إعـــــــلان

Collapse

.

,
See more
See less

بلادي بلادي .. أنا نار تحرق أعاديكي انا دمي نيل يرويكي .. دعوة لتنمية الشعور بالوطنية

Collapse
X
 
  • Filter
  • الوقت
  • Show
Clear All
new posts

  • بلادي بلادي .. أنا نار تحرق أعاديكي انا دمي نيل يرويكي .. دعوة لتنمية الشعور بالوطنية


    رائعة عبد الحليم حافظ ... البندقية اتكلمت

    في وسط هذا الكم الغير مسبوق من الحسرة واللامبالاة و عدم الانتماء واليأس والسخط العام
    احيانا بينتابني شعور غريب .... شعور باني محتاج اشعر بحبي لبلدي ولأنتمائي لها برغم عدم رضائي على أحوالها ..... لكني في الآخر باحبها ... شئت أو أبيت
    ......
    الشعور ده مش اول مرة ينتاب الشعب المصري .... فيه فترة كان اليأس مجتاح الناس بشكل اكبر من اللي احنا فيه .... الفترة دي هي فترة ما بعد هزيمة 1967
    كان الناس فاقدين الثقة في كل شيء .....وكان المنظور العام للدنيا اسود حالك ....
    لكن الناس استعادت توازنها .... وبدأت تضحي بكل شيء استعدادا لمعركة الثأر .....وكان فيه مقولة شهيرة ... لا صوت يعلو فوق صوت المعركة
    .....
    من هذه الحقبة العصيبة من تاريخنا الوطني الحافل
    اخترت هذه الاغنية الرائعة ....
    الكلمات مدوية كالرعد ... طلقات رصاص ...كتبها كاتب صحفي رائع اسمه محسن الخياط .... الكلمات نابعة من احساس رجل الشارع
    الالحان للعبقري الفذ ... بليغ حمدي
    والصوت .... عبد الحليم حافظ
    ...
    قبل ما تسمعوها عاوزكم تقرأو الكلمات بتاعتها ..... وتعيشو معاها .... يمكن تخرجنا من الشعور بالاحباط اللي احنا فيه .... ولو لدقائق .... علشان نقدر نعيش

    بكل حبي للحياة ولبلدي.. وبكل بسمة فوق شفايف ولدي
    وبكل شوقي لفجري وشروقي.. وبكل نبض الثورة في عروقي
    جيتلك وانا ضامم جراح الأمس.. حالف لرجعلك عيون الشمس ..... يا بلدي،
    جيش الظلام.. جه يوم ما هاجم فجرنا
    جرح السلام .. زرع الآلام في أرضنا،
    وقلوبنا داست عالجراح.. وحلفنا ما نسيب السلاح،

    إلا ان رجعنا بشمسنا.. وضحك لنا تاني الصباح
    جيتلك وانا ضامم جراح الأمس .. حالف لرجعلك عيون الشمس يا بلدي،
    .........
    سكت الكلام.. والبندقية اتكلمت
    والنار وطلقات البارود.. شدت علي ايدين الجنود.. وابتسمت

    واحنا جنودك يا بلدنا وحبنا،
    ماشيين علي طول الطريق اللي رسمناه كلنا،
    جيتلك وانا ضامم جراح الآمس..
    حالف لرجعلك عيون الشمس، يا بلدي،

    يا شعب يا واقف علي باب النهار
    قربت بصمودك طريق الانتصار،

    وزرعت من تاني الامل في كل دار،
    واتجمعت كل الأيادي.. من كل بيت طلعت تنادي
    بلادي بلادي بلادي .. أنا نار تحرق أعاديكي،

    بلادي بلادي.. أنا دمي نيل يرويكي،
    بلادي بلادي.. من غيري اللي هيفديكي،
    بلادي بلادي.. ها استشهد فدي أراضيكي،
    بلادي بلادي.. ولا عمري أفرط فيكي،

    بلادي بلادي.. وأموت وأنا باهتف بيكي بلادي
    .......


    والله الواحد انتابه شعور غريب من زمان ما حسش بيه

    تصبحو على خير
    [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
    [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
    [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

  • #2
    جزاك الله خيراً......



    أطالب الدعم الفنى بعودة زرار شكراً و تمكين كل عضو من الضغط عليه أكتر من مرة
    [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
    [/CENTER]

    Comment


    • #3
      المشاركة الأصلية كتبت بواسطة aif مشاهدة المشاركة
      في وسط هذا الكم الغير مسبوق من الحسرة واللامبالاة و عدم الانتماء واليأس والسخط العام
      احيانا بينتابني شعور غريب .... شعور باني محتاج اشعر بحبي لبلدي ولأنتمائي لها برغم عدم رضائي على أحوالها ..... لكني في الآخر باحبها ... شئت أو أبيت
      اللامبالاة و عدم الانتماء دي حاجة، و الحسرة واليأس والسخط العام حاجة تانية.

      الأول نتيجة السلبية وعدم الاكتراث بالآخرين
      الثاني نتيجة حب وطن وانتماء لبلاد محطمة.

      لولا اننا نحب مصر، لم نكن لنتحسر على ماضٍ اكتشفنا انه لم يكن بسوء ما ظننا و على مستقبلٍ اكتشفنا انه أسوء بكثير مما تمنينا. ولولا الحسرة ما جاء السخط. ولولا ان سَخطنا لم يأتي بنتيجة، ما جاء يأسُنا.

      المشاركة الأصلية كتبت بواسطة aif مشاهدة المشاركة
      الشعور ده مش اول مرة ينتاب الشعب المصري .... فيه فترة كان اليأس مجتاح الناس بشكل اكبر من اللي احنا فيه .... الفترة دي هي فترة ما بعد هزيمة 1967
      كان الناس فاقدين الثقة في كل شيء .....وكان المنظور العام للدنيا اسود حالك ....
      لكن الناس استعادت توازنها .... وبدأت تضحي بكل شيء استعدادا لمعركة الثأر .....وكان فيه مقولة شهيرة ... لا صوت يعلو فوق صوت المعركة
      يا ريت وضعنا الآن كان ببساطة هزيمة 1967.
      كان عدونا معروف. والطريق للخروج من الهزيمة واضح.
      استنفار الهمم، فبناء الجيش فمحاربة العدو.
      فجاءت الأغنية التي ذكرتها يا حاج أحمد لتنفذ البند الأول من الخطة.

      أما الآن، فعدونا يعيش فينا ومنا والينا.
      طغاةٌ فسدوا في أرضنا. فقرٌ نهش في بطوننا و جهلٌ أكل عقولنا. عطبٌ أصاب قلوبنا.

      كيف تهزم مثل هذا التحالف من الأعداء؟

      بعد 1967، كانت جنود العدو ترتع في جزء صغير من بلادي، أما الآن فخيول الوالي ترتع في جميع ربوع بلادي.

      زي ما أخترت الأغنية دي لتذكرنا بحب الوطن، اسمحلي اختار كام اغنية لتذركنا بآلام الوطن.

      YouTube - ya masry ظٹط§ظ…طµط±ظٹ

      YouTube - ‫ظ‡ط°ط© ط¨ظ„ط§ط¯ ظ„ظ… طھط¹ط¯ ظƒط§ط¨ظ„ط§ط¯ظ‰ - ظپط§ط±ظˆظ‚ ط¬ظˆظٹط¯ط©‬‎

      YouTube - ‫"ط§ظ„ط¹ط§ط´ط±ظ‡ ظ…ط³ط§ط،ظ‹ - ط§ظ„ط´ط§ط¹ط± ط¬ظ…ط§ظ„ ط¨ط®ظٹطھ ظˆ ظ‚طµظٹط¯طھظ‡ ط§ظ„ط¬ط¯ظٹط¯ظ‡ "ظ…ط´ ط¨ط§ظ‚ظٹ ظ…ظ†ظٹ‬‎

      بتأسف يا حاج اني قلبت الموضوع لعكس تماما ما أرادته. بس مش قادر أحب بلدي من غير ما ازعل عليها. وأنت عايزني انسى الزعل شوية. مش قادر!

      Comment


      • #4
        والله انا محترم الرايين بس بجد اللى جرب يتغرب عنها شويه والله يا جماعه حتحس اد ايه ان بلدك غاليه عليك وده معرفتوش غير لما سافرت بالرغم انى بجد متضايق من احوال البلد اللى انا نفسى مجربها وعارف معنى انك يبقى ليك حق ومش قادر تاخده

        بس هنعمل ايه بلدنا الغاليه علينا دعواتكم ارجع لها قريب
        http://store2.up-00.com/2015-11/1448722430351.jpeg[CENTER]my new car [/CENTER]

        Comment


        • #5
          الله الله عليك يا حاج أحمد

          بلدى و بحبها

          انا تاج العلاء قى مفرق الشرق و دراتها فرائد عقدى
          [RIGHT][COLOR=darkgreen]أحمد محمد صبرى[/COLOR][/RIGHT]
          [CENTER][COLOR=darkgreen][SIGPIC][/SIGPIC][/COLOR][/CENTER]
          [CENTER][COLOR=darkgreen][B]يا رب تفهم يا تتح[/B][/COLOR][/CENTER]
          [CENTER][SIZE=3][COLOR=#000000][B]ماشى فى نور الله بدعى و اقول .... يا رب[/B][/COLOR][/SIZE][/CENTER]

          Comment


          • #6
            القهر والانتماء لا يجتمعان
            وخد بقى كتير

            قهر ثقافى \مادى\معنوى\اجتماعى

            Comment


            • #7
              اولا
              انا فرحان انى لاقيت على المنتدى
              و كل عام و انت بخير يا حاج احمد
              و لا تنسانا من صالح الداء, العشر الاواخر على الابواب

              ثانيا
              اغنيه رائعة و تفوق الوصف
              مش عايز اقولك كل ما باسمعها بكون عامل ازاى
              و خاصة المقطع الاخير بتاع بلادى بلادى
              بفضل اغنى معاه بكل حماسه
              -------
              متفق مع مهندس محمد "itsonlyme" فى جزئية
              يا ريت وضعنا الآن كان ببساطة هزيمة 1967.
              كان عدونا معروف. والطريق للخروج من الهزيمة واضح.
              استنفار الهمم، فبناء الجيش فمحاربة العدو.
              ---
              لذا يزداد عندنا الشعور بالحماس و الوطنيه و بعد ما نقفل الكاسيت و نعدى عتبة بيتنا و مع اول شخص نقابله "سايس عسكرى ....."
              يرجع لينا احباط السنين
              معلهش
              [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
              [RIGHT]------------------[/RIGHT]
              [CENTER][COLOR=blue]بسم الله الرحمن الرحيم[/COLOR][/CENTER]
              [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
              [CENTER][COLOR=blue]صدق الله العظيم[/COLOR][/CENTER]
              [CENTER][COLOR=blue]التوبة 105[/COLOR][/CENTER]
              [COLOR=#ff0000][/COLOR]

              Comment


              • #8
                المشاركة الأصلية كتبت بواسطة mtak مشاهدة المشاركة
                اولا
                انا فرحان انى لاقيت على المنتدى
                و كل عام و انت بخير يا حاج احمد
                و لا تنسانا من صالح الداء, العشر الاواخر على الابواب

                ثانيا
                اغنيه رائعة و تفوق الوصف
                مش عايز اقولك كل ما باسمعها بكون عامل ازاى
                و خاصة المقطع الاخير بتاع بلادى بلادى
                بفضل اغنى معاه بكل حماسه
                -------
                متفق مع مهندس محمد "itsonlyme" فى جزئية
                يا ريت وضعنا الآن كان ببساطة هزيمة 1967.
                كان عدونا معروف. والطريق للخروج من الهزيمة واضح.
                استنفار الهمم، فبناء الجيش فمحاربة العدو.
                ---
                لذا يزداد عندنا الشعور بالحماس و الوطنيه و بعد ما نقفل الكاسيت و نعدى عتبة بيتنا و مع اول شخص نقابله "سايس عسكرى ....."
                يرجع لينا احباط السنين
                معلهش
                وانت بالف صحة وسلامة
                انا مش عارف انت عاصرت الفترة بتاعت النكسة ولا لأ ؟؟
                الموضوع مش بسيط زي ما الناس متصورة
                دي كانت نكسة بمعنى الكلمة ....كل شيء كان محطم ..... من اول المطارات والمنشآت العسكرية مرورا بالبنية التحتية .... ووصولا للأهم ..... وهو كرامة الناس اللي كانو طايرين باحلامهم وآمالهم مع حلم الثورة والوحدة والقومية والعزة والكرامة والاستقلال ..... وفجأة سقطو الى حضيض الوحل والهزيمة .... مش بس هزيمة ..... دي كانت مذلة ....... الشعور بالذل والهوان والانكسار بعد العزة والكرامة والكبرياء شيء بشع .... وكان الفارق ربينهم ساعات فقط
                يا راجل دي الطيرارت الاسرائيلية كانت بترتع في سماء بلادنا بدون اي مشاكل وكانت بتصل الى القاهرة .......
                ده مكانش فيه بيت في مصر مافيهوش شهيد او اسير او مفقود او مصاب او معاق من الحرب
                ...
                نكسة 67 اصابت الشعب المصري باحباط و يأس لم يمر به عبر تاريخه .......

                انا معاك اننا في نكسة اخلاقية وضمائرية وسلوكية رهيبة
                لكن اللي خلاني اعمل الموضوع ده واسمع الاغنية الجبارة دي
                ان يبقى عندنا امل ان زي ما تجاوزنا نكسة 67 بكل آلامها و مرارتها ......ممكن برضه نتجاوز نكستنا الحالية ...... احنا شعب بقاله 7000 عايش ودي مش اول مرة نعيش الاحساس باليأس

                ياما دقت ع الراس طبول

                وزي ما عبرنا نكسات ونكسات .... ان شاء الله ح نعبر النفق المظلم اللي احنا فيه دلوقت ..... دائما اكثر الاوقات ظلاما .... بتبقى فبل الفجر
                ...
                [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                Comment


                • #9
                  فيه أغنية تانية لعبد الحليم اللي كان بيقلد فيها ضابط إنجليزي و بيقول : egyptian !!! beat him !!
                  إسمها إيه دي يا جماعة ؟

                  الأغنية دي كانت بتحمسني جداَ .. و انا رغم كل شئ عندي أمل
                  [COLOR="gray"]
                  [CENTER]Leadership is based on inspiration, not domination[/CENTER][/COLOR]

                  Comment


                  • #10
                    اسمها.... زكريات
                    [CENTER][img2]http://www.mekshat.com/pix/upload04/images155/mk93668_1196732795_f.jpg[/img2][/CENTER]

                    Comment


                    • #11
                      والله بحييك على شجاعتك يا عم احمد فى زمن اصبحت فيه الوطنية سذاجة فى نظر الأجيال الجديدة وكفر فى نظر من يريدون للهوية ان تكون دينية فقط

                      انا بقيت اخاف اقول قدام حد انى بحب مصر لأنى مضمنش هو هيقول عليا عبيط وللا زنديق ، فبسكت واقول لنفسى يا واد خلى افكارك الساذجة لنفسك بدل ما تسمع شتميتك بودنك

                      لكنى ما صدقت لقيت حد لسة مقتنع بنفس الهراء اللى انا مصدقه، ان الوطن ده شئ جميل اوى وان حب الوطن والارتباط بيه قيمة غالية زى كل القيم الأخرى

                      انا بحب البلد دى ، بنيلها واهراماتها وكل حسنها، بطينها وزبالتها وغباوه اهلها، برده بحبها
                      [SIZE=5][COLOR=navy]سبعاوى[/COLOR][/SIZE]
                      _______________________________________________

                      Comment


                      • #12
                        انا لم اعاصر النكسه
                        و اكيد اللى عاصر غير اللى سمع غير اللى شارك
                        بس يا حاج احمد ما نريد قوله
                        هو ان زمان كانت الناس كلها نفسها تثأر لهزيمتها و تثأر لكرامتها
                        كان العدو واضح و محدد و عارف هو مين
                        انما دلوقتى
                        ما هى النسبه التى تتوحد فى انها تريد للبلد ان تتقدم
                        و لو قارناها بلانسبة التى تتكنى فوز مصر على الجزائر بقيادة المغوار فاتح الفتوح و راسم البسمه و مفرح الشعب حسن شحاته
                        --
                        لا ادعو لليأس و لكن اخاف من التفاؤل و اتمنى الطموح
                        --------
                        على فكرة يا حاج احمد انت رفعت البلاى ليست مش الاغنيه
                        و ارجو ان تسمح لى بوضع رابط للاغنيه
                        4shared.com - online file sharing and storage - download ط§ظ„ط¨ظ†ط¯ظ‚ظٹط© ط§طھظƒظ„ظ…طھ.mp3
                        -------------------------------------------
                        باشمهندس سبعاوى
                        لا خلاف على حب الوطن
                        حبه بكل ما فيه
                        ---
                        باسلوب شباب اليومين دووول"انا باعتبر نفسى من العواجيز"
                        شباب كتير مخنوق من اهله
                        ابوه
                        امه
                        اخوه
                        بس هل يكرهه
                        هل لو قدر يضره هايعملها
                        -
                        برضه بلدنا بنحبها و مخنوقين بس بننعشقها حتى و احنا جعانيين
                        [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
                        [RIGHT]------------------[/RIGHT]
                        [CENTER][COLOR=blue]بسم الله الرحمن الرحيم[/COLOR][/CENTER]
                        [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
                        [CENTER][COLOR=blue]صدق الله العظيم[/COLOR][/CENTER]
                        [CENTER][COLOR=blue]التوبة 105[/COLOR][/CENTER]
                        [COLOR=#ff0000][/COLOR]

                        Comment


                        • #13
                          المشاركة الأصلية كتبت بواسطة sab3aawy مشاهدة المشاركة
                          والله بحييك على شجاعتك يا عم احمد فى زمن اصبحت فيه الوطنية سذاجة فى نظر الأجيال الجديدة وكفر فى نظر من يريدون للهوية ان تكون دينية فقط

                          انا بقيت اخاف اقول قدام حد انى بحب مصر لأنى مضمنش هو هيقول عليا عبيط وللا زنديق ، فبسكت واقول لنفسى يا واد خلى افكارك الساذجة لنفسك بدل ما تسمع شتميتك بودنك

                          لكنى ما صدقت لقيت حد لسة مقتنع بنفس الهراء اللى انا مصدقه، ان الوطن ده شئ جميل اوى وان حب الوطن والارتباط بيه قيمة غالية زى كل القيم الأخرى

                          انا بحب البلد دى ، بنيلها واهراماتها وكل حسنها، بطينها وزبالتها وغباوه اهلها، برده بحبها
                          يا باشا اللي يعتقد ان الوطنية سذاجة وزندقة ..... سيبه
                          لغاية ما يتغرب ويعيش بره بلده .... وح تلاقيه راجع يبوس تراب بلده ...
                          اما لو ما حسش انه اتغرب وعجبته العيشة برد .... يبقى كل واحد وشوقه .....
                          انا رأيي المتواضع ان اللي مش بيحب بلده كأنه مش بيحب أمه

                          وبأكررها تاني عشان خاطر سبعاوي والحبايب اللي لسة بيحبو الانتماء والوطنية بشكلها الكلاسيكي القديم الجميل اللي عشناه وشربناه واحنا صغيرين ... مع العرقسوس وعصير القصب ومية الزير والقله ... والعيشة البسيطة اللي كنا راضيين بيها وسعداء برغم تواضعها ..... دلوقت بقينا زي الخواجات وكل واحد عنده في التلاجة اكل شهر وبيشكي الفقر ..... ومكتئب وحزين حتى لو عنده اللي يكفيه ويكفي احفاده
                          الفقر والرضا والغنى .... جوا نفوسنا

                          مين غيري اللي ح يفديكي
                          ح استشهد فدى اراضيكي
                          ولا عمري افرط فيكي
                          وح اموت وانا باهتف بيكي
                          يا بلادي

                          المشاركة الأصلية كتبت بواسطة MTAK مشاهدة المشاركة
                          --------
                          على فكرة يا حاج احمد انت رفعت البلاى ليست مش الاغنيه
                          و ارجو ان تسمح لى بوضع رابط للاغنيه
                          4shared.com - online file sharing and storage - download ط§ظ„ط¨ظ†ط¯ظ‚ظٹط© ط§طھظƒظ„ظ…طھ.mp3
                          -------------------------------------------
                          كلامك صحيح وانا اقصد كدة .... لأن رابط الاغنية الصوت فيه سيء جدا وتحس ان واحد غير عبد الحليم هو اللي بيغني كأنه محمد محي او شريف ياني
                          قارن البلاي ليست بالملف التاني وح تشوف الفرق
                          لو حد يعرف رابط تاني غير ال 4shared للاغنية دي ياريت يبعته علشان اسجله عندي
                          انا بقالي 3 ايام باحاول مش لاقي غير البلاي ليست .... هي اللي صوتها كويس
                          [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                          [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                          [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                          Comment


                          • #14
                            انا رأيي المتواضع ان اللي مش بيحب بلده كأنه مش بيحب أمه
                            هو الفكرة ان الواحد بيحب امه عشان امه بتديله و بتراعيه و بتربيه
                            لكن هل الناس هنا شايفة ان مصر بتديلنا حاجة و بتراعينا ؟؟
                            دا الناس شايفة العكس الحقيقة.. الناس شايفة (وانا منهم) ان البلد بتاخد مننا و مش عايزة تدينا حاجة .. غير الإحساس انك مش عارف تاخد حقك.. غير ان البلد محسساك انك عبء عليها .. غير ان البلد مش محسساك انك مهم و انسان له كرامة ...

                            الحقيقة مش عارف اقول اية ولا اية..
                            انا ساخط فعلاً على حال البلد و زهقان بس بحبها و نفسي تتحسن :(

                            Comment


                            • #15
                              المشاركة الأصلية كتبت بواسطة successcre8or مشاهدة المشاركة
                              هو الفكرة ان الواحد بيحب امه عشان امه بتديله و بتراعيه و بتربيه
                              لكن هل الناس هنا شايفة ان مصر بتديلنا حاجة و بتراعينا ؟؟
                              دا الناس شايفة العكس الحقيقة.. الناس شايفة (وانا منهم) ان البلد بتاخد مننا و مش عايزة تدينا حاجة .. غير الإحساس انك مش عارف تاخد حقك.. غير ان البلد محسساك انك عبء عليها .. غير ان البلد مش محسساك انك مهم و انسان له كرامة ...
                              يعني لو واحد امه مش بتراعيه او مش بتديه حاجة
                              او واحد امه وحشة
                              او واحد امه اسوأ امرأة في الكرة الارضية .... وده فرض غير حقيقي
                              ممكن يكون زعلان منها
                              ممكن يكون زعلان عليها
                              ممكن يكون اي حاجة
                              لكن مش ممكن يكون مش بيحبها او بيكرهها
                              ده يبقى غير طبيعي ... يبقى ضد الفطرة
                              ...
                              ده الصوماليين بيحبو الصومال
                              ده اللي من بورما و وسيراليون وبلاد ادغال افريقيا والامازون بيحبو بلادهم
                              احنا بلدنا مصر
                              وكتير غير المصريين بيحبو مصر
                              فيه فرق بين اني احبها واني راضي عن حالها ..... تفرق كتير
                              [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                              [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                              [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                              Comment

                              Working...
                              X