نصيحة قبل الشراء... تكييف فريش

[Dr Ahmed]

بلاش فريش ده نموذج للمنتج المصري الرديء الفارضين علينا جمارك عشان يحموه ....ياخي انشالله ما حموه ولا نيلا ..... أنا بكتبلك ردي من أوضتي الساعة ٢ بليل عامل التكييف المايتسمه على 18 و-fan medium وحران تكييف سيء سيء سيء نصيحة كارير أو الأحسن كمان ومحدش جاب سيرتو توشيبا

على فكرة كمبرسور فريش ماركة توشيبا
أنا حيران جدا بين الآراء
فيه موضوع تانى بيمدحوا فيه فى فريش ومكوناته
توشيبا هو شارب وقوته فى توكيله غير كده ممكن يكون عادى وللا إيه؟
أنا عندى فى العيادة التانية شارب حصان ونص وباظ بعد عدة شهور من استخدام 6 ساعات فى الأسبوع! والتوكيل صلحوه معرفش وللا غيرو الكمبرسور المهم انه اتصلح ، يعنى كل الماركات لازم ييجى وقت وواحد فينا يقابل منها مشكلة
عرّفنى بقى لو تكرمت التكييف اللى عندك مواصفاته إيه بالضبط

[Mustafa_Farouk]

from my opinion:

1- Train
2- Sharp

in my work they put train 10 years ago and it works Ma Sha' ALLAH very good and we put it in my home also.
we change one with sharp and Ma Sha' ALLAH it works good

pry to GOD to help u in ur AC. to get the better 1 4 u

[Ahmed Hassan]

بالترتيب حسب الجودة :
1- شارب
2- كاريير
3 يونيون اير
و متفكرش فى حاجة غيرهم .. لا فريش و لا باور و لا امريكول
ال lg معرفش حاجة عنة

على فكره امريكول احد منتجات يونيون اير.

أفضل ماركه ممكن تجيبها على الاطلاق يا دكتور هيه trane بس انا معرفش اذا كان متوفر في مصر و لا لأ. لو لقيته هاته بلا تردد

[tmz9111]

شارب العربى

[ramyso4]

على فكرة كمبرسور فريش ماركة توشيبا
أنا حيران جدا بين الآراء
فيه موضوع تانى بيمدحوا فيه فى فريش ومكوناته
توشيبا هو شارب وقوته فى توكيله غير كده ممكن يكون عادى وللا إيه؟
أنا عندى فى العيادة التانية شارب حصان ونص وباظ بعد عدة شهور من استخدام 6 ساعات فى الأسبوع! والتوكيل صلحوه معرفش وللا غيرو الكمبرسور المهم انه اتصلح ، يعنى كل الماركات لازم ييجى وقت وواحد فينا يقابل منها مشكلة
عرّفنى بقى لو تكرمت التكييف اللى عندك مواصفاته إيه بالضبط

بجد !! حضرتك متأكد إن كمبرسور فريش هو بتاع توشيبا ! أصل أنا عندي الاتنين ومفيش أدنى مقارنة توشيبا أحسن حتى من الكارير ....الفرش العندي بقال 3 سنين 2.25 حصان ومش راضي عنو خالص

[mazagngi2010]

هرد عليكم من واقع شغلى
فى شبكات المحمول ومعروف ان تكييفاتها مابتسكتش (2 فى الشيلتر كل واحد 4 ساعات ويريح وهكذا الى مالانهايه صيف وشتا وساعات واحد بيفضل شايل المحطه بال6شهور لوحده)
فى موبينيل موجود الترين القديم وبقاله حوالى 10 سنين فى محطاتها القديمه وشغال الله ينور زى الفل ومبيونش بس مبشفوش فى المحطات الجديده بتاعتهم
اما الحوت اللى مكتسح كل الانواع وشغال زى الساعه فى ال3 شبكات هو كارير
وبالنسبه لل ال جى فهو زبااااااااااااااااااااااااااااااااله ومنها لله اتصالات اللى دخلته معانا ومشاكله كتير وابسطها ان مروحه الكومبرسور بتقع على طول وبيضرب وقطع غياره نادره من الاخر مش بتاع شغل خالص زى الكاريير

[Dr Ahmed]

خلاص يا رجالة هعمل بنصيحتكم ومش هخاطر وهجيب شارب

شكرا للجميع

[HISHAM80]

Sharp

[Dr. Elsaadani]

عندى تكييفات يونيون اير بقالها 4 سنين وشغالين بكفاءة زى الفل وربنا يبارك اكثر واكثر

[zigzag2001]

مش عارف اتكلم ولا تبقي دعاية .. انا مدير مبيعات في شركة تكييفات وبقالي حوالي 4 سنين ما بين حسابات ومبيعات في مجال التكييف
كل ماركة بيكون ليها مميزات غير التاني يعني شارب كويس اة بس شارب قليل لما تلاقي فيه فسط وكمان انتاجة مش كبير فبيخلي فيه قوائم انتظار ممكن تفضل قاعد مستني الجهاز اسبوعين وتلاتة وشهر في وقت الذورة .. بالنسبة لكارير كويس بس ضمانة علي ما اتذكر 3 سنوات وموديلاتة قليلة بالنسبة ليونيون اير فاداة كويس انا مركب في البيت عندي 3 اجهزة انتاج يونيون اير ( امريكول اسبلت جهازين وهيونداي شباك جهاز )
ويونيون اير مميزاتة انه افضل سعر وفيه تقسيط لغايه سنتين وضمانة 5 سنوات وانا شايفة جهاز كويس طالما بيتحافظ عليه وبيتعمل صيانة دورية سنوية .. علي فكرة انا عندي قوائم الاسعار ححاول ارفعهالكم ودي احدث وادق اسعار في السوق لكل الموديلات علي شرائح اسعار 20-4-2010

[Dr Ahmed]

ألف شكر لحضرتك
هى هتبقى فايدة للأعضاء

أنا اشتريت من زمان وجبت شارب للمرة التالتة

[Ahmed Hassan]

ويونيون اير مميزاتة انه افضل سعر وفيه تقسيط لغايه سنتين وضمانة 5 سنوات وانا شايفة جهاز كويس طالما بيتحافظ عليه وبيتعمل صيانة دورية سنوية

بس انا اسمع ان خدمة ما بعد البيع مش قد كده. ايه تعليق حضرتك؟

[dode2002]

عاوزين نعرف الاسعار

[mr_sameh]

مش عارف اتكلم ولا تبقي دعاية .. انا مدير مبيعات في شركة تكييفات وبقالي حوالي 4 سنين ما بين حسابات ومبيعات في مجال التكييف
كل ماركة بيكون ليها مميزات غير التاني يعني شارب كويس اة بس شارب قليل لما تلاقي فيه فسط وكمان انتاجة مش كبير فبيخلي فيه قوائم انتظار ممكن تفضل قاعد مستني الجهاز اسبوعين وتلاتة وشهر في وقت الذورة .. بالنسبة لكارير كويس بس ضمانة علي ما اتذكر 3 سنوات وموديلاتة قليلة بالنسبة ليونيون اير فاداة كويس انا مركب في البيت عندي 3 اجهزة انتاج يونيون اير ( امريكول اسبلت جهازين وهيونداي شباك جهاز )
ويونيون اير مميزاتة انه افضل سعر وفيه تقسيط لغايه سنتين وضمانة 5 سنوات وانا شايفة جهاز كويس طالما بيتحافظ عليه وبيتعمل صيانة دورية سنوية .. علي فكرة انا عندي قوائم الاسعار ححاول ارفعهالكم ودي احدث وادق اسعار في السوق لكل الموديلات علي شرائح اسعار 20-4-2010

في انتظار قائمة الاسعار

[human]

sharp - tran - craft
then anything else