حاجة مضيقانى اوى اوى اوى

[Fadi Ezzat]

اولا ازيكم ياشباب عامليين اية ؟
انا عملت الموضوع دة علشان بجد مضايق اوى اوى
من حاجة مشش مستاهلة اوى بس الموقف دة بصراحة ضايقنى جدا جدا
انا طبعا قولتلكم انى قدمت فى هندسة 6 اكتوبر
المهم ليا بنت صديقتى اسمها ( ن ) قالتلى انها عايزة تشوف الجو هناك اية اخبارة
والكلية عاملة اية واية النظام هناك وهكذا قولتها انتى تورينا
المهم طببعا هيا مش هتعرف تروح لوحدها وانا قولتلها خلاص هروح معاكى قولتها نتقابل يوم
الخميس قالتلى اوك خلاص جيت يوم الاربعاء كلمتها حسيت انى كنت تعبان وكدة
وانا فعلا كنت تعبان اوى كان عندى بردى فى معدتى وكنت كمان راجع من الشغل منمتش خالص خالص
قالتلى خلاص يبقى يوم السبت قولتها اوك واتفقنا على مبعاد تانى
جة يوم السبت واتقابلنا ورحنا هناك وشوفتلها كل الى هيا عايزاة ورحنا اتغدينا ورجعنا على طول
خلص المشوار وعجبتها الجامعة وعادى مفيش اى مشاكل وانا راجع لقيت بابا بيتصل عايزنى
ضرورى وصلتها ورجعت بسرعة اوى
كل دة مفيش اى مشاكل
اجى بقى النهاردة معرفش اية الى حصل حاجة غريبة واحدة قريبتى تقريبا فى منتهى قلة الزوق
قالتلى كلام ضايقنى اوى اوى بس اعمل اية قدرى بقى منحوس طول عمرى
لقيتها بتقولى اخبار ( ن ) اية انا سمعت ان جامعة 6 اكتوبر عاجباها وكدة
وطبعا الكلام كان بلهجة وحشة جدا ونظرة خبيثة اوى اوى
انا بصتلها وسكت وبعدين قولتلها معرفش هيا هتخش اية
وبعدين بتكلم مع والدى وامى واختى وكدة ولقتها بتقولهم بعد كدة
فادى هيبقى ياخد ( ن ) ويوصلها الجامعة معاة فى العربية
رديت انا هنا ومقدرتش امسك نفسى
قولتلها قدام فى سكتى مفيش اى مشاكل خالص وهى صديقتى
مش حاجة تانية يعنى
وفعلا مفيش بينى وبين البنت دى اى حاجة خالص خالص
عادى جدا انا علشان اعرفها وكدة مرضتش انها تتبهدل وكدة وقولت اوديها واسالها على كل حاجة
لانها فى الاول وفى الاخر بنت ومفيش حد من عيلتها هيساعدوها
علشان مفيش حد قريب من سنها خالص وهكذا من المشاكل
طبعا روحت من عند قرايبى دول دمى محروق بدرجة جامدة اوى
يعتبر مش بسبب الكلام
بسبب النظرة الى شفتها منها ومن عنيها
كان جوايا ساعتها بركان نفسى ينفجر بس علشان الادب والاحترام مقدرتش
وبعدين سواء كدة ولا كدة
هيا المفروض تسالنى السوال دة ولا لأ ؟
انا اعتقد انها المفروض ملهاش دعوة ودى حاجة شخصية ولا انتو رئيكم اية؟
مع العلم انها تبقى مرات خال بابا
وطبعا وانا راجع من عندهم ودمى محروق قارص على العربية اوى اوى
لدرجة ساعات كان الار بى ام بيجى على 6000 ار بى ام
وانا متنح عادى جدا وبزود بردة
مش فارقة وكان ووالدى نايم اساسا نخدش بالة واما صحى
لقانى طاير لقيت خبطة حنينة كدة على كتفى
بيقولى هدى ياحمار اصل كنت ماشى 165 او مية حاجة وستين
وبعدين جيت قولت احكيلكم علشان دمى بيغلى وعايز اعرف انا عملت حاجة غلط ولا لأ
والست دى غلطانة ولا لأ
وهل هيا ليها دعوة ولا لأ
وهل الى انا عملتةمع البنت دى غلط ولا لأ
واسف على التطويل

[ahmedhilmy]

لا يا بو الفيد انت و لا عملت اي حاجة غلط هو اللي يعمل خير في الزمن ده يبقي غلط و بعدين انما الاعمال بالنيات المهم انت كانت نيتك ايه انت كنتبتقدم خدمة لحد حسيت انه مش هيقدر يقوم بيها لوحد يبقي كبر دماغك من الموضوع ده خالص و لا كانك سمعت اي حاجة و الواضح ان الانسة التانية دي بتغير و لا ايه بس عايز انرفزك انا كمان شوية هو كان لغاية زيارة الجامعة زي الفل ايه لزمته الغدا بقى يا ابو الفيد و لا ده كمان خدمةهههههههه اوعي تزعل انا بهرج معاك طبعا

[zyadahmed]

مع احترامى وتقديرى الكامل لشخص حضرتك ونواياك اللى هى محترمة اكيد اسمحى لى اعاتبك

لان لا يصح الا الصحيح البنت لو عايزة

تشوف الجامعة كان الاولى بيها تختار صديقة بنت ولا حد من اقاربها

لكن المعاير بتاعة هذا الزمان اختلفت وما حدش عارف الصح فين

وما تزعلش من نصيحة اخ اكبر

[ashouhdy]

العادى عند ناس مش عادى عند ناس تانية يا فادى و انت مش حتعرف ترضى كل الناس
و طالما انت واثق من نفسك و أخلاقك انك معكتش و ولا عملت حاجة غلط تبقى تضايق لية
فكرتنى زمان بأبويا و انا فى ثانوية عامة لما قافشنى فى الشارع بتمشى مع صحبتى و راح قال لأمى أنا عرفت أحمد بيتأخر لية بعد الدروس أصلة بيحب يتمشى أوى و بصلى نفس البصة هههههههههههههههههههه
الفكرة اللى اقدر أقولهالك دلوقتى
طالما الأهل عارفين و النية سليمة مفيش مشاكل
بس خد عندك بقى الكلام اللى حيطلع عليها و عليك من هنا للصباااااااااااااااح الباكر أصلك مش فى أوروبا يافدفدددد
ههههههههههه

[Karim_Mohy]

بص يا فادي ...اولا ماحدش له حاجه عندك غير اهلك سيبك من اي حد تاني....كده هايتكلموا وكده هايتكلموا....
ثانيا الحلال بين والحرام بين...وانت اكيد مش صغير واكيد عارف الفرق
وغير ده كله ربنا الوحيد العالم بالنية في البني ادم واكيد عارف نيتك ايه
فطالما انت شايف انك مابتعملش حاجة غلط خلاص وده طبعا علي الاقل بمعرفة اهلك لان في الاول والاخر هما اللي ليك
وبرضو الناس مابتسبش حد في حالها...:dddd
روق انت بس كده وكله هايبقي تمام

[seaman]

فادى..قريبتك ديه يمكن عينها منك لحد من بانتها وخايفه يا حلو تطير منها..لو كلامى صح وعايز تتأكد قولى وانا اقولك على فكره تتأكد منها وبعد كده تقدر تتصرف معاها وتثبت لوالدك حسن نواياك
وبالرغم من كده خالى بالك احنا فى مصر وموضوع مساعده البنت طبعا حاجه كويسه بس كل حاجه بحدود ..انت فاهم قصدى..يعنى الموضوع ده لو حصل مع اختك حتكون مبسوط..واوعى تقوللى لو الموضوع ان بابللك وقدام الناس يبقى عادى

[mahmoud_magdy]

بص مترمييش ودانك مع الستات خالص ( مع الاعتذار ليهم طبعا في منهم كويسين)
بس من الاخر كدا حوارات الستات دي فكسانه وهما طبعهم كدا بيرمو كلام عبيط وخلاص
ودمهم تقيل وبااردين في المواضيع دي( رمي الكلام ) طبعا مش كلهم
خلي ودن من طين وودن من عجين
ريح دماغك ومتشغلش بالك
انا لو مكانك كنت قلتلها خليكي في حالك !!!!!

[Fadi Ezzat]

لا يا بو الفيد انت و لا عملت اي حاجة غلط هو اللي يعمل خير في الزمن ده يبقي غلط و بعدين انما الاعمال بالنيات المهم انت كانت نيتك ايه انت كنتبتقدم خدمة لحد حسيت انه مش هيقدر يقوم بيها لوحد يبقي كبر دماغك من الموضوع ده خالص و لا كانك سمعت اي حاجة و الواضح ان الانسة التانية دي بتغير و لا ايه بس عايز انرفزك انا كمان شوية هو كان لغاية زيارة الجامعة زي الفل ايه لزمته الغدا بقى يا ابو الفيد و لا ده كمان خدمةهههههههه اوعي تزعل انا بهرج معاك طبعا

مية مية ياحمد بس الغدا كان واجب هو ينفع اروحها الساعة 2 العصر من غير اما تاكل
ياراجل بقى دة كلام

[Fadi Ezzat]

مع احترامى وتقديرى الكامل لشخص حضرتك ونواياك اللى هى محترمة اكيد اسمحى لى اعاتبك

لان لا يصح الا الصحيح البنت لو عايزة

تشوف الجامعة كان الاولى بيها تختار صديقة بنت ولا حد من اقاربها

لكن المعاير بتاعة هذا الزمان اختلفت وما حدش عارف الصح فين

وما تزعلش من نصيحة اخ اكبر

ياباشا انا قولت فى اول الموضوع ان مفيش حد قريبها هينفع يساعدها
واصحابها ماشاء اللة عليهم كلهم
كلهم تجارة بنها

[Fadi Ezzat]

العادى عند ناس مش عادى عند ناس تانية يا فادى و انت مش حتعرف ترضى كل الناس
و طالما انت واثق من نفسك و أخلاقك انك معكتش و ولا عملت حاجة غلط تبقى تضايق لية
فكرتنى زمان بأبويا و انا فى ثانوية عامة لما قافشنى فى الشارع بتمشى مع صحبتى و راح قال لأمى أنا عرفت أحمد بيتأخر لية بعد الدروس أصلة بيحب يتمشى أوى و بصلى نفس البصة هههههههههههههههههههه
الفكرة اللى اقدر أقولهالك دلوقتى
طالما الأهل عارفين و النية سليمة مفيش مشاكل
بس خد عندك بقى الكلام اللى حيطلع عليها و عليك من هنا للصباااااااااااااااح الباكر أصلك مش فى أوروبا يافدفدددد
ههههههههههه

الظاهر كدة ياحمد البصة دى انتشرت
تعرف انا زهقت من مصر بجد كل حاجة اعملها لازما الاقى حد بيعاتبنى عليها
حتى لو صح ودة الغالب
والناس قاعدة مستنية غلطة

[Fadi Ezzat]

بص يا فادي ...اولا ماحدش له حاجه عندك غير اهلك سيبك من اي حد تاني....كده هايتكلموا وكده هايتكلموا....
ثانيا الحلال بين والحرام بين...وانت اكيد مش صغير واكيد عارف الفرق
وغير ده كله ربنا الوحيد العالم بالنية في البني ادم واكيد عارف نيتك ايه
فطالما انت شايف انك مابتعملش حاجة غلط خلاص وده طبعا علي الاقل بمعرفة اهلك لان في الاول والاخر هما اللي ليك
وبرضو الناس مابتسبش حد في حالها...:dddd
روق انت بس كده وكله هايبقي تمام

انا روقت خلاص الحمد للة
وشكرا على رد حضرتك
وبجد اشكرك على كلامك الحلو

[Fadi Ezzat]

فادى..قريبتك ديه يمكن عينها منك لحد من بانتها وخايفه يا حلو تطير منها..لو كلامى صح وعايز تتأكد قولى وانا اقولك على فكره تتأكد منها وبعد كده تقدر تتصرف معاها وتثبت لوالدك حسن نواياك
وبالرغم من كده خالى بالك احنا فى مصر وموضوع مساعده البنت طبعا حاجه كويسه بس كل حاجه بحدود ..انت فاهم قصدى..يعنى الموضوع ده لو حصل مع اختك حتكون مبسوط..واوعى تقوللى لو الموضوع ان بابللك وقدام الناس يبقى عادى

حلوة حكاية بابلك وقدام الناس دى حاجة كويسة اوى
هههههههههه
تصدق ممكن الفكرة بتاعتك تطلع صح
طيب احكيى بقى اتاكد ازاى

[Fadi Ezzat]

( رمي الكلام )

+1111111111111
مية مية يامعلم