مشربتش من نيلها .... فعلا ؟؟

[brown-eyes]

ياجماعه ياللي كل الموجودين فى المنتدي او بتخشوا عابرين , اولا انا بشكركرم شكرا حاااارا لاني اخيرا حسيت ان فى حد حاسس بيا انا وزوجتي ومشاكلي اليومية التافهه وبعد قراءة كل الصفح تفهم المغزي العام لحضراتكم فاني اشهدكم هذا البيان

ان شاء الله عن قريب انا حمشي بره البلد دي بس بعد اما اعدي من الامتحان اللي قارفني فى عشتي ielts علشان اناء الله يمن عليا اطلع استراليا وحتكلف كتير بالنسبالي لكنها ارخص من الهجره العشوائية لاني مش عارف اعيش فى غابة الاسود قرد واللي عايز يسميني بهرب فدي حريتوا وانا مش زعلان منه لاني تعبت من الشغل والمرتبات(مع اني مهندس اتصالات) والحياه مع البلطجية وانا كبيري اقتل صرصار
ان شاء الله حعمل المستحيل لكي اغور بره هذه البلد ولو حد شايف اني بتنصل من مصريتي فأنا بعلنها اللي حيقول كده فانا مش عايزها لانها زلاني لكني لن اتنازل ابدا عن ديني وسوف افخر مادمت اتنفس انني مسلم وافتخر باسلامي ولا افتخبر بعربيتي او مصريتي لانهم اوضعوني فى الذلة والمهانة داخليا وطبعا خارجيا

وياريت يا جماعه تقدروا كلامي قبل ما تهاجموني لاني تعبان من سنين

نفس المبدا اللي فكرت بيه
ان الولاء لله ورسوله مش مرتبط بمكان انا اكتر حاجة خايف عليها لما اسافر ديني وان شاء الله هحاول بكل الطرق احافظ عليه وربنا يوفقك في سفرك ويوفقني

[M.Osman]

اه صح

بمناسبة عنوان الموضوع

"مشربتش من نيلها"

الحقيقة ان "الفنانة" سيزين ... راحت ولدت في امريكا عشان ابنها/بنتها عشان ياخد الجنسية الأمريكية

احنا هنضحك على نفسنا ؟؟

[ashouhdy]

لا يا جدعان
مش كل حاجة نقول نتقد السلوك و احنا جزء منة و الراوايات و الافلام دى
اللى بيعمل الصح عارف انة بيعمل الصح و ياريت منعممش اننا جزء من المجتمع و بنشارك فية و لازم كلنا نقول لأ للغلط ذى اعلانات السكة الحديد و اعلانات الحزب ال........* !

البلد دى بلد تيييييييييييييييييت
لابلد دى والنعمة حلال فيها السرقة
لأن البلد دى خلاص وصلت لمرحلة مش حتنضف فيها تانى ابدا
والقذارة و الغش و الوساخة لما تتمكن من بنى ادم و تعشش فية عمرها ما تسيبة ابدا ولو عمل الف عماية ترقيع جلد و تغيير شكل و لون
مش عايز ازود فى الكلام و اكتب اكتر لأنى مفقوع من جوايا و مش طايق لابلد دى بجد
حسبى الله و نعم الوكيل فى اللى عمل فينا كدة
و محدش يقولى احنا السبب و مفيش ايجابية و بالونية و سلبية بلا نيلة
و محدش بردة يقولى مصر هى أمى !
على رأى حميدة و حلمى فى فيلم اسف ع الازعاج
أمك نايمة جوة يا حسن !

[ams]

هو لو الرسول- عليه افضل الصلاة و اتم التسليم - عايش بيننا دلوقتى كان ممكن يعمل ايه ؟

[brown-eyes]

هو لو الرسول- عليه افضل الصلاة و اتم التسليم - عايش بيننا دلوقتى كان ممكن يعمل ايه ؟

عليه الصلاة والسلام
اكيد لو كان الرسول عليه الصلاة والسلام بيننا عمرنا ماكنا هنحصل للي احنا فيه
اللي وصلنا لكده ان هو موجود بينا بس احنا اللي بنبعد
سنة الرسول وخلقوه موجودين بس احنا اللي بعدنا وكمان ان الله لا يغير ما بقوم حتي يغيروا ما بانفسهم والناس مش عايزة تتغير او عايزة ومش عارفة في ناس كوية جدا وزوق لابعد الحدود بس المشكلة انهم تايهيين وسط الوحش عموما ربنا يهدينا ويهديهم ونشوف مصر ام الدنيا بجد

[ams]

اكيد لو كان الرسول عليه الصلاة والسلام بيننا عمرنا ماكنا هنحصل للي احنا فيه

ليه ؟ و ازاى ؟ ده حضرتك لسه قايل

عالناس مش عايزة تتغير او عايزة ومش عارفة في ناس كوية جدا وزوق لابعد الحدود بس المشكلة انهم تايهيين وسط الوحش

و الرسول واحد بس و الوحشين كتير ؟!

[ALshahba]

يااستاذ ams لوسمحت بلاش تقول كده علي رسول الله صلي الله عليه وسلم لانه لوكان موجود حاليا كان هو اللي مسك الحكم لانه الاصلح ومش حفترض عكس ذلك
وياريت تخليك واقعي شوية وتبص حواليك وبلاش عيشة الاوهام اللي اغلبيتنا بيحب يعيش فيه لاننا مصريون مع احترامي انا مش قصدي تجريح فيك بس بحب الواقعية او نقول الحل المعقول مش تطلب من افراد حل مشاكل دولة

[ALshahba]

ايو ه يا استاذ brown-eyes الافتخار بالدين اعظم واتقى وابقي من الافتخار بالعرقية لان هوه ده اللي فهمناه من مدارسنا وافلامنا انك تحب بلدك اولا من اي شئ, طبعا كلام هكس لان الدين هو الباقى ومادونة زائل

[Ahmed Samy]

ياجماعه ياللي كل الموجودين فى المنتدي او بتخشوا عابرين , اولا انا بشكركرم شكرا حاااارا لاني اخيرا حسيت ان فى حد حاسس بيا انا وزوجتي ومشاكلي اليومية التافهه وبعد قراءة كل الصفح تفهم المغزي العام لحضراتكم فاني اشهدكم هذا البيان

ان شاء الله عن قريب انا حمشي بره البلد دي بس بعد اما اعدي من الامتحان اللي قارفني فى عشتي ielts علشان اناء الله يمن عليا اطلع استراليا وحتكلف كتير بالنسبالي لكنها ارخص من الهجره العشوائية لاني مش عارف اعيش فى غابة الاسود قرد واللي عايز يسميني بهرب فدي حريتوا وانا مش زعلان منه لاني تعبت من الشغل والمرتبات(مع اني مهندس اتصالات) والحياه مع البلطجية وانا كبيري اقتل صرصار
ان شاء الله حعمل المستحيل لكي اغور بره هذه البلد ولو حد شايف اني بتنصل من مصريتي فأنا بعلنها اللي حيقول كده فانا مش عايزها لانها زلاني [blur]لكني لن اتنازل ابدا عن ديني وسوف افخر مادمت اتنفس انني مسلم وافتخر باسلامي ولا افتخبر بعربيتي او مصريتي [/blur]لانهم اوضعوني فى الذلة والمهانة داخليا وطبعا خارجيا

وياريت يا جماعه تقدروا كلامي قبل ما تهاجموني لاني تعبان من سنين

الله ينور عليك في كل حرف

و خصوصا اللي انا موضحه


ناس كتير بتبص للي عايز يهاجر انه بينسحب من معركة الخلود و هي اصلاح مصر و المصريين

و من يقول انني لا يهمنى أن أحمل جواز سفر مصري أو استرالي (بل أفضل الأسترالي تحديدا) يتهم بالخيانة

خيانة إيه ؟؟؟؟

و الكلمتين بتوع اللي ربتك و أكلتك و علمتك

و هي لا ربتني

ولا أكلتني

ولا علمتني
ولا شميت فيها هوا نظيف

الا بدم و عرق أبويا و أمي

و دفعوا تمن النفس النظيف و الكلمة اللي اتعلمتها (الطاق عشرة)

[ALshahba]

الله يبارك فيك

[Ahmed Samy]

ايو ه يا استاذ brown-eyes الافتخار بالدين اعظم واتقى وابقي من الافتخار بالعرقية لان هوه ده اللي فهمناه من مدارسنا وافلامنا انك تحب بلدك اولا من اي شئ, طبعا كلام هكس لان الدين هو الباقى ومادونة زائل

تحب بلدك و تحمي حدودها قبل أي شي .......

سايكس بيكو يا عزيزي

[ALshahba]

بالضبط با استاذ احمد سامي صدقوني احنا متعلمين مبادئ خاااااطئه الى من رحم ربي , يا جماعه انا سافرت بحكم شغلي 12 مره فى مختلف الدول منها اسيويه وافريقيه وعربية وواحده اوروبية ياجماعه انا مانبهرتش علي قد مالقيت انه فى شئ غلط والحمد لل وصلتله ولا استطيع اصلاحه لاني حاولت وطبعا فشلت علشان كده مشوار الهجره ده نفسي يتم علي خير
انا عندي الامتحان يوم الجمعه والسبت الجايين دول ادعولي ياجماعه علشان اعرف اغور

ملحوظه: اي حد عايز يعمل هجره ومش عارف الطرق يبعتلي او يكلمني وان شاء الله حقولوا كل اللي اعرفو بس بشرط الجدية نش سؤال عن تضييع وقت لان الاجابة اللي ان شاء الله حجاوب عليها دافع فيها زياده عن 1000دولار الي الان

[ams]

للاسف مش هقدر اتناقش معاكم النهارده لانى شوفت شىء فى منتهى السوء فى المواصلات

انا عندي الامتحان يوم الجمعه والسبت الجايين دول ادعولي ياجماعه

ربنا يوفقك لما يحبه و يرضاه