مبرووووووك , ربنا سبحانه وتعالى رزقني بعمل بدون تدخل مني

[mahmoud_magdy]

بسم الله الرحمن الرحيم
السلام عليكم ورحمة الله وبركاته
الحمد لله حمدا كثيرا طيبا مباركا
اما بعد :
النهارده كان اول يوم ليا في الشغل (اول مره اشتغل في حياتي ) وبدون ما أسعى للشغل ده خالص
القصه من البدايه : بقالي فتره كبيره جدا ( مش هقول اد ايه ) عاوز اشتغل
وعمال بسأل الناس واشوف حد يشوفلي شغل بأي مرتب وأي شغل وخلاص
وفي يوم ابيض وزي الورد اتصل بيا واحد صاحبي عارف اني عاوز اشتغل
قالي في شغل وتعالى قابل صاحب الشغل بكره
قلتلو ماشي , اليوم دا انا كنت في القاهره وكنت ناوي على بيات في شقتي في شبرا
بس اخدت بعضي وجريت على العاشر من رمضان وصحيت الصبح اتصلت بصاحبي
قالي اما ييجي صاحب الشغل هكلمك تيجي تقابلو
كلمني الساعه السادسه مساء تقريبا , لبست وظبت نفسي ورحت توكلت على الله ورحت قابلت الراجل
بعد كلام خمس دقايق معاه ,قالي تنزل الشغل بكره ,رحت قلتلو لو عاوزني من دلوقتي اشتغل انا معاك راح قايل دلوقتي !!!!!!
قلتلو ايوووووووووووووووووووووووووووووووووووووووووووووووه
قال ادخل اشتغل
نادي على واحد قديم عرفني عليه وابتدى الشغل
الشغل عباره عن بائع في مكتبه فيها مستلزمات كتير اوي للعائله والاطفال ( خطوط موبينيل , هدايا , لوازم مدارس , لوازم مكاتب , ألعاب اطفال, موبايلات وتليفونات.....الخ )
الشغل من الساعه ال 9 صباحا حتى الساعه 11 مساء
طبعا انا قضيت الكام ساعه دول وكنت مبسوط جداااااااااااااااااا
والنهارده رحت من بدري وكلي نشاط اشتغلت واتعلمت بسرعه البرق والحمد لله
وبعت حاجات كتير كمان وكونت علاقات كويسه مع الناس
والوقت عدى بسرعه برغم انهم 14 ساعه لكن خفاف على قلبي اوي
بصراحه الفراغ مملللللللللل جداااااااااااااااااا وممنوش فايده خالص
انا دعيت ربنا سبحانه وتعالى انو يرزقني بشغل وقلتلو اني محتاج الشغل اوي وانت عارف كدا
الحمد لله ربنا سبحانه وتعالى استجاب لدعائي الحمد لله
انا قلت اكتب الموضوع ده للذكرى وتشاركوني فرحتي
وبرغم التعب اللي في الشغل والكلام طول اليوم مع الناس والوقفه على رجليا لحد ما وجعتني
لكن مبسووووووووط جدا
بجد انا لقيت نفسي في الشغل دا
ملحوظه : الشغل مش عيب خالص , وانا كان نفسي الاقي البدايه بس واهي جت من غير ما اسعى ليها وربنا سبحانه وتعالى رزقني بيها من غير لا حول لي ولا قوه
انا مش محتاج من الشغل فلوس على اد ما محتاج اني اشغل والفلوس تأتي بعد العمل
حتى متكلمتش مع صاحب العمل في فلوس ولا جبت سيرتها حبا في اللي هعمله
وصدق من قال حب ما تعمل حتى تعمل ما تحب
انا نفسي اشتغل في التسويق لاني شايف اني بفكر كويس اوي وبتعلم بسرعه وسريع البديهه
لكن عارف ان الموضوع محتاج دراسه
والمبيعات مش وحشه خالص بالعكس رغم ما فيها من تعب
معلش طولت عليكو
يارب يجعل أيامكو كلها سعاده زي ما انا دلوقتي كدا :10d5c8~1107:
شكراااااااااااا

[mahmoud_magdy]

انا نسيت اقول ان صاحب المكتبه موزع معتمد لموبينيل ( ما شاء الله )
وسوبر ديلر ليها في العاشر من رمضان
ادعولي بالتوفيق عسى ان يوفقكم الله
شكرا

[mahmoud_magdy]

اروح انا انام بقى

عندي شغل بكره الصبح ( تاني مره اقولها ) :
تصبحو على خير

[ضيف]

الحمد لله و ربنا يجعله بداية الخير

حضرتك أخدت بالأسباب و سعيت على الرزق الحلال بأنك دورت من خلال المعارف و ده المطلوب

إن شاء الله ربنا يثبت أقدامك و يوسع عليك

مبروك

[ahmedhilmy]

الف مبروك و ربنا يجعلها فاتحة خير عليك و يكرمك و يوفقك و يقويك و مبروك مرة تانية

[mahmoud_magdy]

شكرا لردودكم الجميله
ربنا يكرمكم كمان وكمان

[M.almaghraby]

ان شاء الله فاتحة خير ياباشا وربنا يكرمك يا رب ان شاء الله

[نور القمر]

الف مبروك يا محمود وربنا يوفقك وتحقق كل امالك

[Samah AbdAllah]

الف مبروك

وربنا يوفقك فى شغلك ومفيش شغل عيب وكل شغل ممكن تبدع فيه مهما كان فى مظهره بسيط ومش محتاج ابداع

لكن حبك لعملك وقدرتك على كسب ثقت الناس وباسلوب الجميل الملئ بالمودة مع الناس هتكسب ناس كتير تفضل التعامل معاك ومع مكان عملك وده بالتاكيد هيزود دخل المكتبة يعنى ابداعك واسلوبك الشخصى هيكون سبب ربح مكان عملك وربنا مسبب الاسباب بالتوفيق ان شاء الله

[creative]

الف الف مبروك ويارب يكون فاتحة الخير عليك انشاء الله

[maka]

مبروووووووك ويارب من نجاح لنجاح باذن الله

[Terrible_DaRsH]

فرحتلك والله يا عم من قلبي :)

الف مبررروك و ان شاء الله تفتح شغل لنفسك قريب .

[bemocarlo]

الف مبروك يا باشا وربنا يحقق لك كل اللي بتتمناه
bemo,ire

[pro_samir]

مبروك يا ريس

ربنا يسعدك دايما

بتحلم بإية دلوقتى هههه

[NaderNabil]

ألف مبروك...
ربنا يفتحها في وشك و يرزقك كل خير :)