مشكلة مع المدرسة المصرية للغات

[TheInfernal]

في حل تاني انك تربط مع السواق ييجي للمكان التاني و مش لازم مديرة الحركة دي تعرف. و معتقدش هيبقى عنده مانع لو المكان الجديد قريب و هيوفر عليه وقت زي ما انت قلت.

بس أنا رأيي تكلم المدير نفسه و لو الموضوع برضه متحلش تحول في أقرب وقت, لأن لو الادارة مش قادرة\عايزة تتصرف لك في موضوع تافه زي ده فما بالك لو حصل مشكلة أكبر. خصوصا و ان المشرفة و المديرة وافقوا يعني انت اللي معاك الحق.

و الباص ده مش خدمة و انما حقك طالما بنتك في المدرسة.

[noureymo]

هي مش مدرسة
مستر ناجي و ميس فاتن

استاذ عزت شكرا على ردك
بس المدرسة مش هي بتاعت مستر ناجي وميس فاتن
انا قصدي اصحاب المدرسة الا اذا كنت حضرتك قصدك انهم بيشتغلوا هناك

[AhMeD EzZ]

استاذ عزت شكرا على ردك
بس المدرسة مش هي بتاعت مستر ناجي وميس فاتن
انا قصدي اصحاب المدرسة الا اذا كنت حضرتك قصدك انهم بيشتغلوا هناك

لا اصل انا اعرف مدرسة اسمها المصرية للغات و دي ليها فروع جسر السويس و العاشر و التجمع
و اعرف اصحابها كويس اوي
فلو كانت هي كنت هحاول احل الموضوع

[egyptianmafia]

If you will end up moving your daughter. there is another school called Green Valley and MES and MSE (Masr 2000) all are around the Police Academy.

MSE (Masr 2000) is really good.....This is the school that was in Henidi's last movie.

They are actually better than ELS. My older sister used to teach there and she told me about how the school is really bad

[sha2e]

يعنى حضرتك غرمت نص ساعه اتصال دولي وعمال تدورلها على حلول لعقبات ملهاش اى داعي ومختش بالك من اللى مشرفة الباصات عايزه توصلهولك ؟؟
الحل سهل جدا
هدية بسيطه من ابوظبي لمشرفه الباصات دي وهتلاقى الموضوع كله اتحل فى خمس دقايق :)

[noureymo]

لا اصل انا اعرف مدرسة اسمها المصرية للغات و دي ليها فروع جسر السويس و العاشر و التجمع
و اعرف اصحابها كويس اوي
فلو كانت هي كنت هحاول احل الموضوع

بصراحة يا استاذ عزت انا شاكر لحضرتك اهتمامك وربنا يجعله في ميزان حسناتك
المدرسة دي ليها فرع في مدينة نصر وفرع التجمع الي فيه المشكلة
جزاك الله كل خير على عرضك لحل الموضوع وأكثر الله من امثالك

[noureymo]

If you will end up moving your daughter. there is another school called Green Valley and MES and MSE (Masr 2000) all are around the Police Academy.

MSE (Masr 2000) is really good.....This is the school that was in Henidi's last movie.

They are actually better than ELS. My older sister used to teach there and she told me about how the school is really bad

thank u very much for ur kind reply
but i think that now is too late to think in moving to another school .

[noureymo]

يعنى حضرتك غرمت نص ساعه اتصال دولي وعمال تدورلها على حلول لعقبات ملهاش اى داعي ومختش بالك من اللى مشرفة الباصات عايزه توصلهولك ؟؟
الحل سهل جدا
هدية بسيطه من ابوظبي لمشرفه الباصات دي وهتلاقى الموضوع كله اتحل فى خمس دقايق :)

الموضوع مش زي ما حضرتك متخيل بالظبط
في مشرفة للباص ودي كانت معانا من السنة الي فاتت وعارفينها كويس وانا كلمتها من هنا والمدام راحتلها والبنت بصراحة ما عندهاش مشكلة
وفي مشرفة على كل الباصات وبرده كلمتها والمدام راحتلها وفعلا طلعت اتوبيس يشوف المكان الجديد وقالوا ان كده اسهل فعلا وهيخلصوا الموضوع تاني يوم في المدرسة مع الاستاذة الكبيرة الفاضلة الي قعدت اكلمها نص ساعة وهي استاذة كبيرة يعني ما هياش بنت صغيرة وفعلا حادة جدا في كلامها وما عندهاش تفاهم وفعلا بعد ما خلصت المكالمة ورفضت المدام راحتلها ورفضت برده بعد ما حسستنا ان هي بتعمل فينا جميل واصلا احنا غلطانين علشان موضوع ان احنا ما استاذناش قبل ما نروح السكن الجديد
وطبعا استاذة فاضلة زي دي وفي مكانها ده لدرجة ان المسؤولة عن مدرسة البنات ما قدرتش تساعدنا اكيد ما ينفعش معاها موضوع الهدية ده

[rawdat]

هو حضرتك تكلم مدير المدرسة أو المدير اللي مسئول عن مرحلة الإبتدائي
أو تسحب فلوسك وتتفق مع أي حد تاني بيوصل وممكن كمان يبقى أوفر لو كان معاكوا ناس تانيين
وكمان يودها و يجيبها أسرع
و ممكن تلاقي قرب بيتكم مدارس جديدة لسة بتقبل وتكون مستواها كويس وكده أريح ليكم كلكم
بعد إذن حضرتك : مكان إقامتكم فين ؟

[egyptianmafia]

thank u very much for ur kind reply
but i think that now is too late to think in moving to another school .

you can check them out if you want to move her in the 2nd term

[noureymo]

هو حضرتك تكلم مدير المدرسة أو المدير اللي مسئول عن مرحلة الإبتدائي
أو تسحب فلوسك وتتفق مع أي حد تاني بيوصل وممكن كمان يبقى أوفر لو كان معاكوا ناس تانيين
وكمان يودها و يجيبها أسرع
و ممكن تلاقي قرب بيتكم مدارس جديدة لسة بتقبل وتكون مستواها كويس وكده أريح ليكم كلكم
بعد إذن حضرتك : مكان إقامتكم فين ؟

شكرا للاهتمام بالرد
المدرسة فيها تلات اقسام قسم امريكي وقسم مشترك وقسم مدرسة البنات الي البنت فيه
فعلا المدام راحت لناظرة مدرسة البنات وما قدرتش تعمل اي حاجة
واضح ان ما فيش حد يقدر يتكلم مع مديرة الحركة دي الي هي نفسها الي قعدت اكلمها نص ساعة من هنا
احنا اصلا ساكنين في التجمع الخامس
لكن لظروف سفري البنت ومامتها قاعدين مع جدتها في ابراج شركة المعادي الي عند مدينة الفسطاط الجديدة المكان ده بينه وبين كورنيش المعادي اربع دقايق بالظبط( قبل ما جدها يعزل وده المكان الي كان الاتوبيس بياخدها منه السنة الي فاتت)موضوع حد يوصلها ده اعتقد انه ضعب لبعد المسافة بين المدرسة ومكان السكن لكن هخلي ما متها تروح اول يوم في الدراسة تشوف الموضوع ده ينكن يكون في ناس عندهم نفس المشكلة دي
شكرا لرد حضرتك

[noureymo]

you can check them out if you want to move her in the 2nd term

this is the first thing i will do when i will come to egypt in december

[eslamrace]

والله بلد غربيه ومش عارف حتفضل كده لامتى يعنى دى لو بنت الست اللى معترضه دى هل كانت هترفض برضه ولا كانت هتودى الاتوبيس بلاد تانيه عشان خاطر عيون بنتها ؟؟؟؟؟؟؟؟

المفروض حضرتك تخلى اخوك اوحد ثقه يروح يشوف مين الرئيس بتاع الست دى ويكلمه يقوله اللى حصل واكيد لسه فى حد فى قلبه شويه رحمه لو لسه برضه مصرين اظن انك لازم تسحب ملف بنت حضرتك لانك لو كملت كده حتفضل حاسس طول الوقت انك اتلوى دراعك وبنت حضرتك لسه صغيره على الارتباط القوى بالمدرسه اكيد حتقدر تكون صداقات فى مدرسه محترمه تانيه

واسف انى طولت عليك بس فعلا موضوع يحرق الدم واتمنى انك تلاقى حل فى اسرع وقت وكان الله فى عونك

[MoToRiZeR]

و الله فيه حل ظريف جداَ إن المدرسة تحس إن صورتها بقت مش كويسة و إن صوت حضرتك مسموع و إن الموضوع مش بالتعسف ولوي الدراع (خاصة إن المدارس سمعة) .

لو المدرسة لها إيميل حضرتك حطه هنا و نبعتلهم نقولهم إننا بصفة شخصية قررنا إستبعاد المدرسة من حساباتنا و مش هنرشحها لأي حد لما عرفناه من خلال تجربة حضرتك من تعسف صدر من خلالهم و إنهم مش مرنين في التعامل في حاجة هايفة زي دي ما بالك بالعملية التعليمية .. و يا سلام لو جروب علي فيس بوك فيه لوجو المدرسة .. مدام هما شايفين إن الواحد يدفع مبلغ زي ده و يقولك "خدمة و نقدمها بمزاجها" .. يبقي دخلهم العام في الخاص و خلي بقية العالم تعرف "خدماتهم" عاملة إزاي .. لأن اساساَ حتي لو دي خدمة فا الخدمات للتسهيل مش للتعسف .. مع إنها مش خدمة خالص و المدرسة لها ربح كبير من الموضوع أكيد يعني أحد مصادر رزقهم الفلوس اللي حضرتك دافعها لبنتك في الباص .

[bishoy02010]

و الله فيه حل ظريف جداَ إن المدرسة تحس إن صورتها بقت مش كويسة و إن صوت حضرتك مسموع و إن الموضوع مش بالتعسف ولوي الدراع (خاصة إن المدارس سمعة) .

لو المدرسة لها إيميل حضرتك حطه هنا و نبعتلهم نقولهم إننا بصفة شخصية قررنا إستبعاد المدرسة من حساباتنا و مش هنرشحها لأي حد لما عرفناه من خلال تجربة حضرتك من تعسف صدر من خلالهم و إنهم مش مرنين في التعامل في حاجة هايفة زي دي ما بالك بالعملية التعليمية .. و يا سلام لو جروب علي فيس بوك فيه لوجو المدرسة .. مدام هما شايفين إن الواحد يدفع مبلغ زي ده و يقولك "خدمة و نقدمها بمزاجها" .. يبقي دخلهم العام في الخاص و خلي بقية العالم تعرف "خدماتهم" عاملة إزاي .. لأن اساساَ حتي لو دي خدمة فا الخدمات للتسهيل مش للتعسف .. مع إنها مش خدمة خالص و المدرسة لها ربح كبير من الموضوع أكيد يعني أحد مصادر رزقهم الفلوس اللي حضرتك دافعها لبنتك في الباص .

+111111111111111111111111111111