على سيستمها وخلاص

[Drift_Lover]

من الآخر انت اللي بتعمل احترام لنفسك.
طبيعي ان الظابط يبقي له تقديره في منطقة عمله ونفوذه وهي قسم الشرطه... زي بالظبط مالدكتور له احترامه وتقديره في منطقة عمله ونفوذه وهي المستشفي...

وكان ممكن بمنتهي البساطه تتصل بالمحامي ييجي ويدخلك زي الباشا.

[أحمد كمال]

من الآخر انت اللي بتعمل احترام لنفسك.
طبيعي ان الظابط يبقي له تقديره في منطقة عمله ونفوذه وهي قسم الشرطه... زي بالظبط مالدكتور له احترامه وتقديره في منطقة عمله ونفوذه وهي المستشفي...

وكان ممكن بمنتهي البساطه تتصل بالمحامي ييجي ويدخلك زي الباشا.

مع احترامي ما ينفعش الظابط يركب العربية و الدكتور يركب البوكس لمجرد ان الظابط ظابط حتى لو غلطان ......

و بمنطقك منطقة عمله و نفوذه هي مصر كلها يعني احنا نهج بقى !

[Lord_Fouad]

موافقك جدا في دي

من الآخر انت اللي بتعمل احترام لنفسك.
طبيعي ان الظابط يبقي له تقديره في منطقة عمله ونفوذه وهي قسم الشرطه.

و معترض جدا على دي

زي بالظبط مالدكتور له احترامه وتقديره في منطقة عمله ونفوذه وهي المستشفي...

.

الظابط برضو هيكبس على نفس الدكتور في المستشفى

-------------------------------------------------------------
و لصاحب الموضوع احب اقوله ان البلد مش ماشية بالكليات و الالقاب و اللي جاب اعلى في الثانوية العامة - مكنش حد غلب-
يعني السلطة و النفوذ هي اللي هتخليك تاخد حقك سواء كنت دكتور او دبلوم صنايع او حتى مش متعلم

[elassar2010]

وكان ممكن بمنتهي البساطه تتصل بالمحامي ييجي ويدخلك زي الباشا.

انت طيب جدا
انت فاكر ان الحياة وردى كدة المحامى هيجى القسم هيدخل عالطول

[Dr_Smart]

بسيطه ... خلص طب وادخل اكاديمية الشرطه وتبقى ظابط طبيب بس خليك قدها واعرف ان لكل حاجه ميزه وعيب