نصائح لإختيار الشقة المناسبة!

[NaderNabil]

إن شاء الله انا بصدد شقة...
الحمد لله علي هذه النعمة...و أشكر ربي لأجل مساعدة والدي في هذا الأمر

انا بقالي فترة طويلة بلف في منطقة زهراء المعادي...و مقتنع بيها كمنطقة...و أسعارها مناسبة للإمكانيات...و يوجد بها مساحات مناسبة

محتاج بعض النصائح لإختيار الشقة المناسبة...لأن المعروض كتير جداً و في أماكن مختلفة...عشان كده الإختيار صعب جداً من بين هذا الكم الهائل من الشقق

أولاً: هل هناك أي تعليقات علي منطقة زهراء المعادي؟

ثانياً: لو أمامك 3 شقق بعمارة واحدة...الثلاثة نفس التقسيم و المساحة و الواجهة...و الإستلام فوري و عداد الكهرباء راكب و المفتاح تستلمه أول ما تمضي العقد...
لكن الشقق موجودة بالدور الأول بعد الأرضي...و الثامن و التاسع! مع العلم ان العمارات هناك 11 دور
أيهم تختار...و أسبابك التفصيلية يا ريت

و عموماً أي الأدوار هي الأفضل؟

ثالثاً: لو لم تتوافر شقة بحرية...أيهم أفضل...الشرقي أم الغربي؟

رابعاً: إيه اللي أخد بالي منه و انا باختار الشقة...بغض النظر عن الشق القانوني و ترخيص البناء و المرافق..لأن ده في محامي هايساعدنا فيه..

خامساً...شكراً جزيلاً لكل من يساهم في الرد :)

[Nile_Storm]

خلاص نويت :)
علي البركه يا صديقي

بلاش شرقي ده الي اعرفه
بتبقي مولعه في الصيف

اما الدور اختار الاول
تخيل لو النور قطع و لا الاسانسير باظ
و طبعا افضل الادوار هم ال 3 و 4
و بما اني ملسوع منن موضوع الشقق ده
حاول كده تتعرف علي حاله سكان العماره
متعاونين و لا كله يالا نفسي
عندنا في شقه اكتوبر مهازل بسبب الجيران
و سلم متوسخ و قرف

ده الي افكرته لو فيه حاجه تانيه هكتبه
و مبروك مقدما

[Terrible_DaRsH]

انا اؤيد الدور الاول , لانى من سكانه :)

و عائلتى كلها فى الدور الاول :)

اهم حاجة المنطقة تكون هادئة بس و مفيهاش زحمة , ربنا يوفقك .

[Karim_Monir]

مبروك يا نادر وبالتوفيق
نقي جارك قبل دارك
بجد مالهمش حل وتغييرهم مستحيل وينكدو عليك عيشتك وبتبقي حظوظ
ثانيا
ابعد عن الارضى واول دورين
تراب مصر مقرف مش هايخليك تشوف الشارع
وكمان الدوشة لو انت من اعداء الدوشة والاصوات العالية هاتتعذب من تعدية عربية صغيرة جنب العمارة
الاداور العالية رائعة
منظر وهواء وخصوصية
انا في شقتي كان قدامي السادس والتامن (وكان فوق التامن دور ساكن)
خدت السادس عشان الاسانسير
وصاحبي خد التامن
وكل يوم بضرب نفسي عشان في عمارة طلعت 7 ادوار قفلت عليا وماقفلتش علية المنظر والهواء
الغربي حلو هواة احسن بس الشمس في الصيف متعبة شوية

[Terrible_DaRsH]

ده بيتوقف على مكان العمارة على فكرة . يعنى لو ساكن فى شارع واسع مش هيفرق معاه الكلام ده خاااااالص و لا هيحس باى حاجة .

لو ساكن فى شارع ضيق مشكلة الاصوات هتظهر نسبيا .

و لو الاسانسير تعطل فى مرة لا قدر الله بتبقي عذاااااااب و مشقة خصوصا لو جاى لك ضيوف او حد كبير .

[Migo123]

خليك في العالي
مصر من فوق احلى كتيير

معرفش اسعار الزهراء ايه
بس لو امكانيانتك تسمح بانك تشوف في المقطم
ما تفكرش كتيير
المقطم احلى مكان للسكن في القاهرة

[M.FOUAD]

انا رايي الثامن اهدا و انظف من الاول و الشقة لو قبلي تبقى شرقي احسن
تخلي بالك بقى
تشطيب الشقق كلة زي بعضة يعتي متلاقيش مثلا شقة فيها حلقان للابواب و الشبابيك و شقة تانية مفيش و كذلك في مواسير الكهرباء و المحارة
مواسير السباكة اللي برة و اللي جوة مفيش فيها اي ترشيح
اتاكد ان مفيش اي حيطة او سقف مش شارب مية نتيجة عيب مواسير سباكة او حاجة
و الف مبروك مقدما

[M.FOUAD]

انا رايي الثامن اهدا و انظف من الاول و الشقة لو قبلي تبقى شرقي احسن
تخلي بالك بقى
تشطيب الشقق كلة زي بعضة يعتي متلاقيش مثلا شقة فيها حلقان للابواب و الشبابيك و شقة تانية مفيش و كذلك في مواسير الكهرباء و المحارة
مواسير السباكة اللي برة و اللي جوة مفيش فيها اي ترشيح
اتاكد ان مفيش اي حيطة او سقف مش شارب مية نتيجة عيب مواسير سباكة او حاجة
و الف مبروك مقدما

[M.FOUAD]

انا رايي الثامن اهدا و انظف من الاول و الشقة لو قبلي تبقى شرقي احسن
تخلي بالك بقى
تشطيب الشقق كلة زي بعضة يعتي متلاقيش مثلا شقة فيها حلقان للابواب و الشبابيك و شقة تانية مفيش و كذلك في مواسير الكهرباء و المحارة
مواسير السباكة اللي برة و اللي جوة مفيش فيها اي ترشيح
اتاكد ان مفيش اي حيطة او سقف مش شارب مية نتيجة عيب مواسير سباكة او حاجة
و الف مبروك مقدما

[A.Saad]

لو هتاخد الول
شوف ايه النشاط اللى هيفتح فى المحلات تحت
لانك ممكن تتقرف منه

وكمان شوف مستوى الجيران ليك مع عرض الشارع علشان شقتك ما تكونش مجروحة اوى

[M.Osman]

مبروك مقدماً يا باشا...
فيه معيار كمان لأختيار الدور الكام ... و هو الجيران (مهمة اوي)

و ربنا يوفقك انشاء الله

[M.Mekawy]

ألف الف مبروك يا باشا مقدما
انا مش هعلق على اولا لانى معرفش نظام المنطقة اوى
ثانيا : اكيد مش الاول , ان كان و لابد يبقى التامن , و لو انى لا أفضل الادوار العليا بسبب امكانية تعطل الاسانسير , و بسبب تعرضها الاكبر للشمس , يعنى لو قدرت تتوفق فى حاجة من التانى للرابع يبقى احسن بكتير , بس الاول دوشة و عدم خصوصية و تراب و عرضة للسرقة
ثالثا : البحرى ثم طبعا الشرقى ,بينما الغربى هو أسوأ توجيه ممكن لشقة سكنية ( معلومة بيخدوها فى سنة أولى عمارة)
رابعا :
- تشطيب المدخل و السلم , اذا كانت لسة عمارة جديدة , و صاحب العمارة ايه نظامه معاهم
-الانتركم
-اذا كان فى اى حاجة فى الواجهات مش خلصانة
- الحلوق و الشبابيك و التشطيبات ( ان وجدت) مطابقة لما هو موجود فى العقد
-مخارج السباكة فى الحمام و المطبخ كاملة
-مخارج الكهرباء فى الشقة
- العداد اللى هيركب يكون 3 فاز مش أقل عشان شغل التكييفات و التلاجات و الكلام دا
لو افتكرت حاجة تانى هقولك
و الف مبروك تانى

[TIMODAX]

السلام عليكم مبروك عليك و ليك انشاء الله
ممكن أعرف أخبار ألأسعار , و نظام الدفع و سمعت أنا حاجة عن ان الأراضي وضع يد و كلام من النوع ده فهل ده صحيح

[tayson54]

هزود بس نقطه الدوشه حاول تختار شقه هاديه وشارع مش مزعج ولا جيران مزعجين (اسئل عليهم البواب) لو انت من محبي الهدوء وانا شخصيا افضل الشقق العاليه يعني لو مكانك هختار الثامن اما مسأله الأسانسير فهو مع الصيانه المنتظمه مش عرضه للعطل علي فترات قصيره بالعكس وده يرجعنا لنقطه مدي تعاون الجيران في الصيانه (بيبان من مظهر العماره وكمان اسئل البواب عن المستويات اللي ساكنه) وربنا يوفقك

[ams]

إ
ثانياً: لو أمامك 3 شقق بعمارة واحدة...الثلاثة نفس التقسيم و المساحة و الواجهة...و الإستلام فوري و عداد الكهرباء راكب و المفتاح تستلمه أول ما تمضي العقد...
لكن الشقق موجودة بالدور الأول بعد الأرضي...و الثامن و التاسع! مع العلم ان العمارات هناك 11 دور
أيهم تختار...و أسبابك التفصيلية يا ريت

و عموماً أي الأدوار هي الأفضل؟

عن نفسى هاختار اللى فى الدور الاول و ذلك باخذ عامل الامان لو حصل حريقه او زلزال لا قدر الله و لو هشترى اى حاجة سهل اطلعها البيت و الاسانسير مش هيبقى مشكله و طبعا القرب من الشارع هيبقى فيه ازعاج اكبر م الادوار العليا

لكن الادوار العليا تتميز بميزه هامه جدا و هى المنظر الرائع و انك شايف السما كفايه ان نور القمر يدخل اوضتك

لكن برده اختار الدور الاول