إخلاء سبيل 5 طلاب سعودين تحرشوا بفتيات في حديقة الحيوان

[mars3v]

هو طبعا كلمة أغبية كلمة لا تليق
لكن بقية الجملة فيها كلام طبعا
أنا اعتقد ان الزيادة السكانية هي ثروة مصر الحقيقية إذا أحسن إستغلالها
و مش عايزين دايما نستخدم الزيادة السكانية كشماعة نعلق عليها كل أخطائنا
عندك دول مثل الصين عدد سكانها يفوق المليار نسمة و بالرغم من كدة عرفت تستفيد من زيادة عدد سكانها لأنها تعاملت معها على اساس انها نعمة يجب استغلاها الأستغلال الأمثل
مش نقمة زي ما احنا بنعمل

اولا, انا شايف ان كلمه اغبيه دى اقل حاجه يتوصفوا بيها.

الزياده السكانيه نعمه لو كانوا متعلمين و بيتبعوا هدف واحد اللى هو مصلحة البلد غير كده تبقى نقمه. التعليم مجاني و محدش عايز يتعلم, تنظيم الاسره مجانى و محدش بينظم. ده غير ان الانانيه بقت في كل حاجه حتى في السواقه. و كمان مثلا الحكومه تنصح بتقليل استهلاك الميه و شوف بيحصل ايه قدام كل محل, مع ان الميه ديه ممكن نستصلح بيها اراضى كتير. الزياده السكانيه فى مصر بالزات كارثه مش ثروه. مصر فيها زياده سكانيه و جهل و دى كارثه لان المتعلم تقدر تفهمه الصح من الغلط و اكيد بتلاحظ فرق العقليه بين واحد متعلم و البواب مثلا.

احنا لا نقارن بالصين, دلوقتي فالصين مفيش حد بيخلف اكتر من عيلين. و يا ترى الشعب المصري حيسكوت لو الحكومه فرضت ضرايب علي اخلفه؟. ده غير ان الصينين اكتر ناس شوفتها فى حياتى بتشتغل, لدرجه انى بقيت اكره التعامل معاهم. و على فكره هما متعلمين جدا و اغلبهم بيعمل ماجيستير بعد مايتخرج, دول ممكن تسميهم ثروه مش فى مصر اغلب الناس مابتعرفش تكتب عربي

و عجبي

ياريت بلاش الاسلوب ده.

[Ahmed Samy]

الوزن لما يكون عضلات يبقى قوة = شغل = مكسب = كرامة
بس لما يكون دهن = سمنة = بطالة = فقر = ذل

و لما اكون تخين ومش عارف احول الدهون لعضلات يبقى لازم اخس
(اصل الدهون مش ثروة )

[سمير يونس]

["mars3v"]

و عجبي

ياريت بلاش الاسلوب ده.

أنا بصراحة بستعجب مش اكتر
لأننا حولنا ناس ضحايا فرض عليهم الجهل و الفقر و الفساد الى متهمين مسؤلين عن تحرش السعوديين بالبنات المصريات
ثم أنا مش شايف اني أسأت الأدب يعني و لا حاجة
و على العموم لو كان أسلوبي ضايقك فأنا أسف جدا
ولكني أرجو عدم الإساءة الى الأخرين بوصفهم أغبياء لأن هذا اسلوب لا يليق برجل مثقف مثلك

[سمير يونس]

و لما اكون تخين ومش عارف احول الدهون لعضلات يبقى لازم اخس
(اصل الدهون مش ثروة )

و هم مش ذنبهم انك مش عارف تحولهم لعضلات

[Abdallah]

إسمحولى انا اختلف معكم بعض الشىء, الشباب دول اتقبض عليهم اوتحقق معاهم امام النيابة الى صرفتهم بكفالة وهذا اجراء عادى جدا انا مش شايف فيه اى غضاضة ودة مش معناه ان القضية انتهت وخلصت ولكن هى لسة مبقتش قضية ولما النيابة بتستكمل تحقيقاتها هتتحول للمحكمة والقاضى الى هيحكم عليهم سواء بالبراءة او السجن مع الشغل او الايقاف ودفع الغرامة وبعد هذا الجكم يحق للمتضرر المطالبة بحق التعويض المدنى.
الافضل ان احنا نبتدى نثق فى انفسنا شوية ونشيل النظارة السوداء من على وجوهنا ونفكر فى حلول للازمات التى نقع فيها احسن من البكاء والولولةعلى الفاضى واتمنى لكم يوما سعيدا .

[eng_elnaggar]

الوزن لما يكون عضلات يبقى قوة = شغل = مكسب = كرامة
بس لما يكون دهن = سمنة = بطالة = فقر = ذل

و لما اكون تخين ومش عارف احول الدهون لعضلات يبقى لازم اخس
(اصل الدهون مش ثروة )

شكرا لبلاغة هذا المقطع

[vitara]

غالبا سيكونون الان ....... فى السعودية
وعلى رأى عمرو اديب
الموضوع خلاص انتهى و انسوه
(لسبب بسيط ....اننا مصريين)
و المصرى فى المعجم _العربى_ هو الشئ الذى بلا اى كرامة او حقوق

[mars3v]

أنا بصراحة بستعجب مش اكتر
لأننا حولنا ناس ضحايا فرض عليهم الجهل و الفقر و الفساد الى متهمين مسؤلين عن تحرش السعوديين بالبنات المصريات
ثم أنا مش شايف اني أسأت الأدب يعني و لا حاجة
و على العموم لو كان أسلوبي ضايقك فأنا أسف جدا
ولكني أرجو عدم الإساءة الى الأخرين بوصفهم أغبياء لأن هذا اسلوب لا يليق برجل مثقف مثلك

انا اللى بتأسف إ ذا كنت فهمتك غلط و شكرا لزوقك

[Ahmed Samy]

و لما اكون تخين ومش عارف احول الدهون لعضلات يبقى لازم اخس
(اصل الدهون مش ثروة )

و هم مش ذنبهم انك مش عارف تحولهم لعضلات

و مين قال ان ده ذنبنا (اصل الناس دول احنا برضه) ده فعلا ذنب جماعي
السبب فيه عوامل تاريخية و ثقافية كتيرة و عوامل ادارية واقتصادية
بس لما نتكعبل أنا وانت و نقع في حفرة و أنا معايا سلم استعمله وللا اقعد اقوللك مش ذنبي , انت اللي وقعتنا و انتا اللي تطللعنا و ادي السلم اهو و اقوم كاسره ؟؟؟؟

احنا مفروض نعدي مرحلة لوم الحكومة لسببين
1 - ما فيش منها رجى
2 - ما فيش وقت
3 - احنا الخسرانين مع كل يوم بيعدي و احنا تحت
و مش عيب لما تكون في مجتمع منهك انك ماتزودش حمله
--- طب ما يمكن المولود ده هوا اللي يصلح المجتمع ؟؟
ممكن بس ربنا عرفوه بالعقل لو مش هاتقدر تعلمه (و أحيانا مش ناوي تعلمه) يبقى صفر على الشمال
--- الرسول الكريم(ص) قال : تناكحوا تكاثروا
الحديث تكملته (فإنب مباه بكم الأمم يوم القيامة ) انت شايف اننا -علما وللا دينا - ننفع يفاخر بينا
و النبي قال (كلكم راع وكلكم مسئول عن رعيته) يبقى هاتخلف .. ماشي بس ربي و علم و الأرزاق على الله انما اللي الناس بتعمله ده تواكل و تهريج وانعدام للوعي و في الآخر نقول الحكومة تتصرف .....خلينا بقى كده لحد ما تتصرف