مساعدة من الي عندة كاميرا ديجيتال

[ahmed2000]

ازيكم يا شباب

انا بظبط من يومين اشتريت كاميرا ديجيتال

وانا لا افقة شي خالص عن الكاميرا غير اني اصور بيها وبس

انا كنت مصور فيديوهات عليها فعاوز انزلها علي الكمبيوتر هية نظام اسطوانات صغيرة كدة

احط الاسطوانة في الكاميرا الفيديوهات تشتغل احط الاسطوانة في الكمبيوتر مشوفش حاجة علي الاسطوانة خالص الاسطوانة فاضية

فهل كدة الفيديوهات مش هتنزل ولا في اوبشن معين في الكاميرا لتنزيلها علي الكمبيوتر

وشكراا

[husseinodeba]

انت كده بتتكلم عن كاميرة فديو
انا بصراحه معنديش خلفيه
بس اكيد لو عندك كابل لتوصيل الكاميره بالكمبيوتر هتعرف تنزل الفديوهات بتعتك

[ahmedhilmy]

بيبقي في كابل توصله من الكاميرا للكمبيوتر بيقري الكاميرا علي انها new drive و تقوم ناقل منها اللي عايزه

[sherif Anton]

الأسطوانة لازم تتقفل علشان تشوف اللي عليها بواسطة ال dvd او أي جهاز كمبيوتر ... دور في الكتالوج بتاع الكاميرا ازاي تقفل الأسطوانة علشان تقدر تتفرج على اللي عليها مباشرة في اي جهاز بس خلي بالك بعد ما هتقفل الأسطوانة مش هتعرف تسجل عليها تاني ...