اخيرا رخصه القياده الالمانيه

[araberphilosoph]

سلام عليكم
باركولي يا جماعه ومن اول مره نجحت في اختبار رخصه القياده الالمانيه
وبكده هاسلم الرحصه المصريه واخد الالمانيه بكره الصبح ان شاء الله
حد يعرف بقه هل يمكن اسوق في مصر في الاجازه برخصه القياده الدوليه الالمانيه ولا لازم يكون معي الرخصه المصريه طالما انا مصري
افيدونا
وشكرا

[icehearted girl]

الف مبروك يفندم

متهيالي ينفع عادي تستخدمها داخل مصر

بس لو فكرت تعمل رخصة مصرية هتبتدي مالاول وتمتحن من تاني والله اعلم

[M.Abdelshafi]

طالما انت مصرى يبقى لازم تمشى فى مصر برخصه مصريه الدوليه متنفعش

[أحمد كمال]

بالظبط

ما ينفعش تسوق برخصة دولي في بلد انت مقيم فيها او حامل لجنسيتها ...... الا لو كنت اسقطت الجنسية المصرية ساعتها ممكن تسوق بالرخصة الدولي غير كده يبقى لازم تكون معاك رخصة محلي

كلمة في ودنك

قبل ما تسلم الرخصة المصري اعمل لها سكان وش و ضهر و فوتوكوبي وش و ضهر

و اما تيجي طلع بدل فاقد في نص ساعة

و توتة توتة خلصت الحدوتة

بس سؤال

ليه بيطلبوا تسليم الرخصة المصري؟

[hossam_elwani]

هو انت حضرتك فى المانيا دلوقتى؟؟

[Rembrandt]

بعد ما تستلم الرخصة بص فى ظهرها هتلاقى محدد ليك نوع الرخصة أذا كانت دولية او محلية و نوعية السيارات والموتسيكلات وحتى الجرارات الزراعية المسموح لحضرتك بقيادتها ,,وعلى العموم هى بتكون سارية داخل و خارج الاتحاد الاوربى بس لازم تكون حامل الجنسية الالمانية عشان تقدر تسوق بيها فى مصر

[Ahmed Samy]

طبعا بدل فاقد زي ما أحمد كمال قال

انت لو بتفكر تطلع رخصة مصرية من الأول

اسقط الجنسية و امشي بالدولية أسهل


الف الف مبروك

[araberphilosoph]

شكرا يا جماعه علي اجوبتكم
انا كنت بفكر في موضوع الرخصه بدل الفقد لما انزل
ايوه انا في المانيا
لا اتنازل عن الجنسيه دي مش وارده تماما علي الاقل حاليا
لازم اسلم المصريه عشان القانون يمنع امشي برخصتين
بس لو معاي بدل فاقد ادلهم المصريه ولما انزل مصر اجازات ابقه امشي ببدل الفاقد

[أحمد كمال]

بعد ما تستلم الرخصة بص فى ظهرها هتلاقى محدد ليك نوع الرخصة أذا كانت دولية او محلية و نوعية السيارات والموتسيكلات وحتى الجرارات الزراعية المسموح لحضرتك بقيادتها ,,وعلى العموم هى بتكون سارية داخل و خارج الاتحاد الاوربى بس لازم تكون حامل الجنسية الالمانية عشان تقدر تسوق بيها فى مصر

لو انت مزدوج الجنسية برضه ما ينفعش تسوق برخصة دولي

و لو انت اجنبي مقيم في مصر - مش زائر بتاشيرة مؤقتة زي السياحة - ما ينفعش تسوق برخصة دولي

الرخصة الدولي دي للناس اللي رايحة بلد لا معاها جنسيتها و لا اقامة فيها

شكرا يا جماعه علي اجوبتكم
انا كنت بفكر في موضوع الرخصه بدل الفقد لما انزل
ايوه انا في المانيا
لا اتنازل عن الجنسيه دي مش وارده تماما علي الاقل حاليا
لازم اسلم المصريه عشان القانون يمنع امشي برخصتين
بس لو معاي بدل فاقد ادلهم المصريه ولما انزل مصر اجازات ابقه امشي ببدل الفاقد

هي بدل فاقد يا باشا ...... اديهم الرخصة و اما تنزل اعمل بدل فاقد

[araberphilosoph]

علي صفجه وزاره الداخليه الكلام ده
مادة ( 309 )
تسرى رخص القيادة الدولية التى يحملها الأجانب أو المصريين والصادرة من الخارج طبقا لإتفاقية فيينا سنة 1968 فى حدود مدة صلاحيتها ويسمح لحامليها فى مصر بقيادة المركبات التى تجيز لهم الرخصة قيادتها ولا يعتد بتجديد هذه الرخصة فى الخارج أثناء وجود أصحابها فى البلاد .

يعني طبقا للكلام ده اعرف اسوق برخصه القياده الدوليه الالمانيه الصادره من المانيا في مصر ولا ايه
عايز اتكد اعمل ايه

[TaoTao]

ألف مبروك يا دكتور، ياريت تدينا فكرة عن الاختبارات شكلها إيه.

[أحمد كمال]

علي صفجه وزاره الداخليه الكلام ده
مادة ( 309 )
تسرى رخص القيادة الدولية التى يحملها الأجانب أو المصريين والصادرة من الخارج طبقا لإتفاقية فيينا سنة 1968 فى حدود مدة صلاحيتها ويسمح لحامليها فى مصر بقيادة المركبات التى تجيز لهم الرخصة قيادتها ولا يعتد بتجديد هذه الرخصة فى الخارج أثناء وجود أصحابها فى البلاد .

يعني طبقا للكلام ده اعرف اسوق برخصه القياده الدوليه الالمانيه الصادره من المانيا في مصر ولا ايه
عايز اتكد اعمل ايه

ابن عمي مصري و معاه الجنسية البريطانية و هنا كانوا هيسحبوا منه الرخصتين البريطانية و الدولية عشان هو مصري .....

باشا بدل الفاقد بيطلع في نص ساعة و لو فتحت مخك بعشرين جنيه في 10 دقايق و مش مستاهلة

[ashraf229]

هيسلوا عليك أخوانا الأمناء اللي مش أمناء ولا حاجة

برنس و ألمانيا و رخصة دولي
وكل شوية حد ينطلك بس دي ممنوعة هنا يا باشا وفيها غرامة و سجن بس علشان خاطرك هأحاول أعديهالك ولازم تهرش باليورو بئى

بدل فاقد و على رأي المثل أمشي عدل يحتار عدوك فيك

[araberphilosoph]

يا باشا انا ان شاء الله هاطلع بدل الفاقد
بس انا عندي مشكله عويصه
انا ماجر عربيه هتستناني في مطار القاهره
ولازم اسوق من القاهره لحد دمياط
ومن دمياط اقدر اطلع بدل الفاقد تاني يوم الصبح ان شاء الله
بس هي المشكله ساعه ما اوصل
والمسافه من القاهره لدمياط
بس غريبه جدا
لو واحد مصري عايش في الخارج من صغره وبيجي اجازات بس
وطلع الرخصه الامريكيه مثلا
يعمل ايه ميسقوش في مصر خالص في الاجازات
مع ان النص الموجود بيقول طالما الرخصه مستخرجه من الخارج المفروض انها تصلح
مش عارف ايه ده

[araberphilosoph]

بالنسبه للختبارات في اختبار نظري واختبار عملي
النظري 30 سوال لازم تجوب منهم 28 صح
وبتذاكر كتاب طخين محترم
العملي ببطلع معاك الممتحن 45 دقيقه بيشوفك بتسوق بامان ومتمكن ولا لا
المشكله الوحيده انها غاليه اوي
يعني عشان انا كان معاي رخصه مصريه فمكنتش مضطر اني اتعلم من الالول في مدرسه القياده
فكلفتني حوالي 700 يورو
لكن لو هاتتعلم من الاول حوالي 1500 يورو
ومدارس السواقه هنا لووز
الساعه في وسط البلد ب 35 يورو
بس بتركب عربيات نضيفه ومعاك طبعا مدرس القياده
انا كنت بتدرب علي اودي a4 موديل 2008 بس للامانه معجبتنيش اطلاقا
ضيقه شويتين شكلها مش لطيف
طبعا المدارس القياده منها عربيات بي ام مرسيدس باسات وجولف 6 وكده
وانا شفت مره جاجاور في مدرسه سواقه
بس لا الاودي ولا الجولف الجديده
بي ام وبس