كاريكاتير استخدام خط الانترنت

[atamim]

لقيت كاريكاتير حلو يوضح فعلا الوضع الى احنا فية حبيت احطهولكم


و الى عندة اى كراكاتير تانى يشارك براحته

[shfaf2]http://i25.tinypic.com/nmkxee.jpg[/shfaf2]

[marsguy]

جامده :)

[aboelnagah]

هم يضحك وهم يبكى

[Samah AbdAllah]

هههههههههههههههه
حلو جدا

[Mohammmed]

جاااااامد الف شكر
بس موضوع تحديد السعة دا حد عنده فكره هل دا موجود بره
ولا دا اختراع فى المحروسة ؟؟؟

[SHNORY]

جاااااامد الف شكر
بس موضوع تحديد السعة دا حد عنده فكره هل دا موجود بره
ولا دا اختراع فى المحروسة ؟؟؟

لا دا اختراع مستحدث في مصر المحروسه
الطفره الجايه حيركبلك سنسور تنفس في مناخيرك ويشوفوا معدل استهلاكك للاكسجين قد ايه وتحاسب اخر الشهر
واكيد طبعا حيركبولك حاجه تضمن انك متغشش العداد وتتنفس من بقك
ولما نثبت نجاح التجربه
حيركبلك عداد للمشي
عداد للنوم
عداد للاكل
عداد للكلام
وطبعا العدادات دي حتكون ذكيه وفيها اجهزه استشعار تحسب جوده الهوا او الاكل او نوع الكلام اللي بتتكلمه
وعلي اساسها حتحاسب اول كل شهر

[إبراهيم.صادق]

بس موضوع تحديد السعة دا حد عنده فكره هل دا موجود بره
ولا دا اختراع فى المحروسة ؟؟؟

لا دا اختراع مستحدث في مصر المحروسه

هو بصراحة الاختراع مش مستحدث قوي لان سياسة الاستخدام العادل موجودة من زمان عند كل شركة يعني TE Data مثلا كان الحد الأقصى عندها 100 - 150 جيجا ، الجديد بقى ان جهاز تنظيم الاتصالات وضع حدود جديدة و ألزم الشركات كلها انها تطبق نفس الحدود اللي هي في الواقع مجحفة ويمكن تسميتها سياسة الاستخدام الغير عادل

بس الكاريكاتير جامد وفكرة عدادات الاكسجين دي جامدة برضه أوعى حد ياخد باله منها إحنا مش ناقصين

[SHNORY]

عدادات الاكسجين دي جامدة برضه أوعى حد ياخد باله منها إحنا مش ناقصين

تخيل لو يطلع القرار بعد شهر بالعدادات دي
والاقي اعضاء المنتدي طالبيت راسي وحاطين مكافئه للي يجيبني
بس انا مش حمشي بالعداد
انا حشحن باسطوانات

[إبراهيم.صادق]

تخيل لو يطلع القرار بعد شهر بالعدادات دي
والاقي اعضاء المنتدي طالبيت راسي وحاطين مكافئه للي يجيبني

وساعتها الحكومة هاتديلك جايزة الدولة التقديرية ويوسف غالي هايكرمك زي ما كرم بطل إعلانات الضرايب -اعلانات ايه بقى ده انت صاحب الفكرة - والمنتدى هايهدر دمك وهايضع اسمك على قوائم المطلوبين

بس انا مش حمشي بالعداد
انا حشحن باسطوانات

والاسطوانات دي هاتبقى بكروت شحن pre-paid والعداد للي عايز أكسجين مفتوح بفاتورة post- paid
بس طبعا حضرتك في اسكندرية أكيد هاتقدر تتصرف في شوية أكسجين من ورا العداد

[SHNORY]

والاسطوانات دي هاتبقى بكروت شحن pre-paid والعداد للي عايز أكسجين مفتوح بفاتورة post- paid :c_laugh[1]:
بس طبعا حضرتك في اسكندرية أكيد هاتقدر تتصرف في شوية أكسجين من ورا العداد :s_thum1[1]:

يا باشا انا تحت امرك
حبعتلك كابل اوكسيجين بحري
ونعمل قعدات بقي ونجيب اسطوانه اوكسيجين نشم فيها احنا واصحابنا
وفي الافراح نوزع بخاخات تنفس
وتدخل تمون بنزين للعربيه واكسيجين ليك من البنزينات
واوكسيجين 80 و90
بس المشكله اننا لو شمينا هو نضيف حنكحكح وصدرنا حيوجعنا
فالحل انك تخلط نفسين اكسجين ونفس من جاكمان العربيه
علشان نقدر نعيش
وربنا يرحمني كنت طيب والله

[إبراهيم.صادق]

يا باشا انا تحت امرك
حبعتلك كابل اوكسيجين بحري

قدها وقدود يا شنوري باشا ماهو ده العشم برضه
بس خد بالك وزارة الصحة هاتعتبرها شبكات منزلية غير شرعية

ونعمل قعدات بقي ونجيب اسطوانه اوكسيجين نشم فيها احنا واصحابنا
وفي الافراح نوزع بخاخات تنفس

ولازم نوزع شوية أكسجين في الجو نراضي بيهم الجيران أحسن حد يبلغ عننا ويبعت لنا كبسة من القسم ولا حاجة

وتدخل تمون بنزين للعربيه واكسيجين ليك من البنزينات
واوكسيجين 80 و90

واللي شايف أكسجين 90 غالي ممكن يوسع بيكات الرئتين ويمشيها أكسجين 80

بس المشكله اننا لو شمينا هو نضيف حنكحكح وصدرنا حيوجعنا
فالحل انك تخلط نفسين اكسجين ونفس من جاكمان العربيه
علشان نقدر نعيش

ماتقلقش هما أصلاً هايعملوا معايير لانتاج اسطوانات الأكسجين إنها تكون بدرجة نقاء لاتزيد عن 40% أكسجين و 40% سحابة سودا والباقي خليط عوادم عشان تبقى متوافقة مع عادات الشعب المصري في التنفس

وربنا يرحمني كنت طيب والله

أي والله كنت راجل طيب بس نعمل بقى ماحدش هايسيبك بعد الشعب كله ماعرف انها فكرتك

[A.Saad]

الصورة دى من موقع مصراوى

[sha2e]

[SHNORY]

يعني افهم من كده
اني لما اتخانق مع حد واقوله يا عديم الداون لود تبقي شتومه ؟؟

[A.Saad]

يعني افهم من كده
اني لما اتخانق مع حد واقوله يا عديم الداون لود تبقي شتومه ؟؟

لا يا محمد
مش عايز اقول ان ممكن كلنا نبقى كدة