حادثة رهيبة على الدائرى

[أبوسيف]

النهاردة وانا راجع من الشغل على الدائرى حوالى الساعة 6 فى الحتة ما بين نزلة القومية ونزلة الوراق وكان فى قدامى عربية نقل كان بينى وبينها حوالى 50 متر ، المهم لمحت راجل ومعاه طفلين حوالى 6-7 سنين بيعدوا الطريق ودخل فى وسط العربيات بطريقة غريبة وعدى اول 3 حارات والراجل سواق النقل ما شافوش وهو بيعدى وفوجئ بالراجل والولدين قدامه واللى حصل بعد كدة مش ممكن يتوصف.

العربية النقل فرمتهم كلهم و طفل من الطفلين نزل تحت العربية النقل ولقيته بيتدحرج قدامى وبينى بينه مسافة صغيرة ، ضربت فرامل بكل قوتى والحمد لله قدرت اقف قبل ما أعدى على الولد ، ما بقتش عارف أعمل ايه ، شكل الحادثة وقوة الخبطة بيقول ان ال 3 ماتو ، وافتكرت الناس اللى كانت بتحكى على مواقف مشابهة ونزلت علشان تساعد وكانت النتيجة انهم اصبحوا متهمين انهم هما اللى خبطوا. رجعت بضهرى شوية ,اخدت يمين ومشيت بعد الحادثة حوالى 200 متر ووقفت شوية علشان اقدر اتلم على أعصابى.

الله يرحم الراجل والطفلين ، ويستر طريقنا كلنا

ويارب أعرف أنام النهاردة :(

[Terrible_DaRsH]

لا حول ولا قوة الا بالله .

شيء فظيع جدا , ربنا يستر طريق الكل .

[Amo0o0oRa]

يا ساتر يا رب....

مع ان كان ممكن ينزل من السلم القريب ليه ويطلع من الناحيه التانيه
بس دا قضاء الله وقدره
ربنا يرحمهم

[beautiful0mind]

لا حول ولا قوة الا بالله

انا واحد صديقى برضة من فترة توفى فى حادث على الطريق الدائرى والناس سبته متوفى ع الطريق ومشيت بعد مغطة بالجرايد

ربنا يصبرنا جميعا

[dr-mohamed]

لا اله الا الله
ولا حول ولا قوة الا بالله
ربنا يرحمه ويرحم الطفلين ويصبر الام الزوجة اللى فقدت اهم تلاتة في حياتها في لحظة
مين عالم الراجل ده كان وراه ايه ولا مين وكان مسئول عن مين ولا مين وبيصرف على مين ولا مين
لا حول ولا قوة الا بالله

[magyver]

لا الة الا الله
ياارب ارحمنا جميعا

[amr.elsayed]

لا حول ولا قوة الا بالله خلو بالكوا يا جماعة من السرعة الزايدة ربنا يستر طريقنا جميعا والله يرحم جميع موتى المسلمين

[WalidAdel]

تلاقي الجرايد هاتقول و نتيجه للسرعه الزائده لسائق التريلا و انه كان شارب و الكلام اللي احنا عارفينه دا مع ان الغلط هنا علي المشاه اللي بيعدوا الطريق و خلاص
الغلط في معظم الحوادث دي بتبقي علي المشاه و دايما تلاقي كوبري المشاه موجود و الناس بتعدي من الشارع عادي زي ماموجود علي طريق القاهره الاسكندريه الزراعي و دا من اخطر الطرق اللي شفتها
ربنا يستر طريقنا جميعا

[mramzy]

لا الة الا اللة
ياارب ارحمنا جميعا

لا اله الا الله
يارب ارحمنا جميعا

[Drift_Lover]

لا حول ولا قوة الا بالله.

[ASKAFRAWY]

البقاء لله حادثة صعبة ربنا يصبر اهلهم يارب

[Mohamed.Raafat]

لا حول ولا قوة الا بالله

((ولا تدري نفس بأي أرض تموت ))




طبعا كله قضاء الله
بس أنا شايف ان الراجل اللي كان بيعدي الشارع هو اللى غلطان
قدر الله و ما شاء فعل.
سبحان الله

[asbeats]

اولا ...الله يرحمهم ويرحم موتى المسلمين جميعا

لكن...سواق التريلا او اي سواق غيره كان هيعمل ايه.. كان ممكن عشان يفاديهم يتسبب في كارثة اكبر وافظع...

انا بستخدم الطريق الزراعي بصفة مستمرة وبخاف من الناس اكتر من العربيات النقل...تخيل واحد معمولة كوبري مشاه وهو مصر يجري من تحته عشان مكسل يطلع كام سلمة والكلام ده ينطبق على كل الأعمار رجالة وستات...ده يبقى اسمه ايه...انتحار ولا قتل نفس ولا ايه بالظبط...والطريق الدائري مليان سلالم وانفاق والمفروض الواحد عشان يحافظ على حياته وحياة غيره انه يضحي شويه.فيها ايه لما يبذل مجهود اكتر شوية في مقابل امنه وسلامته وسلامة اولاده...


صحيح الناس اللي ماتت دي لا يجوز علينا الا اننا ندعيلهم بالرحمة...بس هنفضل لغاية امتى نقول القضاء والقدر واحنا اللي بنغلط

[WalidAdel]

..

انا بستخدم الطريق الزراعي بصفة مستمرة وبخاف من الناس اكتر من العربيات النقل...تخيل واحد معمولة كوبري مشاه وهو مصر يجري من تحته عشان مكسل يطلع كام سلمة والكلام ده ينطبق على كل الأعمار رجالة وستات

و ينطبق علي البهايم كمان و الجاموس اللي اي ست ممكن تكون صاحباه وراها و الراجل اللي راكب الحمار و بيعدي بييييه الشارع اللي هو المفروض اسمه طريق سريع و لو حد خبط بهيمه من دوول و ماتت يقفلوا الشارع اللي هو طريق سريع و يحدفوا العربيات بالطوب و البلد كلها تطلع تقفل الشارع علشان البهيمه اللي عربيه خابطها

يارب رحمتك بالناس اللي سايقييين عربيات

[Fadi Ezzat]

ربنا يرحمهم ويرحمنا جميعا