استفسار عن مكان هادئ لعزومه افطار

[Nile_Storm]

كنت عاوز اعزم ناس في جراند حياه في المطعم الدوار او اي مطعم هناك
حد يعرف رنج اسعار كام
و ازاي احجز ؟
سوري للازعاج
و لو حد يعرف مكان هادي و مش دوشه في نطاق المنيل المهندسين وسط البلد ياريت يقول اقتراحاته

[solom_2010]

spectra el mohandsien

[Nile_Storm]

صحيح ياريت رنج الاسعار معلش متأسف
يعني معدي ال 100 جنيه للفرد ولا اقل و لا ازيد بالتقريب

[MoToRiZeR]

مكان هادي .. جراند حياة .. يبقي مفيش غيره .. HARD ROCK CAFE !!

هههه بهزر طبعاَ إوعي تروح مفيش تنتوفة هدوء .. الحقيقة مش هعرف أفيدك يا محمد باشا كل الأماكن اللي أعرفها دوشة بس إفطار سعيد إن شاء الله .

[Nile_Storm]

الغمزه دي مش مريحاني ياموتو :)
عامه متفهمنيش غلط
كل سنه و انت طيب يا حبي

[Karim_Monir]

سبكترا المهندسين هادي فعلا واكلة تحفة
ومش هايعدي ال 100 للفرد
وتاكل بجد
والمعادي اهدي واهدي
بس الاتنين لازم حجز قبلها
والمعادي لازم حد معاداووي يوصفلك كويس
عشان انا بقيت مدمن توهان في المعادي
هاها

[icehearted girl]

سبكترا المهندسين..ش مصطفي محمود مينيمم تشارج 50 جنيه بس هتلاقيه زحمة


اي مكان منيل او مهندسين هيكون زحمة


فيه روستري فارض الجولف

او ناكازيتا في ش قمبيز

وبعدين يا نايل ستورم خلصت كام كتاب باطنة علشان تعرف تزوغ يوم وتفطر برا لا وكمان من غيري :@

[SHNORY]

انت رايح تذاكر في المطعم يا دكتره ولا ايه الحوار ؟؟؟
قولنا تفاصيل طيب علشان نقدر نساعدك
معاك كام واحد
عندها كام سنه
قصدي اعمارهم
بينك وبينهم ايه
كده يعني
نور المحكمه
ضربه بشله هبشه سكينه اي حاجه تخلي الموضوع مالوف
واحنا اصحابك برضه حنداري عليك
وخد ايس معاك علشان تبقي افطرت صائم وتلاقي حد يقرالك في كتاب الباطنه

[WalidAdel]

سبكترا المهندسين الفرعين مش حلوين اوي في القاعده

الترابيزه العاديه اللي في الايام العاديه بتاخد 6 افراد بيرخموا و يقولك دي بتاخد 8 و ممكن يجيبلك ترابيزه فردين و يحطها و يقولك دي 10 افراد
انا بفطر كل سنه هناك و السنه اللي فاتت كانوا بايخييين جدا

ممكن حسني اللي قدام السراج قاعدته حلوه و الترابيزات كويسه و المكان واسع يستحمل اعداد كبيره
بس مشكلته لازم تحجز قبليها بفتره كافيه و تديهم الاكل قبليها بيوم علشان يبقي جاهز

في محل اسمه steak away عند جامع مصطفي محمود كده في جامعة الدول ظريف و قاعدتة حلوه بس للاسف انا روحته السنه اللي فاتت مره واحده و مش فاكر اي حاجه عنه انا فاكر اسمه بالعافيه اصلا
chilis بقي اوبين بوفيه في رمضان و نوعيات الاكل محدوده و لو عايز تطلب من ال Menu بيقولك استني بعد الفطار بساعه

[icehearted girl]

انت رايح تذاكر في المطعم يا دكتره ولا ايه الحوار ؟؟؟

عندها كام سنه

ههههههههههههههههههههههههههههههه

جاوب

والله دبست نفسك

اسكت يابقي

وخد ايس معاك علشان تبقي افطرت صائم وتلاقي حد يقرالك في كتاب الباطنه

لاخلاص هو سمع الكلام وهيقعد يذاكر احسن

[Karim_Monir]

بقول ممكن تاخد معاك جثتين
قصدي اتنين مرضى تذاكر عليهم وتسمع لايس
وانا اجي اكل مكانك عشان هاتكون مش فاضي
واجيبلك تامر وشوقية يعيشو الرخامة
قصدي يطرولك القعدة
نييييهههههههههههه

[SHNORY]

بقول ممكن تاخد معاك جثتين
قصدي اتنين مرضى تذاكر عليهم وتسمع لايس
وانا اجي اكل مكانك عشان هاتكون مش فاضي
واجيبلك تامر وشوقية يعيشو الرخامة
قصدي يطرولك القعدة
نييييهههههههههههه

طيب انا ممكن اجي العب دور الجثه
بس تشرحوا عليا من بعيد
ومش باكل كتير
واهو اقعد معاك يا كيموا ونحكي في امور الدنيا
طيب ما نشوفه هو رايح امتي ونعمل المقابله يومها ؟؟؟؟؟؟؟؟؟؟؟؟؟؟؟
هههههههههههههههههههههههههههههههههههه

[icehearted girl]

طيب ديل



اليوم دا كلنا معزومين علي حساب نايل ستورم وهنعمل نفسنا مش واخدين بالنا منه اصلا علشان منرخمش

اه

منا لازم اراعي الزمالة برديك يا عمدة

دي عشرة عيش وشاورما من حورس

بس استفسار

ممكن اجيب ماما وولاد اخويا بس؟


مش هياكلوا


هيتفرجوا بس

[Nile_Storm]

ياخبر ابيض ده انا بقيت اشتغاله
:( :(
منك لله ياللي انت السبب في العزومه
خلي بالكو انتااااااااااااااا مش انتييييييييييييي
متودونيش في داهيه
انا متراقب هنا
و الكلمه الي هتتقال هتتنشر في الجرايد

[MoToRiZeR]

انا أول واحد رديت في الموضوع و المفروض أتعزم انا كمان