مشروع مصنع سناكس

[eslamrace]

ربنا يوفقك ويكرمك

اما بالنسبه لاسم المنتج ممكن race وترسم عليه عربيات وتعمل جواه هدايا عربيات صغيره زى اللى كنا بنلعب بيها زمان

[itsonlyme]

أنت مقلتش السناكس اللي انت ح تنتجها هي بطاطس وللا ذرة.

اقترح اسم بسيط. طبعا شركة شيبسي أخدت أحسن اسم ويليه اسم "كرانشي".

فاضل اسم "كرسبي". بالانجليزي Crispy. بمعنى مقرمش.

أنا شايف انه اسم مناسب جداً. انصحك تبعد عن الاسامي الموجهة للأطفال زي كاعبولة ولظاليظو لأنها تستثني الكبار (وهم شريحة كبيرة من مستهلكي السناكس) بالاضافة انها توحي أن المنتج رخيص. في عشرين منتج بالأسامي دي.

[M.Osman]

أنت مقلتش السناكس اللي انت ح تنتجها هي بطاطس وللا ذرة.

اقترح اسم بسيط. طبعا شركة شيبسي أخدت أحسن اسم ويليه اسم "كرانشي".

فاضل اسم "كرسبي". بالانجليزي Crispy. بمعنى مقرمش.

أنا شايف انه اسم مناسب جداً. انصحك تبعد عن الاسامي الموجهة للأطفال زي كاعبولة ولظاليظو لأنها تستثني الكبار (وهم شريحة كبيرة من مستهلكي السناكس) بالاضافة انها توحي أن المنتج رخيص. في عشرين منتج بالأسامي دي.

+1 for Crispy

or Crispies

و ربنا يوفق

[أحمد كمال]

Crispyz

بالزد مش بالإس

[egyptianmafia]

I wrote a lot of good names.....

[أحمد كمال]

برضه كرومبو مسجل و عليه خناقة قانونية اصلا بين هيثم حمدي و الجدع بتاع بانوراما دراما

[aliabutaleb]

برضه كرومبو مسجل و عليه خناقة قانونية اصلا بين هيثم حمدي و الجدع بتاع بانوراما دراما

كنت داخل أقول نفس الكلام :)

وأفتكر إن كان فيه منتج اسمه كرسبي من فترة

[M.ABDEEN]

ربنا يوفقك
الاسم : كركر - دوبيي -فش فاش

[karimabass]

اسم كرسبى كويس اوى بس متهيالى ان الاسم ده كان موجود من فتره ياترى لو عملت الاسم ده هيبقى فيه مشاكل برضو ولا ايه على فكره هو سناكس ذره

[karimabass]

i wrote a lot of good names.....

شكرا ليك يا باشا بس احنا برضو عايزين اسم كويس يكون سهل عشان برضو نجذب الاطفال مش الكبار بس
الاسامى اللى انت كاتبها ممتازه جدا وطبعا حاططها فى الاعتبار بس انا برضو مستنى يمكن نلاقى اسامى احسن كمان

[mazagngi2010]

وليه العقد دى كلها لازم يبقى اسم بسيط وسهل ويتفهم ويدل على المنتج بتاعك ومن كلمه واحده يعنى ممكن تسميه
قرمشه!!!!!!!!!
krmsha
اسم سريع ويتهيالى متخدش قبل كده

[karimabass]

اسم قرمشه ده جميل اوى وممكن يكون الاسم ان شاء الله انت فعلا مزاج متشكر ليك اوى يا مزاجنجى
ادعولى يا جماعه حوارات الترخيص دى تخلص بسرعه بالذات ترخيص الصحه دى عشان ده المشكله كلها هتبقى صعبه لو حد يعرف يساعدنى فى الحوار ده ياريت يبعتلى

[mazagngi2010]

العفو ياريس ربنا يكرمك بس فيه كذا حاجه عايز اقولهالك
-اتاكد الاول ان الاسم ده مش موجود فى السوق
-غض النظر عن الاسم اللى هتختاره اهتم قوى بالبدايه بتاعتك لان دى الاساس ولو غلطت فيها يبقى انت الجانى على نفسك
بمعنى
اهتم قوى بالشكل بتاع الكيس (الوان جميله ومتناسقه وشقاوه طبعا) والباكو يبقى مليان شويه مش كله هوا من جوه وياسلام بقى لو فيه ربع جنيه جوه كيس من كل 5اكياس او حتى 10 لان اللى هيكسب هيرجع يشترى تانى بنسبه 80 %
-لازم هامش الربح بتاع التجار يبقى كويس علشان يصرفوا لك البضاعه بتاعتك هوا وطبعا ده على اساس دراسه الجدوى بتاعتك حيث انك هتكون عارف هما بيكسبوا كام من المنافسين بتوعك
-قلب المنتج بتاعك مع الموسم يعنى اتعلم من قلبظ مثلا لو احنا فى رمضان حط جوه الكيس فانوس صغنن واول مالدراسسه تبدا يبقى استيكه او برايه من المعفنه اللى بشلن الجمله بتاعتها كده يعنى
اى نعم هتصرف كتير فى الاول بس علشان تعلم على الناس بسرعه وياريت برضه متصرفش اكتر من اللازم وطبعا انت عارف قصدى
وربنا يوفقك يابرنس

[karimabass]

يا جماعه انا كان فيه حاجه مضايقانى اوى وكنت عايز اخد رايكوا فيها انا طبعا وعدت ان الاشياء اللى هستخدمها لازم تكون صحيه
فيه حاجه عرفتها من المهندس قريب ان الزيت المستعمل بيبقى زيت درجه خامسه وميقدروش يستعملوا زيت احسن من كده لان لو احسن من كده هتبقى تكلفه الكيس هى نفس السعر اللى هيتباع بيه يعنى مش هيبقى فيها اى مكسب انتوا رايكوا يا جماعه اعمل ايه

[karimabass]

ايه يا جماعه هو محدش عبرنى ليه بجد محتاج رايكوا هى دى حاجه مش مهمه ياريت تردوا عليا او الاداره تحاول تواصل سؤالى ده للناس عشان بجد دى حاجه ممكن تخلينى مش اكمل فى المشروع ده اصلا وطبعا دى صحه ناس