اغنيه جريئة جدا عن المصريين لعلى الحجار (ممنوعه )

[أحمد سالم]

كلمات اغنيه _ على الحجار _ يا مصرى ليه

[rplayer]http://www.6rbtop.com/listen.php?song_id=19342&type=au&q=hi[/rplayer]

يا مصري ليه دنياك لخابيط و الغُلب محيط
و العنكبوت عشش عالحيط و سرح عالغيط
يا مصري قوم هش الوطاويط كفاياك تبليط
صعبة الحياة و الحل بسيط حبة تخطيط..

فتحت باب استيرادك.. و صرفت فوق ضعف إيرادك
حلي للخواجة استكرادك.. سابك بتقرا في أورادك
و ده قشَطّكْ و نزل تشفيط..

و مهولاتي تحب تزيط...
ساعة الفرح زغاريط تنطيط...
و في المياتم هات يا صويت..
و في المظاهرات سخن تشيط ..
و في الإنتخاب تنسي التصويت...

و ليه بترشي و تتساهل ... و تضيع حقوقك بالساهل
تستاهل النار تستاهل..
يا غويط و يحسبك الجاهل
ساهل و ساهي و غبي و عبيط..

يا مصري ياللي الغلا عاصرك...
و النهب في عصرك حاصدك
قوم للحياة و اسبق عصرك.. و لا حاجة حترجع مصرك
إلا ان تكون شغال و نشيط.

....................*
كلمات: سيد حجاب
ألحان: ياسر عبد الرحمن
غناء: علي الحجار

[Morieno]

الملف مش شغال عندى ومش بيتعمله دون لوود ولا اى حاجه
ممكن تحطه فى المرفقات لوسمحت

[أحمد سالم]

الاغنيه موجوده على الرابط ده
Mawaly - استماع اغنية يامصري ليه - اجمل اغاني الحجار

[eslamrace]

مشكووووووووووووووووووووووووووووووووووووووووور

[zyadahmed]

مشكورررررررر بس على فكرة الاغنية مش ممنوعة سمعتها من زمان وسمعتها كشعر من سيد حججاب نفسه فى برامج تليفزيونية فعلا هو ده حال كتير مننا
بس انا مش متقبل الكوبليه ده من الاغنية لانه فيه تلميحات دينية شوية لان الاوراد والاذكار عمرها ما كانت عائق لتقدم الامة الاسلامية والعكس هو الصحيح بدليل عصور الازدهار والقوة فى الدولة الاسلامية اللى كان الغالب فيها التمسك بالدين


فتحت باب استيرادك.. و صرفت فوق ضعف إيرادك
حلي للخواجة استكرادك.. سابك بتقرا في أورادك
و ده قشَطّكْ و نزل تشفيط..

[أحمد سالم]

بس انا مش متقبل الكوبليه ده من الاغنية لانه فيه تلميحات دينية شوية

انا برده مع حضرتك فى نقد الكوبليه ( حلي للخواجة استكرادك.. سابك بتقرا في أورادك )

[أحمد سالم]

بس على فكرة الاغنية مش ممنوعة

انا سمعت ان الشريط كله اللى فيه الاغنيه مانزلش رسميا
والدليل كمان ان الصوت والموسيقى مش بالنقاء الجيد