متابعة ميارة الجزائر و زامبيا

[M.ABDEEN]

دخلنا نفسنا في حسابات برما واحن اللي نستاهل وممكن العملية تخلص في زامبيا وزامبيا تفوز علينا هناك لانه فريق كويس ومتعاون وكان يستحق الفوز امبارح ...........
وعلشان نبقى نتشملل ونعمل فيلم العالمي ونسحق الجزائيريون هيبقى منظرنا وحش قوي ..........ومنتخب بياخد كاس القارة مرتين وراء بعض ومش عارف يروح كاس العالم انما فالحين نعمل اعلانات الشاي والمحمول والمشروبات الغازية ونقول هانوصل كاس العالم ....بصراحة كل ماتش تشكيل غريب ولاعبيين اغرب ولو بشكل روندا كده قدام زامبيا ياريت نفتح المدافن من دلوقتي

[M.ABDEEN]

دلوقت الجزائر ليها 6 وعليها 1
ومصر ليها 6 وعليها 4
لو الجزائر فازت على رواندا 4-0 مثلا
يبقى الجزائر ليها 10 وعليها 1
ومصر تفوز على زامبيا 2-0
وتفوز على الجزائر 3-0
يبقى مصر ليها 11 وعليها 4
يبقى ليها 7 اجوان
والجزائر ليها 10 وعليها 4
يبقى ليها 6 اجوان

يبقى مصر تصعد

واخيرا ___ المتفائلين بيشجعوا مصر واحنا معاهم

طبعا ده كله احلام

انت متفائل قوي يا هندسة عايزين معجزة

[KSA2011]

يا جماعة طظ في الكورة والله اللي ضايقني اني دخلت (بكل براءة) منتدى خاص بكرة القدم عشان بس اعرف النتيجة ومعنديش عضوية في المنتدى ده على فكرة المهم لقيتلك كمية ردح وشتيمة وتريقة وقلة ادب وشتيمة في مصر المصريين مش بس من الجزائر لكن من السوريين كمان وبتوع الاردن ولا الفلسطينيين اللي بيقولوا انهم هايشجعوا الجزائر لأنهم فريق الشرفاء وناس كتير اوي
احنا ليه الناس بتكرهنا كده
انا والله على ما اقول شهيد قلت ربنا يوفق الجزائر واكيد هانشجعها بحرارة في كأس العالم بس لقيت الموضوع عند الأخوة في الجزائر واصل للشتيمة بالأعراض وعمل كاريكاتيرات وصوور مسيئة مضحكة فقلت حسبي الله ونعم الوكيل
احساس سيئ اوي لما تحس ان كل الناس بتكرهك في الدنيا رغم ان محدش فيهم يقدر ينكر فضل مصر (بتاعة زمااااان) على معظم الدول العربية

يا باشا ده مش جديد وانا قريت زى كده كتير وخصوصا من الفلسطينيين
الجديد دلوقتى السوريين لاننا كنا فى وقت معين تقريبا دولتين زى بعض دلوقتى احنا بقينا اعلى بس مش احسن انا اليومين دول كل ما اشترى حاجه الاقيها صنع فى سوريا
دول يا باشا من الاخر قوم اذا صفعت بالنعال بكت النعال باى ذنب تصفع

[amrico]

يا باشا ده مش جديد وانا قريت زى كده كتير وخصوصا من الفلسطينيين
الجديد دلوقتى السوريين لاننا كنا فى وقت معين تقريبا دولتين زى بعض دلوقتى احنا بقينا اعلى بس مش احسن انا اليومين دول كل ما اشترى حاجه الاقيها صنع فى سوريا
دول يا باشا من الاخر قوم اذا صفعت بالنعال بكت النعال باى ذنب تصفع

ربنا يهدي الجميع من غير نعال

[TaoTao]

الللي عنده 20 سنة ماشافش مصر في كاس العالم، الحمد لله شفنا مصر في كاس العالم وشفنا عدالة السماء بتنزل على استاد باليرمو، ومجدي عبد الغني بيجيب جول في هولندا.

وسنة 2014 وعليكم خير هانقول .. اللي عنده 25 سنة ماشافش مصر في كاس العالم ......

[aif]

احساس سيئ اوي لما تحس ان كل الناس بتكرهك في الدنيا رغم ان محدش فيهم يقدر ينكر فضل مصر (بتاعة زمااااان) على معظم الدول العربية

اعتقد ان احنا المصريين وكتير من تصرفاتنا احد اهم اسباب الكراهية دي
راجع تصرفات الكثير من المصريين ونظرتهم العلوية تجاه معظم العرب واعتقادنا اننا من طينة تانية وانهم شعوب متخلفة وغبية واحنا بس اللي بنفهم وفهلوية .... ليس في الرياضة فحسب لكن في كل شيء .... ح تلاقي ان تصرفهم له اسباب ....وان كان ذلك لا يعتبر مبرر

[MoToRiZeR]

وللأسف احنا دايما مافيش توفيق في كأس العالم .... بنبقى في اسوأ حالاتنا في التصفيات برغم اننا بنلعب في باقي البطولات كويس نسبيا

فعلاَ يا حج أحمد .. ده لأن المنتخب عندنا معندهوش نفس طويل للأسف
يعني ممكن ياخد بطولة 3 أسابيع زي الفل ماتشات ورا بعضها

إنما تصفيات علي سنة .. عمره ما نجح فيها .. و ده لأن كمان اللاعبين عندنا بيعملوا مشاكل و كل ماتش تلاقي إتنين إستبعدوا لسوء السلوك أو مش عايزين ييجوا أصلاَ ! و بعديها بماتشين يرجعوا و إتنين تانيين يمشوا .. من أيام إبراهيم سعيد لحد زيزو و ميدو .

للأسف اللي عنده عشرين سنة مشافش مصر في كأس العالم .. و اللي عنده 30 سنة مشافش غير ...

[amrico]

اعتقد ان احنا المصريين وكتير من تصرفاتنا احد اهم اسباب الكراهية دي
راجع تصرفات الكثير من المصريين ونظرتهم العلوية تجاه معظم العرب واعتقادنا اننا من طينة تانية وانهم شعوب متخلفة وغبية واحنا بس اللي بنفهم وفهلوية .... ليس في الرياضة فحسب لكن في كل شيء .... ح تلاقي ان تصرفهم له اسباب ....وان كان ذلك لا يعتبر مبرر

فعلا السيئ بيغطي على الكويس والنماذج السيئة من المصريين اللي خربوا بيتنا وضيعوا سمعتنا بره كتير للأسف
يا راجل دا لما ليبيا فتحت بالبطاقة الليبيين كانوا هايشحتوا بعد اول 3 ايام
هانقول ايه بس ربنا يهدي

اعتذر للخروج عن سياق الموضوع

[Abo_Lina]

يا جماعة حد شاف ماتش نيجيريا و تونس ?
منتخب تونس ما شاء الله حاجة تفرح لياقة و سرعة و مهارة ..و بصراحة دي الفرق اللي تستاهل تروح كاس العالم ..
عموما هيا الفرصة بقت صعبة بالنسبالنا لسببين..الجزائر مش منتخب ضعيف بالعكس منتخب جيد جدا معاه مدرب محنك..ووضح امبارح انهم مش هايفرطوا في اي نقطة بسهولة..
السبب التاني هو اننا بصراحة وحشين ..و بنلعب ماتش و نهبل عشرة..و بأمانة ماحناش احسن فريق في المجموعة..
أتمنى التصفيات الجاية يكون عندنا مدرب كبير و له شخصية..و يكون برتغالي..و يكون اسمه جوزيه

[Terrible_DaRsH]

كل اللى احنا فيه ده بسبب استهتارنا بالجزائر هناك ..

عموما فى امل لسه , لو الجزائر كسبت رواندا و احن كسبنا زامبيا بنفس النتيجة اللى الجزائر هتكسب بيها .

يبقي فاضل لنا مباراة القاهرة اللى هنقاتلهم فيها ..

و الجزائرين مش هيخرجوا من القاهرة على خير و افتكروا :)

[turboman]

انا هقولكم على السيناريو المتوقع
مصر هتفوز على زامبيا بالقوه وممكن نعمل سكور
والجزاير هتفوز على رواندا فى الجزاير 1 بس بالعافيه
هيقوم يزيد املنا اوى
وخلاص باقى اخر ماتش فى مصر
وخلاص هنفوز و هنكسب 3 او 2 حتى يصعدونا
لكن الفاجعه هتكون فى الماتش ده
والجزاير هتتعادل وتصعد بعد ما يبوظوا الماتش
ودلوقتى تشوفوا
ماتش مصر هو الى هيضيع كل حاجه

والله برافو عليك
اللي انت قولتو ده اللي اتربينا عليه و احنا بنشجع مصر
كاس القارات 1999 ماتش السعودية الشهير
كل تصفيات كاس العالم
كاس القارات الاخير و ماتش امريكا

[OlaOsman]

الللي عنده 20 سنة ماشافش مصر في كاس العالم، الحمد لله شفنا مصر في كاس العالم وشفنا عدالة السماء بتنزل على استاد باليرمو، ومجدي عبد الغني بيجيب جول في هولندا.

وسنة 2014 وعليكم خير هانقول .. اللي عنده 25 سنة ماشافش مصر في كاس العالم ......

لية زميل في الشغل على طول بنتكلم في الكورة و هو مشجع متحمس جدا، هو تقريبا مواليد 1987 و انا ماكنتش مستوعبة أوي التاريخ ده، فباتكلم معاه عن كاس العالم اللي فات و كده و فجأة لقيتي باقول له: محمد، انت مواليد سنة كام؟ قاللي 87، قلت له يعني آخر كاس عالم عدى عليك كان عندك 3 سنين، قاللي آه و لقيته ياعيني متأثر أوي انه مايوعاش على كاس عالم خالص دخلته مصر