مــحــتار فى شراء موبايل !

[Terrible_DaRsH]

السلام عليكـــــم .

انا قررت ابيع موبايلى يا جماعة لانه بصراحة كده طوووول معايا أوووى اووى اووى .

اصيل و الله .

المهم انا شفت كام موبايل كده و عجبونى بس بصراحة لما فكرت لاقيت ان الموبايلات دى مش لازم تكون غــالية و ان فى حاجات اهم بصراحة , لان الفشخرة على الفاضي وحشة .

امبارح شفت موبايل k 900 عجبنى بصراحة .

صوته حلو + اوبشن ممتاز + تليفزيون بجودة رائعة + راديو ..

+ اهم ميزة انه بيشغل خـطين فى وقت واحد بدون ما تقفل التليفون و دى ميزة كويسة لانى ناوى ان شاء الله اجيب خط اتصالات اجربه .

و سعر التليفون رخيص و صناعته كورى مش صينى .

هو عيبه ان الكاميرا مش حلوة و مش بيدخل على النت .

فــــــــايه رايكم يا جماعة فى التليفون ده ؟؟؟

اجيبه و أطمن و لا اختار حاجة تانية . و شكرا مقدما .

[M.Osman]

بص يا باشا..
انا معرفش في الموبايلات مجهولة الهوية دي (الكوري و الصيني اللي مش من ماركات معروفة)

لكن اللى اعرفه انهم مش بيكونوا كاتبين اي معلومات عن الـSAR value اللى هي كمية الإشعاعات اللى طالعة من الموبايل و اللى هي قونوناً متحددة بـ2 كأقصى حد (مش فاكر التمييز)

فالأفضل تشوف تليفون كويس من ماركة معروفة حفاظاً على صحتك و دي اهم حاجة ..

في موبيلات من سامسونج بتشغل خطين في نفس الوقت(لكن معرفش السعر الحقيقة):
Phone Finder results - GSMArena.com

[abo_hosni]

ٌٍِSAR value مين بس، هو احنا بيهمنا الحاجات دي؟

الموبايلات الصيني انتشرت جداً و من أهم الأسباب رخص السعر، الصوت العالي و أنها بتشغل خطين. و مؤخراً بقى فيها شوية إضافات مفيدة في السوفت وير.
من جهة الكاميرا هي مالهاش لازمة. النت متوفر في بعض الأجهزة و هو بيدخل بس محتاج ضبط إعدادات يدوي و برضه مالوش لازمة (المتصفح الأصلي عقيم و الجهاز لا يقبل برامج جافا)

لكن رأيي أنك تشوف محدد ميزانية قد إيه للموبايل و تشوف المتوفر في المحلات في الحدود دي و تقول ايه اللي عجبك و نختار مع بعض، قبل ما تشتري الصيني

[Lord_Fouad]

واحد تاجر و مستورد موبايلات قاللي ان نسبة الاشعاعات اللي خارجة من الموبايلات الصيني و الكوري مجهولة الهوية دي بتكون 14 مرة زي الموبايلات الملتزمة بمعايير الاشعاعات العالمية زي نوكيا و سامسونج و سوني اريكسون

[hossam_elwani]

k900 صينى مش كورى سيبك من اشتغلات اصحاب المحلات

[homme49]

إدخل على موقع www.gsmarena.com و أبحث عن مواصفات و خصائص هذا الموبايل و أراء من إستخدموه قبل ذلك حتى تحصل على معلومات وافيه عنه

[aliabutaleb]

هو عيبه ان الكاميرا مش حلوة و مش بيدخل على النت .

فــــــــايه رايكم يا جماعة فى التليفون ده ؟؟؟

اجيبه و أطمن و لا اختار حاجة تانية . و شكرا مقدما .

أظن الكاميرا اللي مش حلوة وعدم دخوله نت دول مهمين جداً لناس كتير
بس أهم حاجة ليك انت مهمين ولا لأ؟
انت بس اللي تقدر تحدد

[SeiffoZ]

خليك فى المضمون و ريح بالك

[Terrible_DaRsH]

متشكر جدا يا جماعة , بس انا كده هشيل فكرته من دماغى .

هى الحكاية ان واحد اعرفه اشتراه و انا شفته و لاقيته جيد .

و بصراحة انا كنت عايز بس اشترى موبايل عملى يعنى فيه كل المميزات و سعره معقول ( زى الاجانب ) .

كده بقي هفكر فى ال 5610 و n95 8g ...

طبعا الفرق بينهم كبير لكن انا شايف ان ال 5610 هيلبي كل احتياجاتى و زيادة فمش لازم ال n95 8g ..

هل فى موبايل احسن من ال 5610 فى الامكانيات و نفس السعر ؟؟

[SeiffoZ]

و بصراحة انا كنت عايز بس اشترى موبايل عملى يعنى فيه كل المميزات و سعره معقول ( زى الاجانب ) .

و إنتى ناسى حاجة .... جودة كويسة!

[أحمد كمال]

قول لي ال Budget بتاعتك كام للموضوع ده طيب و انا اقول لك تخليك في ايه

[Terrible_DaRsH]

و إنتى ناسى حاجة .... جودة كويسة!

ما الجودة من المميزات اللى انا عايزها طبعا , علشان كده سالتكم عن الموبايل الصينى ده علشان اشوف جودته و لا يطلع اى كلام .

قول لي ال budget بتاعتك كام للموضوع ده طيب و انا اقول لك تخليك في ايه

فى حدود ال 1650 ج ان شاء الله .

[أحمد كمال]

ما الجودة من المميزات اللى انا عايزها طبعا , علشان كده سالتكم عن الموبايل الصينى ده علشان اشوف جودته و لا يطلع اى كلام .


فى حدود ال 1650 ج ان شاء الله .

ممكن تجيب حاجة نوكيا معقولة

[Terrible_DaRsH]

انا دلوقتى محتار بين موبايلين لانى استبعدت ال N95 8G ..



أو





انا ناوى ان شاء الله على ال 5610 , و ممكن اصبر شوية و اجيب N 97 من السعودية .

انا بصراحة مش قادر اصبر ده غير ان ال 97 حجمه كبير جدا و فشخرة برده .

انتوا ايه رايــــــــكم ؟؟

[Hacker5]

كنت عايز اعرف سعر نوكيا n95 مستعمل يعمل كام؟
سواء معاه مشتملاته او لاء
انا لقيت الاسعار تتراوح ما بين 850 لحد 1200