النهارده اول يوم رمضان و لا تانى يوم ( مطروح للنقاش )

[eng/muhamad]

يا جماعه دلوقتى انا حاسس ان فى مشكله
اولا انا قرات قبل كده ان هلال الشهر العربى لايظهر فى اول يوم من ايام الشهر و لكن يظهر فى تانى يوم او تالت يوم
و النهارده بعد الفطار خرجت اقفل فى البلكونه شويه شوفت الهلااااااااااااااااال واضح جدا
ده معناه اييييييييييييه؟؟؟؟؟؟؟؟؟؟؟؟
معناه ان النهارده تانى يوم رمضان ؟؟؟؟؟؟؟؟؟
و على فكره انا نديت على البيت كله يشوفه عشان تثبت الرؤيا
لو كلامى غلط ياريت حد يقولى الصح
لو كلامى صح و الهلال فعلا بيظهر تانى او تالت يوم زى ما قرأت قبل كده يبقى احنا صمنا غلط
و الحل فى الوقت ده ايه ؟؟؟؟؟؟؟؟

[د-احمد عبد اللطيف]

الهلال ولد الخميس لكن توقيت ميلاد الهلال كان مقارب لتوقيت غروب الشمس وبالتالي لا يمكن رؤيتة بالعين ولتحقيق المبدأ الشرعي المقرر بالحديث الشريف "صوموا لرؤيته وافطروا لرؤيته" يكون الجمعة المتمم لشعبان و السبت الاول من رمضان.
يعني فعلا الهلال اللى حضرتك شفته عمره يومين عشان كدة سيادتك شفته بوضوح.
وكل عام وانتم بخير

[eng/muhamad]

يعنى احنا صمنا صح و لا غلط ؟
لو زى ما حضرتك بتقول ان الهلال فعلا عمره يومين يبقى اول يوم رمضان كان امبارح
طيب ليه اللجان الشرعيه اللى تبع دار الافتاء مشفتوش
هل تقصير منها و لا ربنا اخفاه لحكمه
و هل صيامنا صح و لا غلط

[eng/muhamad]

هو الموضوع للدرجه دى مش مهم
و مش فارق مع الناس احنا صايمين صح و لا غلط
38 مشاهده و رد واحد فقط؟؟؟؟؟؟؟؟؟؟؟؟؟؟؟؟

[blazer]

يعنى احنا صمنا صح و لا غلط ؟
لو زى ما حضرتك بتقول ان الهلال فعلا عمره يومين يبقى اول يوم رمضان كان امبارح
طيب ليه اللجان الشرعيه اللى تبع دار الافتاء مشفتوش
هل تقصير منها و لا ربنا اخفاه لحكمه
و هل صيامنا صح و لا غلط

لو اللجان الشرعيه مشفتوش عن قصد كان تقصير منها هما اللى عليهم الاثم
والله اعلى و اعلم

[Abdo_Eldesokey]

طالما إحنا في دولة ليها حكومة ... يبقى الأوقاف هما الي يستطلعوا الهلال

والوزر يقع عليهم لو ما تحروش الدقة في رصده

[د-احمد عبد اللطيف]

يا أخي الهلال لم يكن ظاهر في الافق يعني فلكيا الهلال كان موجود لكن لا احد يستطيع رؤيتة بالعين المجردة او المناظير
لذلك شرعيا الرؤية لا تتحقق وهذا رأي الفقهاء والفلكيين المصريين ويتفق مع رأي منظمة العالم الاسلامي.
يعني ببساطة لو ناخذ بالحساب الفلكي فقط يبقى اول رمضان الجمعة.
ولو بالرؤية فقط السبت اول رمضان.
لكن الرأي الارجح وهو رأي دار الافتاء المصرية و علماء الفلك هو التوفيق بين الحساب و الرؤية.
يعني الحساب استرشادي والرأي النهائي للرؤية الشرعية.
يعني ببساطة الحساب بيحدد امتى الهلال يكون ممكن رؤيته وبه تتحقق الرؤية الشرعية , مش مولد الهلال هو اللى بيحدد بداية الشهر رؤية الهلال.

[mostafabakry]

بس تقريبا اعلب الدول العربية صامت معانا يعني السعودية معانا و دا شئ يطمئن شوية

عموما ما تقلقش نفسك و ما تخليش وسوسة الشيطان تتسرب لقلبك و تشكك في صيامك توكل علي الله و ركز في الصيام و القيام و علي الله القبول

احنا نبتبع اولي الأمر زي ما الشرع بيقول و هما بقا هيتحاسبوا علينا

وربنا يتقبل منا جميعا الصيام و القيام و صالح الأعمال

جزاك الله خيرا علي اهتمامك بأمر دينك

[MohaMed_Refaat]

هو الموضوع للدرجه دى مش مهم
و مش فارق مع الناس احنا صايمين صح و لا غلط
38 مشاهده و رد واحد فقط؟؟؟؟؟؟؟؟؟؟؟؟؟؟؟؟

الموضوع مهم طبعا بس هو اصبح فى تسليم وطاعة من الشعب للحكومة
على راى خالد صالح الشعب ماسك فى ايد الحكومة زى متكون الحكومة ............ حتى لو الحكومة ماشية على حل .......

[نور القمر]

دكتور احمد عبد اللطيف قال المختصر المفيد
وعموما زي ماقال باقي الاخوة لو فيها وزر يبقه على اولي الامر مش علينا

[lancerevolution]

يا أخي الهلال لم يكن ظاهر في الافق يعني فلكيا الهلال كان موجود لكن لا احد يستطيع رؤيتة بالعين المجردة او المناظير
لذلك شرعيا الرؤية لا تتحقق وهذا رأي الفقهاء والفلكيين المصريين ويتفق مع رأي منظمة العالم الاسلامي.
يعني ببساطة لو ناخذ بالحساب الفلكي فقط يبقى اول رمضان الجمعة.
ولو بالرؤية فقط السبت اول رمضان.
لكن الرأي الارجح وهو رأي دار الافتاء المصرية و علماء الفلك هو التوفيق بين الحساب و الرؤية.
يعني الحساب استرشادي والرأي النهائي للرؤية الشرعية.
يعني ببساطة الحساب بيحدد امتى الهلال يكون ممكن رؤيته وبه تتحقق الرؤية الشرعية , مش مولد الهلال هو اللى بيحدد بداية الشهر رؤية الهلال.