(عااااااااااااجل)عتاب لكل الاسكندرانيه في المنتدي ارجوا دخولكم

[SHNORY]

انا بعمل الموضوع ده اسفا علي التشتت اللي احنا فيه كاسكندرانيه
كل اقسام المنتدي فيها ناس من اسكندريه بس منعرفش بعض
واخويا وصديقي احمد عبد العزيز عامل دعوه للتعارف بين الاسكندرانيه
دعـــــــــــــــــــــــــــــــــوه للتعارف - الاسكندرانيه ...
وما شاء الله واضح من موضوعه ان فيه اسكندرانيه كتير موجودين
ولما كنا بنعمل مقابلات اكبر عدد وصلناله كنا 10 افراد
وبعد كده الاسكندرانيه اختفوا
لدرجه اني بقيت بروح مقابلات القاهره لوحدي
ولو حظي حلو بلاقي واحد اسكندراني هناك
زي الاخ الفاضل محمد علي لما روحنا مقابله كيا
وهيثم 2000 برضه في مقابله كيا
والاخ محمد بحري في مقابله افطار رمضان
وكنت انا وحبيبي محمد عبد الرحمن بننظم مقابلات الاسكندرانيه
وهو عنده ظروف بقاله فتره ومش بيدخل المنتدي كتير
وانا مش لاقي اي تفاعل ظاهر من الاسكندرانيه علشان اتشجع واعمل مقابله
ففيه ايه يا جماعه ؟؟؟؟؟؟؟؟؟؟؟؟؟؟
انتم فين ؟؟؟؟؟؟؟؟؟؟؟؟؟؟؟
حد زعلان مننا في حاجه
حد طلب مننا حاجه وقصرنا معاه ؟؟؟؟؟؟؟؟؟
فينك يا محمد يا طويل بتصل بيك ومش بترد عليا
دكتور محمد السعدني عنده ظروف شغله وربنا معاه ويزيده من علمه
عميد المنتدي جمال باشا مش بيتاخر علينا ولو عنده ظروف بيتصل يعتذر
احمد عبد العزيز علطول معايا علي اتصال
محمد عبد الرحمن بيجيلي المحل كل فتره
مايكل لانوس بشوفه كل فتره والراجل علي استعداد للحضور اي وقت
فين باقيناااااااااااااااااااااا
وفيه جروب اسكندريه معمول من فتره علي المنتدي
وكل المشتركين فيه 10 اعضاء
دا لينك الجروب يا ريت لو نشترك فيه كلنا لسهوله التواصل وعلشان اقدر ابعت رسايل للناس لما نيجي نعمل مقابله
ALEXANDRIA GROUP

يا ريت لو نتجمع من تاني
علشان وحشتوني

محمد الشنوري

[youssefmustang]

معلش يا استاذ shnory بس ممكن تكون فيه ظروف مش مخليا الواحد يعرف يتحرك بس موضوع جامد فعلا انت حسستنى انى فعلا بقى ليا عائلة تانية وحاسس انى فى وسط اخواتى بالموضوع ده
وبربنا يديم المعروف
اخوكم يوسف

[eslamrace]

والله يا شنورى انا من زمان نفسى احضر اى مقابله لنايل موتورز ولكن للاسف لظروف تواجدى خارج مصر مش قادر اشارك غير على صفحات المنتدى

ولكن ان شاء الله اول لما انزل مصر ححاول اكون متواجد دائما خاصه فى مقابلات اسكندريه

بس اهم حاجه انت متكونش زعلان مننا وبعدين ايه اخبار عربيتك

[icehearted girl]

الاسكندرانية بح ولا اي؟؟؟

دا كدا نقفل البوابات ع الصحراوي عشان تحافظوا علي التعداد السكاني من الانهيار..

[remomemo]

وبيتريقو على مقابلة البنات احنا اجدع منكم بقى هههههههههههههه

احنا رحنا القاهرة والرجالة موش قادرين يتقابلو فى اسكندريه

[جمال]

الاسكندرانية بح ولا اي؟؟؟

دا كدا نقفل البوابات ع الصحراوي عشان تحافظوا علي التعداد السكاني من الانهيار..

وبيتريقو على مقابلة البنات احنا اجدع منكم بقى هههههههههههههه


احنا رحنا القاهرة والرجالة موش قادرين يتقابلو فى اسكندريه

:_alshmokh08[1]::_alshmokh08[1]:

جبتلنا الكلام يا شنورى
يا شماتة ال............ فينا

[mido777]

شنورى حبيبى ..... واحشنى والله العظيم

ومكسوف منك جدا جدا

بجد والله مش قادر اقولك كمية الشغل والطحن اللى انا فيها الفترة اللى فاتت دى كلها
ده حتى ال 5 ايام الأجازة اللى كنت واخدهم بطلوع الروح
نزلت يومين منهم الشغل .. لأ وايه سفر كمان للقاهرة ولسه نازل يوم كمان ....


حتلاقينى بطب عليك بدون ميعاد قريب جدا ...
وكمان علشان الموضوع اللى عايزين نتكلم فبه

[dr-mohamed]

وبيتريقو على مقابلة البنات احنا اجدع منكم بقى هههههههههههههه


احنا رحنا القاهرة والرجالة موش قادرين يتقابلو فى اسكندريه

:_alshmokh08[1]::_alshmokh08[1]:

بصراحة مش لاقي رد غير

هههههههههههههههههههههههههههههههههههههههههه


وبعدين شنوري بيه انت ليه عايز تحرمنا من اننا ممكن نشوفك هنا في القاهرة ؟؟؟؟؟؟؟؟؟؟؟

[Ghost2]

لالالالا انا اعرف عن الاسكندرانية انهم جدعان ... ومحدش يزعل شنوري يا جماعة .. الراجل ده محترم .. ومن الزعماء هنا .. اطيعو الزعيم شنووووووووووووووووري

[power]

والله انا اول رمضان اقترحت تنظيم مقاله في الاسكندريه في منتجع لاجون علي الاستاذ كريم منير بس هو اعتذر برقه وقال ان المقابلات اللي خارج العاصمه دايما بتفشل لقله عدد الحضور رغم انى كنت ناوي اعمل شغل جامد بس يا خساره

[Samah AbdAllah]

كريم منير هو سبب الفتنة يعنى يبقا اعلنوا العصيان والتمرد على كريم

وبعدين بنات اسكندرية مش بس سافروا القاهرة ولا وبيتقابلوا هنا كمان ودائما على اتصال

لازم نعمل ثورة وتبقا كل المقابلات هنا فى اليكس واللى بيحب نايل موتورز ييجى مقابلاته فى اى مكان ولا ايه

ونعتبره اختبار ولاء لنايل موتورز

[icehearted girl]

حد يحدف البنت دي بطوبة


بسكوتة اسكتي لحسن افرفتك :@

[mood_8210]

انا معاك يا شنورى لو حتعمل مقابلة فى اسكندرية

[SHNORY]

جبتلنا الكلام يا شنورى
يا شماتة ال............ فينا

جمال باشا محدش يقدر يتكلم علينا ولا يفتح بقه
احنا عارفين نفسنا كويس

شنورى حبيبى ..... واحشنى والله العظيم

ومكسوف منك جدا جدا :zb_sor1[1]:

بجد والله مش قادر اقولك كمية الشغل والطحن اللى انا فيها الفترة اللى فاتت دى كلها
ده حتى ال 5 ايام الأجازة اللى كنت واخدهم بطلوع الروح
نزلت يومين منهم الشغل .. لأ وايه سفر كمان للقاهرة ولسه نازل يوم كمان ....:_alshmokh08[1]:


حتلاقينى بطب عليك بدون ميعاد قريب جدا ...
وكمان علشان الموضوع اللى عايزين نتكلم فبه :b4_048:

انت بالذات يا طويل انا زعلان منك جداااااااااااا
لانك اكتر واحد بتصل بيه ومش بيعبرني
وللحق يعني ان محمد الطويل قبل سفره لفرنسا 4 ساعات اتصلت بيه وكنت محتاجه في طوارئ
والراجل ساب تجهيز شنطه ونزل وفضل معايا لحد ما حلينا المشكله
بس برضه زعلااااااااااااااااااااااااان
علشان ده عيش وملح

بصراحة مش لاقي رد غير

هههههههههههههههههههههههههههههههههههههههههه


وبعدين شنوري بيه انت ليه عايز تحرمنا من اننا ممكن نشوفك هنا في القاهرة ؟؟؟؟؟؟؟؟؟؟؟

يا باشا انا مقدرش مشوفكوش
واللي مش حييجي من القاهره احنا نروحله

لالالالا انا اعرف عن الاسكندرانية انهم جدعان ... ومحدش يزعل شنوري يا جماعة .. الراجل ده محترم .. ومن الزعماء هنا .. اطيعو الزعيم شنووووووووووووووووري

معلش يا باشا حقول ايه بس
الاسد لما بيقع القطط بتتنطط علي كتافه

والله انا اول رمضان اقترحت تنظيم مقاله في الاسكندريه في منتجع لاجون علي الاستاذ كريم منير بس هو اعتذر برقه وقال ان المقابلات اللي خارج العاصمه دايما بتفشل لقله عدد الحضور رغم انى كنت ناوي اعمل شغل جامد بس يا خساره

يا باشا مقابلات اسكندريه من اقوي المقابلات اللي بتتعمل ومفيش في جمالها
وكنا خلاص قربنا نخلي اسكندريه عاصمه المقابلات الاولي
بس حصل خلل مره واحده وكل الناس انشغلت وانعدم التواصل

كريم منير هو سبب الفتنة يعنى يبقا اعلنوا العصيان والتمرد على كريم

وبعدين بنات اسكندرية مش بس سافروا القاهرة ولا وبيتقابلوا هنا كمان ودائما على اتصال

لازم نعمل ثورة وتبقا كل المقابلات هنا فى اليكس واللى بيحب نايل موتورز ييجى مقابلاته فى اى مكان ولا ايه

ونعتبره اختبار ولاء لنايل موتورز

ربنا يخليكم لبعض وتتواصلوا علطول
قبل ما نقفل تسجيل البنات في المنتدي ونخليه رجالي فقط

حد يحدف البنت دي بطوبة


بسكوتة اسكتي لحسن افرفتك :@

ممنوع حدف الطوب علشان سيارات الاعضاء
بس ممكن توريها افظع كابوس ممكن تحلم بيه اي بسكوته
كبايه شاي بحليب ويتم اعدامها جواه

[SHNORY]

معلش يا استاذ shnory بس ممكن تكون فيه ظروف مش مخليا الواحد يعرف يتحرك بس موضوع جامد فعلا انت حسستنى انى فعلا بقى ليا عائلة تانية وحاسس انى فى وسط اخواتى بالموضوع ده
وبربنا يديم المعروف
اخوكم يوسف

يا باشا لو مكناش عيله واحده مكانش الواحد زعل والله
ومفيش حاجه اسمها ظروف مش عارف تتحرك منها
مقابله اخواتنا دا واجب علينا
لان كلهم سايبين اشغالهم وبيوتهم وجايين علشان يشوفونا
نظم ظروفك يا باشا واحنا نعملك مقابله مخصوص

والله يا شنورى انا من زمان نفسى احضر اى مقابله لنايل موتورز ولكن للاسف لظروف تواجدى خارج مصر مش قادر اشارك غير على صفحات المنتدى :zb_sor1[1]:

ولكن ان شاء الله اول لما انزل مصر ححاول اكون متواجد دائما خاصه فى مقابلات اسكندريه

بس اهم حاجه انت متكونش زعلان مننا وبعدين ايه اخبار عربيتك

يا باشا باذن الله تنور مصر كلها بوجودك
ومن غير مقابلات كمان لازم اشوفك
العربيه هااااااانت المفروض اخدها قبل العيد
والله لو اعرف ان موضوعها حيطول كده وان فيها كميه البارومه العجيبه دي انا كنت بيعتها وجيت غيرها
بس الخيره فيما اختاره الله

الاسكندرانية بح ولا اي؟؟؟

دا كدا نقفل البوابات ع الصحراوي عشان تحافظوا علي التعداد السكاني من الانهيار..

الاسكندرانيه اسود يا افندم
ولا بوابه ولا سور الصين حتي ويوقفهم عن واجبهم ناحيه بعض

وبيتريقو على مقابلة البنات احنا اجدع منكم بقى هههههههههههههه


احنا رحنا القاهرة والرجالة موش قادرين يتقابلو فى اسكندريه

:_alshmokh08[1]::_alshmokh08[1]:

طيب اتفرجي علي مقابلات الاسكندرانيه ومتقوليش لحد
وكله موجود بالصور والفيديوا علي المنتدي

:u_thin1[1]:

انا معاك يا شنورى لو حتعمل مقابلة فى اسكندرية

حبيبييييييييييييييييييييييييييييييي
الاسد الفرنسي
اخبار معاليك ايه يا باشا
والله واحشني كتييييييييييير جدااااااااااا
واي وقت تنزل فيه اسكندريه كلمني ونتقابل المحل بتاعي مكانه ميتوهش
نتقابل عندي او نروح اي حته
والله انا لو حتعملوا مقابله علي الرصيف او في ارض مهجوره حروح برضه
=================
معلش في لخبطه في ترتيب الاقتباسات بس المهم اني رديت عليكم كلكم