نصيحة قبل الشراء... تكييف فريش

[human]

هقول خبرتى مع يونيون اير

من 10-12 سنه جبت الحصان و نص فى اوضتى قبل ماتجوز
جم ركبوه و قمه فى الزوق و الاوضه قبلى و حر علىطوب و بيضرب فيها الشمس و فوقينا السطح و التكييف اثبت كفاءه جيده
انا من الناس اللى التكييف مش بيتقفل يعنى من اخر مارس لغايه نوفمبر التكييف شغال على طول
انا اتجوزت و مشيت و فضل التكييف من سنه بابا اشتكى انه مش بيسقع كويس فكلمنا المازن اللى كنت شارى منهم بعتوا واحد نضفه و خد 25 جنيه و رجع تانى عنتيل

لما اتجوزت جبت واحد فى اوضه النوم و طبعا استعمال عنيف و الصيانه كانوا كل شويه يعدوا يعملوا صيانه دوريه قلتلهم بلاش بقى لما بيتصلوا قلتلهم تعالوا لما نقول لكم و بكل زوق حاضر
الكلام ده من 6 سنين

السنه اللى بعديها جبت واحد تانى و شغال زى الاولانى و الناس ركبوه زى الفل و مافيش كلام كتير
اكلمهم ابعتولى تكييف و يبعتوا واحد و بعجيها بيومين التكييف يتركب
التكييف شغال زى الفل بس السنه ديه واحد صوتوا بقى عالى بهبل كلمناهم جم نضفوا التكييفين و قالولى المروحه بايظه شويه خليها لما تبوظ خالص و بعدين غيرها لما الصوت يعلى اوى
هما مشيوا و الصوت قل كتير جدا

الخلاصه اليونيون اير 1 و نص حصان انا مجرب 3 و زى الفل الملاحظه الوحيده هيه الصوت و ده طبيعيى فى الفئه ديه

انا عندى كرافت 3 حصان فى الصاله سبيليت و كويس بس قرفونى و هما بيركبوه و ركبوه غاط و جم شحنوا فريون بس المجمل انهم كانوا متعاونين جدا و متفهمين جدا

بابا جايب من سنه Trane اتنين حصان و ربع فى اوضه متوسطه و شغال تنين و صوته قليل و جميل

و فيه برضوا من 10 سنين كارير 3 و نص حصان و شغال كويس بس بيجيلوا الصيانه يعملوا حاجه كل سنتين مثلا

[zigzag2001]

انا والله الحمد لله عندي 3 اجهزة في البيت 2 اسبلت امريكول واحد ونص حصان وواحد شباك هيونداي ( يونيون اير ) والله الحمد لله كويسين جدا بقالهم سنة ونص جايز دا بقه نصيب اكيد للناس اللي بتشتكي انا حاليا في اليوم الي بتكتب فيه المشاركة دي مش بقدر استحمل التكييف بشغلة نص ساعه الاوضة بتلج فبخلي اللوفر بتاعه لتحت علشان ميجيش ناحيتي خالص

[zigzag2001]

وبشكر العضو zigzag2001 على مجهوده وردوده ومساعدته للناس

العفو يا استاذ احمد دا واجب ... ههههههههه تقدر تقول اني معنديش ادني خبرة في العربيات فمصدقت لاقت حاجه ممكن اكون بفهم فيها شوية

[tamagogo]

سلام عليكم.

انا عندي شارب 3 حصان وبصراحه هو رهيب, قادر انه يكيف الشقه كلها لوحده مش الغرفه اللى حاططها فيه بس مع اني في الدور الاخير ومافيش عزل حراري فوقي.
لكن فيه مشكله خطيره بالنسبه ليا. بيطقطق على طول, دائما وابدا تك تك تككككك تتتتك تكككتكت وبكل الاصوات وتوزيعات اللحنيه الممكنه, وانا بتجنن من حاجه زي كده.

المهم اني عاوز اتخلص منه وابيعه لقرايبي واجيب واحد تاني بفكر في ال جي. حد ركبه وقارن بينه وبين شارب؟ من ناحية قوة التبريد والتكته.

شارب ممتاز
lg كمان

لو حضرتك شفته راكب ياريت تقولي اخباره ايه من ناحية الاصوات المستفزه والتبريد

وشكرا

[zigzag2001]

سلام عليكم.

انا عندي شارب 3 حصان وبصراحه هو رهيب, قادر انه يكيف الشقه كلها لوحده مش الغرفه اللى حاططها فيه بس مع اني في الدور الاخير ومافيش عزل حراري فوقي.
لكن فيه مشكله خطيره بالنسبه ليا. بيطقطق على طول, دائما وابدا تك تك تككككك تتتتك تكككتكت وبكل الاصوات وتوزيعات اللحنيه الممكنه, وانا بتجنن من حاجه زي كده.

وشكرا

الصوت دا مشكلة ان شاء الله بسيطة ممكن يكون المروحة بتخبط في الكباس من ورا او ان قواعد الكباس نفسها مش مزبوطة .. حاول تحلها وبسيطة ان شاء الله

[محمد بلال]

1- شارب
2- ال جى

[tamagogo]

الصوت دا مشكلة ان شاء الله بسيطة ممكن يكون المروحة بتخبط في الكباس من ورا او ان قواعد الكباس نفسها مش مزبوطة .. حاول تحلها وبسيطة ان شاء الله

الصوت في الوحده الداخليه اللىجوه الغرفه . نوع البلاستيك رخيص وبيتمدد وينكمش بسهوله ومش متقفل حلو عشان كده بيعمل مزيكا طول ماهو شغال

[nour2007]

انا ركبت تكييف كرافت
تكييف محترم والوكيل كويس جدا جدا و هو شركة بي تك شركه محترمه وهو ده اللي خلاني اجيبه وملتزمين جدا بالمواعيد وكمان بعد ما ركب بيومين خدمة العملاء التصلوا بيا واطمنوا علي الاداء بتاع الجهاز والتركيب في خلال 48 ساعه وفعلا زي ما قالوا
الجهاز 1.5 حصان سبليت ب 2580 جنيه كاش شامل التركيب
ضمان 7 سنين علي الكباس الامريكي وسنه واحده علي باقي الجهاز

[ahmed2y]

وتكيف باور اخبارة اية يا شباب

[zkralla]

حد عنده فريش فعلا ؟ انا اصلا معرفش ان فيه تكيف فرش من الاساس

[اميرة صابر]

مركز صيانة كويس

أنا جربت مركز صيانة اسمه مركز صيانة تكييفات يونيون اير المعتمد ودى نمرته 01122076665
الفنيين اللى فيه شاطرين وخدمته كويسة ومش غاليه

[Sherifmt]

السلام عليكم .... كلمة حق الموضوع من فترة ومن وقت للتاني بيتم اضافة رد وفي الاول انا لما شفت العنوان ماركة فريش كنت فاهم ان دي ماركة مصري وعلي قدها ومن اسابيع كان في عرض في كارفور لفلتر ٥ مراحل ب ٣٠٠ جنية بضمان ١٢ شهر ومعاه غيارات واشتريته وركبته وبصراحة ممتاز ولكن بسبب اني ركبته في قرية من ضواحي الجيزة ومحطة المياة تعبانة لكن ضغط المياة للمنازل شديد جدا فعلا غير طبيعي اللي حصل ان الباغة بتاعة المرحلة التانية اتشرخت وسرب مياة وانا اشهد انة مش عيب تصنيع
نزلت شارع نجيب الريحاني سالت عليها لقيتها ب ٩٠ جنية ومش متوفرة جربت اكلم الضمان وهو دة المهم في الموضوع بداية من كول سنتر محترم جدا ومتابعة محترمة في ٣ ايام ٦ اتصالات للمتابعة وصورة الضمان وصورة الشرخ علي الواتس اب وتم الاستبدال وتابعوني مرة اخيرة كنوع من مراقبة الجودة بعد الاستبدال فعلا بغض النظر عن ان المنتج مش غالي وكان في عرض علية وكمان مش عيب تصنيع لكن بسببالاهتمام والمتابعة معايا اصبحت فخور ان الشركة دي مصرية واكيد اني لما هفكر اشتري اجهزة جديدة هفكر وانصح بيها.... فعلا ان الاوان اننا نعيد تفكير ونقتنع ان المنتج المصري بيتطور وبيتحسن وكلنا محتاجين اننا ندعمة ونديلة الفرصة واولوية في اختياراتنا..... تحياتي