رجاء المساعدة في شراء كاميرا ديجيتال

[Abdo_Eldesokey]

عايز أشترى كاميرا ديجيتال تكون في حدود 1000 جنيه

ويفضل Canon أو Sony

يا ريت لو حد عنده فكرة عن الموديلات الكويسة في الرنج ده

وإيه أفضل الأماكن للشراء في القاهرة ؟

[elrasy]

نصيحتى ليك حاول تجيب كاميرا ديجيتال بتتشحن كهربا وليست بطاريات لان موضوع البطاريات دة ممل جداااااااا

اماكن الشراء فى وسط البلد عند العجيل واى مكان فية اجهزة كهربية

[evoo90]

حسب طلبك وامكانياتك

SONY

S750


7.1 ميجا بيكسل
شاشه 2.5" بوصه
زوم x2
زوم بصرى x2
22 ميجا ذاكره داخليه
السعر : 1049
ــــــــــــــــــــــــــــــــ

S730

7.1 ميجا بيكسل
شاشه 2.4" بوصه
شاحن
22 ميجا ذاكره داخليه
زوم x2
زوم بصرى x2
السعر: 869
ـــــــــــــــــــــــــــــــ

S700

7.1 ميجا بيكسل
شاحن
ديجيتال زوم x2.0
زوم بصرى X3.0
شاشه 2.4 بوصه
السعر: 999
ــــــــــــــــــــــــــــــــــ

S650


7.2 ميجا بيكسل
زوم x3.0
شاشه 2.0 بوصه
السعر: 899
ــــــــــــــــــــــــــــــــــــــــــــ


CANON

A 480

10 ميجا بيكسل
التعرف على الوجه
زوم x3.3
ازاله العين الحمراء
شاشه 2.5"
السعر: 999
ــــــــــــــــــــــــــــــــــــــ

A 470

7 ميجا بيكسل
زوم x3
شاشه 2.5 بوصه
السعر: 666
.........................................

واى خدمه انا تحت امرك ياباشا

[Abdo_Eldesokey]

نصيحتى ليك حاول تجيب كاميرا ديجيتال بتتشحن كهربا وليست بطاريات لان موضوع البطاريات دة ممل جداااااااا

اماكن الشراء فى وسط البلد عند العجيل واى مكان فية اجهزة كهربية

طب إيه رأيك في بطاريات Chargeable لأنى بخاف من البطاريات الـ Built-in لأنى ليها عمر افتراضى ؟

[Abdo_Eldesokey]

بجد مش عارف أقلك إيه يا Evoo ... ربنا يجزيك كل الخير

وكل رمضان وانت بألف صحة وسلامة

[elrasy]

طب إيه رأيك في بطاريات chargeable لأنى بخاف من البطاريات الـ built-in لأنى ليها عمر افتراضى ؟

مجربتهاش بس اسالك عليها

[damasry]

طب إيه رأيك في بطاريات Chargeable لأنى بخاف من البطاريات الـ Built-in لأنى ليها عمر افتراضى ؟

فيه كاميرات بتكون ببطاريات chargeable وبتيجي مع الكاميرا وبيجي معاها الشاحن بتاعها ولما عمرها الافتراضي يخلص تجيب غيرها، انا معايا كاميرا olympus والبطارية نفس النظام وبتعقد كتيييير والكاميرا حلوة جدا معايا.

[youssefmustang]

احسن كاميرا سونى طبعا من غير كلام
انزل موس سفنكس او راديو شاك
دول احسن اتنين بيبعو كاميرات
اخوكم يوسف

[mxz911]

حضرتك مش طبعا ان سونى احسن حاجه .. انا كنت شارى A 470 كانون .. كانت بحوالى 850 جنيه ساعتها وهيه 7.1 ميجا بيكسل .. وكنت شارى معاها شاحن وبطاريات Energizer ب 120 جنيه وميمورى 2 جيجا ب 65 جنيه يعنى كلها على بعض ب 1000 وشويه ..

الصراحه الكاميرا كانون الفيرجن ده تفوق على اى سونى ديجيتال كاميرا فى نفس مستوى السعر ونفس الامكانيات .. بجد انا مشوفتش صوره بجوده 7 ميجا بيكسل بكاميرا ديجتال احسن منها وخصوصا انى مسكت نفس سونى اللى ف مستواها وجربتهم لانهم مع ولاد خالتى اللى هما الفئه S ..

وخلى بالك انا بقولك الكلام ده وانا دلوقتى معاى سونى DSC T500 .. 10.1 Mega Pixel .. تاتش سكرين .. وبتصور فيديوهات High Definition
وسعرها حوالى 3000 جنيه ..
انا بقول كده بس عشان حضرتك متفتكرش انى متعصب ل كانون .. وانا مكنتش هغير كاميرا ولا اى حاجه غير عشان كاميرتى نصيبها كان وحش " كنت سايبها مع "فلانه" فى الكليه واحنا بنصور السيمنار بتاع مشروع التخرج .. و رجعت خدت الكاميرا وبعدها اكتشفت انها كل الصور بيطلع فيها خطوط كتير جدا بالعرض لدرجه تبوظ الصوره .. روحت بيها التوكيل قالولى الكاميرا وقعت على shutter وده الجزء القدامانى اللى عامل زى الموتور بيفتح وقت ا لتصوير وكده .. الكلام ده بعد سنه كامله تقريبا من شراء الكاميرا وخلال السنه دى صورت تقريبا اكتر من 10 الالاف صوره وفيديو !
وعوضى على ربنا

حضرتك قارن بنفسك الكاميرات وقبل ما تجيب اى كاميرا خش شوف الناس بتقول عليها ايه ويبقى احسن لو شوفت حد معاه الكاميرا اللى انت هتجيبها بقاله فتره مثلا

[Abdo_Eldesokey]

فيه كاميرات بتكون ببطاريات chargeable وبتيجي مع الكاميرا وبيجي معاها الشاحن بتاعها ولما عمرها الافتراضي يخلص تجيب غيرها، انا معايا كاميرا olympus والبطارية نفس النظام وبتعقد كتيييير والكاميرا حلوة جدا معايا.

ده الي أنا ناوى أعمله إن شاء الله ... ومتشكر جدا ً على ردك

احسن كاميرا سونى طبعا من غير كلام
انزل موس سفنكس او راديو شاك
دول احسن اتنين بيبعو كاميرات
اخوكم يوسف

بس على فكرة أنا متحيز للـ Canon في الطبقة الاقتصادية عن تجربة ... لكن في الاحترفى السونى طبعا ً لا يعلى عليها

حضرتك مش طبعا ان سونى احسن حاجه .. انا كنت شارى A 470 كانون .. كانت بحوالى 850 جنيه ساعتها وهيه 7.1 ميجا بيكسل .. وكنت شارى معاها شاحن وبطاريات Energizer ب 120 جنيه وميمورى 2 جيجا ب 65 جنيه يعنى كلها على بعض ب 1000 وشويه ..

الصراحه الكاميرا كانون الفيرجن ده تفوق على اى سونى ديجيتال كاميرا فى نفس مستوى السعر ونفس الامكانيات .. بجد انا مشوفتش صوره بجوده 7 ميجا بيكسل بكاميرا ديجتال احسن منها وخصوصا انى مسكت نفس سونى اللى ف مستواها وجربتهم لانهم مع ولاد خالتى اللى هما الفئه S ..

وخلى بالك انا بقولك الكلام ده وانا دلوقتى معاى سونى DSC T500 .. 10.1 Mega Pixel .. تاتش سكرين .. وبتصور فيديوهات High Definition
وسعرها حوالى 3000 جنيه ..
انا بقول كده بس عشان حضرتك متفتكرش انى متعصب ل كانون .. وانا مكنتش هغير كاميرا ولا اى حاجه غير عشان كاميرتى نصيبها كان وحش " كنت سايبها مع "فلانه" فى الكليه واحنا بنصور السيمنار بتاع مشروع التخرج .. و رجعت خدت الكاميرا وبعدها اكتشفت انها كل الصور بيطلع فيها خطوط كتير جدا بالعرض لدرجه تبوظ الصوره .. روحت بيها التوكيل قالولى الكاميرا وقعت على shutter وده الجزء القدامانى اللى عامل زى الموتور بيفتح وقت ا لتصوير وكده .. الكلام ده بعد سنه كامله تقريبا من شراء الكاميرا وخلال السنه دى صورت تقريبا اكتر من 10 الالاف صوره وفيديو !
وعوضى على ربنا

حضرتك قارن بنفسك الكاميرات وقبل ما تجيب اى كاميرا خش شوف الناس بتقول عليها ايه ويبقى احسن لو شوفت حد معاه الكاميرا اللى انت هتجيبها بقاله فتره مثلا

الكاميرا الكانون دي فعلا ً كانت مع واحد صاحبى وجربتها لفترة طويلة والكاميرا فعلا ً تحفة في مستوى السعر ده ... وكل الـ Reviews على النت بتشكر فيها ، ما عدا الشكل عشان حجمها كبير

وغالبا ً إن شاء الله أنا استقريت عليها ...

ومتشكر جدا ً يا جماعة لكل الي شارك برأيه

[TheInfernal]

نصيحة سريعة. متشغلش بالك بعدد الميجابكسل لأنك عمليا مش هتحتاج أكتر من خمسة و كل ما الميجابكسل بيكتر طول ما الصورة بتنغمش أكتر. في حاجات أهم بكتير من عدد الميجابكسل أو المواصفات المكتوبة عالكاميرا. الطريقة الوحيدة اللي تعرف بيها جودة الكاميرا هي انك تقرا ريفيوهات عليها عالنت و تشوف صور ناس صوروا بيها على مواقع زي flickr.

[evoo90]

رأيى فى الاحسن والاوحش هو ان اشد كاميرتين استعملتهم فى حياتى النيكون وبعديها الكانون والسونى فى نفس مستوى الكانون
ده رايى حسب استخدامى لكاميرات نيكون وكانون وسونى لأنى كنت مصور فى استيديو وقعدت سنتين ونص اصور بال3 انواع دول
طبعا جربت غيرهم كتييييييييييير وبعت كتير واشتريت كتير بس بصراحه النيكون اشد كاميرات شفتها فى مصر بشرط اصلى مش صينى ولا تقليد ..

[Abdo_Eldesokey]

نصيحة سريعة. متشغلش بالك بعدد الميجابكسل لأنك عمليا مش هتحتاج أكتر من خمسة و كل ما الميجابكسل بيكتر طول ما الصورة بتنغمش أكتر. في حاجات أهم بكتير من عدد الميجابكسل أو المواصفات المكتوبة عالكاميرا. الطريقة الوحيدة اللي تعرف بيها جودة الكاميرا هي انك تقرا ريفيوهات عليها عالنت و تشوف صور ناس صوروا بيها على مواقع زي flickr.

فعلا ً عندك حق ... عمر ما الميجابكسل كانت مقياس ، أهم حاجة نوع العدسة نفسها والمصنع
أنا جربت كاميرا صيني 6 ميجا بكسل .. وسيئة للغاية لدرجة إن أي كاميرا موبايل أحسن منها

رأيى فى الاحسن والاوحش هو ان اشد كاميرتين استعملتهم فى حياتى النيكون وبعديها الكانون والسونى فى نفس مستوى الكانون
ده رايى حسب استخدامى لكاميرات نيكون وكانون وسونى لأنى كنت مصور فى استيديو وقعدت سنتين ونص اصور بال3 انواع دول
طبعا جربت غيرهم كتييييييييييير وبعت كتير واشتريت كتير بس بصراحه النيكون اشد كاميرات شفتها فى مصر بشرط اصلى مش صينى ولا تقليد ..

أكيد في الاستوديوهات فيه كلام تانى في الكاميرات .. بس كله على قد فلوسك .. أنا في مرة شفت كاميرا في راديو شاك كانت بـ 69 ألف جنيه بس الكلام ده من 5 سنين مثلا ً ، ونفسى أعرف الكاميرا دي بتعمل إيه ؟؟

[mxz911]

الكاميرات ال Nikon اللى حضرتك قصدك عليها دى للمصورين المحترفين .. او زى ما تقول حتى مجال شغله بيها .. وهيه بتبدأ من 6000 جنيه .. وتوصل الى 80 الف جنيه ...

بصراحه اكتر ميزه فيها .. بتطلع الالوان مظبوطه بالظبط زى الحقيقه .. الكاميرات اللى مسكتها كلها كانون وسونى وكده بعد ما بصور بجى على الكمبيوتر ببرنامج Microsoft picture manager واعمل Auto correct عشان الالوان تتظبط .. والصراحه البرنامج مقصرش معايه فى معظم الصور بيظبط الالوان والاضاءه .. او ب فوتوشوب مرات لو معرفش يظبطها ...

وتقريبا ارخص فيرجن كويس منها .. ده اللى تقدر تقول يعنى متناول فى يد الشعب او الناس العاديه اللى بتصور تصوير احترافى .. و HDR وتظبيط عدسات بقى يا معلم .. هيه الكاميرا D60 واعتقد سعرها يعمل 6000 جنيه علما اتذكر .. ( مش فاكر بالظبط الصراحه )

ولو عاوز تعرف الكاميرات دى بتصور ايه خد الجروب ده على فيس بوك عامله واحد كان معانا ف الكليه واتخرج واشتغل فى امريكا ماشاء الله عليك

الجروب اهو وفيه اكتر من 500 صوره هو مصورهم :

Mohamed Moshrif Photography | Facebook

وفعلا انا شايف ان كاميرا بجوده 7 ميجا بيكسل تمام اوى فى الصور ..