هدى عبد المنعم (المرأة الحديدية) رجعت ليه؟

[أحمد كمال]

هاتجنن و افهم

هي الست دي عبيطة؟ دي مخها يوزن بلدين مش بلد

و اقروا تاريخها و شوفوا

ما علينا .....


نفسي حد يفهمني هي رجعت ليه؟ فاكراهم هبل هنا؟ ماظنش

فاكرة انها هتخش و تخرج تاني و تعيش براحتها؟ ماعتقدش

ضميرها صحي و عايزة ترجع تقضي بقية عمرها و تموت في السجن؟ محدش عاقل يعمل كده في نفسه

ليه؟؟؟؟؟؟؟؟؟


علامة استفهام كبيرة جدا



ملحوظة: يا ريت النقاش ما يخرجش عن حدود قوانين المنتدى (بلاش تخبيط في الحلل و انتوا فاهمين قصدي)

[KSA2011]

انا مش متابع اوى بس من يومين قريت انه فيه قضيه من قضاياها رقمها متغير وبالتالى اخدت براءه فيها
فيه شخصيات مهمه اتكتب فى الجرايد القوميه وزير بس ما قالوش مين سابق مضى ليها على تجديد الجواز بتاعها
بس رجعت ليه برضه ما اقدرش افيد او افتى لانى ما اعرفش تفاصيل الى هى عملته

[M.Osman]

كل اللي اعرفه عم الموضوع دا اني كنت شايف كاريكاتير عز بيسمع الخبر "عودة المرأة الحديدية" فبيقول ازاي في حديد يدخل من غير اذني ؟؟

[eslamrace]

ممكن معلومات عن الموضوع ده لانى معنديش معلومات عنها او عن قصتها

[NFS]

ممكن معلومات عن الموضوع ده لانى معنديش معلومات عنها او عن قصتها

ظ‡ط¯ظ‰ ط¹ط¨ط¯ ط§ظ„ظ…ظ†ط¹ظ… - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„طط±ط©

[dr.nemo]

ممكن احط كام سيناريو للموضوع:

1. انها عاملة عملة بره فهربت قبل محد يعرف ويكشفها
2. عاملة اتفاق مع حد يخلصلها هنا(سمعت ان فيه محامي كبير في القضية ووعدها بالبراءة)
3. ممكن تكون حاسة بقرب أجلها وعاوزة تموت في بلدها
4. وده احتمال ضعيف .... جاية تعمل نصباية جديدة (تسترزق) .... وبتفكر تهرب تاني

[Ahmed A Rahman]

انا حاسس ان الموضوع نفسي بحت

يعني الست دي لقت ادامها فرصة للسرقة (ده لو فرضنا انها سرقت وهربت لاني مش عارف الموضوع من الاول ومش عارف اتهم حد )

المهم انها هربت خوفا من الحبس ومعاها اد اللي معايا بتاع عشرين مرة (الا صحيح هي هربت بكام؟؟؟!!!)

راحت لقت بلد غير بلدها وناس غير اللي اتعودت عليهم
انا عن نفسي اتغربت ولو تعرف شعور الواحد وهو بعيد عن بلده بيكون عامل ايه رغم اني اول مرة كنت اشوف العز بره (باكل فراخ كل يوم)

بس انت بره مش بتحن للبلد على اساس ان البلد هما الوزرا ولا اصحاب البنوك ولا الناس الاغنيا

لأ انت بتحن لبتاع الفول اللي على اول شارعكو اللي ريحته بتشمها مش شقتك

بحتن لبتاع البصل اللي عمال يغني وهو بينده على البصل بتاعه

بتحن انك تشتري كوز درة وتاكله والراجل يضحك عليك باضعاف ثمنه

الحاجات دي فعلا رغم انها تبان مضحكة الا ان اللي اتغرب يحسها

وفعلا المكان الوحيد اللي حسيت فيه اني ممكن اموت فيه ومرجعش بلدي كان المدينة المنورة

غير كده حتعمل ايه بالفلوس اللي عندها لو جالها اكتئاب مثلا؟؟؟؟

الاكتئاب ممكن يخليها يجيلها ميول انتحارية وتتمنى الموت فقالت اتحبس واموت في السجن في بلدي احسن ما اموت هنا مالقيش حد يصلي عليا (وده نمط تفكير اي ست مصرية عدت الخمسين بالمناسبة)
المهم انها راجعة بمزاجها

يعني في الآخر زي دكاتره النفسية ما بيقولوا دوافع اي انسان هي Pain or Gain

تبقى هي يا جايه خايفه من حاجه برا يا راجعة راغبة في حاجه هنا

[mahmoud_magdy]

الموضوع غريب بصراحه
الموضوع فيه حاجه غلط
زي كتير من المواضيع اللي بتكون قدامنا على الساحه
وبتكون غامضه وبعد كدا تتفك عقدتها
عموما
ياخبر بكره بفلوس !!!

[TaoTao]

طب وأشرف السعد اللي شكله بيمهد الطريق بقاله فترة؟ الموضوع غريب على رأيك

هو الريان فين؟؟

[eslamrace]

ظ‡ط¯ظ‰ ط¹ط¨ط¯ ط§ظ„ظ…ظ†ط¹ظ… - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط.ط±ط©

مشكووور جدا على ردك

[أحمد كمال]

ممكن احط كام سيناريو للموضوع:

1. انها عاملة عملة بره فهربت قبل محد يعرف ويكشفها

مافتكرش و حتى لو كده ما أكيد هنسلمها انت عارف .....

2. عاملة اتفاق مع حد يخلصلها هنا(سمعت ان فيه محامي كبير في القضية ووعدها بالبراءة)

ممكن

3. ممكن تكون حاسة بقرب أجلها وعاوزة تموت في بلدها

طيب تموت في السجن؟؟؟؟؟؟

4. وده احتمال ضعيف .... جاية تعمل نصباية جديدة (تسترزق) .... وبتفكر تهرب تاني

صعب جدا زي ما انت قلت

[Dr Zezo]

احتمالين في دماغي

الاول : قضاياه اسقطت بالتقادم عدا بعضها و تلك سيتم التصالح فيها بعد سداد المديونيات

الثاني : تطمينات تم اعطاءها للمراة الحديدية بالرجوع و تسوية ما مضي وبدأ عصر جديد عصر رجال المال و السيطرة المطلقة

وممكن يخلوها وزيرة علي الاقل هي عندها خبرة!!!

[egyptianmafia]

she said she paid 500,000,000 to the banks

she PAID HALF A BILLION!!!!!!!!!!!!!!!!!!!!!!!!!!!!!!!

then how much money does she still have???!!!!!!!!!


she said that she paid the half billion when she was in the prison cell and all the media was filming her....

[aliabutaleb]

احتمالين في دماغي

الاول : قضاياه اسقطت بالتقادم عدا بعضها و تلك سيتم التصالح فيها بعد سداد المديونيات

الثاني : تطمينات تم اعطاءها للمراة الحديدية بالرجوع و تسوية ما مضي وبدأ عصر جديد عصر رجال المال و السيطرة المطلقة

وممكن يخلوها وزيرة علي الاقل هي عندها خبرة!!!

هي فعلاً كل قضاياها سقطت بالتقادم
وده اللي هي قالته في التحقيقات
إنها مش عليها ولا مليم لحد
وان كل قضايا التزوير والشيكات بدون رصيد اللي عددها كان معدي 25 قضية سفطت بالتقادم لمرور 20 سنة عليها
يعني هي لقت الدار أمان قالت ترجع
ولو على الشيكات دي، مرور 22 سنة على هروبها أكيد خللى أصولها كلها زادت أضعاف مضاعفة وتقدر تسدد كل الشيكات زي ما لكح عمل بالظبط
والملحوظ انها اتقبض عليها في المطار بعد ما لقوها على قوائم ترقب الوصول بالصدفة
لانها كانت راجعة بجواز السفر بتاعها على عكس لما هربت كانت معاها جواز سفر زوجة حارس العقار بتاعها
بعد القبض عليها بيومين اتحدد معاد محاكمتها
والمحكمة هاتطلعها براءة في كل التهم لمرور العشرين سنة ويا دار ما دخلك شر

[Dr Zezo]

هي فعلاً كل قضاياها سقطت بالتقادم
وده اللي هي قالته في التحقيقات
إنها مش عليها ولا مليم لحد
وان كل قضايا التزوير والشيكات بدون رصيد اللي عددها كان معدي 25 قضية سفطت بالتقادم لمرور 20 سنة عليها
يعني هي لقت الدار أمان قالت ترجع
ولو على الشيكات دي، مرور 22 سنة على هروبها أكيد خللى أصولها كلها زادت أضعاف مضاعفة وتقدر تسدد كل الشيكات زي ما لكح عمل بالظبط
والملحوظ انها اتقبض عليها في المطار بعد ما لقوها على قوائم ترقب الوصول بالصدفة
لانها كانت راجعة بجواز السفر بتاعها على عكس لما هربت كانت معاها جواز سفر زوجة حارس العقار بتاعها
بعد القبض عليها بيومين اتحدد معاد محاكمتها
والمحكمة هاتطلعها براءة في كل التهم لمرور العشرين سنة ويا دار ما دخلك شر

تمام كده

الحمدلله

حضرتك طمنتني ...

الشلة - اقصد البلد- محتاج جهودها و خبرتها في المرحلة القادمة