صور مسجد الرحمن الرحيم ( توشيبا العربي ) بصلاح سالم ... قبل الافتتاح

[aif]

السلام عليكم ورحمة الله وبركاته
المسجد ده أكيد معظمنا عارفين مكانه وبنشوفه كتيييير
المسجد في طريق صلاح سالم أمام دار الاسلحة والذخيرة ... بين كوبري الفردوس وكوبري العباسية ( امتداد رمسيس )....
المسجد اسمه مسجد الرحمن الرحيم لكنه معروف بمسجد العربي ...لأن من قام ببنائه هو الحاج محمود العربي صاحب مصانع العربي توشيبا وشارب .... الخ الخ ( جزاه الله خير الجزاء )
بدأ العمل بهذا المسجدتقريبا سنة 2000 ( مش متأكد ) اي انه استغرق ما يقرب من 9 سنوات ليكتمل بنائه و تجهيزه
انا بحكم سكني ومكتبياستطيع رؤية المآذن من شباك المكتب ... لذلك فقد مررت به آلاف المرات
وفي كل عام نأمل بافتتاح المسجد في رمضان ... لكن انتظارنا طال لعدة سنوات ... الى ان علمت انه سيتم افتتاحه يوم الجمعة القادم 21 اغسطس اي 30 شعبان الجاري او غرة رمضان حسب ثبوت رؤية هلال رمضان
اليوم عند عودتي للمنزل مررت بالمسجد لكنني لم استطيع مقاومة الاغراء والفضول .... ودخلت للمسجد وبعد استئذان الموظفين ورجال الامن الداخلي بالمسجد قمت بتصوير هذه الصور التي ستكون فيما بعد صور فريدة حيث انها اثناء التجهيزات النهائية للافتتاح بعد 4 ايام
التصوير تم بكاميرا الموبايل حيث لم اكن مستعد لهذه الزيارة المفاجأة و الوقت الساعة الواحدة صباحا والاضاءة الداخلية غير مضائة بالكامل والمآذن غير مضاءة تماما .... لهذا السبب قد تكون الصور ليست بالمستوى المطلوب ... لكنها تبقي صور حصرية .... للحبايب
على بركة الله


دي البوابة ارئيسية من الخارج




وده منظر من خارج المسجد





دي المآذن لكن في الظلام .... ان شاء الله سأحاول تصويرها بالنهار او بعد الافتتاح وهي مضاءة






من الخارج ايضا




دي صورة عامة من داخل المسجد ويلاحظ ان الموكيت لم يكتمل تركيبة في نصف المساحة تقريبا ويهر في الصورة محراب المسجد






دي صورة من الجهه العكسية ويظهر بها الطابق العلوي واعتقد انه سيكون مخصص للنساء بعد اتمام تركيب المشربيات به





جانب من زخارف الاعمدة والاقواس





جزء من السقف ويظهر به مخارج التكييف المركزي





بعض النجف الموجود بالمسجد




المحراب .... وهو تحفة معمارية وبه تشكيلات رائعة من الرخام .... وده موظف الامن بالمسجد

البقية تأتي

[aif]

ده المنبر ..... قبل تجميعه ان شاء الله سوف اصوره بعد تركيبه





صورة اخري لأجزاء المنبر





البوابة الرئيسية من الداخل .... وده برضه موظف الامن






ده المحراب من بعيد ..... وده اهد عمال الموكيت .... ما لفت نظري اليه هو سماحة وجهه .... وجه مصري أصيل ...... يحمل في قسماته حاجات لا توصف




اعمال الفرش وتشطيبات النهائية على قدم وساق





النجفة الرئيسية في صحن المسجد ... قطرها 8 امتار ..... تحفة من انتاج كريستال عصفور





الموكيت والشبابيك من الداخل






المحراب من قريب






صورة اخرى للمحراب



...
لسه ..... لنا عودة

[aif]

دي صورة توتالة للمحراب ... بس طلعت مهزوزرة شوية



بعض الزخارف والابليكات






صورة من اسفل النجفة العملاقة في وسط المسجد






وأخيرا ده اخوكم الفقير لله .... معلهش الصورة قد تكون غير مظبوطة لأني انا اللي مصور نفسي
......
كدة الصور خلصت
بقي ان اقول ان المسجد على الطبيعة ... رائع
المساحة تقترب من مساحة مسجد النور بالعباسية .... وكذلك ارتفاع المآذن
العمارة من الداخل في منتهي الشياكة والروعة
المسجد مكيف مركزيا من الداخل
اسفل المسجد يوجد قاعات مناسبات لعقود القران وما شابه ذلك ولا اعرف كيف ستستغل مستقبلا

....
سؤال كان يحيرني ....
طالما المسجد مكتمل البنيان منذ فترة طويلة اليس من المحزن ان لا تقام فيه الصلاة لعدة سنوات لمجرد اكتمال الزخارف التي تعتبر مجرد مظاهر ؟؟؟؟
ويبدو ان القائمين على المسجد قد تداركو الامر .... فقد عرفت ان الصلاة تقام منذ عدة شهور في القاعات الواقعة اسفل المسجد ....
اخيرا ....
من قام بانشاء هذا الصرح الاسلامي الكبير .... هو الحاج محمود العربي
بصراحة برغم اني لا اعرف هذا الرجل ولم اقابله ولا اعرف شكله .... الا انني احبه في الله
ليس من اجل هذا المسجد فحسب ..... لكن من قبل ذلك .... فما اعرفه عنه يجبرني على حبه واحترامه ...
ربنا يجعله في ميزان حسناته و يكثر من امثاله

والسلام عليكم ورحمة الله وبركاته

[احمدعبدالعزيز]

جزاك الله خير وربنا يكتر من امثال العربى ومبروك عليكم المسجد الجديد










.

[ramyraby]

والله رائع وجزاك الله خيرا على هذه الصور الجميلة

وجعله الله في ميزان حسنات من بناه

[Karim_Mohy]

بسم الله ماشاء الله يا حاج احمد
ربنا يبارك للي بناه ويجعله في ميزان حسناته

[Terrible_DaRsH]

شكرا يا حاج احمد , تصدق من يومين كنت معدى من قدامه و كنت مستغرب جدا جدا جدا .

بقالى 4 سنين بشوف الجامع بيتبنى و لسه مخلصش !

و كمان مكانه غريب جدا بصراحة , ده مفيش حياه هناك اساسا مش هيبقي فى قبول كبير من الناس .

خصوصا ان وراه توكيل تويوتا و ارض مصانع فاضية تماماااااا .

[aif]

شكرا يا حاج احمد , تصدق من يومين كنت معدى من قدامه و كنت مستغرب جدا جدا جدا .

بقالى 4 سنين بشوف الجامع بيتبنى و لسه مخلصش !

و كمان مكانه غريب جدا بصراحة , ده مفيش حياه هناك اساسا مش هيبقي فى قبول كبير من الناس .

خصوصا ان وراه توكيل تويوتا و ارض مصانع فاضية تماماااااا .

كلامك صح يا درش ...المكان فعلا مش منطقة سكنية ....لكن لو مشيت ناحية العباسية 1 كيلو متر فقط ح توصل لشارع السرايات والعباسية والكثافة السكانية
ووجود منطقة واسعة تصلح لركن السيارات حول المسجد سيجعل الامر اكثر سهولة
اتوقع اقبال كبير جدا خصوصا في رمضان و صلاة التراويح لأنهم ح يجيبو شيوخ كبار للصلاة بعد الافتتاح واعتقد ان منهم الشيخ / محمد جبريل

[Ahmed Selim]

جزاك الله خيراً يا حاج أحمد

طالما المسجد مكتمل البنيان منذ فترة طويلة اليس من المحزن ان لا تقام فيه الصلاة لعدة سنوات لمجرد اكتمال الزخارف التي تعتبر مجرد مظاهر ؟؟؟؟
ويبدو ان القائمين على المسجد قد تداركو الامر .... فقد عرفت ان الصلاة تقام منذ عدة شهور في القاعات الواقعة اسفل المسجد ....
اخيرا ....

من واقع تعاملى مع شركة توشيبا لعدة سنوات اكسبتنى عدد من الصداقات داخل الشركة فما عرفته هو أن الحاج محمود العربى كان مصراً على أستكمال بناء المسجد من ماله الشخصى و بدون تبرعات من أحد.......و قد يكون هذا هو السبب فى تأخر أتمام التشطيب و خلافه.

جزاه الله خير الجزاء.

[Terrible_DaRsH]

كلامك صح يا درش ...المكان فعلا مش منطقة سكنية ....لكن لو مشيت ناحية العباسية 1 كيلو متر فقط ح توصل لشارع السرايات والعباسية والكثافة السكانية
ووجود منطقة واسعة تصلح لركن السيارات حول المسجد سيجعل الامر اكثر سهولة
اتوقع اقبال كبير جدا خصوصا في رمضان و صلاة التراويح لأنهم ح يجيبو شيوخ كبار للصلاة بعد الافتتاح واعتقد ان منهم الشيخ / محمد جبريل

ان شاء الله ناوى اصلى العيد فيه , بس للاسف مكانه بعيد شوية عنى .

[blazer]

باراك الله فيك
وبارك الله فى الحاج محمود العربى
المسجد تحفه معماريه
باذن الله الوحد يبقى يقيم فيه الصلاه فى ليله من ليالى رمضان
ويارب يكون الشيخ بتاع المسجد من المشايخ اللى بيحببوا الناس فى المسجد

[aif]

ان شاء الله ناوى اصلى العيد فيه , بس للاسف مكانه بعيد شوية عنى .

كثرة الخطى للمساجد اجرها لا يحصى ....
وكمان ممكن بالعربية والركنة مش صعبة
كدة ممكن نتقابل في صلاة العيد هناك .... وتبقى اول مقابلة عباسوية في المنتدى .... وفي العيد كمان ....
والله تبقى فكرة رائعة يا درش خصوصا ان عدد كبير من المنتدي في منطقة العباسية وما حولها
نصلي ونعيد على بعض ونتصور مع بعض ونروح ...

[Terrible_DaRsH]

كثرة الخطى للمساجد اجرها لا يحصى ....
وكمان ممكن بالعربية والركنة مش صعبة
كدة ممكن نتقابل في صلاة العيد هناك .... وتبقى اول مقابلة عباسوية في المنتدى .... وفي العيد كمان ....
والله تبقى فكرة رائعة يا درش خصوصا ان عدد كبير من المنتدي في منطقة العباسية وما حولها
نصلي ونعيد على بعض ونتصور مع بعض ونروح ...

ده شيء يشرفنى يا حاج احمد والله خصوصا انها فكرة حلوة , يعنى محدش هيبقي مسافر مارينا فى رمضان او هيكون عنده شغل فى العيد .

[homme49]

بارك الله للرجل العصامى الحاج / محمود العربى و جعله له فى ميزان حسناته
رجل بمعنى الكلمة
و بعيدا عن نصابين الزمن الحالى اللذين يدعون أنهم رجال أعمال

[aif]

بارك الله للرجل العصامى الحاج / محمود العربى و جعله له فى ميزان حسناته
رجل بمعنى الكلمة
و بعيدا عن نصابين الزمن الحالى اللذين يدعون أنهم رجال أعمال

من الناس المحترمين من امثال الحاج محمود العربي ....
الحاج خميس عصفور صاحب كريستال عصفور
...
وايضا صاحب محلات العبد الحلواني .. لكن مش عارف اسمه ايه
....
الناس المحترمين موجودين ... وان كانو اصبحو قليلين بالنسبة لغيرهم