حد يقولى اللى انا عملته ده ايه !!!

[M.FOUAD]

يابيه السواق لو كان ليه حق ماكنش جرى بالعربيه وخبط عربيتى وهرب وماهموش البنى ادم اللى جره وعرض حياته للخطر لازم يكون الحكم والعقاب رادع عشان هو استهتر بحياه البنى ادم وعرضه للخطر وكمان لو هو عايز يرفع قضيه تعدى وشغل شهادات والازم منه انا ممكن اجيبله مؤبد للشروع فى القتل عشان جرجر والدى وخبط العربيه جامد واختى جواها يعنى قضيتين وغير بقى محاضر خفيفه اتلاف ممتلكات الاخرين والسب والقذف والسلاح الابيض (المفك) وعصايه الهوكى اللى رفعهم عليا وعربيته اصلا عماله تطلع دخان اسود يعنى مش هغلب فيه وهلبسه 100 قضيه وكمان زق والدتى وهى بتكلم امين شرطه كان واقف دى لوحدها والدتى ممكن تضيع حياته فيها
مش عارف انتوا بتدافعوا على ايه سواق ده ولا بلطجى مفك وعصايه ويجر بنى ادم فى الارض ويخبط عربيه ويجرى بالله عليكم ماحدش يدافع عنه الا لما تكونوا واثقين انه سواق محترم وبياكل عيش من عربيته مش بلطجى ومجرم..

الحمد للة ان الموضوع عدى على خير
لكن هقولك مثال بسيط لو كلب عضك في الشارع هتروح تعضة زي ما عضك و لا تسيبة و تمشي
انا مش بشبة سواق التاكسي بالكلب لا سمح اللة لكن انا بقولك ان النار بتبدا بشرارة كبريت
يعني خبطة بسيطة في المراية كانت ممكن تعدي بدون اي خسائر ليك و كنت تسيب سواق التاكسي يتطنط بالعربية زي ما هو عايز من غير اي بهدلة ليك
على فكرة البلد دية مش بلد وسائط و لا الكلام دة البلد دية بلد فلوس يعني لو سواق التاكسي دة راح القسم و دفع لامين الشرطة هيعمل عليك محضر ميخرش المية و هما ليهم اساليبهم بردة و هيطلعك غلطان دة غير تعاطف الشعب المصري مع الغلابة دايما و كان الاغنياء كلهم حرامية مثلا
انت طلبت راينا و انا قلت رايي بصراحة

[evoo90]

مش بندافع عنه و لا يحزنون

انا غلطته و قلت لك انه غلطان و اغلبنا هيعمل نفس اللي انت عملته

بس مفيش داعي تقول حتة سواق تاكسي

و احنا اللي عاملين له قوانينه و ورقه

و الكلام اللي مالوش لزمة ده


و الاستقواء بالباطل و الكوسة مش صح حتى لو معاك الحق

معلش لما تشوف اللى انا شوفته قبل كده قبل الحوار ده وتقابل اللى قابلته هتتحول 180 درجه اقسم لك بالله انى مش بلطجى ولا بستغل نفوذ ولا كوسه ولا يحزنون انا عملت كل حاجه قانونى محاضر واقوال وشهود وشهادات طبيه ده بالنسبه للقسم وبالنسبه للى حصل فى الشارع مامديتش ايدى عليه الا لما شتم وسب الدين ومامديتش ايدى على عربيته الا لما كسرلى المرايا وقعد يخبط على عربيتى واقصد بكلامى عن الورق واحنا اللى عاملينه انه المفروض يشكر ربنا ان فى ناس عملت ورق للعربيه ورخصتله وخلته ياكل عيش ولما يتبطر على النعمه ويهين اللى عمله الكلام ده ويرفع مفك وعصايه ويعتدى لدرجه الشروع فى قتل يبقى ده مش مسلم ومالناش الحق اننا نطبق عليه احاديث الرسول الكريم .. شويه اسئله بس من فضلك
-اللى يسب الدين يبقى مسلم؟؟ وخدبالك هو اللى ابتدى بالسب والشتيمه يعنى بيقولى انا كافر ومالكش حق عندى
- اللى يعمل اللى اتعمل ده يبقى مسلم؟ ازاى يا استاذى لو هنبص للدين بقى يبقى ده كافر من الدرجه الاولى فى نظرى كفايه سب الدين ( يااخى ده انا لما ببقى ماشى فى الشارع واشوف حد بيسب الدين وانا معرفوش ولا بيسبلى انا بطلع عين اهله ده دينى !! ) مابالك اللى يسبلك الدين يعنى سيبك من العربيه والاصابات تخيل واحد بيقولك انت مالكش دين ودينك ده كاذب ودينك كذا وكذا وكذا هتسكت له ؟؟
طيب لو مش هنبص للحته الدينيه احنا كمسلمسن او بلاش دى كناس محترمه مابنيتديش بالشتيمه ولا الضرب طول ماحنا غلطانين
طب ل حد شتمك هتسكت ؟حد خبط عربيته وعمال يخبط فيها هتسكت ؟ واحد عايز يموتك هتسكت؟
بالنسبه لموضوع الكوسه عمل ايه امين الشرطه والعسكرى اللى كان واقفين!!!!!! قعدا يتفرجوا عملوا ايه الظباط اللى كانوا فى الكشك اللى فى اخر سور النادى !!! ولا حاجه عمل ايه الظابط اللى جه يعاين العربيه وبيكدبنى ويقول دى متشاله قبل كده بالأيد ومش من السواق !!!!! تليفون واحد البيه قالهم الناس دول تبعى قوى وماتعديش الموضوع على خير دى كوسه ولا دفاع عن الحق بأى طريقه ممكنه .........
اخى المسلم اللى ربنا ورسوله امرونى انى اعامله احسن معامله مايسبش الدين ويلعن الكتاب واللى نزله والعياذ بالله حد لسه شايف انى غلطان؟؟

[نور القمر]

غلطان يا ايفو طبعا
مكنش مفروض تنزلوا لمستواه
وكان لازم تراعوا ن والدتكم واختكم معاكم وتتوقعوا ان كان ممكن يحصل الاسواء
واكيد والدك كمان سنه كبير وكان ممكن يتعرض لمخاطر اسوأ من جرجرته بالعربية
احمد ربنا انها جات على اد كدة

وبعدين الرجل واضح انه كان مُستفز على الاخر ومش هامه عربيته تتكسر في مقابل انه ياخد حقه

[M.Osman]

بصراحة مش عارف اقول اية
..
البلد بقت حاجة تقرف و عاملة زي الغابة..

انا بس عايز اعرف لو حصل معايا موقف مع واحد و هو اللي غلطان و هو معاه كوسه ... و انا واحد على قدي..
ممكن اعرف ساعتها هروح فين عشان اعمل حسابي ؟؟

حمد لله على سلامتك

[A.Saad]

الموضوع تطور من استفزاز لمعركة حربية
اولا اخوك خبط المراية
هوة خبط مراية عربيتكم وشتم
بعد كدة اخوك زنق عليه تانى فالتانى اعتبر ده استفزاز

انا شايف ان انت زودت الموضوع عن الحد اللازم من الاول
والبدايات الخاطئة تؤدى لنهايات خاطئة
وبعد كدة كبرت الخناقة
مش معنى كدة انى راضى عن اللى حصل مع والدك ووالدتك
بس انا شايف انك اتعملت معاه من الاول بتعالى وصممت على الانتقام وده اللى كبر الدنيا
كان ممكن تاخد حقك بطريقة اهدا من كدة

[pop3]

أولا حمد الله على سلامتك إنت و أسرتك,


بص أنا مش هقولك أنت كان المفروض و الكلام ده لأن إللي حصل حصل... وأنا معاك إن السواق غلطان مش بس علشان كسر عليك في الأول لأ ده علشان حاول إنه يستخدم ألآت مؤذيه في الخنافه كان من الممكن إنها تعمل إصابات جسيمه لحد من أسرتك لا سمح الله و كمان لأنه كان ممكن يتسبب في أذي والدك لما جره بالعربيه فالفعل نفسه مرفوض, زي ماهو مرفوض برده إن كل واحد يعرف رتبه في الداخليه إنه يستغلها في أذى حد من الناس.

متزعلشي من كلامي بس إنت كده إتصرفت زي ماهو إتصرف بالظبط.... هو إستخدم آله حاده أو شومه أو غيره لما لقاكم ناس شكلكم محترم و قال أنا أخضهم بحركات البلطجيه علشان يكشوا.

وإنت إستخدمت علاقتك بحد من المسئولين أي كانوا برده علشان تخضوا وتعرفوا هو عمل كده مع مين خاصة إني متأكد إنهم لما يجيبوا السواق والدك هيسامح في حقه و إنت كذلك علشان برده إسمه واحد بيجري على أكل عيشه و هتكتفي بالقلق و الخضه إلي إتخضها.

فأنا من رأي تكتفي باللي حصل ومفيش داعي الموضوع يتطور لأكثر من كده و قدر الله و ماشاء فعل, وفي المستقبل حاول قدر الإمكان إنك تترفع عن الإحتكاك بأي سواق متهور في الشارع لأنه من الآخر معندوش إحساس بالمسئوليه من أساسه فمتحولش تحتك بواحد عديم الإحساس لأنه لا هيقدم و لا هيأخر .

[evoo90]

بص انا معاك انه هو اللي ابتدى

و معاك انه غلط

بس مع احترامي ليك و لوالدة حضرتك و لكل الناس اللي شغالين في مناصب حكومية مرموقة

يعني ايه احنا اللي عاملينله قوانينه و مرخصين له عربيته و كاتبين ورقها ؟؟؟؟؟؟ يعني انت اشتريته مثلا ؟؟؟؟؟؟ عبد عندك ؟؟؟؟؟؟ عشان ما انت اللي كاتب له ورق العربية يبقى حقك تتنطط عليه ؟؟؟؟؟؟؟؟ و يعني ايه عاملينله قوانينه؟؟؟؟؟؟؟؟؟

كلامك مستفز جدا بصراحة

و يعني ايه "حتة سواق تاكسي"؟؟؟

اقرا الحديث كده

قال صلى الله عليه وسلم : ( المسلم أخو المسلم لا يظلمه ولا يخذله ولا يحقره ، التقوى ها هنا – ويشير إلى صدره ثلاث مرات –[overline] بحسب امرئٍ من الشر أن يحقر أخاه المسلم [/overline]، كل المسلم على المسلم حرام ، دمه وماله وعرضه ) رواه مسلم .


شفت بقى انت عملت ايه اما احتقرته و قلت حتة سواق؟؟؟؟؟



معلش مع احترامي و ما تزعلش مني ...... ما تزعلش اما حد يقول عليك "حتة واحد معاه دبلوم صنايع" ......

كفاية طبقية بقى ....... انا بجد قرفت من الطبقية ...... محدش احسن من حد ....... كلنا ولاد تسعة

معلش لما تشوف اللى انا شوفته قبل كده قبل الحوار ده وتقابل اللى قابلته هتتحول 180 درجه اقسم لك بالله انى مش بلطجى ولا بستغل نفوذ ولا كوسه ولا يحزنون ممكن ناس كتير هنا فى المنتدى يعرفونى بجد ويقدروا يقولوا قدام اى حد هنا قد ايه انا محترم وطيب وبحب الناس
انا عملت كل حاجه قانونى محاضر واقوال وشهود وشهادات طبيه ده بالنسبه للقسم وبالنسبه للى حصل فى الشارع مامديتش ايدى عليه الا لما شتم وسب الدين ومامديتش ايدى على عربيته الا لما كسرلى المرايا وقعد يخبط على عربيتى واقصد بكلامى عن الورق واحنا اللى عاملينه انه المفروض يشكر ربنا ان فى ناس عملت ورق للعربيه ورخصتله وخلته ياكل عيش ولما يتبطر على النعمه ويهين اللى عمله الكلام ده ويرفع مفك وعصايه ويعتدى لدرجه الشروع فى قتل يبقى ده مش مسلم ومالناش الحق اننا نطبق عليه احاديث الرسول الكريم .. شويه اسئله بس من فضلك
-اللى يسب الدين يبقى مسلم؟؟ وخدبالك هو اللى ابتدى بالسب والشتيمه يعنى بيقولى انا كافر ومالكش حق عندى
- اللى يعمل اللى اتعمل ده يبقى مسلم؟ ازاى يا استاذى لو هنبص للدين بقى يبقى ده كافر من الدرجه الاولى فى نظرى كفايه سب الدين ( يااخى ده انا لما ببقى ماشى فى الشارع واشوف حد بيسب الدين وانا معرفوش ولا بيسبلى انا بطلع عين اهله ده دينى !! ) مابالك اللى يسبلك الدين يعنى سيبك من العربيه والاصابات تخيل واحد بيقولك انت مالكش دين ودينك ده كاذب ودينك كذا وكذا وكذا هتسكت له ؟؟
طيب لو مش هنبص للحته الدينيه احنا كمسلمسن او بلاش دى كناس محترمه مابنيتديش بالشتيمه ولا الضرب طول ماحنا غلطانين
طب ل حد شتمك هتسكت ؟حد خبط عربيته وعمال يخبط فيها هتسكت ؟ واحد عايز يموتك هتسكت؟
بالنسبه لموضوع الكوسه عمل ايه امين الشرطه والعسكرى اللى كان واقفين!!!!!! قعدا يتفرجوا عملوا ايه الظباط اللى كانوا فى الكشك اللى فى اخر سور النادى !!! ولا حاجه عمل ايه الظابط اللى جه يعاين العربيه وبيكدبنى ويقول دى متشاله قبل كده بالأيد ومش من السواق !!!!! تليفون واحد البيه قالهم الناس دول تبعى قوى وماتعديش الموضوع على خير دى كوسه ولا دفاع عن الحق بأى طريقه ممكنه .........
اخى المسلم اللى ربنا ورسوله امرونى انى اعامله احسن معامله مايسبش الدين ويلعن الكتاب واللى نزله والعياذ بالله حد لسه شايف انى غلطان؟؟

كنت هنسى ( حتة واحد معاه دبلوم صنايع) متشكر على التوضيح اللى اول مره اخد بالى منه ده
اللى انت محموق له ده سب دينك يا استاذ وسب رسولك و ربك وكتابه غير كده شرع فى قتل واحد اعتبره والدك
فهمنى ازاى يبقى مسلم؟؟ وازاى تزعل قوى لما اقول عليه حتته سواق تاكس

[evoo90]

بص انا معاك انه هو اللي ابتدى

و معاك انه غلط

بس مع احترامي ليك و لوالدة حضرتك و لكل الناس اللي شغالين في مناصب حكومية مرموقة

يعني ايه احنا اللي عاملينله قوانينه و مرخصين له عربيته و كاتبين ورقها ؟؟؟؟؟؟ يعني انت اشتريته مثلا ؟؟؟؟؟؟ عبد عندك ؟؟؟؟؟؟ عشان ما انت اللي كاتب له ورق العربية يبقى حقك تتنطط عليه ؟؟؟؟؟؟؟؟ و يعني ايه عاملينله قوانينه؟؟؟؟؟؟؟؟؟

كلامك مستفز جدا بصراحة

و يعني ايه "حتة سواق تاكسي"؟؟؟

اقرا الحديث كده

قال صلى الله عليه وسلم : ( المسلم أخو المسلم لا يظلمه ولا يخذله ولا يحقره ، التقوى ها هنا – ويشير إلى صدره ثلاث مرات –[overline] بحسب امرئٍ من الشر أن يحقر أخاه المسلم [/overline]، كل المسلم على المسلم حرام ، دمه وماله وعرضه ) رواه مسلم .


شفت بقى انت عملت ايه اما احتقرته و قلت حتة سواق؟؟؟؟؟



معلش مع احترامي و ما تزعلش مني ...... ما تزعلش اما حد يقول عليك "حتة واحد معاه دبلوم صنايع" ......

كفاية طبقية بقى ....... انا بجد قرفت من الطبقية ...... محدش احسن من حد ....... كلنا ولاد تسعة

معلش لما تشوف اللى انا شوفته قبل كده قبل الحوار ده وتقابل اللى قابلته هتتحول 180 درجه اقسم لك بالله انى مش بلطجى ولا بستغل نفوذ ولا كوسه ولا يحزنون ممكن ناس كتير هنا فى المنتدى يعرفونى بجد ويقدروا يقولوا قدام اى حد هنا قد ايه انا محترم وطيب وبحب الناس
انا عملت كل حاجه قانونى محاضر واقوال وشهود وشهادات طبيه ده بالنسبه للقسم وبالنسبه للى حصل فى الشارع مامديتش ايدى عليه الا لما شتم وسب الدين ومامديتش ايدى على عربيته الا لما كسرلى المرايا وقعد يخبط على عربيتى واقصد بكلامى عن الورق واحنا اللى عاملينه انه المفروض يشكر ربنا ان فى ناس عملت ورق للعربيه ورخصتله وخلته ياكل عيش ولما يتبطر على النعمه ويهين اللى عمله الكلام ده ويرفع مفك وعصايه ويعتدى لدرجه الشروع فى قتل يبقى ده مش مسلم ومالناش الحق اننا نطبق عليه احاديث الرسول الكريم .. شويه اسئله بس من فضلك
-اللى يسب الدين يبقى مسلم؟؟ وخدبالك هو اللى ابتدى بالسب والشتيمه يعنى بيقولى انا كافر ومالكش حق عندى
- اللى يعمل اللى اتعمل ده يبقى مسلم؟ ازاى يا استاذى لو هنبص للدين بقى يبقى ده كافر من الدرجه الاولى فى نظرى كفايه سب الدين ( يااخى ده انا لما ببقى ماشى فى الشارع واشوف حد بيسب الدين وانا معرفوش ولا بيسبلى انا بطلع عين اهله ده دينى !! ) مابالك اللى يسبلك الدين يعنى سيبك من العربيه والاصابات تخيل واحد بيقولك انت مالكش دين ودينك ده كاذب ودينك كذا وكذا وكذا هتسكت له ؟؟
طيب لو مش هنبص للحته الدينيه احنا كامسلمين او بلاش دى كناس محترمه مابنيتديش بالشتيمه ولا الضرب طول ماحنا غلطانين
طب ل حد شتمك هتسكت ؟حد خبط عربيته وعمال يخبط فيها هتسكت ؟ واحد عايز يموتك هتسكت؟
بالنسبه لموضوع الكوسه عمل ايه امين الشرطه والعسكرى اللى كان واقفين!!!!!! قعدا يتفرجوا عملوا ايه الظباط اللى كانوا فى الكشك اللى فى اخر سور النادى !!! ولا حاجه عمل ايه الظابط اللى جه يعاين العربيه وبيكدبنى ويقول دى متشاله قبل كده بالأيد ومش من السواق !!!!! تليفون واحد البيه قالهم الناس دول تبعى قوى وماتعديش الموضوع على خير دى كوسه ولا دفاع عن الحق بأى طريقه ممكنه .........
اخى المسلم اللى ربنا ورسوله امرونى انى اعامله احسن معامله مايسبش الدين ويلعن الكتاب واللى نزله والعياذ بالله حد لسه شايف انى غلطان؟؟

كنت هنسى ( حتة واحد معاه دبلوم صنايع) متشكر على التوضيح اللى اول مره اخد بالى منه ده
اللى انت محموق له ده سب دينك يا استاذ وسب رسولك و ربك وكتابه غير كده شرع فى قتل واحد اعتبره والدك
فهمنى ازاى يبقى مسلم؟؟ وازاى تزعل قوى لما اقول عليه حتته سواق تاكس

[أشرف فتحى]

هقول حاجه صغيره بعد إذنكم.......

لو العربيه عربيتى ولو اللى اتبهدل والدى ووالدتى واختى او زوجتى او بنتى......مش هقول طبقيه ولا عدل ولا ظلم...هيبقى كل همى إنه أسففه التراااااااااااب....

سامحونى على كلامى........

لو عندى حد يحمى ظهرى مش هسيبه غير لو عرف إن الله حق وإنها مش بالبلطجه والافتراء.....


على الرغم من كل اللى قلته دا يا إيفو......وعلى الرغم من وصفك للحادثه....اللى فهمته إن البدايه كانت غلط من أخوك وانت معترف بإن سواقته مبتعجبكش.....

يعنى كان اصولك تلم الدور ...

واقولك انا على اللى هيحصل......

هيوصلوا للسواق وهيتبهدل وهييجى يبوس ايديكوا ورجليكوا....
وهيقولك انا بشتغل على العربيه واليها اقساط وانا بكفل ولد معاق وزوجتى عندها إنزلاق غضروفى وابويا عنده فيروس سى وتليف فى الكبد وهيشيلك هم الدنيا كلها...


وهيعتذر ويعيط ويتحايل عليكوا......

وبعدين هتتنازل وهيصعب على والدتك ويمكن تديله تمن الفانوس اللى كسرتهوله وهتندم انك صعدت الموضوع....وشيلت جمايل فى موضوع هتعرف بعد فتره انه مكنش يستاهل كل العصبيه دى...!!!!

لو هتسمع لنصيحتى ..انا فى موقف مماثل كنت وصلت مع تباع عربيه نقل منبتوع شركه بيبسى موقف الشارع وسايب العربيه فى نص الشارع لغايه ما يحاسب إداره مدرسه على الطلبيه اللى جايبها....وفضلت اشتم فى التباع واتوعده ....ولما خرج السواق كان بارد قوى ولا كأن فى أى حاجه بالعكس...

أييييييييييييييه...هى الدنيا طارت؟......يعنى وراك الديوان.......والكلام العبيط ده....

كنت همسك فى رقبته بس قولتله كلمه جت فى بالى ساعتها....

إسمع يا عم انت....بصلى كويس....حفظت شكلى....إفتكرنى بقى عشان هنتقابل تانى......وساعتها هتعيط......

طبعا هو قلق وإفتكر إنى بتكلم على لما يروح يجدد الرخص ولا لما يروح شركته ولا انى هأذيه بشكل ما....عالم تخاف متختشيش زى ما بيقولوا وراح قالب على محترم وحقك عليا ...انا مأخدتش دقيقتين جوه....ونهارك ابيض وصباحك زى الفل وشغل الميكروباصات ده....

لكن فى الحقيقه انا كان قصدى على يوم القيامه لما نتقابل واطلب حقى منه .....

يا ايفو.....

انا منكرش إن لو عندى واسطه هستغلها طبعا...لكن فى حاجات ما تستاهلش......ومش معنى إنه سواق يبقى أقل منك ....والبنى أدم بأصله...إحنا معانا هنا فى المنتدى ناس مش بتقول انها عربياتها تاكسى....وفى قمه الادب والاخلاق......

إوزن كلامك....المنصب ما بيدومش لحد....واللى بيظلم بيلاقى اللى يظلمه.......

[NaderNabil]

موقف في رغم بساطتة بدايته...إلا انه إنتهى بشحنة أخري من الغضب و السخط و الحنق تجاه المجتمع سواء من جهتك أو من جهة سائق التاكسي...و نرجع تاني نقول مش عارفين نعيش!!!

انا خارج الدائرة!

[pro_samir]

جرب تبدل الأماكن كدة مع سواق التاكسى وتخيل انك انت السواق و هوا انت

تخيل الموقف وقولنا رأيك

انا مش عايز اتكلم علشان متزعلش منى

[E30power]

يابيه السواق لو كان ليه حق ماكنش جرى بالعربيه وخبط عربيتى وهرب وماهموش البنى ادم اللى جره وعرض حياته للخطر لازم يكون الحكم والعقاب رادع عشان هو استهتر بحياه البنى ادم وعرضه للخطر وكمان لو هو عايز يرفع قضيه تعدى وشغل شهادات والازم منه انا ممكن اجيبله مؤبد للشروع فى القتل عشان جرجر والدى وخبط العربيه جامد واختى جواها يعنى قضيتين وغير بقى محاضر خفيفه اتلاف ممتلكات الاخرين والسب والقذف والسلاح الابيض (المفك) وعصايه الهوكى اللى رفعهم عليا وعربيته اصلا عماله تطلع دخان اسود يعنى مش هغلب فيه وهلبسه 100 قضيه وكمان زق والدتى وهى بتكلم امين شرطه كان واقف دى لوحدها والدتى ممكن تضيع حياته فيها
مش عارف انتوا بتدافعوا على ايه سواق ده ولا بلطجى مفك وعصايه ويجر بنى ادم فى الارض ويخبط عربيه ويجرى بالله عليكم ماحدش يدافع عنه الا لما تكونوا واثقين انه سواق محترم وبياكل عيش من عربيته مش بلطجى ومجرم..

بصراحة انا لو مكانك هعمل زىك ويمكن اكتر كمان ...دةلو فى اكتر من الى عملتة
انا بتكلم على النحية النفسية ....على الاقل انتا كدة نفسك مش مكسورة وعيلتك مش هيجى عليهم يوم ويفتكوا الى حصل بنفس ضعيفة لا بالعكس ...........انا شايف انك الى عملتة الصح لان الى يمشى ورا القانون مش بيهين غير نفسة وياريت هتعرف تاخد حقق كمان انتا ووسايطك بقى ...بدليل لما مامتك بتهزقهم علشان يخشوا يحوشوا وهموا ولا الهوا ....
.بيبان على الانسان ومن اسلوبة واول ما تتعامل معاه حتى لو متنرفز بتضطر تحترمة غصب عنك

من اخر المحترم احترمة والمتعافى وبيتبلطج اديلة على دماغة ..........وبعديها بينى وبينك المحكمة ,,وانا غلبااااان وابويا فى الجيش هو هيعدى ودى العادى بس هتكون خت حققك فى الاخر مهما حصل وكبرت فى نظر نفسك..........اسف على الاطالة

[yahiahelaly]

هوة بصراحه من الاول من ساعت المراية لما اتكسرت مكنش ينفع الاعتذار بلايد كنت تقفلة وكدا اوتيجي جنبة وساعتها لو الوضع اتطور ياخد على دماغة فاهنمبس بليحصل انتوا الاتنين غلطنين واكتر حاجة غظتني لما خبطك من وراااااااااا

[evoo90]

بصراحة مش عارف اقول اية
..
البلد بقت حاجة تقرف و عاملة زي الغابة..

انا بس عايز اعرف لو حصل معايا موقف مع واحد و هو اللي غلطان و هو معاه كوسه ... و انا واحد على قدي..
ممكن اعرف ساعتها هروح فين عشان اعمل حسابي ؟؟

حمد لله على سلامتك

روح صلى وادعى ربنا اللى هو احسن واكبر من اى واسطه فى الدنيا

الموضوع تطور من استفزاز لمعركة حربية
اولا اخوك خبط المراية
هوة خبط مراية عربيتكم وشتم
بعد كدة اخوك زنق عليه تانى فالتانى اعتبر ده استفزاز

انا شايف ان انت زودت الموضوع عن الحد اللازم من الاول
والبدايات الخاطئة تؤدى لنهايات خاطئة
وبعد كدة كبرت الخناقة
مش معنى كدة انى راضى عن اللى حصل مع والدك ووالدتك
بس انا شايف انك اتعملت معاه من الاول بتعالى وصممت على الانتقام وده اللى كبر الدنيا
كان ممكن تاخد حقك بطريقة اهدا من كدة

اخويا غلط اه بس احنا كان فى نيتنا نخلصه من غير كل ده سبق وقولت احنا مش بلطجيه وناس محترمه ومش بتوع مشاكل وانا من اول خبطه فتحت الشباك عشان اقوله اركن على جنب لقيته بيشتم ويسب رحت قايله اقف على جنب يابن ويابن راح جاى خابط زى مابتشوف فى الافلام رمى يمين وبعدين راح مطوح شمال علينا وفضل لازق وعايز يطلعنا على الرصيف ساعتها بقى مافيش حاجه اسمها زوق واحترام وابتديت امد ايدى
ولما نزلنا ماكنش فى نيتى امد ايدى على العربيه بتاعته ابسط حاجه كنت موطى على النمره بتاعته وكنت هاشدها واخدها فى العربيه ونمشى لكن لقيته راح ساحب مفك وطيرلى المرايه !!! ها اوطى على راسه ابوسها رحت رازعله فانوس هو مش عايز عافيه ياخد بقى مافيش اكتر منها تلو حكمت الظروف وبعد ماوالدى خد المفك منه طلع عصايه هوكى وخبطنى على دراعى وخدناها منه وركنت العربيه بعيد وخلص الحوار خلاص ورايحين نركب ونمشى راح جارى وخبطها ووالدى لما جه يمسكه جره فى الارض وكان هيموته قولولى بقى مين اللى ابتدى بالاعتداء!!؟؟

أولا حمد الله على سلامتك إنت و أسرتك,


بص أنا مش هقولك أنت كان المفروض و الكلام ده لأن إللي حصل حصل... وأنا معاك إن السواق غلطان مش بس علشان كسر عليك في الأول لأ ده علشان حاول إنه يستخدم ألآت مؤذيه في الخنافه كان من الممكن إنها تعمل إصابات جسيمه لحد من أسرتك لا سمح الله و كمان لأنه كان ممكن يتسبب في أذي والدك لما جره بالعربيه فالفعل نفسه مرفوض, زي ماهو مرفوض برده إن كل واحد يعرف رتبه في الداخليه إنه يستغلها في أذى حد من الناس.

متزعلشي من كلامي بس إنت كده إتصرفت زي ماهو إتصرف بالظبط.... هو إستخدم آله حاده أو شومه أو غيره لما لقاكم ناس شكلكم محترم و قال أنا أخضهم بحركات البلطجيه علشان يكشوا.

وإنت إستخدمت علاقتك بحد من المسئولين أي كانوا برده علشان تخضوا وتعرفوا هو عمل كده مع مين خاصة إني متأكد إنهم لما يجيبوا السواق والدك هيسامح في حقه و إنت كذلك علشان برده إسمه واحد بيجري على أكل عيشه و هتكتفي بالقلق و الخضه إلي إتخضها.

فأنا من رأي تكتفي باللي حصل ومفيش داعي الموضوع يتطور لأكثر من كده و قدر الله و ماشاء فعل, وفي المستقبل حاول قدر الإمكان إنك تترفع عن الإحتكاك بأي سواق متهور في الشارع لأنه من الآخر معندوش إحساس بالمسئوليه من أساسه فمتحولش تحتك بواحد عديم الإحساس لأنه لا هيقدم و لا هيأخر .

الرتب اللى حضرتك بتتكلم عليها دى اولا والدتى مدير عام بوزاره الداخليه (الاداره العامه للمرور ) طرف اساسى فى القصه و قريبى العميد/ اسامه سليم مافيش داعى اقول يقربلى ايه وهو اللى ماسك اداره مشروع تكهين التاكسيات فى 6 اكتوبر حاليا .. ازاى ما استغلهمش

هقول حاجه صغيره بعد إذنكم.......

لو العربيه عربيتى ولو اللى اتبهدل والدى ووالدتى واختى او زوجتى او بنتى......مش هقول طبقيه ولا عدل ولا ظلم...هيبقى كل همى إنه أسففه التراااااااااااب....

سامحونى على كلامى........

لو عندى حد يحمى ظهرى مش هسيبه غير لو عرف إن الله حق وإنها مش بالبلطجه والافتراء.....


على الرغم من كل اللى قلته دا يا إيفو......وعلى الرغم من وصفك للحادثه....اللى فهمته إن البدايه كانت غلط من أخوك وانت معترف بإن سواقته مبتعجبكش.....

يعنى كان اصولك تلم الدور ...

واقولك انا على اللى هيحصل......

هيوصلوا للسواق وهيتبهدل وهييجى يبوس ايديكوا ورجليكوا....
وهيقولك انا بشتغل على العربيه واليها اقساط وانا بكفل ولد معاق وزوجتى عندها إنزلاق غضروفى وابويا عنده فيروس سى وتليف فى الكبد وهيشيلك هم الدنيا كلها...


وهيعتذر ويعيط ويتحايل عليكوا......

وبعدين هتتنازل وهيصعب على والدتك ويمكن تديله تمن الفانوس اللى كسرتهوله وهتندم انك صعدت الموضوع....وشيلت جمايل فى موضوع هتعرف بعد فتره انه مكنش يستاهل كل العصبيه دى...!!!!

لو هتسمع لنصيحتى ..انا فى موقف مماثل كنت وصلت مع تباع عربيه نقل منبتوع شركه بيبسى موقف الشارع وسايب العربيه فى نص الشارع لغايه ما يحاسب إداره مدرسه على الطلبيه اللى جايبها....وفضلت اشتم فى التباع واتوعده ....ولما خرج السواق كان بارد قوى ولا كأن فى أى حاجه بالعكس...

أييييييييييييييه...هى الدنيا طارت؟......يعنى وراك الديوان.......والكلام العبيط ده....

كنت همسك فى رقبته بس قولتله كلمه جت فى بالى ساعتها....

إسمع يا عم انت....بصلى كويس....حفظت شكلى....إفتكرنى بقى عشان هنتقابل تانى......وساعتها هتعيط......

طبعا هو قلق وإفتكر إنى بتكلم على لما يروح يجدد الرخص ولا لما يروح شركته ولا انى هأذيه بشكل ما....عالم تخاف متختشيش زى ما بيقولوا وراح قالب على محترم وحقك عليا ...انا مأخدتش دقيقتين جوه....ونهارك ابيض وصباحك زى الفل وشغل الميكروباصات ده....

لكن فى الحقيقه انا كان قصدى على يوم القيامه لما نتقابل واطلب حقى منه .....

يا ايفو.....

انا منكرش إن لو عندى واسطه هستغلها طبعا...لكن فى حاجات ما تستاهلش......ومش معنى إنه سواق يبقى أقل منك ....والبنى أدم بأصله...إحنا معانا هنا فى المنتدى ناس مش بتقول انها عربياتها تاكسى....وفى قمه الادب والاخلاق......

إوزن كلامك....المنصب ما بيدومش لحد....واللى بيظلم بيلاقى اللى يظلمه.......

متأكد وواثق من الكلام ده ميه فى الميه وما اقصدش اهين سواقين التاكسيات ابدا ابدا ابدا ولو حد هنا سواق تاكس وزعل من كلاى مستعد ابوس راسهم واحد واحد عشان متأكد انهم ناس محترمه و ناس تعرف فى الاصول والزوق قبل مايبقوا سواقين تاكسيات اما حوار المنصب ده فكرته فى حاجه واحده احترام الكبير سواء اكبر منى سننا او اكبر منى فى المنصب وده شاب صغير يمكن قدى او اكبر بسنه ولا اتنين ما احترمش والدى ووالدتى واخويا الكبير ولا امين الشرطه ولا عسكرى المرور اللى كانوا واقفين واحد شاب زى اخويا او الامين والعسكرى ممكن يضربوه لو ماحترمهمش وقل بيهم لكن واحده زى والدتى هترد عليه ازاى
بجد بجد الاداره العامه شايله عننا بلاوى عربيات ساقطه وبيمشوها ويقولوا سيبوهم ياكلوا عيش دول غلابه وياما عربيات بتتحجز ويقولوا مشوها وسيبوها خليهم ياكلوا عيش لكن يجوا بعد كده السواقين دول ويرفصوا (سورى فى اللفظ) الناس اللى ياما جاملتهم وخافت عليهم يرفصوهم كده برجليهم لا لا ساعتها لازم يتعلموا الادب لان دول مش بيقدوا ولا بيحترموا غيرهم ..

ويتأسف لوحد زعل من (حتته سواق تاكس) قصدى بيها الحيوان ده وليس المهنه
على فكره بقى انا كان نفسى ابقى سواق ميكروباص!!! والله بجد ....

[wesam_salom]

حسبنا الله ونعم الوكيل فى الظالم والمفترى