هو الثواب بالعافية مش معقولة كدة

[Karim_Monir]

ماهو انا بعترض على الاسلوب
انا ياما ناس بتديني حاجات وباخدها منها عشان ماكسفهاش رغم توضيحي اني مش محتاجها
لكن بتوع امبارح دول كانو بيتخانقو
زوجتي خافت منهم ومن اسلوبهم
وفعلا الحتة ضيقة
انا عارف ان الحتة دي ضيقة على طول
بس ساعة الفطار فاضية جدا الا من البني ادمين دول
انا مش بعيب عليهم لوحهم
بعيب كمان على العربيات اللي هاتلبس في بعض عشان علبة جهينة بجنية ونص
المشكلة ان جنبهم موقف العاشر مليان ناس واقفة على رجليها ومش لاقية شربة ميه
لكن اللي في عربية غالبا معاه ازازة ميه يفطر بيها بلاش تمر ولا لبن
ربنا يهدي

[SS]

هو المشكلة الاكبر مش فى اصرارهم انهم يفطروا الناس ...المشلكة فى الطريقة اللى بيوقفوا بيها الناس

و الامكان المنتقاة بعناية للتسبب فى الحوادث و طبعاً ما ننساش دور الاخوة الافاضل اللى بيفرمل مرة واحدة و اللى بيقف فى نص الشارع عشان ياخد الحاجات اللى بتتوزع ...و مش بعيد كمان يفضل واقف لحد ما ياكل و يشرب

ان عايز احكيلك يا كيمو ع ااكتر مرة اتحرق دمى فيها بسبب الموضوع ده....تخيل كانو بيوزعوا ازاى..؟؟؟؟

بما انك زعلان من الاكياس البلاستيك ....هما تفادوا الخطأ ده و كانوا بيوزعوا فى كوبيات ازاز(زجاج)!!!

ايوه كوبيات... و طبعاً المشهد كالاتى الطريق اربع حارات مقفول بعربيتين بس لأانهم واقفين بميل فى نص الشارع...و كل عربية تستنى لحد ما يصب لها ...و تشرب و تخلص....!!!!

و طبعاً لو اتكلمت تبقى ابن 60 فى 70 ما عندكش دم و مش عايز الناس تفطر!!

[Karim_Monir]

نييييييييهههههههههه
كوبيات ازاز
وفي السواقة ويصب ويشربو
وطبعا مفيش غسيل
نيييهههههههههه
ده انا ممكن انزل اضربه بجد فيها
يا رب صبرني على الغباء
عشان يزيد الثواب

[Terrible_DaRsH]

خلاص يا جماعة محدش ينزل وقت الفطار و ظبطوا وقتكم قبله , لان فى ناس بتبقي محتاجة اى حاجة تفطر بيها لحد ما تروح و كمان اللى بيوزع مبيبقاش عايز يروح غير لما ياخد الثواب كله .

لو حد معزوم بره ينزل بدرى شوية , خصوصا ان الطريق اللى كنت فيه ده يا كريم اصلا زبـــــــالـــــــة :( يوميا بمشي فيه .

[dr.nemo]

رمضان كريم للجميع


امبارح في المسجد اللي جنبي
واحد من عمال المسجد واقف بكرتونة تمر
علشان اللي داخل يصلي المغرب يفطر

فمن أول يوم في رمضان بيقف وأكثر من نص الكرتونة
بيرجع مليان لان كله بيفطر في بيته أو بيجيب تمر معاه
الراجل زهق وقعد يزعق ... انتوا مش بتاخدوا مني ليه
أمال أنا واقف طرطور
وفجأة .... عمل آخر حاجة توقعتها فعلا
قام رامي كرتونة التمر في مدخل المسجد ومشيي
مش عارف فعلا ايه الاصرار العجيب ده على (أخذ الثواب على حسب فهمه)
لما يرمي نعمة ربنا في الارض

السنة اللي فاتت كانوا بيحطوا الكرتونة على كرسي في مدخل المسجد واللي عاوز ياخدواللي مش عاوز خلاص

[NFS]

الراجل زهق وقعد يزعق ... انتوا مش بتاخدوا مني ليه
أمال أنا واقف طرطور

:pointi~2[2]::pointi~2[2]::pointi~2[2]::pointi~2[2]:

[Dr Zezo]

موقف سئ فعلا ...

خصوصا في منطقة مزدحمة زي ديه....

انا بقي حصل معايا موقف علي نحو مختلف ...

كنت وقتها من حوالي ثلاث سنوات مروح من بورسعيد للعريش وكنا انا و الحاج وفي رمضان

وفي سيناء قبل بئر العبد بشوية - حوالي 90 كم من العريش- المغرب خلاص علي وشك و كان معانا بلح للفطار بس عايز يتغسل و عند حنفية في الطريق قلنا نقف نغسله

واذ بجماعة من البدو تخرج علينا و تمسك فينا و مصممين ننزل لمنزل صغير تحت الطريق للافطار

ونحاول نفهم الناس انه مش هينفع

ولسه برفع ايدي عشان اتكلم و الاقي اتنين شدوني شد و واحد خد المفتاح من العربية و اتنين كمان تقريبا كانوا شالوا الحاج

ههههههههههه

وندخل المنزل و اذ بالقبيلة كلها - او اهل القرية كلهم - مجتمعين للافطار بالمنزل

لحظات التمر نزل ....

ثم اجلسونا وجاءت صنية محترمة تكاد تئن من ما تحمله من ارز و لحم ضأن متبوعة بالسلطات و جميع انواع المشروبات الغازية والتمر الهندي و الشوربة الساخنة

كل ده ليا و للحاج بس

و المنزل كان به ما يقارب ال50 رجلا من اهل القرية غير النساء و الاطفال

صراحة طعم الطعام كان مختلفا ومميزا جدا

الموقف كله ذكرني بالكرم الحاتمي القدييييم الذي كنت اقرأ عنه

[homme49]

بالرغم من أن ذلك يحدث بنية طيبة و هى خدمة الغير و الحصول على ثواب بالرغم من تعطيل الطريق
فما قولك فى من يقفل الشارع فى زفة فرح أو بعد نهاية مباراة فى كرة القدم بهدف الإحتفال بالفرح أو الفوز دون مراعاة لمريض فى طريقة للمستشفى
فى إحدى المرات إضطررت لخبط أحد حاملى الأعلام لكى يفتح لى الطريق ( طبعا كانت خبطة خفيفة مجرد زغزغة حتى يدرك ما يفعله )

[MoToRiZeR]

يااااااه انا من سنة حصلي موقف زي ده رمضان اللي فات و كتبت عنه هنا في المنتدي في أحد المواضيع أعتقد .. كل سنة و إحنا طيبين
كنت ماشي و فاتح الشباك و هوووب .. إلبس في وشك كيس تمر عورني تحت عيني و الحمد لله مفيش حاجة دخلت في عيني !

هو كل حاجة في البلد دي بقت بالعافية .. فيه واد بيبيع فل عند فرغلي المهندسين .. عند إسطوانة محددة بيقولها

أول حاجة ييجي يقولك فل .. تقوله شكراَ
يقولك ده بجنيه بس و أحلي من المعطر اللي إنت حاطه .. عالأقل مش هيتعب صدرك .
شكراَ يا سيدي
(ياخد عقدين فل و يعلقهم في المراية بتاعة الصالون) خلاص بقي ونبي منتا كاسفني !
طبعاَ بتقول خلاص بقي هو جنيه يعني و مش مشكلة ريحة الفل و إحساس إنك راكب تاكسي 504 سنة 94

و بمجرد ما يمشي يدي الأوكي .. تلاقي بتوع المعطرات و شرايط الكاسيت و كل منتجات الصين عندك جوا العربية .

من كام يوم بقي كنت بوصل أمي عند دكتور في جامعة الدول و كنا وصلنا بدري قالتلي تعالي نشرب حاجة من عند فرغلي .. قبل صورة فرغلي ظهر في ذهني الراجل ده ..

رحت بقي .. و متحفزله جداَ .. جه بإبتسامته البهية .. فل ؟
لأ .
ده بجنيه واحد بس !
أيوة بس انا مش عايز .
ده أحسن من المعطر اللي إنت حاطه ده .. و مش هيتعب صدرك .
يا عم انا مبحبش الفل انا حر .
قام مادد إيده بعقدين الفل في إتجاه مراية الصالون ..

ونبي ما انت كاسفن .. (مسكت إيده)
لأ !!! لأ !!!! انا مش عايز !!! هو بالعافية !!!!

و طبعاَ طار كل الود اللي كان بيتكلم بيه .. و قام مشوح بإيده كدة و قاللي "و الله أحسن!!!!" و قام ماشي .

يا جدعان هو البيع بالإكراه !!! و الثواب بالإكراه !!!!

برضه في مرة كنت انا و أحد أعضاء المنتدي هنا بنعمل حاجة و جينا نركب العربية لقينا شحات جه و بيقولنا أي حاجة لله .. فا اللي كان ناحيته العضو اللي معايا فا قاله الله يسهلك يا سيدي .. قام الشحات قالله طب يا رب اللي فيا يبقي فيك !!!


خرجنا منها علي خير يا رب !!!

[dr.nemo]

الشحاتين دول لهم مواقف لاتنسى وبقوا واقع اليم لكمية النصب اللي في البلد

كتير شحاتين ييجوا ويقول الحاج قالي تعال علشان تاخد كذا
ومهما تقول فلا مجال للانكار ..... طب انه مش عاوز ثواب ...طب ...طب...
وكام مرة اقوله الحاج اسمه ايه ميعرفش (اي حاج وخلاص)
ولو اديت لواحد حاجة يبقى انت اللي جبته لنفسك
مرة اكتشفت طابور منهم بيسلموا لبعض واللي عليه الدور يجيي

ولا اللي بييجوا في العيد الصغير ويقللولك احنا المسحراتيه اكتر من 10
مع ان مفيش مسحراتي بيعدي عندنا الا يوم العيد

ومرة مسكنا واحد طالع فوق في بيتنا وقت الصلاة
وكنا حنسلمه للشرطة

واللي نمسكه فوق السطح وواخد شوية حاجات ويقولك مش عارف مين قاله خدهم
مع ان البيت بتاعنا احنا مش عارف مين اللي قاله يطلع ياخد حاجة

عجبني جدا مطعم وولد صغير داخل يقوله هات سندويتش لله
قاله اقعد كله هنا ... فالولد رفض ومشي
وعرفت من الراجل ان الولد كل يوم كان بيجي ياخد سندويتش
واخوه على العربة(كارو بتلم الزبالة) بياخده منه ياكله

احسن حل اننا اشتركنا في جمعية خيرية للحي
واي شحات من دول نقوله لو انت محتاج روح وهم هيجولك لحد عندك
طبعا بيهيجوا ... بس في الاخر بيرضوا بالامر الواقع
والحمد لله بقالنا اسبوعين من غير ولا شحات في الشارع

للاسف بقت مهنة قذرة للربح السريع والذل للأبد

[أحمد كمال]

موقف سئ فعلا ...

خصوصا في منطقة مزدحمة زي ديه....

انا بقي حصل معايا موقف علي نحو مختلف:e_braces[1]: ...

كنت وقتها من حوالي ثلاث سنوات مروح من بورسعيد للعريش وكنا انا و الحاج وفي رمضان

وفي سيناء قبل بئر العبد بشوية - حوالي 90 كم من العريش- المغرب خلاص علي وشك و كان معانا بلح للفطار بس عايز يتغسل و عند حنفية في الطريق قلنا نقف نغسله

واذ بجماعة من البدو تخرج علينا و تمسك فينا و مصممين ننزل لمنزل صغير تحت الطريق للافطار

ونحاول نفهم الناس انه مش هينفع

ولسه برفع ايدي عشان اتكلم و الاقي اتنين شدوني شد و واحد خد المفتاح من العربية و اتنين كمان تقريبا كانوا شالوا الحاج

ههههههههههه

وندخل المنزل و اذ بالقبيلة كلها - او اهل القرية كلهم - مجتمعين للافطار بالمنزل

لحظات التمر نزل ....

ثم اجلسونا وجاءت صنية محترمة تكاد تئن من ما تحمله من ارز و لحم ضأن متبوعة بالسلطات و جميع انواع المشروبات الغازية والتمر الهندي و الشوربة الساخنة

كل ده ليا و للحاج بس

و المنزل كان به ما يقارب ال50 رجلا من اهل القرية غير النساء و الاطفال

صراحة طعم الطعام كان مختلفا ومميزا جدا

الموقف كله ذكرني بالكرم الحاتمي القدييييم الذي كنت اقرأ عنه

بجد باتبسط جدا لما اسمع ان لسه فيه خير كده و ناس كده كريمة كرم أصيل مش كرم المنظرة بتاع العزومات و "انا عملت عزومة احسن من عزومة اهل جوزي" و الهجص ده

ناس كريمة و أصيلة و أكرمت الغريب اللي لا يعرفوه و لا يعرفهم و ثوابهم عند الله مش مستنيين شكر من حد و لا منظرة على حد من المعارف او القرايب .......

يااااااه انا من سنة حصلي موقف زي ده رمضان اللي فات و كتبت عنه هنا في المنتدي في أحد المواضيع أعتقد .. كل سنة و إحنا طيبين
كنت ماشي و فاتح الشباك و هوووب .. إلبس في وشك كيس تمر عورني تحت عيني و الحمد لله مفيش حاجة دخلت في عيني !

هو كل حاجة في البلد دي بقت بالعافية .. فيه واد بيبيع فل عند فرغلي المهندسين .. عند إسطوانة محددة بيقولها

أول حاجة ييجي يقولك فل .. تقوله شكراَ
يقولك ده بجنيه بس و أحلي من المعطر اللي إنت حاطه .. عالأقل مش هيتعب صدرك .
شكراَ يا سيدي
(ياخد عقدين فل و يعلقهم في المراية بتاعة الصالون) خلاص بقي ونبي منتا كاسفني !
طبعاَ بتقول خلاص بقي هو جنيه يعني و مش مشكلة ريحة الفل و إحساس إنك راكب تاكسي 504 سنة 94

و بمجرد ما يمشي يدي الأوكي .. تلاقي بتوع المعطرات و شرايط الكاسيت و كل منتجات الصين عندك جوا العربية .

من كام يوم بقي كنت بوصل أمي عند دكتور في جامعة الدول و كنا وصلنا بدري قالتلي تعالي نشرب حاجة من عند فرغلي .. قبل صورة فرغلي ظهر في ذهني الراجل ده ..

رحت بقي .. و متحفزله جداَ .. جه بإبتسامته البهية .. فل ؟
لأ .
ده بجنيه واحد بس !
أيوة بس انا مش عايز .
ده أحسن من المعطر اللي إنت حاطه ده .. و مش هيتعب صدرك .
يا عم انا مبحبش الفل انا حر .
قام مادد إيده بعقدين الفل في إتجاه مراية الصالون ..

ونبي ما انت كاسفن .. (مسكت إيده)
لأ !!! لأ !!!! انا مش عايز !!! هو بالعافية !!!!

و طبعاَ طار كل الود اللي كان بيتكلم بيه .. و قام مشوح بإيده كدة و قاللي "و الله أحسن!!!!" و قام ماشي .

يا جدعان هو البيع بالإكراه !!! و الثواب بالإكراه !!!!

برضه في مرة كنت انا و أحد أعضاء المنتدي هنا بنعمل حاجة و جينا نركب العربية لقينا شحات جه و بيقولنا أي حاجة لله .. فا اللي كان ناحيته العضو اللي معايا فا قاله الله يسهلك يا سيدي .. قام الشحات قالله طب يا رب اللي فيا يبقي فيك !!!


خرجنا منها علي خير يا رب !!!

بتاع الفل الحقير ده مرة كنت انا و واحد صاحبي و مراته و اخته و صاحبة مراته يوم فرحه هناك رحنا نشرب عصير قبل ما اوصلهم البيت و احنا واقفين راح عالبنات اداهم الفل و عرفت فيما بعد انه قال لهم "البيه دفع"

و بعدين جه يقول لنا فل قلنا له شكرا قال لنا ما البنات اخدوا !!!!!


ابن ال .................


فعلا هي كل حاجة بقت بالعافية :(

و قال و الله ما انت كاسفني


ليه قريبي و لا نسيبي و لا اعرفك ؟؟؟؟؟؟ ما انت اصلا اللي بتكسفني !!!!!!!

الشحاتين دول لهم مواقف لاتنسى وبقوا واقع اليم لكمية النصب اللي في البلد

كتير شحاتين ييجوا ويقول الحاج قالي تعال علشان تاخد كذا
ومهما تقول فلا مجال للانكار ..... طب انه مش عاوز ثواب ...طب ...طب...
وكام مرة اقوله الحاج اسمه ايه ميعرفش (اي حاج وخلاص)
ولو اديت لواحد حاجة يبقى انت اللي جبته لنفسك
مرة اكتشفت طابور منهم بيسلموا لبعض واللي عليه الدور يجيي

ولا اللي بييجوا في العيد الصغير ويقللولك احنا المسحراتيه اكتر من 10
مع ان مفيش مسحراتي بيعدي عندنا الا يوم العيد

ومرة مسكنا واحد طالع فوق في بيتنا وقت الصلاة
وكنا حنسلمه للشرطة

واللي نمسكه فوق السطح وواخد شوية حاجات ويقولك مش عارف مين قاله خدهم
مع ان البيت بتاعنا احنا مش عارف مين اللي قاله يطلع ياخد حاجة

عجبني جدا مطعم وولد صغير داخل يقوله هات سندويتش لله
قاله اقعد كله هنا ... فالولد رفض ومشي
وعرفت من الراجل ان الولد كل يوم كان بيجي ياخد سندويتش
واخوه على العربة(كارو بتلم الزبالة) بياخده منه ياكله

احسن حل اننا اشتركنا في جمعية خيرية للحي
واي شحات من دول نقوله لو انت محتاج روح وهم هيجولك لحد عندك
طبعا بيهيجوا ... بس في الاخر بيرضوا بالامر الواقع
والحمد لله بقالنا اسبوعين من غير ولا شحات في الشارع

للاسف بقت مهنة قذرة للربح السريع والذل للأبد

لا حول و لا قوة الا بالله

حلوة أوي الحاج قال لي تعالى خد كذا .......

الأظرف لو حاول يعملها في بيت صاحبه مش مسلم هههههههههههههههههههههههههههههههههههه


الحاج ...... هههههههههههههههههههههههههههههههههههههههههههههههههه هههههههههههههههههههههههه

[M.ABDEEN]

موقف سئ فعلا ...

خصوصا في منطقة مزدحمة زي ديه....

انا بقي حصل معايا موقف علي نحو مختلف ...

كنت وقتها من حوالي ثلاث سنوات مروح من بورسعيد للعريش وكنا انا و الحاج وفي رمضان

وفي سيناء قبل بئر العبد بشوية - حوالي 90 كم من العريش- المغرب خلاص علي وشك و كان معانا بلح للفطار بس عايز يتغسل و عند حنفية في الطريق قلنا نقف نغسله

واذ بجماعة من البدو تخرج علينا و تمسك فينا و مصممين ننزل لمنزل صغير تحت الطريق للافطار

ونحاول نفهم الناس انه مش هينفع

ولسه برفع ايدي عشان اتكلم و الاقي اتنين شدوني شد و واحد خد المفتاح من العربية و اتنين كمان تقريبا كانوا شالوا الحاج

ههههههههههه

وندخل المنزل و اذ بالقبيلة كلها - او اهل القرية كلهم - مجتمعين للافطار بالمنزل

لحظات التمر نزل ....

ثم اجلسونا وجاءت صنية محترمة تكاد تئن من ما تحمله من ارز و لحم ضأن متبوعة بالسلطات و جميع انواع المشروبات الغازية والتمر الهندي و الشوربة الساخنة

كل ده ليا و للحاج بس

و المنزل كان به ما يقارب ال50 رجلا من اهل القرية غير النساء و الاطفال

صراحة طعم الطعام كان مختلفا ومميزا جدا

الموقف كله ذكرني بالكرم الحاتمي القدييييم الذي كنت اقرأ عنه

ميه ميه يا باشا كده ممكن الواحد يفطر كل يوم عندهم ...وبصراحة انا مشيت على الطريق ده ولو منك مقفش خالص انا كنت افتكرتهم قطاع طرق وهايخطفوني

[M.ABDEEN]

كريم با شا رمضان كريم والله يعينك على جيرانك بصراحة الشعب المصري ده لازم يشوفوله حل همجية وعدم نظام في كل حاجة وطبعا عصير طبيعي ببلاش وابو بلاش كتر منه الاكل بالضرب والسواقو بالدراع والمواصلات بالخناق بصراحة الله يهدينا جميعا ...
بس يا كريم حاول تعطل جارك ده لما يكون معزوم

[Dr Zezo]

ميه ميه يا باشا كده ممكن الواحد يفطر كل يوم عندهم ...وبصراحة انا مشيت على الطريق ده ولو منك مقفش خالص انا كنت افتكرتهم قطاع طرق وهايخطفوني

اعتقد الجماعة دول ليس لديهم ادني مشكلة في اهم يفطروا الناس كل يوم

وبعدين الدار هناك اماااااااااااااااااااااااااااااااااااان جدا

وحتي باحتمال 1% حصل حاجة تروح لكبير وشيخ المنطقة وتأخد حقك وانت زي الباشا رجل علي رجل - محاكم عرفية و قعدات عرب-

ناس 100%

[أحمد كمال]

اعتقد الجماعة دول ليس لديهم ادني مشكلة في اهم يفطروا الناس كل يوم

وبعدين الدار هناك اماااااااااااااااااااااااااااااااااااان جدا

وحتي باحتمال 1% حصل حاجة تروح لكبير وشيخ المنطقة وتأخد حقك وانت زي الباشا رجل علي رجل - محاكم عرفية و قعدات عرب-

ناس 100%:s_thum1[1]:

هو ده الكلام

ابويا كان في اليمن في الستينات

بيقول لي المصري هناك ضيف على شيخ قبيلة المنطقة اللي هو فيها

و لو واحد اهانه شيخ القبيلة بينفخه

و لو مصري شغال مدرس و واحد من العيال هبل معاه

شيخ القبيلة ينفخ أبو العيل

عشان حق الضيف ......


ناس عندها أصول لسه