انقذوا مريم

[محمد محمد]

انا عايز اعرف التفاصيل يعنى ايه الراجل كلامه مريب وازاى بيتاجر بمرض بنته .
هو ظاهر الرجل انه محتاج وبنته فعلا مريضة .
انا بصراحة مش عارف اقول ليه الواحد مننا يقول يتبرع بنفسه عشان يضمن الحاجة توصل لمستحقيها الصح اللي يتعمل بعد كده ان التبرعات تروح لأهل الأختصاص الجمعيات الخيرية وهم بيوصلوها بطريقتهم .

[mxz911]

مش فاهم يعنى معقول الاب يكون بياخد الفلوس لحساب نفسه ومش بيدفعها فى علاج بنته ؟؟

طيب مامت البنت ؟؟ ملهاش دور فى الموضوع ؟؟

يا جماعه لو الموضوع كده الراجل ده لازم يتسجن.. دى جريمه اللى عملها دى !! .. وحسبى الله ونعم الوكيل لو كان كده فعلا

يا جماعه ارجوا انكم متسيبوش الموضوع يعدى كده وتحاولوا تعرفوا بالتفصيل هل هوه فعلا بيتاجر ببنته ولا لا ؟؟

[dr-mohamed]

انا عايز اعرف التفاصيل يعنى ايه الراجل كلامه مريب وازاى بيتاجر بمرض بنته .
هو ظاهر الرجل انه محتاج وبنته فعلا مريضة .
انا بصراحة مش عارف اقول ليه الواحد مننا يقول يتبرع بنفسه عشان يضمن الحاجة توصل لمستحقيها الصح اللي يتعمل بعد كده ان التبرعات تروح لأهل الأختصاص الجمعيات الخيرية وهم بيوصلوها بطريقتهم .

اخي ابو الوليد والله ولا انا كمان عارف ازاي اب يقدر يعمل كدة ومهموش غير جمع المال وبنته مريضة
لكن للاسف انا اتفاعلت مع الموضوع زي الكل هنا وانا اللى نشرته وطلبت من الاخ كريم يعمل اعلان عنه واستجاب مشكورا وبدون دفع تمن الاعلان لكن والله فعلا الراجل مريب بشكل غير طبيعي لدرجة انه اتصل بيا وطلب مني اشيل رقم الحساب اللى بيتم التبرع عليه بحجة ان الاموال العامة وامن الدولة بيتحروا عن الحساب علشان بيجمع تبرعات بدون ترخيص معلش انا لو اب وبنتي مريضة كدة مش هيهمني اي مخلوق
وللصدفة بعد ما قابلت ابو البنت واديته مبلغ من المال وانا ماشي بفكر لقيت كل حاجة مش مريحة وكلمت في لحظتها اخونا محمد البحاري صاب مشروع المصحف في رمضان لانى قابلته وعارفه وشرحت له الموضوع وقلت له انا مديتش الراجل كل الفلوس اللى كنت ناوي اديها له وخايف اكون ظلمته وخايف يكون بينصب قالى حطها في اي وجه من اوجه الخير والحمد لله حصل وراحت مستشفي 57357

[dr-mohamed]

مش فاهم يعنى معقول الاب يكون بياخد الفلوس لحساب نفسه ومش بيدفعها فى علاج بنته ؟؟

طيب مامت البنت ؟؟ ملهاش دور فى الموضوع ؟؟

يا جماعه لو الموضوع كده الراجل ده لازم يتسجن.. دى جريمه اللى عملها دى !! .. وحسبى الله ونعم الوكيل لو كان كده فعلا

يا جماعه ارجوا انكم متسيبوش الموضوع يعدى كده وتحاولوا تعرفوا بالتفصيل هل هوه فعلا بيتاجر ببنته ولا لا ؟؟

والله ما حد عارف هو بيعمل او هايعمل بيها ايه

ومامت البنت لما احد الاخوات كلمتها وحاولت تفهم منها الام قالت ان فيه مشكلات بينها وبين الاب وحوارات ولف ودوران بشكل غير طبيعي
يقولي شيل رقم الحساب علشان الاموال العامة وامن الدولة بيتحروا عنه وبعدين يرجع يقول لناس تانية محصلش
الاهرام نشرت الموضوع 4 مرات وبغض النظر عن الفبركة اللى حصلت فيه او طريقة نشره الراجل مقالش كلمة شكر واحدة فيهم

والله ما حد عارف الحقيقة فين
لكن في النهاية كل حاجة بقت غير مريحة فالاضمن ان الواحد يتبرع لناس يكون متاكد فعلا من حالتهم او لجمعيات خيرية معروفة ومحترمة والحمد لله انا جزء اديته لناس في البلد والدي عارف حالتهم كويس جدا وجزء تاني اديته لمستشفي سرطان الاطفال غير اللى اديته للاب الله يسامحه لو كان هيصرفه على علاج البنت ولا يسامحه اذا كان هيصرفه في اي حاجة تانية

[محمد محمد]

اخي ابو الوليد والله ولا انا كمان عارف ازاي اب يقدر يعمل كدة ومهموش غير جمع المال وبنته مريضة
لكن للاسف انا اتفاعلت مع الموضوع زي الكل هنا وانا اللى نشرته وطلبت من الاخ كريم يعمل اعلان عنه واستجاب مشكورا وبدون دفع تمن الاعلان لكن والله فعلا الراجل مريب بشكل غير طبيعي لدرجة انه اتصل بيا وطلب مني اشيل رقم الحساب اللى بيتم التبرع عليه بحجة ان الاموال العامة وامن الدولة بيتحروا عن الحساب علشان بيجمع تبرعات بدون ترخيص معلش انا لو اب وبنتي مريضة كدة مش هيهمني اي مخلوق
وللصدفة بعد ما قابلت ابو البنت واديته مبلغ من المال وانا ماشي بفكر لقيت كل حاجة مش مريحة وكلمت في لحظتها اخونا محمد البحاري صاب مشروع المصحف في رمضان لانى قابلته وعارفه وشرحت له الموضوع وقلت له انا مديتش الراجل كل الفلوس اللى كنت ناوي اديها له وخايف اكون ظلمته وخايف يكون بينصب قالى حطها في اي وجه من اوجه الخير والحمد لله حصل وراحت مستشفي 57357

انا اخر مرة كلمته وانا ببعنله حوالة قالي انه ذهب بالبنت للسفارة ومستني التأشيرة طب مش معني كده انه هو بيصرف فعلا ومحتاج للفلوس ولا قصد حضرتك في كلامه المريب انه بيبالغ مثلا ويهول في الموضوع وبيحط الفلوس في جيبه.

[dr-mohamed]

انا اخر مرة كلمته وانا ببعنله حوالة قالي انه ذهب بالبنت للسفارة ومستني التأشيرة طب مش معني كده انه هو بيصرف فعلا ومحتاج للفلوس ولا قصد حضرتك في كلامه المريب انه بيبالغ مثلا ويهول في الموضوع وبيحط الفلوس في جيبه.

اخي ابو الوليد الراجل ابو البنت اتنشر له الموضوع في الاهرام عن طريق واحد قريبه والبنت فعلا مريضة في عينيها واخونا كريم احضر عن طريق احد اخواتنا في الموقع هنا 2 اساتذة على استعداد لعلاجها بالمجان فرفض
واخ صاحب موقع مملكة تاميكوم طلب من الاب الاوراق الاصلية علشان يجيب علاج للبنت في دبي بالمجان وبردو الاب رفض واخت في موقع تالت قالت على علاج في كلية العلاج الطبيعي وبردو رفض
وكل مرة حجته انه مش عايز يجرب مع حد تاني
طب نخلي الدكاترة يشوفوها ويكشفوا عليها بردو لا
واتصل بيا وقالي شيل رقم الحساب علشان الاموال العامة بتراقبه ولما ناس تانية سالته قال محصلش
كل الىل عايزه فلوس وبس
يا ابو الوليد معظمنا اولياء امور وعندنا اولاد وعارفين لما بيبقي العيل مريض بنعمل ايه بنبقي هانتجنن اي دكتور موافقين اى علاج يا ريت وبنلف وندوخ علشان ولادنا يقوم اب يرفض كل المساعدات الطبية والعلاج في دبي مكانش هيكلفه اي مليم كله على حساب مشروع خيري هناك ويقول لا ادوني فلوس وخلاص

يبقي ايه ؟؟؟؟؟؟؟؟؟؟؟؟
تشك ولا لا ؟؟؟؟؟؟؟؟؟؟

[hesham22822]

يارحم الراحمين اشفيها ياكريم

[محمد محمد]

اخي ابو الوليد الراجل ابو البنت اتنشر له الموضوع في الاهرام عن طريق واحد قريبه والبنت فعلا مريضة في عينيها واخونا كريم احضر عن طريق احد اخواتنا في الموقع هنا 2 اساتذة على استعداد لعلاجها بالمجان فرفض
واخ صاحب موقع مملكة تاميكوم طلب من الاب الاوراق الاصلية علشان يجيب علاج للبنت في دبي بالمجان وبردو الاب رفض واخت في موقع تالت قالت على علاج في كلية العلاج الطبيعي وبردو رفض
وكل مرة حجته انه مش عايز يجرب مع حد تاني
طب نخلي الدكاترة يشوفوها ويكشفوا عليها بردو لا
واتصل بيا وقالي شيل رقم الحساب علشان الاموال العامة بتراقبه ولما ناس تانية سالته قال محصلش
كل الىل عايزه فلوس وبس
يا ابو الوليد معظمنا اولياء امور وعندنا اولاد وعارفين لما بيبقي العيل مريض بنعمل ايه بنبقي هانتجنن اي دكتور موافقين اى علاج يا ريت وبنلف وندوخ علشان ولادنا يقوم اب يرفض كل المساعدات الطبية والعلاج في دبي مكانش هيكلفه اي مليم كله على حساب مشروع خيري هناك ويقول لا ادوني فلوس وخلاص

يبقي ايه ؟؟؟؟؟؟؟؟؟؟؟؟
تشك ولا لا ؟؟؟؟؟؟؟؟؟؟

الف شكر علي التوضيح وكده الصورة وضحت بس لو حتي هو بيظن ان العلاج علي يد اجانب افضل ازاى هيقدر يرد كل اللي هو استدان بيه وهو عنده فرصة ببلاش وفي بلد عربي فعلا حاجة تدعو للشك .
وعلي فكرة انا لسة متجوزتش لسة بدرس بس لية اخت سنها مقارب لسن مريم عندها 7 سنوات واسمها مريم برده وده من الأسباب اللي خلت قلبي يرق للموضوع.

[elreshy]

الحمد لله والصلاة والسلام على رسول الله صلى الله عليه وسلم
انصح الجميع واولهم نفسى بصلاة ركعتين فى جوف الليل بنية قضاء الحاجة وشفاء مريم
ويا ريت صاحب الموضوع يطمنا على حالتها

[a77med]

اللهم اشيفها يارب وزول عنها اى الم تتئلمة فا انت السميع العليم

[dr-mohamed]

الف شكر علي التوضيح وكده الصورة وضحت بس لو حتي هو بيظن ان العلاج علي يد اجانب افضل ازاى هيقدر يرد كل اللي هو استدان بيه وهو عنده فرصة ببلاش وفي بلد عربي فعلا حاجة تدعو للشك .
وعلي فكرة انا لسة متجوزتش لسة بدرس بس لية اخت سنها مقارب لسن مريم عندها 7 سنوات واسمها مريم برده وده من الأسباب اللي خلت قلبي يرق للموضوع.

ربنا يرزقك يا ابو الوليد بالزوجة الصالحة والذرية الصالحة ويرزقك من حيث لا تحتسب
وفعلا ابو البنت الله يهديه امره كله مريب بشكل عجيب
وفعلا حصل على مبالغ كبيرة من التبرعات الله يهديه ويصرفها على علاج البنت يا رب ويشفيها
انا بقة متجوز وعندي بنوتة في نفس سنها اخونا محمد البحاري الاسكندراني شافها وبنوتين تانيين

لما تتجوز هاتحس ان اجمل حاجة في الدنيا كلها هم الاولاد ربنا يخليهم يا رب لكل الناس ويشفي اي مريض وكل مريض يا رب

[walidezedan]

ربنا معاكوا ومعاها ويعنكوا يا يارب ويشفيهالكوا قادر يا كريم

[pop3]

لا حول ولا قوة إلا بالله العلي العظيم

تصفحت الموضوع كله و قرأته كلمه كلمه, وخاصة إني عندي بنت و إسمها مريم , تفاعلت جدا جدا مع الموضوع والله إن تمالكت نفسي بس لأني أجلس بمكتبي ولست وحدي, ولكن بعد ماخلصت قرآءة الموضوع حسيت كأني زي قطعة الحديد عندما يحمها بها على النار ثم يغمس بها في الماء البارد, وتحول كل الحزن و الشعور بحتمية المساعده إلي غضب عارم من بني آدم تجرد من كل معني ووصف ممكن أن يتصف به أب لأبنته المريضه. بجد مش عارف أقول ايه غير حسبي الله هو ولينا و مولانا وهو أرحم الراحمين .

وبجد تحيه صادقه لصاحب الموضوع وأنا حاسس بيه وبالموقف ده لكنك أنت وبقية الأخوه من أعضاء المنتدي الأكتر من محترمين أدام الله الخير في قلويهم و بيوتهم و على رأسهم أستاذ كريم إجتمعتم على فعل الخير ابتغاء وجه الله وحده و إن الله لا يضيع أجر من أحسن عملا.

[dr-mohamed]

ربنا يخلي لك مريم يا بوب
انا كمان عندي مريم عندها 7 شهور بس مجرمة من يومها بفكر ابقي اقدمها لها في مدرسة المافيا انترناشيونال سكول
وكريم منير بيثبت فعلا انه يوم بعد يوم انسان محترم جدا فوق الوصف مش زي ناس تانية كتير هو عارفهم كويس وربنا يقويه عليهم

[محمد محمد]

ربنا يخلي لك مريم يا بوب
انا كمان عندي مريم عندها 7 شهور بس مجرمة من يومها بفكر ابقي اقدمها لها في مدرسة المافيا انترناشيونال سكول

قشطة هاتها لمريم اختي(مديرة المدرسة) وفي خلال سنتين تستلم سفاحة اطفال وشهادتنا معتمدة من abo za3bal international و tora united groub واسأل علينا كرومبو.