جاري جاب لإبنه عربية

[ams]

طب ما هو انا داخل على 22 سنة اهو و معتقدش انى شاب متهور او مجنون و والدى مصر على انى اتخرج الاول بعدين ابقى اخد العربية او يجيبلى واحده مع ان اغلب اصحابى يا اما معاهم يا اما بياخدو عربيات اهلهم و هم ناس محترمه بجد

بمناسبة العيال الصغيرة بتوع ابتدائي واللي اصبح كلهم دلوقتي معاهم موبيلات ...:
:d

هههههههههههههههههههههههههه

[bishoy02010]

أقول يا ريت يتبناني

جامد الرد ده بس شوفلى حد معاك يتبنانى انا كمان هههههههههههههه

[tutankhamoun]

الله أكرم يا سيدي و ألف شكر عالأهتمام و التواصل و الرد

العفو يا أستاذ أشرف و كل سنة و أنت طيب

بالنسبة لكلمة متخلف فأحنا في مصر بنعتبرها شتيمة و ذم مش كل الناس عندها الكتب اللي انته قريت فيها التعريفات العلمية دي علشان كده انا اعتبرتها اهانة لنفسي و أهلي و أهلك و لبلدنا...عالأقل من باب ((اللي يقول لمراته يا عورة))

علشان الكلمة جائت على الجرح ......... أنا آسف ..... متزعلش

تاني حاجة مش مجرد ان المكان مكتوب اني في الرياض تحكم علي اني أجنبي و مستورد لأ خالص
مين قال أنك مستورد ؟؟؟
أنا كنت فاكر أنك عايش هناك ......... بسبب أن المكان الرياض .........
حصل خير

انا مصري قلبا و قالبا ساكن في فيصل و خريج هندسة المطرية (في عين شمس) و متزوج من سراي القبة و شغال مهندس مقاول في التجمع الخامس وسط العمال و البلطجية و المقاولين و اللوادر و الرمل و السن و النقاشين و الكهربائية و مبيضين المحارة و المبلطين و غيرهم كتير.....

كلنا مصريين قلبا و قالبا ............ بس مش معنى كدا أننا ندارى بلاوينا و منتكلمش عليها .........

و وجودي هنا من كم شهر بس و راجع على طول ان شاء الله تاني لمصرنا العزيزة

ترجع بالسلامة إن شاء الله ......... و ربنا يوفقك في عملك

يعني على رأي أحمد مكي في طير انته __ انت فاكرني أجنبي ولا ايه....لا يا حبيبي انا أبن بلد و مدقدق____



يعني لا أجازات شهر في السنة ولا حاجة لأ مصري زيكم انتقلت من سيينا لأوبترا لكرولا mmt و بعتها و الله اعلم الدور على مين

إن شاء الله تقع في عربية حلوة

يوميا من شرقها لغربها من الهرم لمكتب في مكرم عبيد لشغل في التجمع الأول والخامس و هكذا.......يومين سعودية من ابريل اللي فات بس و راجع ان شاء الله.......

المهم.................

انا قرفان من تردي حال البلد و قلة الأدب و التربية

طيب الحمد لله أن حضرتك في الأخر أعترفت باللي أنا قلته في الأول .....

لكن برضه حاسس ان الأمل الوحيد انه يبئى فيه سلطه للقانون



قانون مننا و لينا

حقي و حقك و ربنا عالظالم

يارب انزع من قلوبنا كلمة ((((((((فوضى)))))))))و ازرع فينا حب النظام و الخير و حب بعض......

و كل عام و انته بخير و رمضان كريم و للحديث بقية...........

و سامحنا على أي غلط بس ده من عشمنا.............

مفيش غلط و لا حاجة يا أستاذ أشرف .....
حضرتك أتحاورت بكل أدب ......... و مفيش أي مشكلة و ربنا يباركلك ......... و يرجعلك بالسلامة لأهلك
و كل سنة و أنت بخير .......

يا سيدي شرفتنا وعلى فكرة انت جايز تكون اول مرة تشوف مشاركات اخونا توت
على فكرة احنا من كتر مشاركاته اتعودنا على كلامه وفهمناه

وانا من الناس اللي بيعجبني اسلوبه في الكلام خصوصا انه مترابط
مشفتوش وهو بيتكلم على الجين تو, فاتك نص عمرك دانا لو معايا فلوسها كنت اشتريتها بسببه

لانك بتحس انه حكيم مثلا وهو بيتكلم حاسس بمرارة جواه

عارف لما فيلم بيجيب امير سابق ولا ملك سابق في بلد انتشر فيها الفوضى والعبث

انا لو بخرج فيلم مش حجيب غير توت يمثله

مش بهزر والله بكلم بجد, الراجل عنده كمية حزن على البلد كبيرة وعنده حق بالمناسبة

لدرجة اني في كذا مشاركة بزعل على زعله لاني بحس انه حاسس بالبلد اكثر مني ومن الناس اللي ضارباها طناش والكلمة اللي على لسانها اللي عايزه قطعه " خليها تولع هي كانت بلدنا" (امال هي كانت بلد مين)

ايه رايك يا توت في حبة الكلام ده

أيه الكلام الكبير يا أستاذ حمادة .......... الله يكرمك و شكرا على المداخلة الجميلة دي ..... و و الله أنت حاسس بي ...

أيه ده بس أنا حكيم ............ ألف شكر يا باشا على كلامك العسل ده
و كل سنة و أنت طيب و رمضان كريم

الولد : بابا انا خبط بنت عند كليه التجاره
الاب: يا نهار اسود - ايه اللى حصل
الابن: عم ---- كان بيعلمنى السواقه و البنت كانت حلوه بعاكسها خبطها
الاب: و فيه حد بيتعلم سواقه عند كليه التجاره؟!
الابن: طب و انا اعمل ايه ماهو البنات هناك كتير
الاب: و البنت جرالها ايه؟
الابن: و انا اعرف منين يا بابا انا جريت على طول
الاب: طيب و حد شافك
الابن: ماعرفش احنا طلعنا نجرى هوا انا كنت المفروض استنى؟!
الاب: طيب انا هخلى عم --- يشوف الموضوع و يسأل حصل ايه للبنت- هيه العربيه خصلها حاجه؟
الابن: لأ مافهاش حاجه
الاب: الحمدلله يا ابنى ديه عهده انت عارف

ابطال العمل:
1- عم --- مجند بالشرطه
2- السياره 128 - شرطه
3- الاب: ساعتها كان لواء شرطه و مساعد مدير امن - دلوقتى عضو مجلس شعب
4- الابن: ظابط شرطه ثم وكيل نيابه

حد مستنى خير من البلد ديه؟؟!!!
احنا اللى وصلناها لكده

أستاذ ............ برافوووووووووووووووووووووووووووووو ......... تعليق رائع

[aboalm]

ما هو نفس المنظر برضه شفته النهارده طفل عمره لايتعدى 13 سنه و ابوه قاعد جنبه بيعمله السواقه و فرحان قوى بيه . طب معلش ممكن افهم بس بعد ما يتعلم سيادته السواقه حا يعمل ايه!!!!!!!!! أكيد حا يعمل كارثه على أقرب تقاطع
مش فاهم الناس دى مش بتخاف على اولادها قبل حتى ما تخاف على الناس التانيه
ربنا يهديهم

[eng.octooo]

طيب لو معاة رخصة كنا عديناها اما كدة بجد حرام

[elassar2010]

عادى انا كنت اعرف واحد بيجى المدرسة الاعدادى بعربية هو الى سايقها والدروس برضة فى اعدادى ابوة بتاع دهب وسابلة عربية 128 يتفسح بيها!!!!!!!!!!!!!!

[egyptianmafia]

hahahahahaha......loooool........thats all I am going to say! lol

[Nile_Storm]

يامحمود ولع في جيرانك و المنطقه كلها
من ساعه اما عرفتك و بيعملو العجب
ربنا يعينك

[M.Osman]

يامحمود ولع في جيرانك و المنطقه كلها
من ساعه اما عرفتك و بيعملو العجب
ربنا يعينك

lol
الحقيقة ان مش بس محمود اللي جيرانه كدا يا اخي العزيز..
اعتقد كلنا كدا..
الجيران مش متعاونين خالص ..كله نفسي نفسي
فاكرين لما كنت بسألكم اعمل اية بخصوص القهوة اللي على اول الشارع عندى و كان الحل ان الشكوى تكون جماعية متمثلة في عدد من الجيران..الحل دا للأسف منفعش معايا و القهوة ماشاء الله في توسع ...

و "اياكـــــــــــــــــــــش تولـــــــــــــــــــــــــــع"
على رأي Terrible Darsh

[D . a .\ AYMAN]

طبعا واحد معندوش دم ويتمتع بقدر كبير من الإستهتار وعدم المسئولية زي كتير من المصريين وحتى الجنسيات التانية ... بس المشكلة إن هوة هنا في مصر مش هايلاقي اللى يلمه بالقدر الكافي

الولد : بابا انا خبط بنت عند كليه التجاره
الاب: يا نهار اسود - ايه اللى حصل
الابن: عم ---- كان بيعلمنى السواقه و البنت كانت حلوه بعاكسها خبطها
الاب: و فيه حد بيتعلم سواقه عند كليه التجاره؟!
الابن: طب و انا اعمل ايه ماهو البنات هناك كتير
الاب: و البنت جرالها ايه؟
الابن: و انا اعرف منين يا بابا انا جريت على طول
الاب: طيب و حد شافك
الابن: ماعرفش احنا طلعنا نجرى هوا انا كنت المفروض استنى؟!
الاب: طيب انا هخلى عم --- يشوف الموضوع و يسأل حصل ايه للبنت- هيه العربيه خصلها حاجه؟
الابن: لأ مافهاش حاجه
الاب: الحمدلله يا ابنى ديه عهده انت عارف

ابطال العمل:
1- عم --- مجند بالشرطه
2- السياره 128 - شرطه
3- الاب: ساعتها كان لواء شرطه و مساعد مدير امن - دلوقتى عضو مجلس شعب
4- الابن: ظابط شرطه ثم وكيل نيابه

حد مستنى خير من البلد ديه؟؟!!!
احنا اللى وصلناها لكده

واضح إن القصة دي حقيقية أو ليها صلات بواحدة حقيقية أو حتى إشارة لأشخاص حقيقيين ... بس للأسف أنا معرفش حاجة عنها

لو في أي توضيح أكون شاكر ليك حتى لو على الخاص ... لأن يهمني أعرف إيه أصلها ومين البيه اللى كان ظابط وبقى وكيل نيابة ده

والف شكر ليك

[ashraf229]

مفيش غلط و لا حاجة يا أستاذ أشرف .....
حضرتك أتحاورت بكل أدب ......... و مفيش أي مشكلة و ربنا يباركلك ......... و يرجعلك بالسلامة لأهلك
و كل سنة و أنت بخير .......

غربية كل سنة وانت بخير دي أول مرة أسمعها.........

و انت بألف خير يا سيدي و متشكر على كم الكلام الطيب و الخلوق اللي في ردك الطيب ده

انا كان كل غرضي بس اننا بدل ما نذم في نفسنا لأ نحاول نغير منها علشان ما نكونش فعلا كده متخلفين و متأخرين.........حاجة تحزن شفت موضوع التفكير في اعادة تصنيع البيجو 504 ده معناه فعلا اننا يأسنا ولا ايه!!رغم انهم احتمال يعملوها قمة في التطور و يحطولها كمان الكاسيت السي دي الكينوود بتاع الانوس الجديدة ده يعني فول اوبشنن و تنزل فئات بئى بيزك و أدفنسيد و هاي لاين (فيها سمارت مفتاح و بصمة للسواق (فيش يعني) و عزوز كنترول (مثبت سرعة) و ديفيدي (يعني بطاطين)..........رحمتك يارب.......

اية عاجزين عن الانسجام و التطور مع الحداثة مش قادرين نعيش من غير بيجو ولا نيفا ولا شاهين و لا حتى العربية الكارو أم حمار ولا الترسيكل و غيرهم كتير من أمثلة ((التخلف الحضاري)) زي ما وصفته انته بنفسك

بس ياريت تبنوا مصنع و مراكز خدمة البيجو 504 موديل 2010 لو هتنج فعلا عالصحراوي قدام القرية الذكية

علشان العربية الذكية مكانها قدام القرية الذكية عند الكرته الذكية و ده تطور طبيعي لحالة الذكاء الحكومي و الشعبي اللي مغرقنا في مصر........
(((ملحوظة البيجو 504 حسيت انها رمز كبير للرغبة في الرجوع للوراء و من مين من رجال الأعمال اللي عارفين ازاي يكسبوا كويس و الخوف و الرهبة من التطور أو عدم القدرة على التطور....من الأخر رمز للحوسة اللي بقينا فيها)))

رمضان كريم و يجعله عامر.........