هل مازلت مقاطع لللحوم المصنعة

[MoDyBeNz2008]

السلام عليكم

طبعا بعد انفلونزا الخنازير و قرار دبحها توقف الشعب عن تناول اللحوم المصنعة و لكن بعد مرور حوالي الشهرين (مش متاكد) على هذه الوقعة هل مازلت مستمر على مقاطعتك لللحوم المصنعة
1- نعم
2- لا
3- بشتريها كل فين و فين

[ahmed1981]

مقاطعها يمكن للأبد وخاصة ما يسمى باللنشون

[HAMZAWY]

مقاطعها حتى من قبل المرض اصل اشتغلن فيها فترة زمان وعارف ايه اللى بيحصل

[Lion_Heart]

مقاطعها حتى من قبل المرض اصل اشتغلن فيها فترة زمان وعارف ايه اللى بيحصل

وشهد شاهد من اهلها

خلى بالكوا كل اللحوم المصنعة بتكون مستوردة وده عن كلام صاحب مصانع فرج الله بالعاشرة مساءا
هيه و معظم المطاعم و الفنادق بتستخدم اللحوم المصنعة دى ان لم يكن كلها ,
عن نفسى استحالة اقرب من الحاجات دى لأنى مش عارف مصدرها حتى لو قالوا ان عليها 3 تلاف لجنة و 11 مراقب بصراحة مفيش ثقة خلاص
و لو حصل و عزمت الاولاد برة يبقى بيتزا بالجبنة او اسماك ..او اى حاجة ما فيهاش لحوم وخلاص .

[maka]

لسه مقاطع وهفضل مقاطع لان الكميات اللى ذبحت مش قليلة و كمان يا عالم بعد مالحم الخنزير يخلص هيحطوا بدالوا ايه !!!!!

[جمال]

كان فيه واحد كبابجى زمان فى طنطا
كان لايمكن ان تجد بجوار محلة اى قطة او كلب , وكنا تنحدى بعض ان اى واحد يجد بجوارة قطة او كلب
كنا مسميينة الكلابجى

[homme49]

مقاطع اللحوم المصنعة منذ عام 1998 بعد أن اصيب إبنى بمرض البروسيلا بسبب إكثاره من تناول سندوتشات البرجر
بالرغم من اننا كنا نشتريه من السوبر ماركت و نقوم بطهيه فى المنزل

[Terrible_DaRsH]

ابعد عن الشر و غنى لـــــــه .

[amarakl]

مرض البروسيلا بينتقل من الألبان ومنتاجاتها

البروسيلا وخطورتها على صحة الإنسان

محدش يأكل لحوم مصنعه قبل مرور 6 شهور على القل من دبح الخنازير

[Lion_Heart]

بصراحة انعدام الضمير و الرقابة اكبر حافز انى مقربش من الحاجات دى

[homme49]

[QUOTE=amarakl;3871920837]مرض البروسيلا بينتقل من الألبان ومنتاجاتها

البروسيلا وخطورتها على صحة الإنسان


لقدإنتقل لإبنى من لحوم البرجر و هذا ما كان غريبا و إستمر تحت العلاج بإشراف أستاذ بجامعة القاهرة دون جدوى .
و لكن الله كتب الشفاء على يد طبيب كبير السن كشفه 5 جنيهات فى ذلك الوقت و كتب روشتة أدوية بمبلغ 17 جنيها
مما يؤكد أن الخبرة العملية أفضل من اللألقاب و الدعاية و ديكور العيادة و الكشف المرتفع الثمن

[pro_samir]

مقاطعها حتى من قبل المرض اصل اشتغلن فيها فترة زمان وعارف ايه اللى بيحصل

طيب متحكيلنا شوية

[D . a .\ AYMAN]

والله أنا مقاطع فعلا من ساعة ذبح الخنازير وحتى الآن

لكن أنا من النوع اللى بيحي الحاجات المعلبة اللى زي البلوبيف واللنشون والباسترمة ولا الباصترمة (ودي تتكتب إزاي دي !!!؟؟؟)

وعشان كدة كلامكم بيوجعلى بطني أكتر

يللا بقى الواحد يعود نفسه من غيرهم وخلاص

بس المشكلة بقى في البنوتة الصغيرة هي اللى بتطلبه ومابعرفش أقولها إيه .. ومابقتش ألاقي حاجة خلاص تتعمل سندوتشات

[D . a .\ AYMAN]

والله أنا مقاطع فعلا من ساعة ذبح الخنازير وحتى الآن

لكن أنا من النوع اللى بيحي الحاجات المعلبة اللى زي البلوبيف واللنشون والباسترمة ولا الباصترمة (ودي تتكتب إزاي دي !!!؟؟؟)

وعشان كدة كلامكم بيوجعلى بطني أكتر

يللا بقى الواحد يعود نفسه من غيرهم وخلاص

بس المشكلة بقى في البنوتة الصغيرة هي اللى بتطلبه ومابعرفش أقولها إيه .. ومابقتش ألاقي حاجة خلاص تتعمل سندوتشات

[aliabutaleb]

من ساعة ما عرفت ان المجازر كلها كانت مكرسة لذبح الخنازير وانا مقاطع جميع أنواع اللحوم
مش متخيل نفسي باكل لحوم مدبوحة في نفس المكان وبنفس الأدوات اللي كانت بتذبح الخنازير بصراحة