مشربتش من نيلها .... فعلا ؟؟

[MoToRiZeR]

بتاع سبعة تمانية thanks عالمشاركة اللي قبليا .. يسلم بقك يا دكتور
ده اللي عايز اقوله بالضبط .

[TaoTao]

1- يقول الحق سبحانه وتعالى في سورة الصف “يَا أَيهَا الذِينَ آَمَنُوا لِمَ تَقُولُونَ مَا لَا تفعلون، كَبُرَ مَقْتاً عِندَ اللهِ أَن تَقُولُوا مَا لَا تَفْعَلُونَ”

2- احنا ليه بنبص على اللي مفيم واللي مركب سارية ومابنبصش على الملتزم؟ ليه نبص على اللي بيرمي زبالة واللي بيلقح نفسه في الشارع لما ييجي يعدي ومابنبصش على الملتزم؟ دي طبيعة في العقل البشري تعميم الذكريات السلبية، إنما مش معنى إني قاعد في البلد يبقى أنا سيء مثل السيئين، بل أنا أحد الملتزمين المتحضرين وهم كثيرون.

وكل سنة وانتم طيبين

[ams]

يبقى هل المفروض أرفع شعار أنا مش قده و أسيب البلد دي تاكلني لحد ما تخلص عليا أنا وولادي نفسيا و معنويا ؟؟؟

ليه ؟ و متبقاش قده ليه ؟ استعين بالحق ربنا عاوز ايه تانى
ابن تيمية بيقول "ما يصنع أعدائي بي؟ أنا جنتي وبستاني في صدري؛ إن رحت فهي معي لا تفارقني, إنَّ حبسي خلوة, وقتلي شهادة, وإخراجي من بلدي سياحة" و راح فين "انصر اخاك ظالما او مظلوما" ؟

لأني عارف اني هاموت ...ومش هاتنصلح برضه

طب ما هو لو راح الامل منى يبقى انا مت فعلا
ما هو يتتفاءل يا تتفاءل مفيش حل تانى

و طبعا كلامك عن السلبيات يوجع وللاسف حقيقى يا دكتور أحمد
لكن مفيش حاجة سيئة على طول الخط فى مر و فى حلو فى سالب و فى موجب هو ربنا خلق الدنيا كده

احنا ليه بنبص على اللي مفيم واللي مركب سارية ومابنبصش على الملتزم؟ ليه نبص على اللي بيرمي زبالة واللي بيلقح نفسه في الشارع لما ييجي يعدي ومابنبصش على الملتزم؟ دي طبيعة في العقل البشري تعميم الذكريات السلبية، إنما مش معنى إني قاعد في البلد يبقى أنا سيء مثل السيئين، بل أنا أحد الملتزمين المتحضرين وهم كثيرون

ده اللى انا بقوله بالظبط
انا فاكر الاستاذ موترايزر فى موضوع كان بيتكلم عن ان نفاق شعبنا يتجلى باقوى صوره فى رمضان و مقالش شىء واحد وحيد اوحد جميل بيحصل ، ببساطة انا شايف ان النظرة دى -رغم منطقيتها- متنفعش لان التركيز عالمشكلة عمره ما هيحلها لازم نركز عالحل

ثم انت كشاب متعلم-وبتفهم- و على قدر من الثقافة هو انت الثروة الحقيقية للبلد و اى بلد تتمناك انت اللى تقدر تبنى انت اللى تقدر تقود ، هتسيبها لمين ؟

رجاء :
قوللى ايه الحلو فى بلدنا ؟

[هيثم]

يا اخوانا احنا كده بنحكم على نوايا الناس التى لا يعلمها الا الله
ما ادرانا بنوايا اصحاب الوعظ والارشاد و السباقين بالنصح
ممكن اللى بينصح يكون له نيه مختلفه تماما عن انه قرا كتير
ومستواه الاستيعابى معرفش ايه وايه المانع ان اللى عنده تجربه
مختلفه يتكلم عنها وينقل للاخرين اللى شافه او سمعه وبردو مش بالضروره ان (الواعظ ) اللى بيتكلم عن مشاكل المرور يكون
متسسب فيها احنا ليه ناسيين ان فى ناس محترمه وليه لم نفترض ان
(الواعظ) ممكن يكون من الملتزمين فعلا او على الاقل مش هيخالف
قوانين المرور الا فى حاله الضروره

[Ahmed Nouh]

كلامك صحيح

أنا كتير - مش أحيانا - باتصرف غلط

بالظبط يا دكتور انا وانت وغيرنا بنغلط كل يوم , العبره فى التعلم من الغلط ده وبعدين نصح الناس بالمستفاد

فعلا لو كلنا مشينا بالاسلوب ده كدا ( التعلم من اخطاءنا بدل مهاجمه الغير ) مش هيبقى الشارع همجى الا من فئه قليله من الناس

كلنا بنغلط
و بصراحة انا اكتشفت حاجة وحشة اوي في نفسي
اني دائما بخلي سوء النية الأول
و حصلي موقف مع واحد بجيب شيروكي.. خلاني بعديها عايز ادور على الراجل عشان اعتذر له ( اه و الله زي بقول لكم)

بجد بجد نفسي الاقي الراجل دا.. اعتذرله .. انا بدعي ربنا انه يكون مسامحني بجد .. لأني اكتشفت اني اتصرفت تصرف غبي اوي اوي... و طلعت انا الغلطان مش هو

(نفسي الاقيه)

بحييك على اعترافك بالخطا وياما الواحد حصله مواقف مشابهه

فى مره واحد بعربيه فولفو فى شارع النزهه وقف قصادى فجاه بشكل غبى وربنا سترها ولحقت اقف , بعدها بحوالى 300 متر تانى وقف للمره التانيه فجاه ولكن المره دى ملحقتش اقف فأضطريت افاديه بشكل مفاجئ بعرض الشارع ولو حد كان جاى من شمالى كان دخل فيها فى الجنب لانى عملت كدا تلقائى من غير ما ابص ورايا

نزلت من العربيه ورحت عليه همسك فيه فوجئت بواحده كانت بتعدى ووقعت قدام عربيته وانه غصب عنه , يومها كنت فى نص هدومى واتعلمت دايما افترض حسن النيه فى موضوع الطوارئ ده الى ان يثبت العكس

غلطت وكنت همجى بس اتعلمت من غلطى لكن مقولتش انى صح والشعب المصرى ده كله كدا وكانى مش من هنا ولا على رأى جورج عزمى كأن الشعب المصرى ده قاعد فى حته تانيه غير اللى انا قاعد فيها

1- يقول الحق سبحانه وتعالى في سورة الصف “يَا أَيهَا الذِينَ آَمَنُوا لِمَ تَقُولُونَ مَا لَا تفعلون، كَبُرَ مَقْتاً عِندَ اللهِ أَن تَقُولُوا مَا لَا تَفْعَلُونَ”

2- احنا ليه بنبص على اللي مفيم واللي مركب سارية ومابنبصش على الملتزم؟ ليه نبص على اللي بيرمي زبالة واللي بيلقح نفسه في الشارع لما ييجي يعدي ومابنبصش على الملتزم؟ دي طبيعة في العقل البشري تعميم الذكريات السلبية، إنما مش معنى إني قاعد في البلد يبقى أنا سيء مثل السيئين، بل أنا أحد الملتزمين المتحضرين وهم كثيرون.

وكل سنة وانتم طيبين

بالفعل يا اخ تاتو الامثله الحسنه كثيره جدا لكن إيقان اى حد فينا ايا كان ثقافته او اسلوبه القيادى انه صح والناس بس هى اللى غلط فهو حتما غلط

لو مش احنا اللى بنرتكب اخطاء فى الشارع يبقى مين اللى بنشوفه بيغلط كل يوم فى الشارع ألف مره ؟ بنشكر نفسنا وغيرنا على كل تصرف صح بنعمله بس لازم نعترف اننا بنعمل حاجات كتير اوى غلط ومحتاجين نغيرها

يا اخوانا احنا كده بنحكم على نوايا الناس التى لا يعلمها الا الله
ما ادرانا بنوايا اصحاب الوعظ والارشاد و السباقين بالنصح
ممكن اللى بينصح يكون له نيه مختلفه تماما عن انه قرا كتير
ومستواه الاستيعابى معرفش ايه وايه المانع ان اللى عنده تجربه
مختلفه يتكلم عنها وينقل للاخرين اللى شافه او سمعه وبردو مش بالضروره ان (الواعظ ) اللى بيتكلم عن مشاكل المرور يكون
متسسب فيها احنا ليه ناسيين ان فى ناس محترمه وليه لم نفترض ان
(الواعظ) ممكن يكون من الملتزمين فعلا او على الاقل مش هيخالف
قوانين المرور الا فى حاله الضروره

بالتأكيد مقصدتش بكلامى كل الناس اللى بتوعظ وتناقش المشاكل والا هبقى من نفس النوعيه اللى بنتقدها لكن بقول فى نوع معين دائما على لسانه النصيحه وهو اكثر الخاطئين فى الشارع

الملتزمين موجودين لا جدال وبنشوفهم زى ما بنشوف الغير ملتزمين بس كل الهدف هو تغيير فكر معين ارتبط دايما بنقد حال باقى الشعب بسخريه و تشبيههم بكل سئ مقارنه بالدول الاخرى واعتبار كل الشعب فئه وصاحب النصح فئه اخرى

[brown-eyes]

و انا اعترف ..

انا لست بتلك القوة

و أعترف انني أهرب من واقع أنا مؤمن تماما انني لن أستطيع إصلاحه

ولا رتق شقوقه و سدها

واقع أحاط بي في الدراسة و أعتقدت انني سأنول حريتي عندمت تنقش سحابة الكلية و تسلط المدرسين و الأساتذة اللذين لا يصلحون لشيء الا للأكل و الشرب فقط

لكن فوجئت انن عندما أصبحت حرا (كما اعتقدت) واجهت واقعا أمر و أكثر إيذاءا

أحاط بي أيضا في الشارع و الشغل و السوبر ماركت و الجراج حتى في المصيف ووصل للبيت و الجيران

ووجدت كل من حولي أيضا يشتكى ..جلادا أو مجلودا فهو يشتكي

قررت - بنية طفولية صادقة - ان أكون مستقيما مهما التوى الناس

و أن أحافظ على مكتسباتي من بيتي من احترام و أدب و شرف مهما غمر وجهى من قذارة الناس


وصدقنى ...

حاولت ان امنع جيراني من رمي القاذورات في الأسانسير و فشلت

حاولت أقنع المحل اللي تحتي انه يشيل الطوب علشان أركن وفشلت

حاولت أفهم جاري في بيت أهلي انه ما يقفلش باب جراجي كل يوم الصبح برضه فشلت

دي عينة بسيطة من اللي ممكن تشوفه

ده غير فاتورة كهربا مرة بـ80 جنيه و مرة بـ400 جنيه و هو كده

و تدفع 6 جنيه على الفانورة (نظافة) و تبص من الشباك تلاقي الزبالة في نص الشارع

ده غير بقى المعاملات الحكومية اللي ممكن تطلعك من وعيك بجد

و إهمال الناس و الموظفين و معاملتك على انك "كلب"

بس لو روحت مع واحد معرفة ...تبقى باشا

انا عارف انه كلام قديـــــــــــــــــــــم و محروووووووووووووووووووق و اتقال ميت مرة

انا بجيب حاجات من همي و الله

أصلح إيه ولا إيه ؟؟؟

ليه لازم أعيش معركة يومية علشان أقضي مصلحة تافهة و لا أروح بيتي حتى

بقيت باحس ان عربيتي و بيتي (حصون) اتقي بها شر الناس و أخلاقهم

و زهقت من لعب دور الملاك

و مش قادر اشوف نفسي في عباءة الشيطان ....لأنني ببساطة مانفعش من خيبتي

يبقى هل المفروض أرفع شعار أنا مش قده و أسيب البلد دي تاكلني لحد ما تخلص عليا أنا وولادي نفسيا و معنويا ؟؟؟


و على فكرة أنا مش عايز أموت وأنا باصلحها

لأني عارف اني هاموت ...ومش هاتنصلح برضه

بقى أمشي

أنا عارف ان التكلفة كبيرة و كبيرة جدا ...
بس أنا موافق على التمن

أنا أعترف ..أنا أستسلم يا بلدي

أنا أهرب

وانا كمان قررت اهرب بعد ما الواحد حاول يقنع نفسه كتير لاقيت مفيش فايدة انا ههرب وههرب بعد العيد ان شاء الله انا عن نفسي يا جماعة حاسس اني مش عارف اتاقلم مع اللي حواليا ساعات بحس انه هروب من الواقع وساعات بحس اني لو فضلت هنا عمري ما هرتاح فا اكيد ده مش هروب كل واحد وليه طاقة بصراحة كلام دكتور احمد كنت حاسس انه انا اللي بتكلم نفس تفكيري ونفس اللي حاصلي

[نور القمر]

تصدق بالله انا لسه من كام يوم بقول لنفسي اشمعنه انا اللي تاعبه نفسي وملتزمة زيادة عن اللزوم
يعني بمجرد مااركب العربية لازم اربط الحزام
ممكن تقولي عشان خايفه اخد مخالفة
تلاقيني ملتزمة بموضوع الاشارات جدا حتى لو في شوارع داخليه
طبعا موضوع اني اركن غلط او اتسبب بتعطيل حركة السير استحالة اعملها عن قصد
الاكثر من ده هو التزامي التام بمواعيدي بالدقيقه وطبعا كل ده لو مكنش في ظروف خارجة عن ارادتي
المهم اني كنت بفكر في نفسي قبل موضوعك وبقول ماكل الناس ماشية بالبركة ومش محبكاها زيي اشمعنه انا اللي تاعبة نفسي
وخصوصا في نقطة الالتزام بالمواعيد وكنت بفكر احول نفسي للاسوأ بارادي عشان اواكب العصر
بس بعد موضوعك ده فكرت تاني وتراجعت عن قراري

[ams]

[TaoTao]

تصدق بالله انا لسه من كام يوم بقول لنفسي اشمعنه انا اللي تاعبه نفسي وملتزمة زيادة عن اللزوم
يعني بمجرد مااركب العربية لازم اربط الحزام
ممكن تقولي عشان خايفه اخد مخالفة
تلاقيني ملتزمة بموضوع الاشارات جدا حتى لو في شوارع داخليه
طبعا موضوع اني اركن غلط او اتسبب بتعطيل حركة السير استحالة اعملها عن قصد
الاكثر من ده هو التزامي التام بمواعيدي بالدقيقه وطبعا كل ده لو مكنش في ظروف خارجة عن ارادتي
المهم اني كنت بفكر في نفسي قبل موضوعك وبقول ماكل الناس ماشية بالبركة ومش محبكاها زيي اشمعنه انا اللي تاعبة نفسي
وخصوصا في نقطة الالتزام بالمواعيد وكنت بفكر احول نفسي للاسوأ بارادي عشان اواكب العصر
بس بعد موضوعك ده فكرت تاني وتراجعت عن قراري

لو 10 لاحظوا تصرف حضرتك السليم وواحد بس من ال10 اقتدى بتصرفك وأحس إنه كان على خطأ هاتكوني كسبتي كتير وأفدتي المجتمع وعلى فكرة ده نوع من الوعظ الخفي عن طريق الاتزام بالسلوكيات السليمة. وانت نموذج مشرف للملتزمين.

[TaoTao]

بالفعل يا اخ تاتو الامثله الحسنه كثيره جدا لكن إيقان اى حد فينا ايا كان ثقافته او اسلوبه القيادى انه صح والناس بس هى اللى غلط فهو حتما غلط

لو مش احنا اللى بنرتكب اخطاء فى الشارع يبقى مين اللى بنشوفه بيغلط كل يوم فى الشارع ألف مره ؟ بنشكر نفسنا وغيرنا على كل تصرف صح بنعمله بس لازم نعترف اننا بنعمل حاجات كتير اوى غلط ومحتاجين نغيرها

أولاً اسمي تامر وموجود في التوقيع
واحنا متفقين في النقطة الأولى، بالنسبة لـ "لو مش احنا يبقى مين" عددنا في المنتدى حوالي 50 ألف وعدد مالكي السيارات في القاهرة تجاوز ال 2 مليون، يعني النسبة 1:40000 وكمان لو فرضنا إن 10% بس من الشعب هو اللي مش ملتزم وبيرمي نفاياته في الشارع -مثلاً- ال 10% دول عددهم يربو على ال 2 مليون في القاهرة الكبرى وحدها يعني لو كل واحد رمى ورقة واحدة في اليوم هايتخلف عنهم 2 طن ورق، وممكن تطبق المثل على أي سلوك مش عاجبك

للأسف سلوك الأقلية العشوائي بيطغى على سلوك الأغلبية المنظم وغالباً ده يؤدي لانصياع الفئة المنظمة للعشوائية .. العشوائية تطغى في ظل غياب القانون لأنها أسهل، لما أرمي الكانز أز كيس الشيبسي في الشارع أسهل من إني أشيلها في إيدي لغاية أقرب سة مهملات (ساعات باشيلها لغاية البيت!) إنما لو فيه قانون يغرمني لو ألقيتها في الشارع هالتزم غصب عني.
وعلى كدة فيه ناس متحضرة بتختار تلتزم بإرادتها (زي زميلتنا نور القمر) وفيه ناس بتحب تعيش في عشوائية وتجاهل كل القيم والأعراف طالما مافيش رادع قانوني أو مجتمعي. وفيه ناس بشوية وعظ ونصح ممكن تتحول من العشوائية للالتزام بوازع من ضميرها اللي كان ناقصه شوية تذكير بالقيم لأن الإنسان مجبول على الفطرة وأحياناً نحتاج للي يفكرنا بالقيم دي.

[ams]

يعنى مفيش فايده ؟!

[Ahmed Samy]

ممكن يكون في أمل ان الناس تبقى كويسة و المعاملة تتحسن

بس مش هاراهن بحياتي على احتمال تغيير ماعرفش هايحصل ازاي

ولا هايحصل ولا لأ من أساسه

[ams]

YouTube - Etfadal - ba ba ba

[AhMeD EzZ]

ليه اخد تريقة كل ما اركب عربيتي و اربط حزامي .؟
ليه الناس تتريق عليا لما اركن بعيد عن بيتي و مركنش صف تاني .؟
ليه الناس تتريق عليا لما ما افيمش عربيتي مع ان عمري محد هيوقفني عشان واسطة كبيرة اوي.؟
ليه الناس تبقي هتموت من الغيظ لما اقف ادفع مخالفة ردار زيي زي اي حد و مكلمش حد و اعدي منها
ليه الناس تتريق عليا عشان انا بمشي صح مش عوج ؟
لو الناس شايفة ان الي بعملة دة غلط
يبقي الغلط فيا مش في حد تاني و انا الي امشي و اسيب البلد مش احاول اصلح فيهم
لاني لو حاولت اصلح البلد هموت ناقص عمر ..وناقص اوي كمان
يا رب طلعنا منها علي خير

[ALshahba]

ياجماعه ياللي كل الموجودين فى المنتدي او بتخشوا عابرين , اولا انا بشكركرم شكرا حاااارا لاني اخيرا حسيت ان فى حد حاسس بيا انا وزوجتي ومشاكلي اليومية التافهه وبعد قراءة كل الصفح تفهم المغزي العام لحضراتكم فاني اشهدكم هذا البيان

ان شاء الله عن قريب انا حمشي بره البلد دي بس بعد اما اعدي من الامتحان اللي قارفني فى عشتي ielts علشان اناء الله يمن عليا اطلع استراليا وحتكلف كتير بالنسبالي لكنها ارخص من الهجره العشوائية لاني مش عارف اعيش فى غابة الاسود قرد واللي عايز يسميني بهرب فدي حريتوا وانا مش زعلان منه لاني تعبت من الشغل والمرتبات(مع اني مهندس اتصالات) والحياه مع البلطجية وانا كبيري اقتل صرصار
ان شاء الله حعمل المستحيل لكي اغور بره هذه البلد ولو حد شايف اني بتنصل من مصريتي فأنا بعلنها اللي حيقول كده فانا مش عايزها لانها زلاني لكني لن اتنازل ابدا عن ديني وسوف افخر مادمت اتنفس انني مسلم وافتخر باسلامي ولا افتخبر بعربيتي او مصريتي لانهم اوضعوني فى الذلة والمهانة داخليا وطبعا خارجيا

وياريت يا جماعه تقدروا كلامي قبل ما تهاجموني لاني تعبان من سنين