ايه يابشر اللى بيحصل ده

[sherif222]

يا خسارة .. عمرنا ما حننصلح ولا حنتقدم ولا ربنا حيباركلنا أبدا .. وتلاحظوا حاجة غريبة اننا كلنا بنقول كده والبلد كلها بايظة مش عارف مين الصح ومين الغلط ؟؟!!

[magyver]

بجد مش هاقول اكتر من ربنا يخرجنا منها علي خييير

[ALshahba]

يااااااااااااااااارب

[Ghost2]

وهيفضل حالنا وحال بلدنا كده ( لا يغير الله ما بقوم حتى يغيروا ما بانفسهم)
(انما الامم الاخلاق مابقيت فان هم ذهبت اخلاقهم ذهبوا )

[D . a .\ AYMAN]

ربنا ينتقم منه ... في زيه كتير ... وتقريبا مافيش حد مننا غير لما سمع عن حكاية زي دي مختلفة عن التانية ومافيش أي تبرير للى عمله مهما كان محتاج

بس ليا تعليق صغير على كلامك .... وهو إن خروج الدم ليس من المفطرات ... عدا دم الحيض فقط ...

[ehabbasha30]

"من كان منكم بلا خطيئة فليرمها بحجر"

((من راى منكم منكرا فليغيرة بيدة فان لم يستطع فبلسانة فان لم يستطع فبقلبة وهذا اضعف الايمان))
صدق رسول الله صلى الله علية وسلم

[damasry]

حصلت قبل كده مع اختي كانت راجعة من الشغل وبتعدي شارع القصر العيني قدام البيت لقت واحد ماشي علي رجليه قرب منها وخطف الشنطة بس هيا مسكت فيها جامد وقعدت تصوت لحد ما قطع الشنطة وخادها وجري بس الناس كانت اتلمت وجريوا وراه وكان فيه دورية شرطة طاردته ومسكوه.
اختي كلمتنا ونزلنا ليها لاقيناه ولد صغير مش كبير بتاع اعدادي او ثانوي، طبعا بتاع الدورية عايز يروح القسم يعمل محضر، لحد كده كويس لكن الاقي اختي تقولي ده مش هوه التاني شاب كبير وكان لابس لبس تاني، نيجي نقول للظابط قعد يشكك فيها ويقولها انت اكيد متلخبطة وهو كان بيجري في الشارع وهو بعد ما اجري وراه واجيبه تقولي مش هو!! لازم نروح القسم ونعمل محضر وكدا
اختي صممت انه مش هو وحتي لو كانت شاكة فيه يبقي حرام تظلمه وهي مش متأكده، طبعا الظابط سمع الكلام ده و وشوا جاب الوان وماكنش طايقنا خالص بس نزل الواد بيقولوا بطاقتك فين يقولوا انا لسه صغير مش عندي بطاقة يقوم مديله علي قفاه ويقلوا يعني ايه مش معاك بطاقة انت شاكلك كبير، الواد طلع كارنيه نادي المعادي واداله كارنيه ال british council قام الظابط مش عرف يقرا الكارنيه عشان بالانجليزي وكان عايز يرميه ومصمم ان الواد كبير وبيكدب، المهم طلع ساكن في دجلة المعادي وكان عند جدته ونازل الشارع عادي وكان بيجري شوية لقي الناس والظابط بيجروا وراط وبيضربوه ومش عارف فيه ايه.
قام سابه بعد ما احنا رفضنا اللي الظابط كان عايز يعمله ورحنا القسم وطبعا الباشا ولا جاب سيرة عن اللي عمله وقال ان المتهم تمكن من الهرب.

ادي الامن لما بيكون موجود بيعمل ايه، مش بيتحرا الدقة خالص وبيكابر عشان مش يطلع غلطان. اللي عجبني ان الولد ولا عيط ولا اي حاجة والظابط بيضربه وكان متماسك وبيشرح هو كان بيجري ليه.

بس الحق يتقال برده لاقينا معاملة كويسة في القسم اثناء عمل المحضر وبعدين المباحث جابتلها دفترين كبار مليانين صور وصمموا انها تشوف الصور عسي انها تلاقيه منهم، بس للأسف مش عرفت لآنها ركزت بس علي كان لابس ايه مش وشه.

[evoo90]

ربنا ينتقم منه ... في زيه كتير ... وتقريبا مافيش حد مننا غير لما سمع عن حكاية زي دي مختلفة عن التانية ومافيش أي تبرير للى عمله مهما كان محتاج

بس ليا تعليق صغير على كلامك .... وهو إن خروج الدم ليس من المفطرات ... عدا دم الحيض فقط ...

والله ما اعرف هما قالولها خدى افطرى بقى وادولها مهدئ وميه بسكر وعصير

[أبو إياد]

[b]ديما بلاحظ ان السرقة بتكتر قبل رمضان والعيد
ايه السبب
حد عارف
[/b]

واحد صاحبى قبل رمضان بيومين اتنين بس ايوه يومين راح يفتح محل ملابس بتاعه لم يجد سوى جهاز التكييف والمانيكان والمكتب فقط لاغير

وبالتحقيق من رجال الشرطه للبواب واهالى المنطقه اكتشفوا ان السرقه تمت الساعه 8 صباحا عن طريق عربيه فان واللى شافوا السارق مجاش فى بالهم انها عمليه سرقه

[horas3000]

و الله عال
يعني كلكم مغلطين الراجل و محدش لام الست مع ان الغلط راكبها من ساسها لراسها. هي ازاي تنزل من بيتها و هي مش لابسه الخوذة الواقية و الدرع الواقي من الرصاص و اكيد طبعا كانت لابسه في رجليها جزمة عادية او شبشب. هي فاكره نفسها فين

حسبنا الله و نعم الوكيل
رايحة فين يا مصر

[mahfouz1983]

مهو يا جماعه لازم نبص ايه الي خلي الشخص دا يعمل كدا السبب الاساسي هو ضيق ذات اليد وصعوبة المعيشه والغلاء الي احنا فيه زود الفوارق الاجتماعيه بين النا الفقير يعمل ايه علر راي بوحه في الفيلم احنا بقينا في مزرطة الخلاط الناس ببطحن في بعض ولا عزاء لمصر

[ehabbasha30]

و الله عال
يعني كلكم مغلطين الراجل و محدش لام الست مع ان الغلط راكبها من ساسها لراسها. هي ازاي تنزل من بيتها و هي مش لابسه الخوذة الواقية و الدرع الواقي من الرصاص و اكيد طبعا كانت لابسه في رجليها جزمة عادية او شبشب. هي فاكره نفسها فين

حسبنا الله و نعم الوكيل
رايحة فين يا مصر

مكانتش عاملة للشنطة حزام امان

افضل حاجة من وجهة نظرى تجنب السير منفردا على قدر الامكان
على الاقل اتنين او تلاتة مع بعض
مستحيل اى حرامى يجازف بالموضوع دة