إيه علاقة رمضان و الصيام باللي بيحصل ده؟

[OlaOsman]

هو ليه في رمضان بالنهار الناس جالها حالة هبل في السواقة؟ ليه كتر الكسر ع الناس و طبيعي إني ألاقي حد داخل ببوز عربيته في باب عربيتي؟ ليه طول ما انا ماشية، خصوصا و انا راجعة من الشغل عمالة أعلق في الكلاكس للناس المستغبية؟

انا عارفة ان هو ده الطبيعي في الشارع المصري.. إنما في رمضان بصراحة الوضع زاااااااااايد عن حده كتير. بس برضه مش فاهمة.. ايه علاقة رمضان و الصيام بالهبل ده؟ حد عنده تفسير؟

[remomemo]

عادى يا علا انا هاقولك الوجه الاخر للعملة
انا سواقة سايقة فيها (انا مبتدئة فسواقتى زفت )
هما نوعين عافية
والنوع التانى
انا

الجهل
للاسف فيه رجالة موش راضية تعترف اناه بتسوق بهبل
فاتستعبط
بصى كويس على اللى بيعمل الحركات دى تلاقيه واثق زيادة اوى من نفسه
لانه يا حرام فى حالة انكار لسوء مستوواه فى السواقى
او عارف بس الامور خرجت عن السيطرة
زى العبد لله

[M.Osman]

معنديش غير :

شوية فرافير مش عارفين يمسكوا اعصابهم/ او مش متربين من الأساس و عاملين الصيام حجة للغباء

[OlaOsman]

لأ و الأكادة بأه (حلوة الأكادة دي؟) إن ماحدش بيتعتذر.. يعني يكسر علية و لما اعلق له الكلاكس ألاقيه عدل نفسه و مشي و لا كإن. لأ و كمان ممكن تلاقي حد مش عاجبه و بيشوح لك مثلا. لسه يوم الأربع اللي فات على كوبري مايو و عند الفتحة بتاعة منزل الزمالك واحد جاي من أقصى الشمال عايز ينزل النزلة دي.. و انا طبعا ماشية على طول.. ماشي يا سيدي، مع إنه مش صح انك تيجي من أقصى الشمال عشان تنزل نزلة أقصى اليمين، بس الأصول انك تدي إشارة و تبدأ تاخد يمينك بأدب. اللي حصل انه مش مدي أي إشارات و كاسر يمينه بغباء مش طبيعي، و لما عربيتي و عربيته عملوا مسطرة حرف t، بس شرطة الt مايلة شوية، طبعا علقت له الكلاكس فمش عاجبه و عمال يشوح لي ما معناه إجري يا بت إلعبي بعيد

البطولة بأه في كل اللي حاصل ده هو إن الواحد يحافظ على صيامه وسط كل ده

[EslaM_NagY]

معلق ايدى امبارح دقيتين متوااااااااااااصل فى قفا تاكسى ماشى على 20 فى شارع حارة واحدة وبعد ما عديتو والله ما هان عليه يبص على البنى آدم الى خرك ودن الشارع كله (انا)


دا مالو يعنى ؟؟ ولا العربية صايمة هى كمان مش قادرة تمشى ؟؟؟؟؟؟؟؟؟؟؟؟؟؟؟؟؟

[icehearted girl]

علا,,,اللهم إنك صايمة


وكما قال المصريين: يلا يا ابله مشي حالك الدنيا صياااااااااااااام

وكأ الصيام دا شماعة نعلق عليها قلة الادب وسوء المعاملة والتكاسل

تروحي للموظف تلاقيه نايم علي مكتبه

معلش اصله صايم

تلاقي الناس سايقة برجلها

ويقلولك مستعجلين معلش الدنيا صيام

ايام الرسول كان الناس بتحارب وهي صايمة

مش بتاخده مبرر لانحطاط الاخلاق

[M.Osman]

ايام الرسول كان الناس بتحارب وهي صايمة

و أيام اكتوبر 73 كمان
فرق كبييييييييير!

[ams]

(حلوة الأكادة دي؟) إ

ههههههههههههه
حلوه قوى

[magyver]

هو دة الجهل بعيينة

[Karim_Mohy]

الفووووووووووول عامل شغل.......بس الناس طول حياتها بتاكل فول برضو يباه الغلط فين؟؟؟؟
يمكن عشان تم تغيير ميعاد (ضرب) طبق الفول من الصبح في الايام العادية لبليل في رمضان فابيصحوا كده!!! .........

[أحمد كمال]

اللي صايم صايم لربنا

محدش صايم لينا

مش طايق نفسك ولع في نفسك بجاز او خد اجازة من شغلك طول رمضان على حسابك و اترزع اقعد في بيتكم .... طبعا الكلام للبهوات المتعبين المذكورين اعلاه (سواقة عدوانية, سلوك عدواني في الشغل .....ألخ)

بس تقعد تقرف في خلق الله و الحجة الصيام ..... حرام عليك

[OlaOsman]

انا بقيت احس الناس كلها تحولت لأستاذ سيبني في حالي الدنيا صيام

[أحمد كمال]

انا بقيت احس الناس كلها تحولت لأستاذ سيبني في حالي الدنيا صيام

للأسف :(

[M.ABDEEN]

فعلا رمضان قمة الاستفزاز في سواقة البشر المصريين
وطبعا ما تنسوش النظرات اللي بتطلع من عينيهم تحس ان في سهام قاتلة او صواريخ عايزة تدمرك او تطلع تجري بدل ما مازنجر او افرودييت يطلعوا صواريخ من بتوعهم

[أحمد كمال]

بدل ما مازنجر او افرودييت يطلعوا صواريخ من بتوعهم

هههههههههههههههههههههههههههههههههههههههههههههههههه ههههههههههههههه