مشكلة 50-60 هرتز

[for_ever]

السلام عليكم و رحمة الله

كل سنة و انتو طيبن و رمضان كريم :)

بس عندي مشكلة كهربائية و انا للاسف معلوماتي الكهربائية ميح

انا اشتريت جهاز تعقيم لحاجات ابني اللي بيرضع و بياكل فيها من السعودية

المهم كان حرصي و انا بشتري الجهاز انه يكون بيشتغل علي 220 فولت

كنا بنفكر ناخدو معانا و احنا نازلين مصر اجازة عشان التعقيم بيه اسهل كتير -- يعني بيوفر علينا نقعد نغلي حاجات البيبي.

المهم اكتشفت بالصدفة انه مكتوب عليه 50 هرتز بس و لما سألت ولاد الحلال قالولي انه مش هيشتغل في مصر
عشان مصر فيها نظام 50 - 60 هرتز بس

دلوقتي مش عارف اعمل ايه ؟ هل في حل للموضوع ده ؟ في محول مثلا اشتريه عشان يظبط داخل الكهرباء لجهاز التعقيم ؟

و ايه حكاية 50 و 60 هرتز دي ؟

يا ريت يا جماعة اللي يعرف حل للموضوع ده يفيدنا و يبقي كسب ثواب في رمضان :)

رمضان كريم

[أحمد كمال]

السلام عليكم و رحمة الله

كل سنة و انتو طيبن و رمضان كريم :)

بس عندي مشكلة كهربائية و انا للاسف معلوماتي الكهربائية ميح

انا اشتريت جهاز تعقيم لحاجات ابني اللي بيرضع و بياكل فيها من السعودية

المهم كان حرصي و انا بشتري الجهاز انه يكون بيشتغل علي 220 فولت

كنا بنفكر ناخدو معانا و احنا نازلين مصر اجازة عشان التعقيم بيه اسهل كتير -- يعني بيوفر علينا نقعد نغلي حاجات البيبي.

المهم اكتشفت بالصدفة انه مكتوب عليه 50 هرتز بس و لما سألت ولاد الحلال قالولي انه مش هيشتغل في مصر
عشان مصر فيها نظام 50 - 60 هرتز بس

دلوقتي مش عارف اعمل ايه ؟ هل في حل للموضوع ده ؟ في محول مثلا اشتريه عشان يظبط داخل الكهرباء لجهاز التعقيم ؟

و ايه حكاية 50 و 60 هرتز دي ؟

يا ريت يا جماعة اللي يعرف حل للموضوع ده يفيدنا و يبقي كسب ثواب في رمضان :)

رمضان كريم

سيبك منهم دي فتية معتبرة :)

شغل الجهاز و توكل على الله

الاختلاف البسيط في الهرتز لا يؤذي الاجهزة الكهربائية بس الحاجة الوحيدة اللي ممكن يعملها لو الجهاز فيه ساعة (منبه, تايمر .....الخ) ممكن الوقت ما يبقاش مظبوط ...... غير كده و لا يهمك

[for_ever]

شكرا علي ردك يا استاذ احمد
الجهاز في فعلا تايمر عشان بيفصل بعد 15 دقيقة من التشغيل
انا خايف الجهاز يبوظ
الغريبة ان كل الناس اللي بتتعامل في الاجهزة الكهربائية هنا متفقين علي انه مش ممكن يشتغل في مصر
حد يشرحلنا يعني ايه 50 و 60 هرتز دي ؟؟؟؟؟؟؟؟؟

[أحمد كمال]

يا باشا مش هيبوظ و لا حاجة بس ممكن التايمر بدل ما يفصل بعد ربع ساعة يفصل بدري او متأخر دقيقة

بص يا سيدي

فاكر من ايام ثانوي موضوع التيار المتردد و التيار المستمر

التيار اللي في الفيشة ده متردد

يعني ايه

يعني بيتغير من الموجب للسالب كذا مرة في الثانية

و ده شكل الموجة بتاعته



يعني ايه بقى 220 فولت؟ يعني فرق الجهد بين طرفي مصدر الكهرباء

طيب و الهرتز؟ الهرتز ده هو وحدة قياس الترددات ..... زي كده ما نجوم إف إم 100.6 ميجاهرتز .... و زي ما الموبايل الجيل التاني في مصر 900 ميجاهرتز و الجيل التالتة 2100 ميجاهرتز و هكذا

طيب في الكهرباء؟ 50 هرتز يعني معدل تكرار الموجة اللي في الصورة دي كل ثانية

يعني 50 ذبذبة لكل ثانية

ما تقلقش ..... الفرق بين 50 و 60 هرتز لا يذكر و انا عندي اجهزة كتير من الخليج و من امريكا و مكتوب عليها 50 هرتز و بعضها 60 و كله شغال معايا فل

المشكلة البسيطة زي ما قلتلك ان بعض المكونات الالكترونية المستخدمة لقياس الوقت بتعتمد على الهرتز

يعني ايه؟ يعني لو 50 هرتز يبقى معناها عشان تايمر الجهاز يفصل بعد ربع ساعة لازم يكون عدة 50 * 15 * 60 = 45000 ذبذبة

طيب لو الكهرباء 60 هرتز؟ هيحصل ايه؟ هو مش هيفهم ...... و اول ما ال 45000 ذبذبة يمروا هيفهم ان الربع ساعة عدت ..... في حين ان اللي عدى = 45000 / 60 / 60 = 12.5 دقيقة بس و اعتقد دي مش مشكلة بالنسبة لك

و ده مش اكيد انه يحصل و ما تقلقش

[for_ever]

شكرا يا استاذ احمد علي التوضيح و تقبل الله صومك و صالح عملك و جعله في ميزان حسناتك :)

[د.محمود صلاح]

الله يفتح عليك شرح وافى وممتاز

[maka]

يا باشا مش هيبوظ و لا حاجة بس ممكن التايمر بدل ما يفصل بعد ربع ساعة يفصل بدري او متأخر دقيقة

بص يا سيدي

فاكر من ايام ثانوي موضوع التيار المتردد و التيار المستمر

التيار اللي في الفيشة ده متردد

يعني ايه

يعني بيتغير من الموجب للسالب كذا مرة في الثانية

و ده شكل الموجة بتاعته



يعني ايه بقى 220 فولت؟ يعني فرق الجهد بين طرفي مصدر الكهرباء

طيب و الهرتز؟ الهرتز ده هو وحدة قياس الترددات ..... زي كده ما نجوم إف إم 100.6 ميجاهرتز .... و زي ما الموبايل الجيل التاني في مصر 900 ميجاهرتز و الجيل التالتة 2100 ميجاهرتز و هكذا

طيب في الكهرباء؟ 50 هرتز يعني معدل تكرار الموجة اللي في الصورة دي كل ثانية

يعني 50 ذبذبة لكل ثانية

ما تقلقش ..... الفرق بين 50 و 60 هرتز لا يذكر و انا عندي اجهزة كتير من الخليج و من امريكا و مكتوب عليها 50 هرتز و بعضها 60 و كله شغال معايا فل

المشكلة البسيطة زي ما قلتلك ان بعض المكونات الالكترونية المستخدمة لقياس الوقت بتعتمد على الهرتز

يعني ايه؟ يعني لو 50 هرتز يبقى معناها عشان تايمر الجهاز يفصل بعد ربع ساعة لازم يكون عدة 50 * 15 * 60 = 45000 ذبذبة

طيب لو الكهرباء 60 هرتز؟ هيحصل ايه؟ هو مش هيفهم ...... و اول ما ال 45000 ذبذبة يمروا هيفهم ان الربع ساعة عدت ..... في حين ان اللي عدى = 45000 / 60 / 60 = 12.5 دقيقة بس و اعتقد دي مش مشكلة بالنسبة لك

و ده مش اكيد انه يحصل و ما تقلقش

+111111

كلام مظبوط 100 %

واصلا مصر 50 هرتز مش 60

الفرق فى الهرتز مش بيعمل تاثير الا على المواتير الكبيرة جدا زى اللى فى المصانع وبيكون شوية سخونة زيادة

لكن فى الاجهزة المنزلية مش هيعمل اي فرق تقريبا

[mostafabakry]

+111111

كلام مظبوط 100 %

واصلا مصر 50 هرتز مش 60

الفرق فى الهرتز مش بيعمل تاثير الا على المواتير الكبيرة جدا زى اللى فى المصانع وبيكون شوية سخونة زيادة

لكن فى الاجهزة المنزلية مش هيعمل اي فرق تقريبا

+11111111

كلام صح

حضرتك بتقول ان الجهاز مكتوب عليه التردد 50 و هو دا اللي عندنا في مصر
حنا ماعندناش 60 هيرتز في مصر خالص و تقريبا في السعودية علي ما اسمع هما عندهم 110 -220 فولت

يعني من الآخر جهازك متوافق مع الكهرباء عندنافي مصر
يا باشا و شغل بدون اي قلق
بس ممكن حضرتك تصورلنا الجهاز دا و تدينا فكره عنه و كام سعره في السعودية

كل سنة و انتم طيبين

[KarimAbulEla]

انا عجبانى اوى فكرة الجهاز ده و عايز اعرف سعره كام ، و السبب انى من يومين تركت البيبرونة الافنت تغلى على النار و نسيت خالص و النتيجة المياة نشفت ، و البيبرونة ساحت تماما و الرائحة بتاعة البلاستك انتشرت فى الشقة بشكل رهيب و بالعافية عرفت اخف الدخان فى الغرف اللى فيها الطفلان ، و حتى الان رائحة البلاسيتك السايح بقالها كام يوم و مش عايز تروح من الشقة .

هل فيه اجهزة مماثلة تباع فى السوق المصرى ؟

[أحمد كمال]

انا عجبانى اوى فكرة الجهاز ده و عايز اعرف سعره كام ، و السبب انى من يومين تركت البيبرونة الافنت تغلى على النار و نسيت خالص و النتيجة المياة نشفت ، و البيبرونة ساحت تماما و الرائحة بتاعة البلاستك انتشرت فى الشقة بشكل رهيب و بالعافية عرفت اخف الدخان فى الغرف اللى فيها الطفلان ، و حتى الان رائحة البلاسيتك السايح بقالها كام يوم و مش عايز تروح من الشقة .

هل فيه اجهزة مماثلة تباع فى السوق المصرى ؟

فيه بس غالية شوية

لو حد يجيبهولك من امريكا او الخليج يبقى ارخص طحن

[ainshouka]

على فكرة حكاية انك تعقم كل حاجة للأطفال دى مش كويسة لان كده المناعة التى تتكون لدى الطفل تكون ضعيفة لانه لابد من حد ادنى يتعرض له الطفل من صغره وبمرور الوقت حتى تتكون له مناعة تحميه من الامراض

ولا اقصد بأن تعرضه لاشياء ملوثة ولكن الحاجات بتاعته تتغلى كويس وكده بيكون كفاية

يعنى خللى الحياة طبيعية تماما واعمل له مثل باقى الاطفال ولا داعى للزيادة المبالغة فى الحرص

وهذا رأى وهو ما أعتقده

وشكرا

[أحمد كمال]

على فكرة حكاية انك تعقم كل حاجة للأطفال دى مش كويسة لان كده المناعة التى تتكون لدى الطفل تكون ضعيفة لانه لابد من حد ادنى يتعرض له الطفل من صغره وبمرور الوقت حتى تتكون له مناعة تحميه من الامراض

ولا اقصد بأن تعرضه لاشياء ملوثة ولكن الحاجات بتاعته تتغلى كويس وكده بيكون كفاية

يعنى خللى الحياة طبيعية تماما واعمل له مثل باقى الاطفال ولا داعى للزيادة المبالغة فى الحرص

وهذا رأى وهو ما أعتقده

وشكرا

ماهو الجهاز ده بيعقم بالغلي و بخار الماء الناتج عن الغلي مش تعقيم جراحي يعني

و اكيد الرضيع في بداية حياته لازم حاجته تبقى معقمة ......

[ainshouka]

آآآآآآآآآآآآآآآآآآآآآآآآآآآآآآآآآآآآآآآآآه

عدم اللامؤاخذة المعلومة وصلتلى غلط

اصل فعلا كانت فيه دكتورة بتقولنا انها تعرف طبيبة جابت لابنها من صغره جهاز تعقيم كانت بتعقم فيه كل حاجة لابنها لحد ما عيى لان مناعته كانت ضعيفة

[أحمد كمال]

آآآآآآآآآآآآآآآآآآآآآآآآآآآآآآآآآآآآآآآآآه

عدم اللامؤاخذة المعلومة وصلتلى غلط

اصل فعلا كانت فيه دكتورة بتقولنا انها تعرف طبيبة جابت لابنها من صغره جهاز تعقيم كانت بتعقم فيه كل حاجة لابنها لحد ما عيى لان مناعته كانت ضعيفة

لا يا باشا ده باختصار زي حوض كده بتحط فيه مية نضيفة و تغسل الببرونات بتاعة البيبي او العضاضات او اي حاجة عايز تعقمها بتتحط على مصفاة فوق كده بس تحط الحاجة فتحتها لتحت و فيه غطاء محكم بيقفل عالليلة دي كلها و بيشتغل بالكهرباء بيغلي المية لحرارة عالية جدا جدا جدا بحيث البخار بتاعها يبقى اسخن ما يمكن و البخار بيطلع لفوق يعقم الحاجة .... بس برضه مش تعقيم زي مثلا المعقم بتاع المستشفى اللي بيعقم الادوات الجراحية بالاشعة فوق البنفسجية مثلا

[for_ever]

شكرا يا جماعة علي ردودكم الجميلة
الجهاز ماركة تيفال صناعة فرنساوي ب 260 ريال
بييجي معاه 6 ببرونات للطفل
فكرة عمل الجهاز انه بيغلي حوالي 250 مللي ميه و البخار الناتج عن الغلي هو اللي بيعقم الببرونات
ممكن كمان تستخدمه عشان لو حبيت تعمل اكل للبيبي علي البخار
يعني لو زودت المية اللي هتتغلي في الجهاز ل 750 مللي البخار الناتج عن الغلي هيسوي الاكل بتاع البيبي
احنا جربناه و الاكل طلع لذيذ جدا
ان شاء الله هصوره و انزلكم الصورة