موقف شفته امبارح

[Medo007]

السلام عليكم ورحمة الله

امبارح وانا داخل القاهرة قبل الفطار من شبرا
لقيت افيو جاية مستعجلة وراه الديوان تقريبا وعدى قدامي وعند المؤسسة كده ناس كتير بتعدي
خبط واحدة طيبرها قدامه كذا متر

مش عاوز اقولكوا عالمنظر ربنا ما يكتبها على حد
البنت في لحظات مش ثواني كانت جايبة كمية دم كبيرة جدا منين الله اعلم كلها دم
الراجل نزل وطلع قدام كذه متر يعني خبطها وطيرها قدام شوية
طبعا اكبر غلط اللى معاها قاعدين يصوتوا صويت خرم ودانا
غلط اوى عشان ممكن يوهموها وممكن تموت من الخضة والله
انا وقفت جنب الافيو وشالوها وحطوها في العربية وهي معدية من جنبي كانت قاعدة تبص لى كده وهي مبرقة جااااامد
تقريبا اعصابها تعبت وعنيها فاضلة مبرقة وماشية معاهم ومسندنها والضربة جاية في سنانها طالعة
بس الناس كانت بتتصرف تصرف صح ركبوها مع الراجل وطلعوا على المستشفى جري
مش خناقات بقى ويمسكوا في اللى خبطها ويضيعوا وقت


انا عاوز اطلع من الموضوع ده بـــــــ سؤال واحد
ليه يا جماعة انتو متصربعين اوى كده؟؟؟
بحس ان الناس قبل الفطار بيتسابقوا
وبعدين انا كنت ماشي بسرعة والله
يعني داخل عالمؤسسة وماشي على 80 مستعجل برده وده غلط وده جاى يقلب نور وبيعدي ماشي كام 100 عالاقل
وفي الاخر خبط البنت
المفروض انا داخل حتة فيها زحمة وناس بتنتحر(بتعدى) يبقى اهدى
عموما بعد الموقف ده انا بعد كده في اي زحمة ههدي
وربـــــــــــنا يــــــستـــــر طـــــريقنا جميعا يارب
ويرجعنا كلنا سالمين غانمين
سواء ناس بتعدى ناس في العربية
ناس في مكان
والسلام عليكم

[MoToRiZeR]

better late than never !

مثل لا يؤمن به المصريون .

[A.Saad]

better late than never !

مثل لا يؤمن به المصريون .

هما ماسمعوش بيه اصلا

[MoToRiZeR]

العجلة من الشيطان

إجري يا إبن أدم جري الوحوش غير رزقك لم تحوش

في التأني السلامة و في العجلة الندامة

انا بتكلم عالمبدأ نفسه مش المثل تحديداَ .

[tutankhamoun]

هو اللي مضيعنا هنا و مسبب أكبر عدد من الحوادث
السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة السرعة

و دائما و أبدا العجلة من الشيطان ............ و في العجلة الندامة ,,,,,,, و دي كانت شوية أمثال بلدي بيقولها أجدادنا زمان

بس الناس اليومين دول ميعروفوش حاجة عن الصبر ........

ربنا يستر طريقك يا ميدو و يا موتوريزر و كل مصري هادئ في سواقته و الباقيين ربنا يهديهم ......... و يارب البنت دي تقوم بالسلامة بدون مشاكل و ربنا يشفيها
و يشفي عقول السواقين المصريين .

[A.Saad]

العجلة من الشيطان

إجري يا إبن أدم جري الوحوش غير رزقك لم تحوش

في التأني السلامة و في العجلة الندامة

انا بتكلم عالمبدأ نفسه مش المثل تحديداَ .

ما هو لو مسمعش المثل ده او غيره
يبقى هيتعلم منين المبدأ

[x_gomgom]

هو الصراحه انا شفت اخو المنظر دا بس النسخه العكس...
قبل الفطار عندنا في الشارع (جسر السويس- منشيه البكري) في شباب جزاهم الله خيرا بيوزعوا عصير و ما الي ذلك على اللي بيعدي في الشارع ساعه الفطار...
لحد هنا كويس جدا... الغلط فين؟؟
الاخ اللي بيوزع دا عشان يوقف الناس بيعمل ايه؟؟ بيرمي نفسه على العريبه عشان يوقفها!!!!! وطبعا كما ذكرت الناس بتجري ساعه الفطار و النتيجه الطبيعيه ان احدهم اتخبط و اتكسر و برضه زعلان....
الناس بقت لاغيه حته التفكير و مش متوقعه انها لو اتخبطت هتموت!!!!
ربنا يحفظنا جميعا

[Medo007]

هو الصراحه انا شفت اخو المنظر دا بس النسخه العكس...
قبل الفطار عندنا في الشارع (جسر السويس- منشيه البكري) في شباب جزاهم الله خيرا بيوزعوا عصير و ما الي ذلك على اللي بيعدي في الشارع ساعه الفطار...
لحد هنا كويس جدا... الغلط فين؟؟
الاخ اللي بيوزع دا عشان يوقف الناس بيعمل ايه؟؟ بيرمي نفسه على العريبه عشان يوقفها!!!!! وطبعا كما ذكرت الناس بتجري ساعه الفطار و النتيجه الطبيعيه ان احدهم اتخبط و اتكسر و برضه زعلان....
الناس بقت لاغيه حته التفكير و مش متوقعه انها لو اتخبطت هتموت!!!!
ربنا يحفظنا جميعا

والله شفناهم امبارح وقلنا ده ممكن يعملوا حوادث لا قدر الله
ممكن يطلعوا وعربيات توقف فجاة ويلبسوا في بعض او ممكن يتخبط
وفعلا اديك قلت اهو
هو ليه الاجر وكتر خيره بس لاضرر ولا ضرار ميعرضش نفسه للخطر

[Abo_Lina]

هوا طبعا الشعب كله بقى ناس مهمة و وقتها من دهب و مش عاوزين يتأخروا على الصفقات اللي وراهم ..

بلا نيلة

[شاهين - بنز]

هو صحيح ممكن الست إللي إتخبطت تكون غللطانة وبتعدي الشارع بقفاها كمعظم الشعب المصري لكن ميمنعش إن بتاع الأفيو غلطان برضو ولازم يحسب أخطاء الغير وبستفزني أوي أوي موضوع العربيات إللي بتجري قبل الفطار طز في الفطار إللي حيموته ويموت الناس

[x_gomgom]

هو مش عمليه مين اللي غلطان و مين اللي معاه حق.....
الاهمال وصل لدرجه بقت الناس بتستهتر حتى بنفسها و اروحها.....
اللي سايق طاير و مش فارقه معاه يعمل حادثه لا قدر الله يموت فيها او يكون السبب في وفاه شخص و تيتيم اولاد ...
و اللي بيعدي الشارع بيعدي و معتقد ان كل السواقين لو داسوا فرامل هيقفوا مكانهم و كمان في ناس بتعدي كإن في موكب رئاسي معدي مش فارق معاه ايه يحصل و ان الناس كلها لازم توسعله...
ربنا يسترها علينا يا جماعه

[most_wanted]

ممكن بتاع الافيو ميكنش غلطان شئ طبيعي لما يكون الطريق فاضي الواحد بزود السرعه شويه وبعدين هي شايفه عربيه جاييه طيرها عليها بتعدي قدامها ليه ..........انا اتحطيت في الموقف ده كتيير اوووي ابقي ماشي علي 90 والاقي واحد بيعدي ومش باصص اصلا علي الطريق او ميديله ضهره .... والي تلاقيه بيعدي عند نزله كوبري او علي طريق سريع وفيه كوبري مشاه تلاقيه برده بيعدي من الطريق فاكر لما يعدي من قدام عربيه وتخبطه هيموت شهيد
.....الاهمال يا اساتذه بقي في الناس مش الي سايق............

[M.Mosaad]

المشكله ان في ناس كتير بتجري بغشامه يعني فاكر ان الجري ضغط علي البنزين وخلاص المفروض لما تكون داخل منطقه و مقلق حد يعدي فجاة يعني تبقي بلمس رجلك علي الفرامل يعني مش بنزين و خلاص يعني طالما العريه جابت 90 في منطقه كدة لازم الواحد يكون ملمس الفرامل بتاعته علشان يلحق نفسة لما يلاقي حد نازل ينتحر ويقدر يلم العريه كويس
وكمان موضوع التجاوز دة ليه قوانين يعني مش تجاوز و خلاص لازم ابقي شايف الناحه اللي بتجاوز فيها او حتي لما تبقيعاوز تعمل غرزة و تخرج من واحد ماشي نايم انك لازم تبقي شايف ايه اللي بعدة علشان متفجاشي ان فيه عربيه واقفه عطلانه ولا حاجة لان بصراحه برضة في ناس سواقتها تموت الواحد يبقي الطرريق قصادة فاضي وماشي ببطء ينرفز
وعلي اكتوبر علطول تلاقي عربيتين ماشيين جنب بعض ببطء شديدددددددددددددددددد و مش عاوزين يعدوا حدا و لما تكلكس يحس انك بتشتمه مش عارف ليه و واحد تاني يمشي في نص الكوبري واخد حارتين يعني
يعني في ناس بتسوق بغشامه و برضة ناس بتعدي بغشامه ناس كتير دايما تقولي ان العريه هي اللي تقف عدي الشارع ملاكش دعوة العربيه اللي تقف وناس بعدي في اشارات مفتوحه اكن عيب ان الواحد يستني الاشاة تقف
الموضوع دة عايز كتاب علشان نوصف المصريين في المواقف دي سواء اللي بيسوق واللي ماشي علي رجله

[Medo007]

المشكله ان في ناس كتير بتجري بغشامه يعني فاكر ان الجري ضغط علي البنزين وخلاص المفروض لما تكون داخل منطقه و مقلق حد يعدي فجاة يعني تبقي بلمس رجلك علي الفرامل يعني مش بنزين و خلاص يعني طالما العريه جابت 90 في منطقه كدة لازم الواحد يكون ملمس الفرامل بتاعته علشان يلحق نفسة لما يلاقي حد نازل ينتحر ويقدر يلم العريه كويس
وكمان موضوع التجاوز دة ليه قوانين يعني مش تجاوز و خلاص لازم ابقي شايف الناحه اللي بتجاوز فيها او حتي لما تبقيعاوز تعمل غرزة و تخرج من واحد ماشي نايم انك لازم تبقي شايف ايه اللي بعدة علشان متفجاشي ان فيه عربيه واقفه عطلانه ولا حاجة لان بصراحه برضة في ناس سواقتها تموت الواحد يبقي الطرريق قصادة فاضي وماشي ببطء ينرفز
وعلي اكتوبر علطول تلاقي عربيتين ماشيين جنب بعض ببطء شديدددددددددددددددددد و مش عاوزين يعدوا حدا و لما تكلكس يحس انك بتشتمه مش عارف ليه و واحد تاني يمشي في نص الكوبري واخد حارتين يعني
يعني في ناس بتسوق بغشامه و برضة ناس بتعدي بغشامه ناس كتير دايما تقولي ان العريه هي اللي تقف عدي الشارع ملاكش دعوة العربيه اللي تقف وناس بعدي في اشارات مفتوحه اكن عيب ان الواحد يستني الاشاة تقف
الموضوع دة عايز كتاب علشان نوصف المصريين في المواقف دي سواء اللي بيسوق واللي ماشي علي رجله

+11111111111

[Medo007]

ممكن بتاع الافيو ميكنش غلطان شئ طبيعي لما يكون الطريق فاضي الواحد بزود السرعه شويه وبعدين هي شايفه عربيه جاييه طيرها عليها بتعدي قدامها ليه ..........انا اتحطيت في الموقف ده كتيير اوووي ابقي ماشي علي 90 والاقي واحد بيعدي ومش باصص اصلا علي الطريق او ميديله ضهره .... والي تلاقيه بيعدي عند نزله كوبري او علي طريق سريع وفيه كوبري مشاه تلاقيه برده بيعدي من الطريق فاكر لما يعدي من قدام عربيه وتخبطه هيموت شهيد
.....الاهمال يا اساتذه بقي في الناس مش الي سايق............

معاك حق الاهمال في الناس اللى ماشية مش اللى سايقة فعلا
بس المفروض ناخد بالنا بقى