عكنن علي مراتي ولك تحياتي!!!

[ahmed azab]

10 طرق للعكننه على مراتك وهــى :-

1_ الصبح وانت رايح على شغلك وهى نايمة تعمد اسقاط اى شيئ او خبط على الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قالها طالما صحيتى حضري الفطار بقى..

2_ اذا كنت بتتفرج على التلفزيون وهى عايزة تغير القناة 00 قولها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كله 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قولها معلش ثوانى بقى انا حاسس ان الكورة دى هاتيجى جون حتى لو كان حارس المرمى هو اللى ماسك الكورة والماتش واقف علشان فى واحد من اللعيبه مصاب
( ملاحظة : اغلب النساء ذو ثقافة كروية ضعيفة )

3_ اصحا يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

4_ فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 30 سنة بس ؟ اتحجج بان الاضاءه ضعيفه فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة ..

5_ لو عاملة ريجيم اجرى على السوبر ماركت ومحلات الحلويات وامله التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها .. و شوفها هاتعمل ايه ..

6_ متنساش رأيك فى طبيخها لو عاملة لحمة قولها حلو اوووى الفراخ دى 00ولو طبخة بامية 00قولها جميلة اوى الملوخية دي ياحياتي انتى حطة عليها اية ؟؟ ولو عملة كيكة قولها انا بحب اشرب الشاى مع البسكويت الحلو دة !!

7_ لو طلبت منك تنشر الهدوم قولها حاضر مع ابتسامة حنينه وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ قولها كل هدومها اللى كانت مغسولة مع فردة شرابواحده بس من بتوعك علشان متبقاش مقصودة منك !..

8_ لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية .. بجد دى هاتموت من الغيظ

9_ لو كانت مشغولة فى نظافة البيت او مع الاولاد وطلبت منك تغسل كوبيتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهى مكسورة واسألها فى براءة ارمى دى فين يا حياتى ؟؟

10_ وانت قاعد بتتفرج على التلفزيون وهى طالع عينها فى تنظيف البيت اول لما تخلص وتيجى علشان تقعد تستريح جنبك بصلها وقولها حبيبتى معلش ممكن كوباية مية علشان ضهرى بيوجعنى ..

ملحوظة:- :?
(دون ادني مسؤلية علي المنتدي) :-)

[abo3bdolrahman]

واضح إنك سعيد جدا فى الزواج :lol: :lol:

[fahd_628]

:mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen:

[modux]

واضح إنك سعيد جدا فى الزواج :lol: :lol:

+1

[Ahmed Hassan]

يا فندم المفروض محدش يلعب مع الآسد... كده انته هتضيع مستقبلك... ابعد عن الشر و غنيله :D

[abo3bdolrahman]

إيه يا أبو حميد واضح إن السعداء كثيييييييييييييييييييييييييير اليومين دول ;)
:shock: :D

[Ahmed Hassan]

إيه يا أبو حميد واضح إن السعداء كثيييييييييييييييييييييييييير اليومين دول ;)
:shock: :D

مش اليومين دول و بس.. طول عمرهم كتير.. بس هنعمل ايه.. شر لابد منه.. خلينا ساكتين :?

[hazem_khidr]

و اعكنن عليها ليه ؟؟؟؟
ما الطيب احسن :roll: :roll: :roll:

[Ahmed Samy]

و هو انت فاكرها هاتسكتلك
لكل فخ رد فخ
ولو كانت مراتك مش هاترد عليك بعد كل ده يبقى دي ست تبوس راسها
و بلاش تلعب بالنار :shock: :-?

[Akram]

لو كل زوج بيعكنن على زوجته و هي كمان هتعكنن عليه, دي متبقاش عيشة ,
ربنا بيقول في كتابه الكريم:
(وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إلَيْهَا وَجَعَلَ بَيْنَكُم مَّوَدَّةً وَرَحْمَةً إنَّ فِي ذَلِكَ لآيَاتٍ لِّقَوْمٍ يَتَفَكَّرُونَ)

[m_aash]

ما الطيب أحسن وخلى الزوجات يعيشوا علشان إحنا نعيش :mrgreen: :mrgreen:
على رأى طلعت زكريا فى فيلم التجربة الدانماركية لما عرف إن عادل إمام وزير ... قاللو " عيش يا باشا وسيبنى أعيش " :lol: :lol: :lol: :lol:

[tarekkasaby]

على رأى طلعت زكريا فى فيلم التجربة الدانماركية لما عرف إن عادل إمام وزير ... قاللو " عيش يا باشا وسيبنى أعيش "

:mrgreen: :mrgreen: :mrgreen:

[Abu Aly]

و ليه كل ده ؟؟ .. لا يفل الحديد الا الحديد ... هاتلها ضره و ااقعد انت ملك زى الحاج متولى ... :lol: :lol:

[analyzer]

حد يقف اما القطر

[Abu Aly]

لو كل زوج بيعكنن على زوجته و هي كمان هتعكنن عليه

المشكلة انك ممكن تبقى معاها اخر حلاوه و هى برضه تعكنن عليك .... ده مزاج و " جينات " حريمى متأصله :lol: :lol: