مشروع مصنع سناكس

[itsonlyme]

معلش سؤال يعنى كل انواع الشيبسى والمقرمشات بيستخدموا نوع زيت مهدرج درجه خامسه ؟؟؟؟؟؟ .. طب ازاى ولون الشيبسى بيبقى حلو مش وحش ؟؟؟

الزيت المهدرج ده زيت مضر صحياً لتركبته الكيميائية مش عشان في شوائب.
يعني مفهوش شوائب ولونه مش بني زي ما أنت متخيل.

[Yarisawy]

الزيت المهدرج ده زيت مضر صحياً لتركبته الكيميائية مش عشان في شوائب.
يعني مفهوش شوائب ولونه مش بني زي ما أنت متخيل.

طب يعنى شيبسى ولايز وروتاتو كلهم بيستخدموا زيت ضار صحيا ....... طب ازاى وزارة الصحه تسمح بحاجة ذى كده ... طب الحاجات المستورده من امريكا كمان هما بيستخدموا زيت مهدرج معتقدش ان فى امريكا هايسمحوا بحاجة ذى كده

انا متهيألى شيبسى والشركات الكبيرة بتستخدم زيت كويسة لانهم شركه كبيرة وليست مبتئده واكيد بتجيب بأسعار تانيه

[أشرف العدوي]

الموضوع مش موضوع زيت و لا اسم منتج المجال ده مليان حوارات تانية خالص
انت كنت شغال في المجال ده قبل كدة لمدة اربع سنين
بالنسبة لموضوع الزيت ما تشغلش نفسك بيه
انت هتعمل عينة من الاسناكس بتاعك عادي بس من غير قلي في الزيت
و تاخد شويت زيت من الي انت هتشتغل بيه و تطلع على مركز بحوث تكنولوجيا الأغذية ( بجوار ملاعب السعدية )
و تقولهم عايز احلل للعينة دي قبل القلي و بعد القلي بالزيت ده
و هما هيحدولك النسب الصحية و الي تقدر تشتغل بيه و كمان مدة الصلاحية

تاني حاجة عايز اقولهالك
انت هتشتغل بيع مباشر و لا وكلاء؟
لو بيع مباشر هتطر تجيب اسطول عربيات توزع بيه حتى لو في القاهرة الكبرى فقط و خد بالك عربيات الجملة غير عربيات التجزئة وسعر الجملة بيبقى اقل من التجزئة ( خد بالك مصاريف البيع المباشر بتبقى في حدود 20% من المبيعات )
هو الاحسن يكون وكلاء مع بونص من 6% حتى 10% تصاعدي حسب حجم المسحوبات و تريح دماغك من مصاريف الفروع

بالنسية للتعبئة و التغيلف
في شركات كتير محترمة في ورق التغليف و احسن شركة تكنوفيلم
بالنسبة للكرتون
فاين باك / باك لاين
الزيت
شركة الصفوة ( أحمد فؤاد)
الدقيق
شركة الفراشة
مكسبات الطعم
شركة كويست
نشا
awa
و انا في خدمتك لو عايز اي استفسار

[ghabbour]

بالتوفيق و اسم( ساسو )

[mohamed_mohsen]

أهم حاجه يبقي الزيوت المستخدمه صحيه , و أن يبقي طعمه حلو و تبقي ريحته حلوه مش زي شيبسي دلوقتي سوري يعني ريحته عامله زي ( الشرابات)
و ربنا يوفقك

[itsonlyme]

طب يعنى شيبسى ولايز وروتاتو كلهم بيستخدموا زيت ضار صحيا ....... طب ازاى وزارة الصحه تسمح بحاجة ذى كده ... طب الحاجات المستورده من امريكا كمان هما بيستخدموا زيت مهدرج معتقدش ان فى امريكا هايسمحوا بحاجة ذى كده

انا متهيألى شيبسى والشركات الكبيرة بتستخدم زيت كويسة لانهم شركه كبيرة وليست مبتئده واكيد بتجيب بأسعار تانيه

أيوة، شيبسي ولايز وروتاتو بتستخدم زيوت غير صحية. زيوت غير صحية مش معناها انك تاكلها تاني يوم يجيلك تسمم، زيوت غير صحية يعني مضرة على المدى الطويل تسبب أمراض القلب. لما يجيلك (لا قدر الله) القلب على سن الخمسة وأربعين مثلا، ساعتها مش ح تقول اصلي كنت باكل شيبسي ماركة معينة طول عمري.

اذا كانت البطاطس المقلية حتى ولو مقلية في أحسن الزيوت تعتبر مضرة صحياً. ما بالك التي تستخدم الزيوت المهدرجة.

واضح ان حضرتك عندك نفس الفكرة النمطية ان أمريكا بتخاف قوي على صحة مواطنيها.

أمريكا البدانة فيها بقت وباء. كله بسبب انتشار المؤكولات السريعة التي لا تسعى الحكومة الأمريكية بجدية لضمان كونها صحية. أغلب المطاعم المشهورة في أمريكا (وبالتأكيد مصر) بتستخدم الـ Trans Fat المضر للغاية. كثير من دول أوروبا منعته تماماً في حين أن أقصى ما فعلته أمريكا هو الزام مصنعي الأغذية ذكر مقدار هذه الدهون في منتجاتهم.

فكرة أن أمريكا بتخاف على صحة مواطنيها وان الشركات الكبيرة بتخاف على صحة مستهلكي متجاتها فكرة خاطئة تماماً.

الشركات الكبيرة همها الأول هو زيادة الربح وتقليل المصاريف. الشركات لن تتوقف عن استخدام الزيوت المهدرجة مثلاً الا اذا زاد الوعي عند الجميع بأضرارها. لما سمعتها (وبالتالي مبيعاتها) تتهز، ساعتها بس ح تحاول تخلي منتجاتها أكثر صحية.

[pro_samir]

إعمل زى ابو اسر ما قالك وشوف النتيجة اية ، لو كانت معقولة اوك

لو كانت مش كويسة ممكن تفكر فى انك تستخدم زيوت بكفائة عالية وتركز على دة فى الدعاية والأغلفة مع زيادة السعر شوية ، وممكن تعمل عبوات أكثر من حجم علشان يبقى فى تنوع فى الأسعار

بس اوعى تعمل كدة وتجيب زيت رخيص برضو

[Yarisawy]

أيوة، شيبسي ولايز وروتاتو بتستخدم زيوت غير صحية. زيوت غير صحية مش معناها انك تاكلها تاني يوم يجيلك تسمم، زيوت غير صحية يعني مضرة على المدى الطويل تسبب أمراض القلب. لما يجيلك (لا قدر الله) القلب على سن الخمسة وأربعين مثلا، ساعتها مش ح تقول اصلي كنت باكل شيبسي ماركة معينة طول عمري.

اذا كانت البطاطس المقلية حتى ولو مقلية في أحسن الزيوت تعتبر مضرة صحياً. ما بالك التي تستخدم الزيوت المهدرجة.

واضح ان حضرتك عندك نفس الفكرة النمطية ان أمريكا بتخاف قوي على صحة مواطنيها.

أمريكا البدانة فيها بقت وباء. كله بسبب انتشار المؤكولات السريعة التي لا تسعى الحكومة الأمريكية بجدية لضمان كونها صحية. أغلب المطاعم المشهورة في أمريكا (وبالتأكيد مصر) بتستخدم الـ trans fat المضر للغاية. كثير من دول أوروبا منعته تماماً في حين أن أقصى ما فعلته أمريكا هو الزام مصنعي الأغذية ذكر مقدار هذه الدهون في منتجاتهم.

فكرة أن أمريكا بتخاف على صحة مواطنيها وان الشركات الكبيرة بتخاف على صحة مستهلكي متجاتها فكرة خاطئة تماماً.

الشركات الكبيرة همها الأول هو زيادة الربح وتقليل المصاريف. الشركات لن تتوقف عن استخدام الزيوت المهدرجة مثلاً الا اذا زاد الوعي عند الجميع بأضرارها. لما سمعتها (وبالتالي مبيعاتها) تتهز، ساعتها بس ح تحاول تخلي منتجاتها أكثر صحية.

شاكرين يا باشا على المعلومات الجميله .. شكرا لك

[belal rashed]

المشروع ده حلو جدا بس إحنا كلنا نسينا تعدد أسماء المنتج.
أنا كنت بفكر جديا فى حاجه مشابهه لما أرجع وأستقر(يعنى أكيد هحتاج نايحك يا ابو أسر).

سورى قصدى نصايحك(غلطه صياميه)ههههههههههههههه

[جرجس راسم]

مساء الخير
انا مدير مبيعات في شركة كرتون ممكن افيد حضرتك برجاء الاتصال علي 01001922961