Tweet
حاجات تكسف
-
سبحانك اللهم وبحمدك ، أشهد أن لا إله إلا أنت أستغفرك وأتوب إليك -
شكرا لردودكم الجميلة دى وبجد انا والله انا قاعد ومتضايق بطريقة رهيبة مع انى ما كنت واخد بالى من الى بيحصل غير لما
الراجل الى كان فى السينما عمل الموضوع دة معايا ولقيت واحدة منهم بتقولى
(هوة يعرفك ) فرديت لا فقالتلى (((( ليش بتخلية يعاملك هيك))))
ومن يومها وانا قاعد متحسر على نفسى
وبجد متشكر لصبركم وقرائة الموضوع وانا مسحت الموضوع وكتبتة اكتر من مرة واستقريت على انى اكتب برنامج الرحلة كلها كامل علشان اكسر من حدة النقاش والبهدلة الى احنا فيها[CENTER][B] :penguin4: [/B][B][SIZE=4]
[/SIZE][/B][/CENTER]Comment
-
للأسف إحنا إللي عملنا كده في نفسنا, إحنا إللي حقرنا نفسنا بالطريقه دي.
لما يتحرق لنا قطر في 400 بني آدم بسبب الإهمال ومفيش أي جزاء رادع للمسئولين عن الواقعه
لما يموت 1000 بني آدم و المجرم حر طليق و المسئولين عن الواقعه لسه في أمكانهم
لما الناس تموت في طوابير العيش علشان لؤمه تسد بيها جوع عيالها
لما الناس تدور على المياه متلقيش و المسئولين عن الموضوع ده ولا في الدماغ ولما الميه توصل يبقي فيها تيفود ههه
وصحفي كويتي يكتب إن المصري في الكويت ثمنه يساوي ثمن غساله كوري , طبعا الدنيا كلها في مصر قالت إن دي قله و أكدت على حسن العلاقه بين الشعب المصري و العربي لكن كل ده كلام فارغ... بنتعرض في كل بلد عربي للأسف لكل أشكال المهانه و الإذلال وده ليه علشان إحنا ملنلش قيمه في بلدنا وبنعملهم هم أحسن قيمه و بيلاحظوا ده و عارفينوا كويس يبقي طبيعي يحصل فينا كل ده.[gdwl][SIZE=5]وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لَا يُظْلَمُونَ[/SIZE] [/gdwl]Comment
-
أنا بقى ليا رأي مختلف عن كل اللي اتقال .. واستحملوني وفكروا فيه شوية ..
فكرة إننا نصابين وفهلوية .. دي لا جدال فيها
لكن العالم كله فيه نصابين وفهلوية
مشكلتنا إننا بنحسس السائح اللي معانا إننا نصابين .. بنلاقي نفسنا بنحذره من حاجات وبنقولوا إن الأسعار دي مبالغ فيها
بنقوله خللي بالك إنت كدة بتتسرق ..
لكن نسينا إنه سائح ، ونسينا إن مصر مصنفة ضمن دول أسعارها عالية في السياحة
كل واحد فينا لما بيكون سائح حتى جوه بلده بيبقى عنده استعداد يصرف وهو عارف إنه بيتنصب عليه رسمي
لكن المهم المتعة والانبساط
لو أي واحد فينا ليه مزاج ياخد فلوكة في النيل خصوصي .. عايز حد يقوللي السعر اللي هو متوقعه كام ؟؟؟ كل واحد هيتكلم حسب تقييمه لهذه الفسحة وجمالها مش حسب تكلفتها الفعلية ..
كام واحد مننا سافر أوربا واشترى ميدالية من باريس معفنة علشان مكتوب عليها سيفينير دو باريس .. ودفع فيها 10 يورو مثلاً وهي متسواش خمسين قرش
المسلة اللي المصري بيشتريها بجنيه من الاقصر بيشتريها السائح ب10 دولار وهو مبسوط
اللي قصدي أقوله .. لو الفكرة تحورت في كلامنا مع الأجانب وأصبح الأصل هي الأسعار المبالغ فيها للسياح وصار الاستثناء هو السعر الرخيص للمصري لزادت مكانتنا ..
وقتها نقدر نقول لأي سائح ده سعر مخصوص لينا كمصريين .. احنا بلدنا وأهلنا بيميزونا بأسعار خاصة .. ادفع فهذا السعر كويس باعتبار إنك مش من أهل البلد ....الخ
كان هيجرى إيه لو كنت أو أي سائح دفع80 جنيه في التاكسي .. كان سواق التاكسي انبسط والسائح انبسط والدنيا بقت زي الفل ...
واحد دافع دم قلبه علشان ييجي مصر وقاعد في أوتيل بيدفع فيه 175 دولار كل يوم وهيموت علشان يسهر في الحسين إيه اللي هيضره لما يدفع 10 جنيه تمن فنجان قهوة ..
إحنا الل بنحسس الناس إننا نصابين .. واحنا اللي بنحسس السياح إنهم بيتسرقوا .. رغم إن أسعارنا مع هذا المسمى بالنصب أقل من أسعارهم في بلدهم .. مش كدة ..
أما بقى بخصوص إن السائح مقدم عليك كمصري .. لو راعيت بس إن ده موسم وإن الناس شقيانة وكل سواق ولا عامل بيتمنى سائح يخليه ياخد قرشين ويروح بيته مبسوط لعياله .. وقتها هتلاقي نفسك لو فيه موقف مع سائح إنت بتقدم السائح على نفسك .. ولو فيه حد قدم السائح عليك هتلاقي نفسك بتعذره ...
الحاجة الوحيدة التي لا تسامح فيها هي مخالفة القانون .. يعني مينفعش حد علشان سائح يخالف القانون في بلدي وتحت عيني ..
جربوا تاني تشوفوا وجهة النظر دي أو تقروا كلامي تاني كدة
تقبلوا خالص مودتي[CENTER][COLOR="DarkRed"][SIZE="4"]ما عاد يجدي الكلام ..[/SIZE][/COLOR][/CENTER]Comment
-
طيب لما احنا بنروح اوروبا بنتاحسب مع التاكسى العادى بنفس اسعارهم ولما بنروح مطاعمهم مابياخدوش علينا ضريبة سياحة ولوسالنا اى سؤال بيتجاوب علينا لانهم عارفيين اننا مش من البلد اما هنا كل دة بيحصل عكسة مجرد انهم يعرفوا انهم اجانب[CENTER][B] :penguin4: [/B][B][SIZE=4]
[/SIZE][/B][/CENTER]Comment
-
المثال بتاع أوربا اللي أنا ذكرته مش قصدي فيه إننا نكون زي أوربا
أوربا دي بلاد مفتوحة يعني عدد الناس اللي بيدخلوها أكثر من عدد أهلها عدة مرات سياح وغير سياح ..
احنا بلد عالم تالت زينا زي تايلاند وتركيا والبرازيل ..
هناك السائح بيخاف على عمره مش على فلوسه
وبعدين برضه ما في النهاية أنت ركبت التاكسي برضه ودفعت فيه أجرته المضبوطة ..
يا أوكتو .. متفتكرش إني بدافع عن النصب والفهلوة والتناحة وقلة الضمير
هذا الكلام مع هذا الشعب الغلبان ضرورة حياتية بدل ما يبقى مجرم ..
وده واقع مع إنه غلط لكن هتغيره ازاي
اللي ممكن تغيره هو تقييمك للكلام ده .. ورؤيتك للموقف من زوايا تانية وهو ده اللي أنا قصدي عليه ..
تقبل خالص مودتي[CENTER][COLOR="DarkRed"][SIZE="4"]ما عاد يجدي الكلام ..[/SIZE][/COLOR][/CENTER]Comment
-
انا اؤيد راى حضرتك بشدة يا دكتور ولازم نفكر كويس ان معظم تالسياح اللى بييجوا مصر بيختاروها لانها ارخص الدول اللى ممكن يسافروها بغرض السياحة وطبيعى يتحاسبوا بطريقة مختلفة لانهم مش من اهل البلد واذذا كنا احنا لو سافرنا عندهم مش هيعملوللنا اسعار اعلى وضريبة سياححة ده لاننا مع الاسف بنقدر على اسعارهم العادية بالعافية واحنا دخلنا اقل بكتير منهم
والحمد لله ان فى الفنادق لينا معاملة مختلفة كمصريين دى ميزة مش عيب وقيس الباقى عليها
[CENTER][URL]https://www.facebook.com/NMTechShop/[/URL] [/CENTER]Comment
-
بالظبط كده و بيحصل مع ابتسامة جميلة من الودن للودن و من غير ما يكون فيه طمع فى اى حاجةالمشاركة الأصلية كتبت بواسطة eng.octooo مشاهدة المشاركة
لما كنت فى امريكا فيه هناك سلسلة ماركت اسمها A&B بنشترى منها اى حاجة و مرة من المرات مديرة المكان اخدت بالها ان احنا مش من البلد راحت مخليانا نملا استمارة كده فيها البيانات و مدة الاقامة و عدد مرات التردد على الماركت و اكتر حاجة بنحب نشتريها و استهلاكها عالى و اديتنا كارت خصومات و كنا كل مرة بنروح نشترى اى حاجة كنا بناخد خصم جميل و فعلا مرة مع مرة كانت بتفرق ....هنا يحصل كده ؟؟؟ مستحيل سواء كنت مصرى او اجنبى !!! و يخليك تدفع اكتر و ينصب عليك...ايه اللى جابنى البلد دى تانى ؟؟؟ غباء بصراحة.gif "Mahf(5)")
[CENTER][SIZE=6][COLOR=darkslateblue] [/COLOR][/SIZE][/CENTER]Comment
Comment