إعـــــــلان

Collapse

.

,
See more
See less

احسبها صح ...........................تعيشها صح

Collapse
X
 
  • Filter
  • الوقت
  • Show
Clear All
new posts

  • احسبها صح ...........................تعيشها صح

    احسبها صح ...........................تعيشها صح
    وعجبى

    مفيش حاجة واجعه قلبى ومسببة لى مغص فى ضوافر رجلى زى الاعلان الغريب اللى بيطاردنى فى شوارع المحروسة بالاضافة للتلفزيون واللى شعارة
    تحسبها صح .... تعيشها صح ...
    مستفزززززز جدا .....
    واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!! يا سلااااااام!! طب إيه العلاقه؟؟؟!! ....
    وواحد تاني بيوفر فى استهلاك الكهربا واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!!
    و مدام رمش العين وفرت من مصروفها وجابت لاب توب !!!
    مصروف إيه فى ليلتكم الزرقا على دماغكم إللى بيجيب لاب توب ده؟!!! وطبعا فى الاخر الجملة الاكثر استفزاززززززززز فى المجرة الارضية والله متعديش حتى على الهنود
    وعليه...... خدوا عندكم بقا من عندى.... هِيّا جت عليّا انا يعنى ؟؟؟!! ....
    توتى وفر فى فلوس المخدرات بتاعته وجاب عربية هامر جديده !!
    تحسبها صح .... تعيشها صح .....
    نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش راجعه !!
    تحسبها صح .... تعيشها صح .....
    سهير بتشرب علبة سجاير واحدة بس بدل اتنين وبفلوسها حجزت شهر فى الفورسيييييزووون فى الرويال سويت!
    تحسبها صح .... تعيشها صح.....
    حنكش قلِّب باقية فلوس العيش اللى مامته كانت بتديهالو وبيهم دفع مصاريف الجامعة الامريكية !!
    تحسبها صح .... تعيشها صح.....
    عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل !!
    تحسبها صح .... تعيشها صح .....
    عادل صاحب شركة استيراد خصم من كل الموظفين 10 ايام وبيهم جاب خاتم سوليتير للفيونكه بتاعته !!
    تحسبها صح .... تعيشها صح.....
    صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !!
    تحسبها صح .... تعيشها صح .....
    طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحه فى لندن وبيقضى شهر العسل فى الكاريبى !! تحسبها صح .... تعيشها صح.....
    نداء الى اصحاب القلوب الرحيمة وجمعيات الرفق بالانسان والحيوان.... اوقفوا هذا الاعلان
    أو وفروا لنا أدوية مكافحة الحمووووووضة




    منقول للاحلى منتدى


    ------------------------------------------------------------------------------------------------
    برجاء عدم استخدام اللون الأحمر حيث أنه مخصص للمداخلات الإدارية

    مشرف الاجتماعي

  • #2
    ههههههههههههههه جامده موت

    والله عندك حق اعلانات تجيب مغص
    مشكووووووووووور على الموضوع الجامد ده
    http://store2.up-00.com/2015-11/1448722430351.jpeg[CENTER]my new car [/CENTER]

    Comment


    • #3
      يا سيدي عالأقل نصيحة للناس و خلاص يمكن حد يختشي على دمه و يقلل من الأكل برة في الشارع و استهلاك المية و الكهربا ليل مع نهار و التوفير في حاجات كتير بدل ما الناس بقت طلباتها اكتر من أي دخل يجيلها و بقت شايلة الهم على طول و كل هما تكبش منين علشان تلاحق عالمصاريف المتلتلة

      لا شيء يتفوق على اعلانات سكك حديد مصر زي ما انا قلت قبل كده في موضوع سابق

      المصري اللي على حق...........يقول للغلط لأ
      (ويستحمل التلطيش بئى و الغز)
      [SIGPIC][/SIGPIC]

      Comment


      • #4
        جايز على المستوى الفردى مايكونش التوفير بالدرجة المبالغ فيها و المذكورة فى الاعلان، لكن على المستوى العام فعلا احنا محتاجين للترشيد فى استخدام الموارد فى كل حاجة زى الميه و الكهرباء و غيرها لان فعلا الموارد دى فيها اهدار مهول و نحن كشعب نتعامل معها بسفه كبير و كأنها موارد لا تنضب و هو الشئ غير الحقيقى......

        Comment


        • #5
          انت مقصر فى توعية الشعب وتثقيفهم ده مشكلة الحكومة فى الاول والاخر
          هى اللى سابت الحبل على الغارب
          هى اللى سمحت للبنوك تطلع عربيات لضعفها فى تنشيط النقل العام
          هى اللى خالت الفساد على عينك يا تاجر

          ان مليش دعوة بحد وعلى متخذى القرار انهم يتحركوا شوية كفاية سرقة ونهب

          Comment


          • #6
            المشاركة الأصلية كتبت بواسطة ashraf229 مشاهدة المشاركة
            يا سيدي عالأقل نصيحة للناس و خلاص يمكن حد يختشي على دمه و يقلل من الأكل برة في الشارع و استهلاك المية و الكهربا ليل مع نهار و التوفير في حاجات كتير بدل ما الناس بقت طلباتها اكتر من أي دخل يجيلها و بقت شايلة الهم على طول و كل هما تكبش منين علشان تلاحق عالمصاريف المتلتلة

            لا شيء يتفوق على اعلانات سكك حديد مصر زي ما انا قلت قبل كده في موضوع سابق

            المصري اللي على حق...........يقول للغلط لأ
            (ويستحمل التلطيش بئى و الغز)
            المصري اللي على حق .......يشتغل سواق ميكروباص ويقف في نص الشارع ويقولك ما تحاسب يااعمى...هو ده بقه المصري اللي على حق

            اعلانات غير منطقية تثير اشمئزازنا
            [LEFT][FONT=Arial Black][COLOR=#bf0000][SIZE=4][B]Pure Engineering, Pure Satisfaction[/B][/SIZE][/COLOR][/FONT]
            [LEFT]
            [/LEFT]
            [/LEFT]

            Comment


            • #7
              هى ده فكرة الحكومة للشعب
              والتخاطب معاه
              يعنى تستعين بشعبان عبدالرحيم وشوية ناس ممعاهمش الابتدائية
              لنصح وارشاد الشعب للافلونزا الطيور وتنبيه الشباب بمخاطر الادمان والبطالةوالزواج العرفى واعلانات وظائف ب 200 جنيه وكلام فارغ كتيييييييييييييييييييييييييير


              اسطونات شغالة من ايام الملك ومبتتغيرش

              Comment


              • #8
                جامده موت
                سبحانك اللهم وبحمدك ، أشهد أن لا إله إلا أنت أستغفرك وأتوب إليك

                Comment


                • #9
                  يبقى انت اكيد فى مصر.....
                  LORD.ADEL

                  Comment


                  • #10
                    معروف ان دي اعلانات الحكومة اللي بتضحك بيها ع الشعب
                    [mshosh2][url=http://www.postimage.org/][img]http://s3.postimage.org/z1xf3bakp/image.jpg[/img][/url][/mshosh2]
                    [CENTER][B][I][FONT="Arial Black"]Mahmoud Fayed[/FONT][/I][/B][/CENTER]

                    Comment


                    • #11
                      المشاركة الأصلية كتبت بواسطة lord.adel مشاهدة المشاركة
                      يبقى انت اكيد فى مصر.....


                      ماهى ده النقطة السودا فى حيتنا

                      Comment


                      • #12
                        المشاركة الأصلية كتبت بواسطة mohamed_abzo مشاهدة المشاركة
                        ماهى ده النقطة السودا فى حيتنا
                        LORD.ADEL

                        Comment


                        • #13
                          حكومتنا بس بتحب ترفه عن الشعب شوية ..

                          بس كل مرة بتغير شكل الترفيه عشان مانزهقش


                          ممكن رمضان الجاي يجيبوا واحد سواق تاكسي ماسك ظابط مرور بيضربه و الظابط بيقوله حرام عليك يا مفتري ارحمني و لا يعني عشان انا حتة ظابط و انت سواق تاكسي قد الدنيا .. و في اخر الاعلان ( ارحموا عزيز قوم ذل )
                          [CENTER][FONT=Century Gothic][SIZE=5][COLOR=#6ab352][B]:clover: Be Green :clover: [/B][/COLOR][/SIZE][/FONT][/CENTER]
                          [CENTER][B][FONT=Century Gothic][SIZE=5][COLOR=#6ab352]Environment is Us[/COLOR][/SIZE][/FONT][/B][/CENTER]
                          [CENTER]:vctry:[/CENTER]

                          Comment


                          • #14
                            المشاركة الأصلية كتبت بواسطة lord_fouad مشاهدة المشاركة
                            حكومتنا بس بتحب ترفه عن الشعب شوية ..

                            بس كل مرة بتغير شكل الترفيه عشان مانزهقش


                            ممكن رمضان الجاي يجيبوا واحد سواق تاكسي ماسك ظابط مرور بيضربه و الظابط بيقوله حرام عليك يا مفتري ارحمني و لا يعني عشان انا حتة ظابط و انت سواق تاكسي قد الدنيا .. و في اخر الاعلان ( ارحموا عزيز قوم ذل )


                            حلوة قوى التعليق ده وعلى فكرة كده كده هيحصل بس ياريت تيجى على الضرب بس

                            Comment

                            Working...
                            X