قمار لعبة الحياة

[KSA2011]

بقالى كام يوم بسمع عن برنامج Deal Or No Deal على قناه الحياه
والناس متابعاه اوى
وبتستناه
قلت اشوفه واشوف فيه ايه
لقيته ما هو الا برنامج مقامره كله قمار فى قمار
مش عارف ازاى الناس تسمح لنفسها انها تتفرج على حاجه زى كده !!
انا مدايق اوى
وعايز انام

[aif]

هو ده بس اللي قمار
مسابقات 0900 اللي مالية الدنيا كلها قمار ..... مش انا اللي باقول ....دي فتوى من اهل الفتوى
والمهزلة الكبرى انهم بيعملوها في مسائل دينية .... يعني السؤال بيبقى ف القرآن والسنة .... والجايزة عمرة او حج ...... وكله قمار × قمار وكله عارف كدة
حسبي الله ونعم الوكيل
ربنا يرحمنا

[M.Osman]

حضرتك.. هي جت على دي؟؟
التليفيزيون اصبح مليان فعلا زي ما الأخ Aif قال

و اللى يزعل اكتر لما تلاقي فعلاً ناس طالعة عمرة و حج كجوائز من المسابقات دي ... !!
(هي الناس مبتفهمش ؟ ولا بستهبل ؟ ولا طالعين حج عشان يقولوا احنا حجينا ؟؟ )

[Terrible_DaRsH]

ما لو ماكنش فى متخلفين فى البلد دى و ناس هبلة , ماكنتش المسابقات دى انتشرت ..

[abzoabzo]

ما لو ماكنش فى متخلفين فى البلد دى و ناس هبلة , ماكنتش المسابقات دى انتشرت ..

مسابقات موجهة للفهلوة وشعب مانتخ ومش بتاع شغل

[mmahdi]

قلة الدين في المجتمع تعمل اكتر من كده

[A.Saad]

Deal Or No Deal

عارفين معناها ايه
معناها اوزع ولا لا
يوزع ايه
ورق الكوتشينة اللى بيلعبوا بيه
وماحدش ييجى فى باله حاجة وحشة احنا فى رمضان

[KSA2011]

معاكم حق
عارفين انا شفت حلقتين من البرنامج ده وابصم ب ال 10 انه البرنامج ده تمثيل فى تمثيل وكل الى بييجوا فيه ممثلين وكلها حركات وساسبنس مش ممكن عمره ما يبقى واقعى
ربنا يستر

[aliabutaleb]

تدوينة حلوة عن البرنامج لرسام الكاريكاتير والكاتب الساخر أشرف حمدي

[Busquets]

انا بتفرج عليه عشان اشوف الناس بتخسر

بستغرب لما بلاقى الست الكبيرة تبكى و الراجل المحترم يلطم؟ طيب على ايه؟ امال لو كان دا مالك وضاع منك؟ دا انت بتجرب حظك على العموم عندنا فى الدين طالما المال اتى من غير تعب فـ هو لا يليق بس بردو الواحد بيتفرج عشان يضحك شوية

شئ تانى مستغربه كيف تجدهم يقبلون بعض ويحضن كل منهم الأخر؟ على اى اساس؟ البرنامج ماكملش 10 ايام ؟ ازاى عرفوا بعض بالسرعة دى :) ممكن يكون محبين بس بصراحة عمرى ما صادفت ناس بهذه السرعة تعشق بعض وتبكى على بعض وكأنه اخوها فعلاً لو هى فعلاً محبه ربنا يكبرها فى قلبهم لو مش محبه فـ ربنا يسامحهم